← All works

3 Āyatanayamaka — 3.2 Pavattivāra — 3.2.1. Uppādavāra

Early Buddhist texts (SuttaCentral): Abhidhamma · abhidhamma · 763 sections

1. ya3.2.1:659.1

   Yassa vā pana yattha manāyatanaṁ uppajjissati tassa tattha rūpāyatanaṁ uppajjitthāti?

2. ya3.2.1:660.1

   Arūpānaṁ tesaṁ tattha manāyatanaṁ uppajjissati, no ca tesaṁ tattha rūpāyatanaṁ uppajjittha. Pañcavokārānaṁ tesaṁ tattha manāyatanañca uppajjissati rūpāyatanañca uppajjittha.

3. ya3.2.1:661.1

   Yassa yattha rūpāyatanaṁ uppajjittha tassa tattha dhammāyatanaṁ uppajjissatīti?

4. ya3.2.1:662.1

   Pañcavokāre pacchimabhavikānaṁ tesaṁ tattha rūpāyatanaṁ uppajjittha, no ca tesaṁ tattha dhammāyatanaṁ uppajjissati. Itaresaṁ pañcavokārānaṁ asaññasattānaṁ tesaṁ tattha rūpāyatanañca uppajjittha dhammāyatanañca uppajjissati.

5. ya3.2.1:663.1

   Yassa vā pana yattha dhammāyatanaṁ uppajjissati tassa tattha rūpāyatanaṁ uppajjitthāti?

6. ya3.2.1:664.1

   Arūpānaṁ tesaṁ tattha dhammāyatanaṁ uppajjissati, no ca tesaṁ tattha rūpāyatanaṁ uppajjittha. Pañcavokārānaṁ asaññasattānaṁ tesaṁ tattha dhammāyatanañca uppajjissati rūpāyatanañca uppajjittha. (Rūpāyatanamūlakaṁ.)

7. ya3.2.1:665.1

   Yassa yattha manāyatanaṁ uppajjittha tassa tattha dhammāyatanaṁ uppajjissatīti?

8. ya3.2.1:666.1

   Pacchimabhavikānaṁ tesaṁ tattha manāyatanaṁ uppajjittha, no ca tesaṁ tattha dhammāyatanaṁ uppajjissati. Itaresaṁ catuvokārānaṁ pañcavokārānaṁ tesaṁ tattha manāyatanañca uppajjittha dhammāyatanañca uppajjissati.

9. ya3.2.1:667.1

   Yassa vā pana yattha dhammāyatanaṁ uppajjissati tassa tattha manāyatanaṁ uppajjitthāti?

10. ya3.2.1:668.1

    Asaññasattānaṁ tesaṁ tattha dhammāyatanaṁ uppajjissati, no ca tesaṁ tattha manāyatanaṁ uppajjittha. Catuvokārānaṁ pañcavokārānaṁ tesaṁ tattha dhammāyatanañca uppajjissati manāyatanañca uppajjittha. (Manāyatanamūlakaṁ.)

11. ya3.2.1:669.0

    3.2.1.6.4. Paccanīkapuggala

12. ya3.2.1:669.1

    Yassa cakkhāyatanaṁ nuppajjittha tassa sotāyatanaṁ nuppajjissatīti? Natthi.

13. ya3.2.1:670.1

    Yassa vā pana sotāyatanaṁ nuppajjissati tassa cakkhāyatanaṁ nuppajjitthāti? Uppajjittha.

14. ya3.2.1:671.1

    Yassa cakkhāyatanaṁ nuppajjittha tassa ghānāyatanaṁ …pe… rūpāyatanaṁ … manāyatanaṁ … dhammāyatanaṁ nuppajjissatīti? Natthi.

15. ya3.2.1:672.1

    Yassa vā pana dhammāyatanaṁ nuppajjissati tassa cakkhāyatanaṁ nuppajjitthāti? Uppajjittha.

16. ya3.2.1:673.1

    Yassa ghānāyatanaṁ …pe… rūpāyatanaṁ … manāyatanaṁ nuppajjittha tassa dhammāyatanaṁ nuppajjissatīti? Natthi.

17. ya3.2.1:674.1

    Yassa vā pana dhammāyatanaṁ nuppajjissati tassa manāyatanaṁ nuppajjitthāti? Uppajjittha.

