← Library

4 Dhātuyamaka — 4.2 Pavattivāra — 4.2.1. Uppādavāra

Early Buddhist texts (SuttaCentral): Abhidhamma · abhidhamma · 23 sections

1. ya4.2.1:0.1

   4 Dhātuyamaka

2. ya4.2.1:0.2

   4.2 Pavattivāra

3. ya4.2.1:0.3

   4.2.1. Uppādavāra

4. ya4.2.1:1.0.1

   4.2.1.1 Paccuppannavāra

5. ya4.2.1:1.0.2

   4.2.1.1.1. Anulomapuggala

6. ya4.2.1:1.1

   Yassa cakkhudhātu uppajjati tassa sotadhātu uppajjatīti?

7. ya4.2.1:2.1

   Sacakkhukānaṁ asotakānaṁ upapajjantānaṁ tesaṁ cakkhudhātu uppajjati, no ca tesaṁ sotadhātu uppajjati. Sacakkhukānaṁ sasotakānaṁ upapajjantānaṁ tesaṁ cakkhudhātu ca uppajjati sotadhātu ca uppajjati.

8. ya4.2.1:3.1

   Yassa vā pana sotadhātu uppajjati tassa cakkhudhātu uppajjatīti?

9. ya4.2.1:4.1

   Sasotakānaṁ acakkhukānaṁ upapajjantānaṁ tesaṁ sotadhātu uppajjati, no ca tesaṁ cakkhudhātu uppajjati. Sasotakānaṁ sacakkhukānaṁ upapajjantānaṁ tesaṁ sotadhātu ca uppajjati cakkhudhātu ca uppajjati.

10. ya4.2.1:5.1

    Yassa cakkhudhātu uppajjati tassa ghānadhātu uppajjatīti?

11. ya4.2.1:6.1

    Sacakkhukānaṁ aghānakānaṁ upapajjantānaṁ tesaṁ cakkhudhātu uppajjati, no ca tesaṁ ghānadhātu uppajjati. Sacakkhukānaṁ saghānakānaṁ upapajjantānaṁ tesaṁ cakkhudhātu ca uppajjati ghānadhātu ca uppajjati.

12. ya4.2.1:7.1

    Yassa vā pana ghānadhātu uppajjati tassa cakkhudhātu uppajjatīti?

13. ya4.2.1:8.1

    Saghānakānaṁ acakkhukānaṁ upapajjantānaṁ tesaṁ ghānadhātu uppajjati, no ca tesaṁ cakkhudhātu uppajjati. Saghānakānaṁ sacakkhukānaṁ upapajjantānaṁ tesaṁ ghānadhātu ca uppajjati cakkhudhātu ca uppajjati.

14. ya4.2.1:9.1

    Yassa cakkhudhātu uppajjati tassa rūpadhātu uppajjatīti? Āmantā.

15. ya4.2.1:10.1

    Yassa vā pana rūpadhātu uppajjati tassa cakkhudhātu uppajjatīti?

16. ya4.2.1:11.1

    Sarūpakānaṁ acakkhukānaṁ upapajjantānaṁ tesaṁ rūpadhātu uppajjati, no ca tesaṁ cakkhudhātu uppajjati. Sacakkhukānaṁ upapajjantānaṁ tesaṁ rūpadhātu ca uppajjati cakkhudhātu ca uppajjati.

17. ya4.2.1:12.1

    Yassa cakkhudhātu uppajjati tassa manoviññāṇadhātu uppajjatīti? Āmantā.

18. ya4.2.1:13.1

    Yassa vā pana manoviññāṇadhātu uppajjati tassa cakkhudhātu uppajjatīti?

19. ya4.2.1:14.1

    Sacittakānaṁ acakkhukānaṁ upapajjantānaṁ tesaṁ manoviññāṇadhātu uppajjati, no ca tesaṁ cakkhudhātu uppajjati. Sacakkhukānaṁ upapajjantānaṁ tesaṁ manoviññāṇadhātu ca uppajjati cakkhudhātu ca uppajjati.

20. ya4.2.1:15.1

    Yassa cakkhudhātu uppajjati tassa dhammadhātu uppajjatīti? Āmantā.

21. ya4.2.1:16.1

    Yassa vā pana dhammadhātu uppajjati tassa cakkhudhātu uppajjatīti?

22. ya4.2.1:17.1

    Acakkhukānaṁ upapajjantānaṁ tesaṁ dhammadhātu uppajjati, no ca tesaṁ cakkhudhātu uppajjati. Sacakkhukānaṁ upapajjantānaṁ tesaṁ dhammadhātu ca uppajjati cakkhudhātu ca uppajjati.

23. ya4.2.1:18.1

    (Yathā āyatanayamakaṁ vibhattaṁ evaṁ dhātuyamakampi vibhajitabbaṁ, sadisaṁ kātabbaṁ.)

SuttaCentral (suttacentral.net), from the bilara-data and sc-data repositories. Licence: Public Domain. Source.