← Library

5 Saccayamaka — 5.2 Pavattivāra — 5.2.1. Uppādavāra

Early Buddhist texts (SuttaCentral): Abhidhamma · abhidhamma · 306 sections

1. ya5.2.1:0.1

   5 Saccayamaka

2. ya5.2.1:0.2

   5.2 Pavattivāra

3. ya5.2.1:0.3

   5.2.1. Uppādavāra

4. ya5.2.1:1.0.1

   5.2.1.1. Paccuppannavāra

5. ya5.2.1:1.0.2

   5.2.1.1.1. Anulomapuggala

6. ya5.2.1:1.1

   Yassa dukkhasaccaṁ uppajjati tassa samudayasaccaṁ uppajjatīti?

7. ya5.2.1:2.1

   Sabbesaṁ upapajjantānaṁ pavatte taṇhāvippayuttacittassa uppādakkhaṇe tesaṁ dukkhasaccaṁ uppajjati, no ca tesaṁ samudayasaccaṁ uppajjati. Taṇhāya uppādakkhaṇe tesaṁ dukkhasaccañca uppajjati samudayasaccañca uppajjati.

8. ya5.2.1:3.1

   Yassa vā pana samudayasaccaṁ uppajjati tassa dukkhasaccaṁ uppajjatīti? Āmantā.

9. ya5.2.1:4.1

   Yassa dukkhasaccaṁ uppajjati tassa maggasaccaṁ uppajjatīti?

10. ya5.2.1:5.1

    Sabbesaṁ upapajjantānaṁ pavatte maggavippayuttacittassa uppādakkhaṇe tesaṁ dukkhasaccaṁ uppajjati, no ca tesaṁ maggasaccaṁ uppajjati. Pañcavokāre maggassa uppādakkhaṇe tesaṁ dukkhasaccañca uppajjati maggasaccañca uppajjati.

11. ya5.2.1:6.1

    Yassa vā pana maggasaccaṁ uppajjati tassa dukkhasaccaṁ uppajjatīti?

12. ya5.2.1:7.1

    Arūpe maggassa uppādakkhaṇe tesaṁ maggasaccaṁ uppajjati, no ca tesaṁ dukkhasaccaṁ uppajjati. Pañcavokāre maggassa uppādakkhaṇe tesaṁ maggasaccañca uppajjati dukkhasaccañca uppajjati.

13. ya5.2.1:8.1

    Yassa samudayasaccaṁ uppajjati tassa maggasaccaṁ uppajjatīti? No.

14. ya5.2.1:9.1

    Yassa vā pana maggasaccaṁ uppajjati tassa samudayasaccaṁ uppajjatīti? No.

15. ya5.2.1:10.0

    5.2.1.1.2. Anulomaokāsa

16. ya5.2.1:10.1

    Yattha dukkhasaccaṁ uppajjati tattha samudayasaccaṁ uppajjatīti?

17. ya5.2.1:11.1

    Asaññasatte tattha dukkhasaccaṁ uppajjati, no ca tattha samudayasaccaṁ uppajjati. Catuvokāre pañcavokāre tattha dukkhasaccañca uppajjati samudayasaccañca uppajjati.

18. ya5.2.1:12.1

    Yattha vā pana …pe… ? Āmantā.

19. ya5.2.1:13.1

    Yattha dukkhasaccaṁ uppajjati tattha maggasaccaṁ uppajjatīti?

20. ya5.2.1:14.1

    Apāye asaññasatte tattha dukkhasaccaṁ uppajjati, no ca tattha maggasaccaṁ uppajjati. Avasese catuvokāre pañcavokāre tattha dukkhasaccañca uppajjati maggasaccañca uppajjati.

21. ya5.2.1:15.1

    Yattha vā pana maggasaccaṁ uppajjati tattha dukkhasaccaṁ uppajjatīti? Āmantā.

22. ya5.2.1:16.1

    Yattha samudayasaccaṁ uppajjati tattha maggasaccaṁ uppajjatīti?

23. ya5.2.1:17.1

    Apāye tattha samudayasaccaṁ uppajjati, no ca tattha maggasaccaṁ uppajjati. Avasese catuvokāre pañcavokāre tattha samudayasaccañca uppajjati maggasaccañca uppajjati.

