← Library

3 Āyatanayamaka — 3.2 Pavattivāra — 3.2.1. Uppādavāra

Early Buddhist texts (SuttaCentral): Abhidhamma · abhidhamma · 763 sections

1. ya3.2.1:0.1

   3 Āyatanayamaka

2. ya3.2.1:0.2

   3.2 Pavattivāra

3. ya3.2.1:0.3

   3.2.1. Uppādavāra

4. ya3.2.1:1.0.1

   3.2.1.1. Paccuppannavāra

5. ya3.2.1:1.0.2

   3.2.1.1.1. Anulomapuggala

6. ya3.2.1:1.1

   Yassa cakkhāyatanaṁ uppajjati tassa sotāyatanaṁ uppajjatīti?

7. ya3.2.1:2.1

   Sacakkhukānaṁ asotakānaṁ upapajjantānaṁ tesaṁ cakkhāyatanaṁ uppajjati, no ca tesaṁ sotāyatanaṁ uppajjati. Sacakkhukānaṁ sasotakānaṁ upapajjantānaṁ tesaṁ cakkhāyatanañca uppajjati sotāyatanañca uppajjati.

8. ya3.2.1:3.1

   Yassa vā pana sotāyatanaṁ uppajjati tassa cakkhāyatanaṁ uppajjatīti?

9. ya3.2.1:4.1

   Sasotakānaṁ acakkhukānaṁ upapajjantānaṁ tesaṁ sotāyatanaṁ uppajjati, no ca tesaṁ cakkhāyatanaṁ uppajjati. Sasotakānaṁ sacakkhukānaṁ upapajjantānaṁ tesaṁ sotāyatanañca uppajjati cakkhāyatanañca uppajjati.

10. ya3.2.1:5.1

    Yassa cakkhāyatanaṁ uppajjati tassa ghānāyatanaṁ uppajjatīti?

11. ya3.2.1:6.1

    Sacakkhukānaṁ aghānakānaṁ upapajjantānaṁ tesaṁ cakkhāyatanaṁ uppajjati, no ca tesaṁ ghānāyatanaṁ uppajjati. Sacakkhukānaṁ saghānakānaṁ upapajjantānaṁ tesaṁ cakkhāyatanañca uppajjati ghānāyatanañca uppajjati.

12. ya3.2.1:7.1

    Yassa vā pana ghānāyatanaṁ uppajjati tassa cakkhāyatanaṁ uppajjatīti?

13. ya3.2.1:8.1

    Saghānakānaṁ acakkhukānaṁ upapajjantānaṁ tesaṁ ghānāyatanaṁ uppajjati, no ca tesaṁ cakkhāyatanaṁ uppajjati. Saghānakānaṁ sacakkhukānaṁ upapajjantānaṁ tesaṁ ghānāyatanañca uppajjati cakkhāyatanañca uppajjati.

14. ya3.2.1:9.1

    Yassa cakkhāyatanaṁ uppajjati tassa rūpāyatanaṁ uppajjatīti? Āmantā.

15. ya3.2.1:10.1

    Yassa vā pana rūpāyatanaṁ uppajjati tassa cakkhāyatanaṁ uppajjatīti?

16. ya3.2.1:11.1

    Sarūpakānaṁ acakkhukānaṁ upapajjantānaṁ tesaṁ rūpāyatanaṁ uppajjati, no ca tesaṁ cakkhāyatanaṁ uppajjati. Sacakkhukānaṁ upapajjantānaṁ tesaṁ rūpāyatanañca uppajjati cakkhāyatanañca uppajjati.

17. ya3.2.1:12.1

    Yassa cakkhāyatanaṁ uppajjati tassa manāyatanaṁ uppajjatīti? Āmantā.

18. ya3.2.1:13.1

    Yassa vā pana manāyatanaṁ uppajjati tassa cakkhāyatanaṁ uppajjatīti?

19. ya3.2.1:14.1

    Sacittakānaṁ acakkhukānaṁ upapajjantānaṁ tesaṁ manāyatanaṁ uppajjati, no ca tesaṁ cakkhāyatanaṁ uppajjati. Sacakkhukānaṁ upapajjantānaṁ tesaṁ manāyatanañca uppajjati cakkhāyatanañca uppajjati.

20. ya3.2.1:15.1

    Yassa cakkhāyatanaṁ uppajjati tassa dhammāyatanaṁ uppajjatīti? Āmantā.

21. ya3.2.1:16.1

    Yassa vā pana dhammāyatanaṁ uppajjati tassa cakkhāyatanaṁ uppajjatīti?

