← Library

2 Khandhayamaka — 2.2 Pavattivāra — 2.2.1. Uppādavāra

Early Buddhist texts (SuttaCentral): Abhidhamma · abhidhamma · 218 sections

1. ya2.2.1:158.1

   Yassa rūpakkhandho nuppajjittha tassa vedanākkhandho nuppajjissatīti? Natthi.

2. ya2.2.1:159.1

   Yassa vā pana vedanākkhandho nuppajjissati tassa rūpakkhandho nuppajjitthāti? Uppajjittha.

3. ya2.2.1:160.1

   Yassa vedanākkhandho nuppajjittha tassa saññākkhandho nuppajjissatīti? Natthi.

4. ya2.2.1:161.1

   Yassa vā pana saññākkhandho nuppajjissati tassa vedanākkhandho nuppajjitthāti? Uppajjittha.

5. ya2.2.1:162.0

   2.2.1.6.5. Paccanīkaokāsa

6. ya2.2.1:162.1

   Yattha rūpakkhandho nuppajjittha tattha vedanākkhandho nuppajjissatīti? Uppajjissati.

7. ya2.2.1:163.1

   Yattha vā pana vedanākkhandho nuppajjissati tattha rūpakkhandho nuppajjitthāti? Uppajjittha.

8. ya2.2.1:164.1

   Yattha vedanākkhandho nuppajjittha tattha saññākkhandho nuppajjissatīti? Āmantā.

9. ya2.2.1:165.1

   Yattha vā pana saññākkhandho nuppajjissati tattha vedanākkhandho nuppajjitthāti? Āmantā.

10. ya2.2.1:166.0

    2.2.1.6.6. Paccanīkapuggalokāsa

11. ya2.2.1:166.1

    Yassa yattha rūpakkhandho nuppajjittha tassa tattha vedanākkhandho nuppajjissatīti?

12. ya2.2.1:167.1

    Arūpānaṁ tesaṁ tattha rūpakkhandho nuppajjittha, no ca tesaṁ tattha vedanākkhandho nuppajjissati. Suddhāvāsānaṁ arūpe pacchimabhavikānaṁ tesaṁ tattha rūpakkhandho ca nuppajjittha vedanākkhandho ca nuppajjissati.

13. ya2.2.1:168.1

    Yassa vā pana yattha vedanākkhandho nuppajjissati tassa tattha rūpakkhandho nuppajjitthāti?

14. ya2.2.1:169.1

    Pañcavokāre pacchimabhavikānaṁ asaññasattānaṁ tesaṁ tattha vedanākkhandho nuppajjissati, no ca tesaṁ tattha rūpakkhandho nuppajjittha. Suddhāvāsānaṁ arūpe pacchimabhavikānaṁ tesaṁ tattha vedanākkhandho ca nuppajjissati rūpakkhandho ca nuppajjittha.

15. ya2.2.1:170.1

    Yassa yattha vedanākkhandho nuppajjittha tassa tattha saññākkhandho nuppajjissatīti? Āmantā.

16. ya2.2.1:171.1

    Yassa vā pana yattha saññākkhandho nuppajjissati tassa tattha vedanākkhandho nuppajjitthāti?

17. ya2.2.1:172.1

    Pacchimabhavikānaṁ tesaṁ tattha saññākkhandho nuppajjissati, no ca tesaṁ tattha vedanākkhandho nuppajjittha. Suddhāvāsānaṁ asaññasattānaṁ tesaṁ tattha saññākkhandho ca nuppajjissati vedanākkhandho ca nuppajjittha.

18. ya2.2.1:173.1

    Uppādavāro niṭṭhito.

← Previous — showing 201–218 of 218

SuttaCentral (suttacentral.net), from the bilara-data and sc-data repositories. Licence: Public Domain. Source.