24. ya5.2.1:18.1

    Yattha vā pana …pe… ? Āmantā.

25. ya5.2.1:19.0

    5.2.1.1.3. Anulomapuggalokāsa

26. ya5.2.1:19.1

    Yassa yattha dukkhasaccaṁ uppajjati tassa tattha samudayasaccaṁ uppajjatīti? …pe….

27. ya5.2.1:20.1

    (Yassakampi yassayatthakampi sadisaṁ vitthāretabbaṁ.)

28. ya5.2.1:21.0

    5.2.1.1.4. Paccanīkapuggala

29. ya5.2.1:21.1

    Yassa dukkhasaccaṁ nuppajjati tassa samudayasaccaṁ nuppajjatīti? Āmantā.

30. ya5.2.1:22.1

    Yassa vā pana samudayasaccaṁ nuppajjati tassa dukkhasaccaṁ nuppajjatīti?

31. ya5.2.1:23.1

    Sabbesaṁ upapajjantānaṁ pavatte taṇhāvippayuttacittassa uppādakkhaṇe tesaṁ samudayasaccaṁ nuppajjati, no ca tesaṁ dukkhasaccaṁ nuppajjati. Sabbesaṁ cavantānaṁ pavatte cittassa bhaṅgakkhaṇe arūpe maggassa ca phalassa ca uppādakkhaṇe tesaṁ samudayasaccañca nuppajjati dukkhasaccañca nuppajjati.

32. ya5.2.1:24.1

    Yassa dukkhasaccaṁ nuppajjati tassa maggasaccaṁ nuppajjatīti?

33. ya5.2.1:25.1

    Arūpe maggassa uppādakkhaṇe tesaṁ dukkhasaccaṁ nuppajjati, no ca tesaṁ maggasaccaṁ nuppajjati. Sabbesaṁ cavantānaṁ pavatte cittassa bhaṅgakkhaṇe arūpe phalassa uppādakkhaṇe tesaṁ dukkhasaccañca nuppajjati maggasaccañca nuppajjati.

34. ya5.2.1:26.1

    Yassa vā pana maggasaccaṁ nuppajjati tassa dukkhasaccaṁ nuppajjatīti?

35. ya5.2.1:27.1

    Sabbesaṁ upapajjantānaṁ pavatte maggavippayuttacittassa uppādakkhaṇe tesaṁ maggasaccaṁ nuppajjati, no ca tesaṁ dukkhasaccaṁ nuppajjati. Sabbesaṁ cavantānaṁ pavatte cittassa bhaṅgakkhaṇe arūpe phalassa uppādakkhaṇe tesaṁ maggasaccañca nuppajjati dukkhasaccañca nuppajjati.

36. ya5.2.1:28.1

    Yassa samudayasaccaṁ nuppajjati tassa maggasaccaṁ nuppajjatīti?

37. ya5.2.1:29.1

    Maggassa uppādakkhaṇe tesaṁ samudayasaccaṁ nuppajjati, no ca tesaṁ maggasaccaṁ nuppajjati. Sabbesaṁ cittassa bhaṅgakkhaṇe taṇhāvippayuttamaggavippayuttacittassa uppādakkhaṇe nirodhasamāpannānaṁ asaññasattānaṁ tesaṁ samudayasaccañca nuppajjati maggasaccañca nuppajjati.

38. ya5.2.1:30.1

    Yassa vā pana maggasaccaṁ nuppajjati tassa samudayasaccaṁ nuppajjatīti?

39. ya5.2.1:31.1

    Taṇhāya uppādakkhaṇe tesaṁ maggasaccaṁ nuppajjati, no ca tesaṁ samudayasaccaṁ nuppajjati. Sabbesaṁ cittassa bhaṅgakkhaṇe maggavippayuttataṇhāvippayuttacittassa uppādakkhaṇe nirodhasamāpannānaṁ asaññasattānaṁ tesaṁ maggasaccañca nuppajjati samudayasaccañca nuppajjati.

