← Library

2 Khandhayamaka — 2.2 Pavattivāra — 2.2.2. Nirodhavāra

Early Buddhist texts (SuttaCentral): Abhidhamma · abhidhamma · 199 sections

1. ya2.2.2:73.1

   Yassa yattha rūpakkhandho nirujjhati tassa tattha vedanākkhandho nirujjhitthāti?

2. ya2.2.2:74.1

   Suddhāvāse parinibbantānaṁ asaññasattā cavantānaṁ tesaṁ tattha rūpakkhandho nirujjhati, no ca tesaṁ tattha vedanākkhandho nirujjhittha. Itaresaṁ pañcavokārā cavantānaṁ tesaṁ tattha rūpakkhandho ca nirujjhati vedanākkhandho ca nirujjhittha.

3. ya2.2.2:75.1

   Yassa vā pana yattha vedanākkhandho nirujjhittha tassa tattha rūpakkhandho nirujjhatīti?

4. ya2.2.2:76.1

   Pañcavokāraṁ upapajjantānaṁ arūpānaṁ tesaṁ tattha vedanākkhandho nirujjhittha, no ca tesaṁ tattha rūpakkhandho nirujjhati. Pañcavokārā cavantānaṁ tesaṁ tattha vedanākkhandho ca nirujjhittha rūpakkhandho ca nirujjhati.

5. ya2.2.2:77.1

   Yassa yattha vedanākkhandho nirujjhati tassa tattha saññākkhandho nirujjhitthāti?

6. ya2.2.2:78.1

   Suddhāvāse parinibbantānaṁ tesaṁ tattha vedanākkhandho nirujjhati, no ca tesaṁ tattha saññākkhandho nirujjhittha. Itaresaṁ catuvokārā pañcavokārā cavantānaṁ tesaṁ tattha vedanākkhandho ca nirujjhati saññākkhandho ca nirujjhittha.

7. ya2.2.2:79.1

   Yassa vā pana yattha saññākkhandho nirujjhittha tassa tattha vedanākkhandho nirujjhatīti?

8. ya2.2.2:80.1

   Catuvokāraṁ pañcavokāraṁ upapajjantānaṁ tesaṁ tattha saññākkhandho nirujjhittha, no ca tesaṁ tattha vedanākkhandho nirujjhati. Catuvokārā pañcavokārā cavantānaṁ tesaṁ tattha saññākkhandho ca nirujjhittha vedanākkhandho ca nirujjhati.

9. ya2.2.2:81.0

   2.2.2.4.4. Paccanīkapuggala

10. ya2.2.2:81.1

    Yassa rūpakkhandho na nirujjhati tassa vedanākkhandho na nirujjhitthāti? Nirujjhittha.

11. ya2.2.2:82.1

    Yassa vā pana vedanākkhandho na nirujjhittha tassa rūpakkhandho na nirujjhatīti? Natthi.

12. ya2.2.2:83.1

    Yassa vedanākkhandho na nirujjhati tassa saññākkhandho na nirujjhitthāti? Nirujjhittha.

13. ya2.2.2:84.1

    Yassa vā pana saññākkhandho na nirujjhittha tassa vedanākkhandho na nirujjhatīti? Natthi.

14. ya2.2.2:85.0

    2.2.2.4.5. Paccanīkaokāsa

15. ya2.2.2:85.1

    Yattha rūpakkhandho na nirujjhati (yatthakaṁ paripuṇṇaṁ kātabbaṁ.)

16. ya2.2.2:86.0

    2.2.2.4.6. Paccanīkapuggalokāsa

17. ya2.2.2:86.1

    Yassa yattha rūpakkhandho na nirujjhati tassa tattha vedanākkhandho na nirujjhitthāti?

18. ya2.2.2:87.1

    Pañcavokāraṁ upapajjantānaṁ arūpānaṁ tesaṁ tattha rūpakkhandho na nirujjhati, no ca tesaṁ tattha vedanākkhandho na nirujjhittha. Suddhāvāsaṁ upapajjantānaṁ asaññasattaṁ upapajjantānaṁ tesaṁ tattha rūpakkhandho ca na nirujjhati vedanākkhandho ca na nirujjhittha.

19. ya2.2.2:88.1

    Yassa vā pana yattha vedanākkhandho na nirujjhittha tassa tattha rūpakkhandho na nirujjhatīti?

