← Library

3 Āyatanayamaka — 3.2 Pavattivāra — 3.2.3. Uppādanirodhavāra

Early Buddhist texts (SuttaCentral): Abhidhamma · abhidhamma · 342 sections

1. ya3.2.3:0.1

   3 Āyatanayamaka

2. ya3.2.3:0.2

   3.2 Pavattivāra

3. ya3.2.3:0.3

   3.2.3. Uppādanirodhavāra

4. ya3.2.3:1.0.1

   3.2.3.1 Paccuppannavāra

5. ya3.2.3:1.0.2

   3.2.3.1.1. Anulomapuggala

6. ya3.2.3:1.1

   Yassa cakkhāyatanaṁ uppajjati tassa sotāyatanaṁ nirujjhatīti? No.

7. ya3.2.3:2.1

   Yassa vā pana sotāyatanaṁ nirujjhati tassa cakkhāyatanaṁ uppajjatīti? No.

8. ya3.2.3:3.1

   Yassa cakkhāyatanaṁ uppajjati tassa ghānāyatanaṁ …pe… rūpāyatanaṁ … manāyatanaṁ … dhammāyatanaṁ nirujjhatīti? No.

9. ya3.2.3:4.1

   Yassa vā pana dhammāyatanaṁ nirujjhati tassa cakkhāyatanaṁ uppajjatīti? No …pe….

10. ya3.2.3:5.1

    Yassa manāyatanaṁ uppajjati tassa dhammāyatanaṁ nirujjhatīti? No.

11. ya3.2.3:6.1

    Yassa vā pana dhammāyatanaṁ nirujjhati tassa manāyatanaṁ uppajjatīti? No.

12. ya3.2.3:7.0

    3.2.3.1.2. Anulomaokāsa

13. ya3.2.3:7.1

    Yattha cakkhāyatanaṁ uppajjati …pe… (yatthakaṁ noti na kātabbaṁ, yatthakaṁ itaresaṁ yatthakānaṁ sadisaṁ kātabbaṁ, yatthakaṁ tīsupi vāresu sadisaṁ.)

14. ya3.2.3:8.0

    3.2.3.1.3. Anulomapuggalokāsa

15. ya3.2.3:8.1

    Yassa yattha cakkhāyatanaṁ uppajjati tassa tattha sotāyatanaṁ nirujjhatīti? No.

16. ya3.2.3:9.1

    Yassa vā pana yattha sotāyatanaṁ nirujjhati tassa tattha cakkhāyatanaṁ uppajjatīti? No …pe….

17. ya3.2.3:10.1

    Yassa yattha manāyatanaṁ uppajjati tassa tattha dhammāyatanaṁ nirujjhatīti? No.

18. ya3.2.3:11.1

    Yassa vā pana yattha dhammāyatanaṁ nirujjhati tassa tattha manāyatanaṁ uppajjatīti? No.

19. ya3.2.3:12.0

    3.2.3.1.4. Paccanīkapuggala

20. ya3.2.3:12.1

    Yassa cakkhāyatanaṁ nuppajjati tassa sotāyatanaṁ na nirujjhatīti?

21. ya3.2.3:13.1

    Sasotakānaṁ cavantānaṁ tesaṁ cakkhāyatanaṁ nuppajjati, no ca tesaṁ sotāyatanaṁ na nirujjhati. Acakkhukānaṁ upapajjantānaṁ asotakānaṁ cavantānaṁ tesaṁ cakkhāyatanañca nuppajjati sotāyatanañca na nirujjhati.

22. ya3.2.3:14.1

    Yassa vā pana sotāyatanaṁ na nirujjhati tassa cakkhāyatanaṁ nuppajjatīti?

23. ya3.2.3:15.1

    Sacakkhukānaṁ upapajjantānaṁ tesaṁ sotāyatanaṁ na nirujjhati, no ca tesaṁ cakkhāyatanaṁ nuppajjati. Asotakānaṁ cavantānaṁ acakkhukānaṁ upapajjantānaṁ tesaṁ sotāyatanañca na nirujjhati cakkhāyatanañca nuppajjati.