40. ya5.2.1:32.0

    5.2.1.1.5. Paccanīkaokāsa

41. ya5.2.1:32.1

    Yattha dukkhasaccaṁ nuppajjati tattha samudayasaccaṁ nuppajjatīti? Natthi.

42. ya5.2.1:33.1

    Yattha vā pana samudayasaccaṁ nuppajjati tattha dukkhasaccaṁ nuppajjatīti? Uppajjati.

43. ya5.2.1:34.1

    Yattha dukkhasaccaṁ nuppajjati tattha maggasaccaṁ nuppajjatīti? Natthi.

44. ya5.2.1:35.1

    Yattha vā pana maggasaccaṁ nuppajjati tattha dukkhasaccaṁ nuppajjatīti? Uppajjati.

45. ya5.2.1:36.1

    Yattha samudayasaccaṁ nuppajjati tattha maggasaccaṁ nuppajjatīti? Āmantā.

46. ya5.2.1:37.1

    Yattha vā pana maggasaccaṁ nuppajjati tattha samudayasaccaṁ nuppajjatīti?

47. ya5.2.1:38.1

    Apāye tattha maggasaccaṁ nuppajjati, no ca tattha samudayasaccaṁ nuppajjati. Asaññasatte tattha maggasaccañca nuppajjati samudayasaccañca nuppajjati.

48. ya5.2.1:39.0

    5.2.1.1.6. Paccanīkapuggalokāsa

49. ya5.2.1:39.1

    Yassa yattha dukkhasaccaṁ nuppajjati tassa tattha samudayasaccaṁ nuppajjatīti? Āmantā.

50. ya5.2.1:40.1

    Yassa vā pana yattha samudayasaccaṁ nuppajjati tassa tattha dukkhasaccaṁ nuppajjatīti?

51. ya5.2.1:41.1

    Sabbesaṁ upapajjantānaṁ pavatte taṇhāvippayuttacittassa uppādakkhaṇe tesaṁ tattha samudayasaccaṁ nuppajjati, no ca tesaṁ tattha dukkhasaccaṁ nuppajjati. Sabbesaṁ cavantānaṁ pavatte cittassa bhaṅgakkhaṇe arūpe maggassa ca phalassa ca uppādakkhaṇe tesaṁ tattha samudayasaccañca nuppajjati dukkhasaccañca nuppajjati.

52. ya5.2.1:42.1

    Yassa yattha dukkhasaccaṁ nuppajjati tassa tattha maggasaccaṁ nuppajjatīti?

53. ya5.2.1:43.1

    Arūpe maggassa uppādakkhaṇe tesaṁ tattha dukkhasaccaṁ nuppajjati, no ca tesaṁ tattha maggasaccaṁ nuppajjati. Sabbesaṁ cavantānaṁ pavatte cittassa bhaṅgakkhaṇe arūpe phalassa uppādakkhaṇe tesaṁ tattha dukkhasaccañca nuppajjati maggasaccañca nuppajjati.

54. ya5.2.1:44.1

    Yassa vā pana yattha maggasaccaṁ nuppajjati tassa tattha dukkhasaccaṁ nuppajjatīti?

55. ya5.2.1:45.1

    Sabbesaṁ upapajjantānaṁ pavatte maggavippayuttacittassa uppādakkhaṇe tesaṁ tattha maggasaccaṁ nuppajjati, no ca tesaṁ tattha dukkhasaccaṁ nuppajjati. Sabbesaṁ cavantānaṁ pavatte cittassa bhaṅgakkhaṇe arūpe phalassa uppādakkhaṇe tesaṁ tattha maggasaccañca nuppajjati dukkhasaccañca nuppajjati.

56. ya5.2.1:46.1

    Yassa yattha samudayasaccaṁ nuppajjati tassa tattha maggasaccaṁ nuppajjatīti?

57. ya5.2.1:47.1

    Maggassa uppādakkhaṇe tesaṁ tattha samudayasaccaṁ nuppajjati, no ca tesaṁ tattha maggasaccaṁ nuppajjati. Sabbesaṁ cittassa bhaṅgakkhaṇe taṇhāvippayuttamaggavippayuttacittassa uppādakkhaṇe asaññasattānaṁ tesaṁ tattha samudayasaccañca nuppajjati maggasaccañca nuppajjati.