20. ya2.2.2:89.1

    Suddhāvāse parinibbantānaṁ asaññasattā cavantānaṁ tesaṁ tattha vedanākkhandho na nirujjhittha, no ca tesaṁ tattha rūpakkhandho na nirujjhati. Suddhāvāsaṁ upapajjantānaṁ asaññasattaṁ upapajjantānaṁ tesaṁ tattha vedanākkhandho ca na nirujjhittha rūpakkhandho ca na nirujjhati.

21. ya2.2.2:90.1

    Yassa yattha vedanākkhandho na nirujjhati tassa tattha saññākkhandho na nirujjhitthāti?

22. ya2.2.2:91.1

    Catuvokāraṁ pañcavokāraṁ upapajjantānaṁ tesaṁ tattha vedanākkhandho na nirujjhati, no ca tesaṁ tattha saññākkhandho na nirujjhittha. Suddhāvāsaṁ upapajjantānaṁ asaññasattānaṁ tesaṁ tattha vedanākkhandho ca na nirujjhati saññākkhandho ca na nirujjhittha.

23. ya2.2.2:92.1

    Yassa vā pana yattha saññākkhandho na nirujjhittha tassa tattha vedanākkhandho na nirujjhatīti?

24. ya2.2.2:93.1

    Suddhāvāse parinibbantānaṁ tesaṁ tattha saññākkhandho na nirujjhittha, no ca tesaṁ tattha vedanākkhandho na nirujjhati. Suddhāvāsaṁ upapajjantānaṁ asaññasattānaṁ tesaṁ tattha saññākkhandho ca na nirujjhittha vedanākkhandho ca na nirujjhati.

25. ya2.2.2:94.0.1

    2.2.2.5. Paccuppannānāgatavāra

26. ya2.2.2:94.0.2

    2.2.2.5.1. Anulomapuggala

27. ya2.2.2:94.1

    Yassa rūpakkhandho nirujjhati tassa vedanākkhandho nirujjhissatīti?

28. ya2.2.2:95.1

    Pañcavokāre parinibbantānaṁ tesaṁ rūpakkhandho nirujjhati, no ca tesaṁ vedanākkhandho nirujjhissati. Itaresaṁ pañcavokārā cavantānaṁ asaññasattā cavantānaṁ tesaṁ rūpakkhandho ca nirujjhati vedanākkhandho ca nirujjhissati.

29. ya2.2.2:96.1

    Yassa vā pana vedanākkhandho nirujjhissati tassa rūpakkhandho nirujjhatīti?

30. ya2.2.2:97.1

    Sabbesaṁ upapajjantānaṁ arūpā cavantānaṁ tesaṁ vedanākkhandho nirujjhissati, no ca tesaṁ rūpakkhandho nirujjhati. Pañcavokārā cavantānaṁ asaññasattā cavantānaṁ tesaṁ vedanākkhandho ca nirujjhissati rūpakkhandho ca nirujjhati.

31. ya2.2.2:98.1

    Yassa vedanākkhandho nirujjhati tassa saññākkhandho nirujjhissatīti?

32. ya2.2.2:99.1

    Parinibbantānaṁ tesaṁ vedanākkhandho nirujjhati, no ca tesaṁ saññākkhandho nirujjhissati. Itaresaṁ catuvokārā pañcavokārā cavantānaṁ tesaṁ vedanākkhandho ca nirujjhati saññākkhandho ca nirujjhissati.

33. ya2.2.2:100.1

    Yassa vā pana saññākkhandho nirujjhissati tassa vedanākkhandho nirujjhatīti?

34. ya2.2.2:101.1

    Sabbesaṁ upapajjantānaṁ asaññasattā cavantānaṁ tesaṁ saññākkhandho nirujjhissati, no ca tesaṁ vedanākkhandho nirujjhati. Catuvokārā pañcavokārā cavantānaṁ tesaṁ saññākkhandho ca nirujjhissati vedanākkhandho ca nirujjhati.

35. ya2.2.2:102.0

    2.2.2.5.2. Anulomaokāsa

36. ya2.2.2:102.1

    Yattha rūpakkhandho nirujjhati …pe….

37. ya2.2.2:103.0

    2.2.2.5.3. Anulomapuggalokāsa

38. ya2.2.2:103.1

    Yassa yattha rūpakkhandho nirujjhati tassa tattha vedanākkhandho nirujjhissatīti?

39. ya2.2.2:104.1

    Pañcavokāre parinibbantānaṁ asaññasattā cavantānaṁ tesaṁ tattha rūpakkhandho nirujjhati, no ca tesaṁ tattha vedanākkhandho nirujjhissati. Itaresaṁ pañcavokārā cavantānaṁ tesaṁ tattha rūpakkhandho ca nirujjhati vedanākkhandho ca nirujjhissati.