24. ya3.2.3:16.1

    Yassa cakkhāyatanaṁ nuppajjati tassa ghānāyatanaṁ na nirujjhatīti?

25. ya3.2.3:17.1

    Saghānakānaṁ cavantānaṁ tesaṁ cakkhāyatanaṁ nuppajjati, no ca tesaṁ ghānāyatanaṁ na nirujjhati. Acakkhukānaṁ upapajjantānaṁ aghānakānaṁ cavantānaṁ tesaṁ cakkhāyatanañca nuppajjati ghānāyatanañca na nirujjhati.

26. ya3.2.3:18.1

    Yassa vā pana ghānāyatanaṁ na nirujjhati tassa cakkhāyatanaṁ nuppajjatīti?

27. ya3.2.3:19.1

    Sacakkhukānaṁ upapajjantānaṁ tesaṁ ghānāyatanaṁ na nirujjhati, no ca tesaṁ cakkhāyatanaṁ nuppajjati. Aghānakānaṁ cavantānaṁ acakkhukānaṁ upapajjantānaṁ tesaṁ ghānāyatanañca na nirujjhati cakkhāyatanañca nuppajjati.

28. ya3.2.3:20.1

    Yassa cakkhāyatanaṁ nuppajjati tassa rūpāyatanaṁ na nirujjhatīti?

29. ya3.2.3:21.1

    Sarūpakānaṁ cavantānaṁ tesaṁ cakkhāyatanaṁ nuppajjati, no ca tesaṁ rūpāyatanaṁ na nirujjhati. Acakkhukānaṁ upapajjantānaṁ arūpakānaṁ cavantānaṁ tesaṁ cakkhāyatanañca nuppajjati rūpāyatanañca na nirujjhati.

30. ya3.2.3:22.1

    Yassa vā pana rūpāyatanaṁ na nirujjhati tassa cakkhāyatanaṁ nuppajjatīti?

31. ya3.2.3:23.1

    Sacakkhukānaṁ upapajjantānaṁ tesaṁ rūpāyatanaṁ na nirujjhati, no ca tesaṁ cakkhāyatanaṁ nuppajjati. Arūpakānaṁ cavantānaṁ acakkhukānaṁ upapajjantānaṁ tesaṁ rūpāyatanañca na nirujjhati cakkhāyatanañca nuppajjati.

32. ya3.2.3:24.1

    Yassa cakkhāyatanaṁ nuppajjati tassa manāyatanaṁ na nirujjhatīti?

33. ya3.2.3:25.1

    Sacittakānaṁ cavantānaṁ tesaṁ cakkhāyatanaṁ nuppajjati, no ca tesaṁ manāyatanaṁ na nirujjhati. Acakkhukānaṁ upapajjantānaṁ acittakānaṁ cavantānaṁ tesaṁ cakkhāyatanañca nuppajjati manāyatanañca na nirujjhati.

34. ya3.2.3:26.1

    Yassa vā pana manāyatanaṁ na nirujjhati tassa cakkhāyatanaṁ nuppajjatīti?

35. ya3.2.3:27.1

    Sacakkhukānaṁ upapajjantānaṁ tesaṁ manāyatanaṁ na nirujjhati, no ca tesaṁ cakkhāyatanaṁ nuppajjati. Acittakānaṁ cavantānaṁ acakkhukānaṁ upapajjantānaṁ tesaṁ manāyatanañca na nirujjhati cakkhāyatanañca nuppajjati.

36. ya3.2.3:28.1

    Yassa cakkhāyatanaṁ nuppajjati tassa dhammāyatanaṁ na nirujjhatīti?