18. ya3.2.1:675.0

    3.2.1.6.5. Paccanīkaokāsa

19. ya3.2.1:675.1

    Yattha cakkhāyatanaṁ nuppajjittha …pe….

20. ya3.2.1:676.0

    3.2.1.6.6. Paccanīkapuggalokāsa

21. ya3.2.1:676.1

    Yassa yattha cakkhāyatanaṁ nuppajjittha tassa tattha sotāyatanaṁ nuppajjissatīti? Āmantā.

22. ya3.2.1:677.1

    Yassa vā pana yattha sotāyatanaṁ nuppajjissati tassa tattha cakkhāyatanaṁ nuppajjitthāti?

23. ya3.2.1:678.1

    Pañcavokāre pacchimabhavikānaṁ tesaṁ tattha sotāyatanaṁ nuppajjissati, no ca tesaṁ tattha cakkhāyatanaṁ nuppajjittha. Suddhāvāsānaṁ asaññasattānaṁ arūpānaṁ tesaṁ tattha sotāyatanañca nuppajjissati cakkhāyatanañca nuppajjittha.

24. ya3.2.1:679.1

    Yassa yattha cakkhāyatanaṁ nuppajjittha tassa tattha ghānāyatanaṁ nuppajjissatīti? Āmantā.

25. ya3.2.1:680.1

    Yassa vā pana yattha ghānāyatanaṁ nuppajjissati tassa tattha cakkhāyatanaṁ nuppajjitthāti?

26. ya3.2.1:681.1

    Kāmāvacare pacchimabhavikānaṁ rūpāvacarānaṁ tesaṁ tattha ghānāyatanaṁ nuppajjissati, no ca tesaṁ tattha cakkhāyatanaṁ nuppajjittha. Suddhāvāsānaṁ asaññasattānaṁ arūpānaṁ tesaṁ tattha ghānāyatanañca nuppajjissati cakkhāyatanañca nuppajjittha.

27. ya3.2.1:682.1

    Yassa yattha cakkhāyatanaṁ nuppajjittha tassa tattha rūpāyatanaṁ nuppajjissatīti?

28. ya3.2.1:683.1

    Asaññasattānaṁ tesaṁ tattha cakkhāyatanaṁ nuppajjittha, no ca tesaṁ tattha rūpāyatanaṁ nuppajjissati. Suddhāvāsānaṁ arūpānaṁ tesaṁ tattha cakkhāyatanañca nuppajjittha rūpāyatanañca nuppajjissati.

29. ya3.2.1:684.1

    Yassa vā pana yattha rūpāyatanaṁ nuppajjissati tassa tattha cakkhāyatanaṁ nuppajjitthāti?

30. ya3.2.1:685.1

    Pañcavokāre pacchimabhavikānaṁ tesaṁ tattha rūpāyatanaṁ nuppajjissati, no ca tesaṁ tattha cakkhāyatanaṁ nuppajjittha. Suddhāvāsānaṁ arūpānaṁ tesaṁ tattha rūpāyatanañca nuppajjissati cakkhāyatanañca nuppajjittha.

31. ya3.2.1:686.1

    Yassa yattha cakkhāyatanaṁ nuppajjittha tassa tattha manāyatanaṁ nuppajjissatīti?

32. ya3.2.1:687.1

    Arūpānaṁ tesaṁ tattha cakkhāyatanaṁ nuppajjittha, no ca tesaṁ tattha manāyatanaṁ nuppajjissati. Suddhāvāsānaṁ arūpe pacchimabhavikānaṁ asaññasattānaṁ tesaṁ tattha cakkhāyatanañca nuppajjittha manāyatanañca nuppajjissati.

33. ya3.2.1:688.1

    Yassa vā pana yattha manāyatanaṁ nuppajjissati tassa tattha cakkhāyatanaṁ nuppajjitthāti?

34. ya3.2.1:689.1

    Pañcavokāre pacchimabhavikānaṁ tesaṁ tattha manāyatanaṁ nuppajjissati, no ca tesaṁ tattha cakkhāyatanaṁ nuppajjittha. Suddhāvāsānaṁ arūpe pacchimabhavikānaṁ asaññasattānaṁ tesaṁ tattha manāyatanañca nuppajjissati cakkhāyatanañca nuppajjittha.