40. ya2.2.2:105.1

    Yassa vā pana yattha vedanākkhandho nirujjhissati tassa tattha rūpakkhandho nirujjhatīti?

41. ya2.2.2:106.1

    Pañcavokāraṁ upapajjantānaṁ arūpānaṁ tesaṁ tattha vedanākkhandho nirujjhissati, no ca tesaṁ tattha rūpakkhandho nirujjhati. Pañcavokārā cavantānaṁ tesaṁ tattha vedanākkhandho ca nirujjhissati rūpakkhandho ca nirujjhati.

42. ya2.2.2:107.1

    Yassa yattha vedanākkhandho nirujjhati tassa tattha saññākkhandho nirujjhissatīti?

43. ya2.2.2:108.1

    Parinibbantānaṁ tesaṁ tattha vedanākkhandho nirujjhati, no ca tesaṁ tattha saññākkhandho nirujjhissati. Itaresaṁ catuvokārā pañcavokārā cavantānaṁ tesaṁ tattha vedanākkhandho ca nirujjhati saññākkhandho ca nirujjhissati.

44. ya2.2.2:109.1

    Yassa vā pana yattha saññākkhandho nirujjhissati tassa tattha vedanākkhandho nirujjhatīti?

45. ya2.2.2:110.1

    Catuvokāraṁ pañcavokāraṁ upapajjantānaṁ tesaṁ tattha saññākkhandho nirujjhissati, no ca tesaṁ tattha vedanākkhandho nirujjhati. Catuvokārā pañcavokārā cavantānaṁ tesaṁ tattha saññākkhandho ca nirujjhissati vedanākkhandho ca nirujjhati.

46. ya2.2.2:111.0

    2.2.2.5.4. Paccanīkapuggala

47. ya2.2.2:111.1

    Yassa rūpakkhandho na nirujjhati tassa vedanākkhandho na nirujjhissatīti?

48. ya2.2.2:112.1

    Sabbesaṁ upapajjantānaṁ arūpā cavantānaṁ tesaṁ rūpakkhandho na nirujjhati, no ca tesaṁ vedanākkhandho na nirujjhissati. Arūpe parinibbantānaṁ tesaṁ rūpakkhandho ca na nirujjhati vedanākkhandho ca na nirujjhissati.

49. ya2.2.2:113.1

    Yassa vā pana vedanākkhandho na nirujjhissati tassa rūpakkhandho na nirujjhatīti?

50. ya2.2.2:114.1

    Pañcavokāre parinibbantānaṁ tesaṁ vedanākkhandho na nirujjhissati, no ca tesaṁ rūpakkhandho na nirujjhati. Arūpe parinibbantānaṁ tesaṁ vedanākkhandho ca na nirujjhissati rūpakkhandho ca na nirujjhati.

51. ya2.2.2:115.1

    Yassa vedanākkhandho na nirujjhati tassa saññākkhandho na nirujjhissatīti? Nirujjhissati.

52. ya2.2.2:116.1

    Yassa vā pana saññākkhandho na nirujjhissati tassa vedanākkhandho na nirujjhatīti? Nirujjhati.

53. ya2.2.2:117.0

    2.2.2.5.5. Paccanīkaokāsa

54. ya2.2.2:117.1

    Yattha rūpakkhandho na nirujjhati …pe….

55. ya2.2.2:118.0

    2.2.2.5.6. Paccanīkapuggalokāsa

56. ya2.2.2:118.1

    Yassa yattha rūpakkhandho na nirujjhati tassa tattha vedanākkhandho na nirujjhissatīti?

57. ya2.2.2:119.1

    Pañcavokāraṁ upapajjantānaṁ arūpānaṁ tesaṁ tattha rūpakkhandho na nirujjhati, no ca tesaṁ tattha vedanākkhandho na nirujjhissati. Arūpe parinibbantānaṁ asaññasattaṁ upapajjantānaṁ tesaṁ tattha rūpakkhandho ca na nirujjhati vedanākkhandho ca na nirujjhissati.

58. ya2.2.2:120.1

    Yassa vā pana yattha vedanākkhandho na nirujjhissati tassa tattha rūpakkhandho na nirujjhatīti?