22. ya3.2.1:17.1

    Acakkhukānaṁ upapajjantānaṁ tesaṁ dhammāyatanaṁ uppajjati, no ca tesaṁ cakkhāyatanaṁ uppajjati. Sacakkhukānaṁ upapajjantānaṁ tesaṁ dhammāyatanañca uppajjati cakkhāyatanañca uppajjati. (Cakkhāyatanamūlakaṁ.)

23. ya3.2.1:18.1

    Yassa ghānāyatanaṁ uppajjati tassa rūpāyatanaṁ uppajjatīti? Āmantā.

24. ya3.2.1:19.1

    Yassa vā pana rūpāyatanaṁ uppajjati tassa ghānāyatanaṁ uppajjatīti?

25. ya3.2.1:20.1

    Sarūpakānaṁ aghānakānaṁ upapajjantānaṁ tesaṁ rūpāyatanaṁ uppajjati, no ca tesaṁ ghānāyatanaṁ uppajjati. Saghānakānaṁ upapajjantānaṁ tesaṁ rūpāyatanañca uppajjati ghānāyatanañca uppajjati.

26. ya3.2.1:21.1

    Yassa ghānāyatanaṁ uppajjati tassa manāyatanaṁ uppajjatīti? Āmantā.

27. ya3.2.1:22.1

    Yassa vā pana manāyatanaṁ uppajjati tassa ghānāyatanaṁ uppajjatīti?

28. ya3.2.1:23.1

    Sacittakānaṁ aghānakānaṁ upapajjantānaṁ tesaṁ manāyatanaṁ uppajjati, no ca tesaṁ ghānāyatanaṁ uppajjati. Saghānakānaṁ upapajjantānaṁ tesaṁ manāyatanañca uppajjati ghānāyatanañca uppajjati.

29. ya3.2.1:24.1

    Yassa ghānāyatanaṁ uppajjati tassa dhammāyatanaṁ uppajjatīti? Āmantā.

30. ya3.2.1:25.1

    Yassa vā pana dhammāyatanaṁ uppajjati tassa ghānāyatanaṁ uppajjatīti?

31. ya3.2.1:26.1

    Aghānakānaṁ upapajjantānaṁ tesaṁ dhammāyatanaṁ uppajjati, no ca tesaṁ ghānāyatanaṁ uppajjati. Saghānakānaṁ upapajjantānaṁ tesaṁ dhammāyatanañca uppajjati ghānāyatanañca uppajjati. (Ghānāyatanamūlakaṁ.)

32. ya3.2.1:27.1

    Yassa rūpāyatanaṁ uppajjati tassa manāyatanaṁ uppajjatīti?

33. ya3.2.1:28.1

    Acittakānaṁ upapajjantānaṁ tesaṁ rūpāyatanaṁ uppajjati, no ca tesaṁ manāyatanaṁ uppajjati. Sarūpakānaṁ sacittakānaṁ upapajjantānaṁ tesaṁ rūpāyatanañca uppajjati manāyatanañca uppajjati.

34. ya3.2.1:29.1

    Yassa vā pana manāyatanaṁ uppajjati tassa rūpāyatanaṁ uppajjatīti?

35. ya3.2.1:30.1

    Arūpakānaṁ upapajjantānaṁ tesaṁ manāyatanaṁ uppajjati, no ca tesaṁ rūpāyatanaṁ uppajjati. Sacittakānaṁ sarūpakānaṁ upapajjantānaṁ tesaṁ manāyatanañca uppajjati rūpāyatanañca uppajjati.

36. ya3.2.1:31.1

    Yassa rūpāyatanaṁ uppajjati tassa dhammāyatanaṁ uppajjatīti? Āmantā.

37. ya3.2.1:32.1

    Yassa vā pana dhammāyatanaṁ uppajjati tassa rūpāyatanaṁ uppajjatīti?

38. ya3.2.1:33.1

    Arūpakānaṁ upapajjantānaṁ tesaṁ dhammāyatanaṁ uppajjati, no ca tesaṁ rūpāyatanaṁ uppajjati. Sarūpakānaṁ upapajjantānaṁ tesaṁ dhammāyatanañca uppajjati rūpāyatanañca uppajjati. (Rūpāyatanamūlakaṁ.)

39. ya3.2.1:34.1

    Yassa manāyatanaṁ uppajjati tassa dhammāyatanaṁ uppajjatīti? Āmantā.

40. ya3.2.1:35.1

    Yassa vā pana dhammāyatanaṁ uppajjati tassa manāyatanaṁ uppajjatīti?