37. ya3.2.3:29.1

    Sabbesaṁ cavantānaṁ tesaṁ cakkhāyatanaṁ nuppajjati, no ca tesaṁ dhammāyatanaṁ na nirujjhati. Acakkhukānaṁ upapajjantānaṁ tesaṁ cakkhāyatanañca nuppajjati dhammāyatanañca na nirujjhati.

38. ya3.2.3:30.1

    Yassa vā pana dhammāyatanaṁ na nirujjhati tassa cakkhāyatanaṁ nuppajjatīti?

39. ya3.2.3:31.1

    Sacakkhukānaṁ upapajjantānaṁ tesaṁ dhammāyatanaṁ na nirujjhati, no ca tesaṁ cakkhāyatanaṁ nuppajjati. Acakkhukānaṁ upapajjantānaṁ tesaṁ dhammāyatanañca na nirujjhati cakkhāyatanañca nuppajjati. (Cakkhāyatanamūlakaṁ.)

40. ya3.2.3:32.1

    Yassa ghānāyatanaṁ nuppajjati tassa rūpāyatanaṁ na nirujjhatīti?

41. ya3.2.3:33.1

    Sarūpakānaṁ cavantānaṁ tesaṁ ghānāyatanaṁ nuppajjati, no ca tesaṁ rūpāyatanaṁ na nirujjhati. Aghānakānaṁ upapajjantānaṁ arūpakānaṁ cavantānaṁ tesaṁ ghānāyatanañca nuppajjati rūpāyatanañca na nirujjhati.

42. ya3.2.3:34.1

    Yassa vā pana rūpāyatanaṁ na nirujjhati tassa ghānāyatanaṁ nuppajjatīti?

43. ya3.2.3:35.1

    Saghānakānaṁ upapajjantānaṁ tesaṁ rūpāyatanaṁ na nirujjhati, no ca tesaṁ ghānāyatanaṁ nuppajjati. Arūpakānaṁ cavantānaṁ aghānakānaṁ upapajjantānaṁ tesaṁ rūpāyatanañca na nirujjhati ghānāyatanañca nuppajjati.

44. ya3.2.3:36.1

    Yassa ghānāyatanaṁ nuppajjati tassa manāyatanaṁ na nirujjhatīti?

45. ya3.2.3:37.1

    Sacittakānaṁ cavantānaṁ tesaṁ ghānāyatanaṁ nuppajjati, no ca tesaṁ manāyatanaṁ na nirujjhati. Aghānakānaṁ upapajjantānaṁ acittakānaṁ cavantānaṁ tesaṁ ghānāyatanañca nuppajjati manāyatanañca na nirujjhati.

46. ya3.2.3:38.1

    Yassa vā pana manāyatanaṁ na nirujjhati tassa ghānāyatanaṁ nuppajjatīti?

47. ya3.2.3:39.1

    Saghānakānaṁ upapajjantānaṁ tesaṁ manāyatanaṁ na nirujjhati, no ca tesaṁ ghānāyatanaṁ nuppajjati. Acittakānaṁ cavantānaṁ aghānakānaṁ upapajjantānaṁ tesaṁ manāyatanañca na nirujjhati ghānāyatanañca nuppajjati.

48. ya3.2.3:40.1

    Yassa ghānāyatanaṁ nuppajjati tassa dhammāyatanaṁ na nirujjhatīti?

49. ya3.2.3:41.1

    Sabbesaṁ cavantānaṁ tesaṁ ghānāyatanaṁ nuppajjati, no ca tesaṁ dhammāyatanaṁ na nirujjhati. Aghānakānaṁ upapajjantānaṁ tesaṁ ghānāyatanañca nuppajjati dhammāyatanañca na nirujjhati.

50. ya3.2.3:42.1

    Yassa vā pana dhammāyatanaṁ na nirujjhati tassa ghānāyatanaṁ nuppajjatīti?