59. ya2.2.2:121.1

    Pañcavokāre parinibbantānaṁ asaññasattā cavantānaṁ tesaṁ tattha vedanākkhandho na nirujjhissati, no ca tesaṁ tattha rūpakkhandho na nirujjhati. Arūpe parinibbantānaṁ asaññasattaṁ upapajjantānaṁ tesaṁ tattha vedanākkhandho ca na nirujjhissati rūpakkhandho ca na nirujjhati.

60. ya2.2.2:122.1

    Yassa yattha vedanākkhandho na nirujjhati tassa tattha saññākkhandho na nirujjhissatīti?

61. ya2.2.2:123.1

    Catuvokāraṁ pañcavokāraṁ upapajjantānaṁ tesaṁ tattha vedanākkhandho na nirujjhati, no ca tesaṁ tattha saññākkhandho na nirujjhissati. Asaññasattānaṁ tesaṁ tattha vedanākkhandho ca na nirujjhati saññākkhandho ca na nirujjhissati.

62. ya2.2.2:124.1

    Yassa vā pana yattha saññākkhandho na nirujjhissati tassa tattha vedanākkhandho na nirujjhatīti?

63. ya2.2.2:125.1

    Parinibbantānaṁ tesaṁ tattha saññākkhandho na nirujjhissati, no ca tesaṁ tattha vedanākkhandho na nirujjhati. Asaññasattānaṁ tesaṁ tattha saññākkhandho ca na nirujjhissati vedanākkhandho ca na nirujjhati.

64. ya2.2.2:126.0.1

    2.2.2.6. Atītānāgatavāra

65. ya2.2.2:126.0.2

    2.2.2.6.1. Anulomapuggala

66. ya2.2.2:126.1

    Yassa rūpakkhandho nirujjhittha tassa vedanākkhandho nirujjhissatīti?

67. ya2.2.2:127.1

    Parinibbantānaṁ tesaṁ rūpakkhandho nirujjhittha, no ca tesaṁ vedanākkhandho nirujjhissati. Itaresaṁ tesaṁ rūpakkhandho ca nirujjhittha vedanākkhandho ca nirujjhissati.

68. ya2.2.2:128.1

    Yassa vā pana vedanākkhandho nirujjhissati tassa rūpakkhandho nirujjhitthāti? Āmantā.

69. ya2.2.2:129.1

    Yassa vedanākkhandho nirujjhittha tassa saññākkhandho nirujjhissatīti?

70. ya2.2.2:130.1

    Parinibbantānaṁ tesaṁ vedanākkhandho nirujjhittha, no ca tesaṁ saññākkhandho nirujjhissati. Itaresaṁ tesaṁ vedanākkhandho ca nirujjhittha saññākkhandho ca nirujjhissati.

71. ya2.2.2:131.1

    Yassa vā pana saññākkhandho nirujjhissati tassa vedanākkhandho nirujjhitthāti? Āmantā.

72. ya2.2.2:132.0

    2.2.2.6.2. Anulomaokāsa

73. ya2.2.2:132.1

    Yattha rūpakkhandho nirujjhittha …pe….

74. ya2.2.2:133.0

    2.2.2.6.3. Anulomapuggalokāsa

75. ya2.2.2:133.1

    Yassa yattha rūpakkhandho nirujjhittha tassa tattha vedanākkhandho nirujjhissatīti?

76. ya2.2.2:134.1

    Pañcavokāre parinibbantānaṁ asaññasattānaṁ tesaṁ tattha rūpakkhandho nirujjhittha, no ca tesaṁ tattha vedanākkhandho nirujjhissati. Itaresaṁ pañcavokārānaṁ tesaṁ tattha rūpakkhandho ca nirujjhittha vedanākkhandho ca nirujjhissati.

77. ya2.2.2:135.1

    Yassa vā pana yattha vedanākkhandho nirujjhissati tassa tattha rūpakkhandho nirujjhitthāti?

78. ya2.2.2:136.1

    Suddhāvāsaṁ upapajjantānaṁ arūpānaṁ tesaṁ tattha vedanākkhandho nirujjhissati, no ca tesaṁ tattha rūpakkhandho nirujjhittha. Itaresaṁ pañcavokārānaṁ tesaṁ tattha vedanākkhandho ca nirujjhissati rūpakkhandho ca nirujjhittha.

79. ya2.2.2:137.1

    Yassa yattha vedanākkhandho nirujjhittha tassa tattha saññākkhandho nirujjhissatīti?