41. ya3.2.1:36.1

    Acittakānaṁ upapajjantānaṁ tesaṁ dhammāyatanaṁ uppajjati, no ca tesaṁ manāyatanaṁ uppajjati. Sacittakānaṁ upapajjantānaṁ tesaṁ dhammāyatanañca uppajjati manāyatanañca uppajjati. (Manāyatanamūlakaṁ.)

42. ya3.2.1:37.0

    3.2.1.1.2. Anulomaokāsa

43. ya3.2.1:37.1

    Yattha cakkhāyatanaṁ uppajjati tattha sotāyatanaṁ uppajjatīti? Āmantā.

44. ya3.2.1:38.1

    Yattha vā pana sotāyatanaṁ uppajjati tattha cakkhāyatanaṁ uppajjatīti? Āmantā.

45. ya3.2.1:39.1

    Yattha cakkhāyatanaṁ uppajjati tattha ghānāyatanaṁ uppajjatīti?

46. ya3.2.1:40.1

    Rūpāvacare tattha cakkhāyatanaṁ uppajjati, no ca tattha ghānāyatanaṁ uppajjati. Kāmāvacare tattha cakkhāyatanañca uppajjati ghānāyatanañca uppajjati.

47. ya3.2.1:41.1

    Yattha vā pana ghānāyatanaṁ uppajjati tattha cakkhāyatanaṁ uppajjatīti? Āmantā.

48. ya3.2.1:42.1

    Yattha cakkhāyatanaṁ uppajjati tattha rūpāyatanaṁ uppajjatīti? Āmantā.

49. ya3.2.1:43.1

    Yattha vā pana rūpāyatanaṁ uppajjati tattha cakkhāyatanaṁ uppajjatīti?

50. ya3.2.1:44.1

    Asaññasatte tattha rūpāyatanaṁ uppajjati, no ca tattha cakkhāyatanaṁ uppajjati. Pañcavokāre tattha rūpāyatanañca uppajjati cakkhāyatanañca uppajjati.

51. ya3.2.1:45.1

    Yattha cakkhāyatanaṁ uppajjati tattha manāyatanaṁ uppajjatīti? Āmantā.

52. ya3.2.1:46.1

    Yattha vā pana manāyatanaṁ uppajjati tattha cakkhāyatanaṁ uppajjatīti?

53. ya3.2.1:47.1

    Arūpe tattha manāyatanaṁ uppajjati, no ca tattha cakkhāyatanaṁ uppajjati. Pañcavokāre tattha manāyatanañca uppajjati cakkhāyatanañca uppajjati.

54. ya3.2.1:48.1

    Yattha cakkhāyatanaṁ uppajjati tattha dhammāyatanaṁ uppajjatīti? Āmantā.

55. ya3.2.1:49.1

    Yattha vā pana dhammāyatanaṁ uppajjati tattha cakkhāyatanaṁ uppajjatīti?

56. ya3.2.1:50.1

    Asaññasatte arūpe tattha dhammāyatanaṁ uppajjati, no ca tattha cakkhāyatanaṁ uppajjati. Pañcavokāre tattha dhammāyatanañca uppajjati cakkhāyatanañca uppajjati. (Cakkhāyatanamūlakaṁ.)

57. ya3.2.1:51.1

    Yattha ghānāyatanaṁ uppajjati tattha rūpāyatanaṁ uppajjatīti? Āmantā.

58. ya3.2.1:52.1

    Yattha vā pana rūpāyatanaṁ uppajjati tattha ghānāyatanaṁ uppajjatīti?

59. ya3.2.1:53.1

    Rūpāvacare tattha rūpāyatanaṁ uppajjati, no ca tattha ghānāyatanaṁ uppajjati. Kāmāvacare tattha rūpāyatanañca uppajjati ghānāyatanañca uppajjati.

60. ya3.2.1:54.1

    (Yattha ghānāyatanaṁ uppajjati tattha manāyatanaṁ dhammāyatanañca ekasadisaṁ, nānaṁ natthi, upari pana vārasaṅkhepo hotīti jānitabbaṁ.)

61. ya3.2.1:55.1

    Yattha ghānāyatanaṁ uppajjati tattha dhammāyatanaṁ uppajjatīti? Āmantā.

62. ya3.2.1:56.1

    Yattha vā pana dhammāyatanaṁ uppajjati tattha ghānāyatanaṁ uppajjatīti?

63. ya3.2.1:57.1

    Rūpāvacare arūpāvacare tattha dhammāyatanaṁ uppajjati, no ca tattha ghānāyatanaṁ uppajjati. Kāmāvacare tattha dhammāyatanañca uppajjati ghānāyatanañca uppajjati. (Ghānāyatanamūlakaṁ.)