51. ya3.2.3:43.1

    Saghānakānaṁ upapajjantānaṁ tesaṁ dhammāyatanaṁ na nirujjhati, no ca tesaṁ ghānāyatanaṁ nuppajjati. Aghānakānaṁ upapajjantānaṁ tesaṁ dhammāyatanañca na nirujjhati ghānāyatanañca nuppajjati. (Ghānāyatanamūlakaṁ.)

52. ya3.2.3:44.1

    Yassa rūpāyatanaṁ nuppajjati tassa manāyatanaṁ na nirujjhatīti?

53. ya3.2.3:45.1

    Sacittakānaṁ cavantānaṁ tesaṁ rūpāyatanaṁ nuppajjati, no ca tesaṁ manāyatanaṁ na nirujjhati. Arūpakānaṁ upapajjantānaṁ acittakānaṁ cavantānaṁ tesaṁ rūpāyatanañca nuppajjati manāyatanañca na nirujjhati.

54. ya3.2.3:46.1

    Yassa vā pana manāyatanaṁ na nirujjhati tassa rūpāyatanaṁ nuppajjatīti?

55. ya3.2.3:47.1

    Sarūpakānaṁ upapajjantānaṁ tesaṁ manāyatanaṁ na nirujjhati, no ca tesaṁ rūpāyatanaṁ nuppajjati. Acittakānaṁ cavantānaṁ arūpakānaṁ upapajjantānaṁ tesaṁ manāyatanañca na nirujjhati rūpāyatanañca nuppajjati.

56. ya3.2.3:48.1

    Yassa rūpāyatanaṁ nuppajjati tassa dhammāyatanaṁ na nirujjhatīti?

57. ya3.2.3:49.1

    Sabbesaṁ cavantānaṁ tesaṁ rūpāyatanaṁ nuppajjati, no ca tesaṁ dhammāyatanaṁ na nirujjhati. Arūpakānaṁ upapajjantānaṁ tesaṁ rūpāyatanañca nuppajjati dhammāyatanañca na nirujjhati.

58. ya3.2.3:50.1

    Yassa vā pana dhammāyatanaṁ na nirujjhati tassa rūpāyatanaṁ nuppajjatīti?

59. ya3.2.3:51.1

    Sarūpakānaṁ upapajjantānaṁ tesaṁ dhammāyatanaṁ na nirujjhati, no ca tesaṁ rūpāyatanaṁ nuppajjati. Arūpakānaṁ upapajjantānaṁ tesaṁ dhammāyatanañca na nirujjhati rūpāyatanañca nuppajjati. (Rūpāyatanamūlakaṁ.)

60. ya3.2.3:52.1

    Yassa manāyatanaṁ nuppajjati tassa dhammāyatanaṁ na nirujjhatīti?

61. ya3.2.3:53.1

    Sabbesaṁ cavantānaṁ tesaṁ manāyatanaṁ nuppajjati, no ca tesaṁ dhammāyatanaṁ na nirujjhati. Acittakānaṁ upapajjantānaṁ tesaṁ manāyatanañca nuppajjati dhammāyatanañca na nirujjhati.

62. ya3.2.3:54.1

    Yassa vā pana dhammāyatanaṁ na nirujjhati tassa manāyatanaṁ nuppajjatīti?

63. ya3.2.3:55.1

    Sacittakānaṁ upapajjantānaṁ tesaṁ dhammāyatanaṁ na nirujjhati, no ca tesaṁ manāyatanaṁ nuppajjati. Acittakānaṁ upapajjantānaṁ tesaṁ dhammāyatanañca na nirujjhati manāyatanañca nuppajjati.

64. ya3.2.3:56.0

    3.2.3.1.5. Paccanīkaokāsa

65. ya3.2.3:56.1

    Yattha cakkhāyatanaṁ nuppajjati …pe….

66. ya3.2.3:57.0

    3.2.3.1.6. Paccanīkapuggalokāsa

67. ya3.2.3:57.1

    Yassa yattha cakkhāyatanaṁ nuppajjati …pe….

68. ya3.2.3:58.1

    (Yassakampi yassayatthakampi sadisaṁ.)