35. ya3.2.1:690.1

    Yassa yattha cakkhāyatanaṁ nuppajjittha tassa tattha dhammāyatanaṁ nuppajjissatīti?

36. ya3.2.1:691.1

    Asaññasattānaṁ arūpānaṁ tesaṁ tattha cakkhāyatanaṁ nuppajjittha, no ca tesaṁ tattha dhammāyatanaṁ nuppajjissati. Suddhāvāsānaṁ arūpe pacchimabhavikānaṁ tesaṁ tattha cakkhāyatanañca nuppajjittha dhammāyatanañca nuppajjissati.

37. ya3.2.1:692.1

    Yassa vā pana yattha dhammāyatanaṁ nuppajjissati tassa tattha cakkhāyatanaṁ nuppajjitthāti?

38. ya3.2.1:693.1

    Pañcavokāre pacchimabhavikānaṁ tesaṁ tattha dhammāyatanaṁ nuppajjissati, no ca tesaṁ tattha cakkhāyatanaṁ nuppajjittha. Suddhāvāsānaṁ arūpe pacchimabhavikānaṁ tesaṁ tattha dhammāyatanañca nuppajjissati cakkhāyatanañca nuppajjittha. (Cakkhāyatanamūlakaṁ.)

39. ya3.2.1:694.1

    Yassa yattha ghānāyatanaṁ nuppajjittha tassa tattha rūpāyatanaṁ nuppajjissatīti?

40. ya3.2.1:695.1

    Rūpāvacarānaṁ tesaṁ tattha ghānāyatanaṁ nuppajjittha, no ca tesaṁ tattha rūpāyatanaṁ nuppajjissati. Rūpāvacare pacchimabhavikānaṁ arūpānaṁ tesaṁ tattha ghānāyatanañca nuppajjittha rūpāyatanañca nuppajjissati.

41. ya3.2.1:696.1

    Yassa vā pana yattha rūpāyatanaṁ nuppajjissati tassa tattha ghānāyatanaṁ nuppajjitthāti?

42. ya3.2.1:697.1

    Kāmāvacare pacchimabhavikānaṁ tesaṁ tattha rūpāyatanaṁ nuppajjissati, no ca tesaṁ tattha ghānāyatanaṁ nuppajjittha. Rūpāvacare pacchimabhavikānaṁ arūpānaṁ tesaṁ tattha rūpāyatanañca nuppajjissati ghānāyatanañca nuppajjittha.

43. ya3.2.1:698.1

    Yassa yattha ghānāyatanaṁ nuppajjittha tassa tattha manāyatanaṁ nuppajjissatīti?

44. ya3.2.1:699.1

    Rūpāvacarānaṁ arūpāvacarānaṁ tesaṁ tattha ghānāyatanaṁ nuppajjittha, no ca tesaṁ tattha manāyatanaṁ nuppajjissati. Rūpāvacare arūpāvacare pacchimabhavikānaṁ asaññasattānaṁ tesaṁ tattha ghānāyatanañca nuppajjittha manāyatanañca nuppajjissati.

45. ya3.2.1:700.1

    Yassa vā pana yattha manāyatanaṁ nuppajjissati tassa tattha ghānāyatanaṁ nuppajjitthāti?

46. ya3.2.1:701.1

    Kāmāvacare pacchimabhavikānaṁ tesaṁ tattha manāyatanaṁ nuppajjissati, no ca tesaṁ tattha ghānāyatanaṁ nuppajjittha. Rūpāvacare arūpāvacare pacchimabhavikānaṁ asaññasattānaṁ tesaṁ tattha manāyatanañca nuppajjissati ghānāyatanañca nuppajjittha.

47. ya3.2.1:702.1

    Yassa yattha ghānāyatanaṁ nuppajjittha tassa tattha dhammāyatanaṁ nuppajjissatīti?

48. ya3.2.1:703.1

    Rūpāvacarānaṁ arūpāvacarānaṁ tesaṁ tattha ghānāyatanaṁ nuppajjittha, no ca tesaṁ tattha dhammāyatanaṁ nuppajjissati. Rūpāvacare arūpāvacare pacchimabhavikānaṁ tesaṁ tattha ghānāyatanañca nuppajjittha dhammāyatanañca nuppajjissati.