64. ya3.2.1:58.1

    Yattha rūpāyatanaṁ uppajjati tattha manāyatanaṁ uppajjatīti?

65. ya3.2.1:59.1

    Asaññasatte tattha rūpāyatanaṁ uppajjati, no ca tattha manāyatanaṁ uppajjati. Pañcavokāre tattha rūpāyatanañca uppajjati manāyatanañca uppajjati.

66. ya3.2.1:60.1

    Yattha vā pana manāyatanaṁ uppajjati tattha rūpāyatanaṁ uppajjatīti?

67. ya3.2.1:61.1

    Arūpe tattha manāyatanaṁ uppajjati, no ca tattha rūpāyatanaṁ uppajjati. Pañcavokāre tattha manāyatanañca uppajjati rūpāyatanañca uppajjati.

68. ya3.2.1:62.1

    Yattha rūpāyatanaṁ uppajjati tattha dhammāyatanaṁ uppajjatīti? Āmantā.

69. ya3.2.1:63.1

    Yattha vā pana dhammāyatanaṁ uppajjati tattha rūpāyatanaṁ uppajjatīti?

70. ya3.2.1:64.1

    Arūpe tattha dhammāyatanaṁ uppajjati, no ca tattha rūpāyatanaṁ uppajjati. Pañcavokāre asaññasatte tattha dhammāyatanañca uppajjati rūpāyatanañca uppajjati. (Rūpāyatanamūlakaṁ.)

71. ya3.2.1:65.1

    Yattha manāyatanaṁ uppajjati tattha dhammāyatanaṁ uppajjatīti? Āmantā.

72. ya3.2.1:66.1

    Yattha vā pana dhammāyatanaṁ uppajjati tattha manāyatanaṁ uppajjatīti?

73. ya3.2.1:67.1

    Asaññasatte tattha dhammāyatanaṁ uppajjati, no ca tattha manāyatanaṁ uppajjati. Catuvokāre pañcavokāre tattha dhammāyatanañca uppajjati manāyatanañca uppajjati. (Manāyatanamūlakaṁ.)

74. ya3.2.1:68.0

    3.2.1.1.3. Anulomapuggalokāsa

75. ya3.2.1:68.1

    Yassa yattha cakkhāyatanaṁ uppajjati tassa tattha sotāyatanaṁ uppajjatīti?

76. ya3.2.1:69.1

    Sacakkhukānaṁ asotakānaṁ upapajjantānaṁ tesaṁ tattha cakkhāyatanaṁ uppajjati, no ca tesaṁ tattha sotāyatanaṁ uppajjati. Sacakkhukānaṁ sasotakānaṁ upapajjantānaṁ tesaṁ tattha cakkhāyatanañca uppajjati sotāyatanañca uppajjati.

77. ya3.2.1:70.1

    Yassa vā pana yattha sotāyatanaṁ uppajjati tassa tattha cakkhāyatanaṁ uppajjatīti?

78. ya3.2.1:71.1

    Sasotakānaṁ acakkhukānaṁ upapajjantānaṁ tesaṁ tattha sotāyatanaṁ uppajjati, no ca tesaṁ tattha cakkhāyatanaṁ uppajjati. Sasotakānaṁ sacakkhukānaṁ upapajjantānaṁ tesaṁ tattha sotāyatanañca uppajjati cakkhāyatanañca uppajjati. (Saṅkhittaṁ, yassakasadisaṁ.)

79. ya3.2.1:72.1

    Yassa yattha manāyatanaṁ uppajjati tassa tattha dhammāyatanaṁ uppajjatīti? Āmantā.

80. ya3.2.1:73.1

    Yassa vā pana yattha dhammāyatanaṁ uppajjati tassa tattha manāyatanaṁ uppajjatīti?

81. ya3.2.1:74.1

    Acittakānaṁ upapajjantānaṁ tesaṁ tattha dhammāyatanaṁ uppajjati, no ca tesaṁ tattha manāyatanaṁ uppajjati. Sacittakānaṁ upapajjantānaṁ tesaṁ tattha dhammāyatanañca uppajjati manāyatanañca uppajjati.

82. ya3.2.1:75.0

    3.2.1.1.4. Paccanīkapuggala

83. ya3.2.1:75.1

    Yassa cakkhāyatanaṁ nuppajjati tassa sotāyatanaṁ nuppajjatīti?

84. ya3.2.1:76.1

    Acakkhukānaṁ sasotakānaṁ upapajjantānaṁ tesaṁ cakkhāyatanaṁ nuppajjati, no ca tesaṁ sotāyatanaṁ nuppajjati. Sabbesaṁ cavantānaṁ acakkhukānaṁ asotakānaṁ upapajjantānaṁ tesaṁ cakkhāyatanañca nuppajjati sotāyatanañca nuppajjati.