69. ya3.2.3:59.0.1

    3.2.3.2. Atītavāra

70. ya3.2.3:59.0.2

    3.2.3.2.1. Anulomapuggala

71. ya3.2.3:59.1

    Yassa cakkhāyatanaṁ uppajjittha tassa sotāyatanaṁ nirujjhitthāti? Āmantā.

72. ya3.2.3:60.1

    Yassa vā pana sotāyatanaṁ nirujjhittha tassa cakkhāyatanaṁ uppajjitthāti? Āmantā …pe….

73. ya3.2.3:61.1

    (Atītā pucchā uppādepi nirodhepi uppādanirodhepi anulomampi paccanīkampi sadisaṁ.)

74. ya3.2.3:62.0.1

    3.2.3.3. Anāgatavāra

75. ya3.2.3:62.0.2

    3.2.3.3.1. Anulomapuggala

76. ya3.2.3:62.1

    Yassa cakkhāyatanaṁ uppajjissati tassa sotāyatanaṁ nirujjhissatīti? Āmantā.

77. ya3.2.3:63.1

    Yassa vā pana sotāyatanaṁ nirujjhissati tassa cakkhāyatanaṁ uppajjissatīti?

78. ya3.2.3:64.1

    Pacchimabhavikānaṁ pañcavokāraṁ upapajjantānaṁ ye ca arūpaṁ upapajjitvā parinibbāyissanti tesaṁ upapajjantānaṁ tesaṁ sotāyatanaṁ nirujjhissati, no ca tesaṁ cakkhāyatanaṁ uppajjissati. Itaresaṁ tesaṁ sotāyatanañca nirujjhissati cakkhāyatanañca uppajjissati.

79. ya3.2.3:65.1

    Yassa cakkhāyatanaṁ uppajjissati tassa ghānāyatanaṁ nirujjhissatīti?

80. ya3.2.3:66.1

    Ye rūpāvacaraṁ upapajjitvā parinibbāyissanti tesaṁ cavantānaṁ tesaṁ cakkhāyatanaṁ uppajjissati, no ca tesaṁ ghānāyatanaṁ nirujjhissati. Itaresaṁ tesaṁ cakkhāyatanañca uppajjissati ghānāyatanañca nirujjhissati.

81. ya3.2.3:67.1

    Yassa vā pana ghānāyatanaṁ nirujjhissati tassa cakkhāyatanaṁ uppajjissatīti?

82. ya3.2.3:68.1

    Pacchimabhavikānaṁ kāmāvacaraṁ upapajjantānaṁ ye ca arūpaṁ upapajjitvā parinibbāyissanti tesaṁ upapajjantānaṁ tesaṁ ghānāyatanaṁ nirujjhissati, no ca tesaṁ cakkhāyatanaṁ uppajjissati. Itaresaṁ tesaṁ ghānāyatanañca nirujjhissati cakkhāyatanañca uppajjissati.

83. ya3.2.3:69.1

    Yassa cakkhāyatanaṁ uppajjissati tassa rūpāyatanaṁ nirujjhissatīti? Āmantā.

84. ya3.2.3:70.1

    Yassa vā pana rūpāyatanaṁ nirujjhissati tassa cakkhāyatanaṁ uppajjissatīti?

85. ya3.2.3:71.1

    Pacchimabhavikānaṁ pañcavokāraṁ upapajjantānaṁ ye ca arūpaṁ upapajjitvā parinibbāyissanti tesaṁ upapajjantānaṁ tesaṁ rūpāyatanaṁ nirujjhissati, no ca tesaṁ cakkhāyatanaṁ uppajjissati. Itaresaṁ tesaṁ rūpāyatanañca nirujjhissati cakkhāyatanañca uppajjissati.

86. ya3.2.3:72.1

    Yassa cakkhāyatanaṁ uppajjissati tassa manāyatanaṁ …pe… dhammāyatanaṁ nirujjhissatīti? Āmantā.