49. ya3.2.1:704.1

    Yassa vā pana yattha dhammāyatanaṁ nuppajjissati tassa tattha ghānāyatanaṁ nuppajjitthāti?

50. ya3.2.1:705.1

    Kāmāvacare pacchimabhavikānaṁ tesaṁ tattha dhammāyatanaṁ nuppajjissati, no ca tesaṁ tattha ghānāyatanaṁ nuppajjittha. Rūpāvacare arūpāvacare pacchimabhavikānaṁ tesaṁ tattha dhammāyatanañca nuppajjissati ghānāyatanañca nuppajjittha. (Ghānāyatanamūlakaṁ.)

51. ya3.2.1:706.1

    Yassa yattha rūpāyatanaṁ nuppajjittha tassa tattha manāyatanaṁ nuppajjissatīti?

52. ya3.2.1:707.1

    Arūpānaṁ tesaṁ tattha rūpāyatanaṁ nuppajjittha, no ca tesaṁ tattha manāyatanaṁ nuppajjissati. Suddhāvāsānaṁ arūpe pacchimabhavikānaṁ tesaṁ tattha rūpāyatanañca nuppajjittha manāyatanañca nuppajjissati.

53. ya3.2.1:708.1

    Yassa vā pana yattha manāyatanaṁ nuppajjissati tassa tattha rūpāyatanaṁ nuppajjitthāti?

54. ya3.2.1:709.1

    Pañcavokāre pacchimabhavikānaṁ asaññasattānaṁ tesaṁ tattha manāyatanaṁ nuppajjissati, no ca tesaṁ tattha rūpāyatanaṁ nuppajjittha. Suddhāvāsānaṁ arūpe pacchimabhavikānaṁ tesaṁ tattha manāyatanañca nuppajjissati rūpāyatanañca nuppajjittha.

55. ya3.2.1:710.1

    Yassa yattha rūpāyatanaṁ nuppajjittha tassa tattha dhammāyatanaṁ nuppajjissatīti?

56. ya3.2.1:711.1

    Arūpānaṁ tesaṁ tattha rūpāyatanaṁ nuppajjittha, no ca tesaṁ tattha dhammāyatanaṁ nuppajjissati. Suddhāvāsānaṁ arūpe pacchimabhavikānaṁ tesaṁ tattha rūpāyatanañca nuppajjittha dhammāyatanañca nuppajjissati.

57. ya3.2.1:712.1

    Yassa vā pana yattha dhammāyatanaṁ nuppajjissati tassa tattha rūpāyatanaṁ nuppajjitthāti?

58. ya3.2.1:713.1

    Pañcavokāre pacchimabhavikānaṁ tesaṁ tattha dhammāyatanaṁ nuppajjissati, no ca tesaṁ tattha rūpāyatanaṁ nuppajjittha. Suddhāvāsānaṁ arūpe pacchimabhavikānaṁ tesaṁ tattha dhammāyatanañca nuppajjissati rūpāyatanañca nuppajjittha. (Rūpāyatanamūlakaṁ.)

59. ya3.2.1:714.1

    Yassa yattha manāyatanaṁ nuppajjittha tassa tattha dhammāyatanaṁ nuppajjissatīti?

60. ya3.2.1:715.1

    Asaññasattānaṁ tesaṁ tattha manāyatanaṁ nuppajjittha, no ca tesaṁ tattha dhammāyatanaṁ nuppajjissati. Suddhāvāsānaṁ tesaṁ tattha manāyatanañca nuppajjittha dhammāyatanañca nuppajjissati.

61. ya3.2.1:716.1

    Yassa vā pana yattha dhammāyatanaṁ nuppajjissati tassa tattha manāyatanaṁ nuppajjitthāti?

62. ya3.2.1:717.1

    Pacchimabhavikānaṁ tesaṁ tattha dhammāyatanaṁ nuppajjissati, no ca tesaṁ tattha manāyatanaṁ nuppajjittha. Suddhāvāsānaṁ tesaṁ tattha dhammāyatanañca nuppajjissati manāyatanañca nuppajjittha.

63. ya3.2.1:718.1

    Uppādavāro.

← Previous — showing 701–763 of 763

SuttaCentral (suttacentral.net), from the bilara-data and sc-data repositories. Licence: Public Domain. Source.