85. ya3.2.1:77.1

    Yassa vā pana sotāyatanaṁ nuppajjati tassa cakkhāyatanaṁ nuppajjatīti?

86. ya3.2.1:78.1

    Asotakānaṁ sacakkhukānaṁ upapajjantānaṁ tesaṁ sotāyatanaṁ nuppajjati, no ca tesaṁ cakkhāyatanaṁ nuppajjati. Sabbesaṁ cavantānaṁ asotakānaṁ acakkhukānaṁ upapajjantānaṁ tesaṁ sotāyatanañca nuppajjati cakkhāyatanañca nuppajjati.

87. ya3.2.1:79.1

    Yassa cakkhāyatanaṁ nuppajjati tassa ghānāyatanaṁ nuppajjatīti?

88. ya3.2.1:80.1

    Acakkhukānaṁ saghānakānaṁ upapajjantānaṁ tesaṁ cakkhāyatanaṁ nuppajjati, no ca tesaṁ ghānāyatanaṁ nuppajjati. Sabbesaṁ cavantānaṁ acakkhukānaṁ aghānakānaṁ upapajjantānaṁ tesaṁ cakkhāyatanañca nuppajjati ghānāyatanañca nuppajjati.

89. ya3.2.1:81.1

    Yassa vā pana ghānāyatanaṁ nuppajjati tassa cakkhāyatanaṁ nuppajjatīti?

90. ya3.2.1:82.1

    Aghānakānaṁ sacakkhukānaṁ upapajjantānaṁ tesaṁ ghānāyatanaṁ nuppajjati, no ca tesaṁ cakkhāyatanaṁ nuppajjati. Sabbesaṁ cavantānaṁ aghānakānaṁ acakkhukānaṁ upapajjantānaṁ tesaṁ ghānāyatanañca nuppajjati cakkhāyatanañca nuppajjati.

91. ya3.2.1:83.1

    Yassa cakkhāyatanaṁ nuppajjati tassa rūpāyatanaṁ nuppajjatīti?

92. ya3.2.1:84.1

    Acakkhukānaṁ sarūpakānaṁ upapajjantānaṁ tesaṁ cakkhāyatanaṁ nuppajjati, no ca tesaṁ rūpāyatanaṁ nuppajjati. Sabbesaṁ cavantānaṁ arūpakānaṁ upapajjantānaṁ tesaṁ cakkhāyatanañca nuppajjati rūpāyatanañca nuppajjati.

93. ya3.2.1:85.1

    Yassa vā pana rūpāyatanaṁ nuppajjati tassa cakkhāyatanaṁ nuppajjatīti? Āmantā.

94. ya3.2.1:86.1

    Yassa cakkhāyatanaṁ nuppajjati tassa manāyatanaṁ nuppajjatīti?

95. ya3.2.1:87.1

    Acakkhukānaṁ sacittakānaṁ upapajjantānaṁ tesaṁ cakkhāyatanaṁ nuppajjati, no ca tesaṁ manāyatanaṁ nuppajjati. Sabbesaṁ cavantānaṁ acittakānaṁ upapajjantānaṁ tesaṁ cakkhāyatanañca nuppajjati manāyatanañca nuppajjati.

96. ya3.2.1:88.1

    Yassa vā pana manāyatanaṁ nuppajjati tassa cakkhāyatanaṁ nuppajjatīti? Āmantā.

97. ya3.2.1:89.1

    Yassa cakkhāyatanaṁ nuppajjati tassa dhammāyatanaṁ nuppajjatīti?

98. ya3.2.1:90.1

    Acakkhukānaṁ upapajjantānaṁ tesaṁ cakkhāyatanaṁ nuppajjati, no ca tesaṁ dhammāyatanaṁ nuppajjati. Sabbesaṁ cavantānaṁ tesaṁ cakkhāyatanañca nuppajjati dhammāyatanañca nuppajjati.

99. ya3.2.1:91.1

    Yassa vā pana dhammāyatanaṁ nuppajjati tassa cakkhāyatanaṁ nuppajjatīti? Āmantā. (Cakkhāyatanamūlakaṁ.)

100. ya3.2.1:92.1

     Yassa ghānāyatanaṁ nuppajjati tassa rūpāyatanaṁ nuppajjatīti?

Next → — showing 1–100 of 763

SuttaCentral (suttacentral.net), from the bilara-data and sc-data repositories. Licence: Public Domain. Source.