58. ya5.2.1:48.1

    Yassa vā pana yattha maggasaccaṁ nuppajjati tassa tattha samudayasaccaṁ nuppajjatīti?

59. ya5.2.1:49.1

    Taṇhāya uppādakkhaṇe tesaṁ tattha maggasaccaṁ nuppajjati, no ca tesaṁ tattha samudayasaccaṁ nuppajjati. Sabbesaṁ cittassa bhaṅgakkhaṇe maggavippayuttataṇhāvippayuttacittassa uppādakkhaṇe asaññasattānaṁ tesaṁ tattha maggasaccañca nuppajjati samudayasaccañca nuppajjati.

60. ya5.2.1:50.0.1

    5.2.1.2. Atītavāra

61. ya5.2.1:50.0.2

    5.2.1.2.1. Anulomapuggala

62. ya5.2.1:50.1

    Yassa dukkhasaccaṁ uppajjittha tassa samudayasaccaṁ uppajjitthāti? Āmantā.

63. ya5.2.1:51.1

    Yassa vā pana samudayasaccaṁ uppajjittha tassa dukkhasaccaṁ uppajjitthāti? Āmantā.

64. ya5.2.1:52.1

    Yassa dukkhasaccaṁ uppajjittha tassa maggasaccaṁ uppajjitthāti?

65. ya5.2.1:53.1

    Anabhisametāvīnaṁ tesaṁ dukkhasaccaṁ uppajjittha, no ca tesaṁ maggasaccaṁ uppajjittha. Abhisametāvīnaṁ tesaṁ dukkhasaccañca uppajjittha maggasaccañca uppajjittha.

66. ya5.2.1:54.1

    Yassa vā pana …pe… uppajjitthāti? Āmantā.

67. ya5.2.1:55.1

    Yassa samudayasaccaṁ uppajjittha tassa maggasaccaṁ uppajjitthāti?

68. ya5.2.1:56.1

    Anabhisametāvīnaṁ tesaṁ samudayasaccaṁ uppajjittha, no ca tesaṁ maggasaccaṁ uppajjittha. Abhisametāvīnaṁ tesaṁ samudayasaccañca uppajjittha maggasaccañca uppajjittha.

69. ya5.2.1:57.1

    Yassa vā pana …pe… uppajjitthāti? Āmantā.

70. ya5.2.1:58.0

    5.2.1.2.2. Anulomaokāsa

71. ya5.2.1:58.1

    Yattha dukkhasaccaṁ uppajjittha …pe….

72. ya5.2.1:59.1

    (Yatthakampi sabbattha sadisaṁ. Tantinānākaraṇaṁ heṭṭhā yatthakasadisaṁ.)

73. ya5.2.1:60.0

    5.2.1.2.3. Anulomapuggalokāsa

74. ya5.2.1:60.1

    Yassa yattha dukkhasaccaṁ uppajjittha tassa tattha samudayasaccaṁ uppajjitthāti?

75. ya5.2.1:61.1

    Suddhāvāsānaṁ dutiye citte vattamāne asaññasattānaṁ tesaṁ tattha dukkhasaccaṁ uppajjittha, no ca tesaṁ tattha samudayasaccaṁ uppajjittha. Itaresaṁ catuvokārānaṁ pañcavokārānaṁ tesaṁ tattha dukkhasaccañca uppajjittha samudayasaccañca uppajjittha.

76. ya5.2.1:62.1

    Yassa vā pana yattha …pe… uppajjitthāti? Āmantā.

77. ya5.2.1:63.1

    Yassa yattha dukkhasaccaṁ uppajjittha tassa tattha maggasaccaṁ uppajjitthāti?

78. ya5.2.1:64.1

    Suddhāvāsānaṁ dutiye citte vattamāne anabhisametāvīnaṁ asaññasattānaṁ tesaṁ tattha dukkhasaccaṁ uppajjittha, no ca tesaṁ tattha maggasaccaṁ uppajjittha. Abhisametāvīnaṁ tesaṁ tattha dukkhasaccañca uppajjittha maggasaccañca uppajjittha.