87. ya3.2.3:73.1

    Yassa vā pana dhammāyatanaṁ nirujjhissati tassa cakkhāyatanaṁ uppajjissatīti?

88. ya3.2.3:74.1

    Pacchimabhavikānaṁ upapajjantānaṁ ye ca arūpaṁ upapajjitvā parinibbāyissanti tesaṁ dhammāyatanaṁ nirujjhissati, no ca tesaṁ cakkhāyatanaṁ uppajjissati. Itaresaṁ tesaṁ dhammāyatanañca nirujjhissati cakkhāyatanañca uppajjissati. (Cakkhāyatanamūlakaṁ.)

89. ya3.2.3:75.1

    Yassa ghānāyatanaṁ uppajjissati tassa rūpāyatanaṁ nirujjhissatīti? Āmantā.

90. ya3.2.3:76.1

    Yassa vā pana rūpāyatanaṁ nirujjhissati tassa ghānāyatanaṁ uppajjissatīti?

91. ya3.2.3:77.1

    Pacchimabhavikānaṁ pañcavokāraṁ upapajjantānaṁ ye ca rūpāvacaraṁ arūpāvacaraṁ upapajjitvā parinibbāyissanti tesaṁ upapajjantānaṁ tesaṁ rūpāyatanaṁ nirujjhissati, no ca tesaṁ ghānāyatanaṁ uppajjissati. Itaresaṁ tesaṁ rūpāyatanañca nirujjhissati ghānāyatanañca uppajjissati.

92. ya3.2.3:78.1

    Yassa ghānāyatanaṁ uppajjissati tassa manāyatanaṁ …pe… dhammāyatanaṁ nirujjhissatīti? Āmantā.

93. ya3.2.3:79.1

    Yassa vā pana dhammāyatanaṁ nirujjhissati tassa ghānāyatanaṁ uppajjissatīti?

94. ya3.2.3:80.1

    Pacchimabhavikānaṁ upapajjantānaṁ ye ca rūpāvacaraṁ arūpāvacaraṁ upapajjitvā parinibbāyissanti tesaṁ dhammāyatanaṁ nirujjhissati, no ca tesaṁ ghānāyatanaṁ uppajjissati. Itaresaṁ tesaṁ dhammāyatanañca nirujjhissati ghānāyatanañca uppajjissati.

95. ya3.2.3:81.1

    Yassa rūpāyatanaṁ uppajjissati tassa manāyatanaṁ …pe… dhammāyatanaṁ nirujjhissatīti? Āmantā.

96. ya3.2.3:82.1

    Yassa vā pana dhammāyatanaṁ nirujjhissati tassa rūpāyatanaṁ uppajjissatīti?

97. ya3.2.3:83.1

    Pacchimabhavikānaṁ upapajjantānaṁ ye ca arūpaṁ upapajjitvā parinibbāyissanti tesaṁ dhammāyatanaṁ nirujjhissati, no ca tesaṁ rūpāyatanaṁ uppajjissati. Itaresaṁ tesaṁ dhammāyatanañca nirujjhissati rūpāyatanañca uppajjissati.

98. ya3.2.3:84.1

    Yassa manāyatanaṁ uppajjissati tassa dhammāyatanaṁ nirujjhissatīti? Āmantā.

99. ya3.2.3:85.1

    Yassa vā pana dhammāyatanaṁ nirujjhissati tassa manāyatanaṁ uppajjissatīti?

100. ya3.2.3:86.1

     Pacchimabhavikānaṁ upapajjantānaṁ tesaṁ dhammāyatanaṁ nirujjhissati, no ca tesaṁ manāyatanaṁ uppajjissati. Itaresaṁ tesaṁ dhammāyatanañca nirujjhissati manāyatanañca uppajjissati.

Next → — showing 1–100 of 342

SuttaCentral (suttacentral.net), from the bilara-data and sc-data repositories. Licence: Public Domain. Source.