80. ya2.2.2:138.1

    Parinibbantānaṁ tesaṁ tattha vedanākkhandho nirujjhittha, no ca tesaṁ tattha saññākkhandho nirujjhissati. Itaresaṁ catuvokārānaṁ pañcavokārānaṁ tesaṁ tattha vedanākkhandho ca nirujjhittha saññākkhandho ca nirujjhissati.

81. ya2.2.2:139.1

    Yassa vā pana yattha saññākkhandho nirujjhissati tassa tattha vedanākkhandho nirujjhitthāti?

82. ya2.2.2:140.1

    Suddhāvāsaṁ upapajjantānaṁ tesaṁ tattha saññākkhandho nirujjhissati, no ca tesaṁ tattha vedanākkhandho nirujjhittha. Itaresaṁ catuvokārānaṁ pañcavokārānaṁ tesaṁ tattha saññākkhandho ca nirujjhissati vedanākkhandho ca nirujjhittha.

83. ya2.2.2:141.0

    2.2.2.6.4. Paccanīkapuggala

84. ya2.2.2:141.1

    Yassa rūpakkhandho na nirujjhittha tassa vedanākkhandho na nirujjhissatīti? Natthi.

85. ya2.2.2:142.1

    Yassa vā pana vedanākkhandho na nirujjhissati tassa rūpakkhandho na nirujjhitthāti? Nirujjhittha.

86. ya2.2.2:143.1

    Yassa vedanākkhandho na nirujjhittha tassa saññākkhandho na nirujjhissatīti? Natthi.

87. ya2.2.2:144.1

    Yassa vā pana saññākkhandho na nirujjhissati tassa vedanākkhandho na nirujjhitthāti? Nirujjhittha.

88. ya2.2.2:145.0

    2.2.2.6.5. Paccanīkaokāsa

89. ya2.2.2:145.1

    Yattha rūpakkhandho na nirujjhittha …pe….

90. ya2.2.2:146.0

    2.2.2.6.6. Paccanīkapuggalokāsa

91. ya2.2.2:146.1

    Yassa yattha rūpakkhandho na nirujjhittha tassa tattha vedanākkhandho na nirujjhissatīti?

92. ya2.2.2:147.1

    Suddhāvāsaṁ upapajjantānaṁ arūpānaṁ tesaṁ tattha rūpakkhandho na nirujjhittha, no ca tesaṁ tattha vedanākkhandho na nirujjhissati. Suddhāvāse parinibbantānaṁ arūpe parinibbantānaṁ tesaṁ tattha rūpakkhandho ca na nirujjhittha, vedanākkhandho ca na nirujjhissati.

93. ya2.2.2:148.1

    Yassa vā pana yattha vedanākkhandho na nirujjhissati tassa tattha rūpakkhandho na nirujjhitthāti?

94. ya2.2.2:149.1

    Pañcavokāre parinibbantānaṁ asaññasattānaṁ tesaṁ tattha vedanākkhandho na nirujjhissati, no ca tesaṁ tattha rūpakkhandho na nirujjhittha. Suddhāvāse parinibbantānaṁ arūpe parinibbantānaṁ tesaṁ tattha vedanākkhandho ca na nirujjhissati rūpakkhandho ca na nirujjhittha.

95. ya2.2.2:150.1

    Yassa yattha vedanākkhandho na nirujjhittha tassa tattha saññākkhandho na nirujjhissatīti?

96. ya2.2.2:151.1

    Suddhāvāsaṁ upapajjantānaṁ tesaṁ tattha vedanākkhandho na nirujjhittha, no ca tesaṁ tattha saññākkhandho na nirujjhissati. Suddhāvāse parinibbantānaṁ asaññasattānaṁ tesaṁ tattha vedanākkhandho ca na nirujjhittha saññākkhandho ca na nirujjhissati.

97. ya2.2.2:152.1

    Yassa vā pana yattha saññākkhandho na nirujjhissati tassa tattha vedanākkhandho na nirujjhitthāti?

98. ya2.2.2:153.1

    Parinibbantānaṁ tesaṁ tattha saññākkhandho na nirujjhissati, no ca tesaṁ tattha vedanākkhandho na nirujjhittha. Suddhāvāse parinibbantānaṁ asaññasattānaṁ tesaṁ tattha saññākkhandho ca na nirujjhissati vedanākkhandho ca na nirujjhittha.

99. ya2.2.2:154.1

    Nirodhavāro.

← Previous — showing 101–199 of 199

SuttaCentral (suttacentral.net), from the bilara-data and sc-data repositories. Licence: Public Domain. Source.