79. ya5.2.1:65.1

    Yassa vā pana yattha …pe… uppajjitthāti? Āmantā.

80. ya5.2.1:66.1

    Yassa yattha samudayasaccaṁ uppajjittha tassa tattha maggasaccaṁ uppajjitthāti?

81. ya5.2.1:67.1

    Suddhāvāsānaṁ dutiye akusale citte vattamāne anabhisametāvīnaṁ tesaṁ tattha samudayasaccaṁ uppajjittha, no ca tesaṁ tattha maggasaccaṁ uppajjittha. Abhisametāvīnaṁ tesaṁ tattha samudayasaccañca uppajjittha maggasaccañca uppajjittha.

82. ya5.2.1:68.1

    Yassa vā pana yattha …pe… uppajjitthāti? Āmantā.

83. ya5.2.1:69.0

    5.2.1.2.4. Paccanīkapuggala

84. ya5.2.1:69.1

    Yassa dukkhasaccaṁ nuppajjittha tassa samudayasaccaṁ nuppajjitthāti? Natthi.

85. ya5.2.1:70.1

    Yassa vā pana …pe… nuppajjitthāti? Natthi.

86. ya5.2.1:71.1

    Yassa dukkhasaccaṁ nuppajjittha tassa maggasaccaṁ nuppajjitthāti? Natthi.

87. ya5.2.1:72.1

    Yassa vā pana maggasaccaṁ nuppajjittha tassa dukkhasaccaṁ nuppajjitthāti? Uppajjittha.

88. ya5.2.1:73.1

    Yassa samudayasaccaṁ nuppajjittha tassa maggasaccaṁ nuppajjitthāti? Natthi.

89. ya5.2.1:74.1

    Yassa vā pana …pe… nuppajjitthāti? Uppajjittha.

90. ya5.2.1:75.0

    5.2.1.2.5. Paccanīkaokāsa

91. ya5.2.1:75.1

    Yattha dukkhasaccaṁ nuppajjittha …pe….

92. ya5.2.1:76.0

    5.2.1.2.6. Paccanīkapuggalokāsa

93. ya5.2.1:76.1

    Yassa yattha dukkhasaccaṁ nuppajjittha tassa tattha samudayasaccaṁ nuppajjitthāti? Āmantā.

94. ya5.2.1:77.1

    Yassa vā pana yattha samudayasaccaṁ nuppajjittha tassa tattha dukkhasaccaṁ nuppajjitthāti?

95. ya5.2.1:78.1

    Suddhāvāsānaṁ dutiye citte vattamāne asaññasattānaṁ tesaṁ tattha samudayasaccaṁ nuppajjittha, no ca tesaṁ tattha dukkhasaccaṁ nuppajjittha. Suddhāvāsaṁ upapajjantānaṁ tesaṁ tattha samudayasaccañca nuppajjittha dukkhasaccañca nuppajjittha.

96. ya5.2.1:79.1

    Yassa yattha dukkhasaccaṁ nuppajjittha tassa tattha maggasaccaṁ nuppajjitthāti? Āmantā.

97. ya5.2.1:80.1

    Yassa vā pana yattha maggasaccaṁ nuppajjittha tassa tattha dukkhasaccaṁ nuppajjitthāti?

98. ya5.2.1:81.1

    Suddhāvāsānaṁ dutiye citte vattamāne anabhisametāvīnaṁ asaññasattānaṁ tesaṁ tattha maggasaccaṁ nuppajjittha, no ca tesaṁ tattha dukkhasaccaṁ nuppajjittha. Suddhāvāsaṁ upapajjantānaṁ tesaṁ tattha maggasaccañca nuppajjittha dukkhasaccañca nuppajjittha.

99. ya5.2.1:82.1

    Yassa yattha samudayasaccaṁ nuppajjittha tassa tattha maggasaccaṁ nuppajjitthāti? Āmantā.

100. ya5.2.1:83.1

     Yassa vā pana yattha maggasaccaṁ nuppajjittha tassa tattha samudayasaccaṁ nuppajjitthāti?

Next → — showing 1–100 of 306

SuttaCentral (suttacentral.net), from the bilara-data and sc-data repositories. Licence: Public Domain. Source.