← Library

2 Khandhayamaka — 2.2 Pavattivāra — 2.2.1. Uppādavāra

Early Buddhist texts (SuttaCentral): Abhidhamma · abhidhamma · 218 sections

1. ya2.2.1:0.1

   2 Khandhayamaka

2. ya2.2.1:0.2

   2.2 Pavattivāra

3. ya2.2.1:0.3

   2.2.1. Uppādavāra

4. ya2.2.1:1.0.1

   2.2.1.1 Paccuppannavāra

5. ya2.2.1:1.0.2

   2.2.1.1.1. Anulomapuggala

6. ya2.2.1:1.1

   Yassa rūpakkhandho uppajjati tassa vedanākkhandho uppajjatīti?

7. ya2.2.1:2.1

   Asaññasattaṁ upapajjantānaṁ tesaṁ rūpakkhandho uppajjati, no ca tesaṁ vedanākkhandho uppajjati. Pañcavokāraṁ upapajjantānaṁ tesaṁ rūpakkhandho ca uppajjati vedanākkhandho ca uppajjati.

8. ya2.2.1:3.1

   Yassa vā pana vedanākkhandho uppajjati tassa rūpakkhandho uppajjatīti?

9. ya2.2.1:4.1

   Arūpaṁ upapajjantānaṁ tesaṁ vedanākkhandho uppajjati, no ca tesaṁ rūpakkhandho uppajjati. Pañcavokāraṁ upapajjantānaṁ tesaṁ vedanākkhandho ca uppajjati rūpakkhandho ca uppajjati.

10. ya2.2.1:5.0

    2.2.1.1.2. Anulomaokāsa

11. ya2.2.1:5.1

    Yattha rūpakkhandho uppajjati tattha vedanākkhandho uppajjatīti?

12. ya2.2.1:6.1

    Asaññasatte tattha rūpakkhandho uppajjati, no ca tattha vedanākkhandho uppajjati. Pañcavokāre tattha rūpakkhandho ca uppajjati vedanākkhandho ca uppajjati.

13. ya2.2.1:7.1

    Yattha vā pana vedanākkhandho uppajjati tattha rūpakkhandho uppajjatīti?

14. ya2.2.1:8.1

    Arūpe tattha vedanākkhandho uppajjati, no ca tattha rūpakkhandho uppajjati. Pañcavokāre tattha vedanākkhandho ca uppajjati rūpakkhandho ca uppajjati.

15. ya2.2.1:9.0

    2.2.1.1.3. Anulomapuggalokāsa

16. ya2.2.1:9.1

    Yassa yattha rūpakkhandho uppajjati tassa tattha vedanākkhandho uppajjatīti?

17. ya2.2.1:10.1

    Asaññasattaṁ upapajjantānaṁ tesaṁ tattha rūpakkhandho uppajjati, no ca tesaṁ tattha vedanākkhandho uppajjati. Pañcavokāraṁ upapajjantānaṁ tesaṁ tattha rūpakkhandho ca uppajjati vedanākkhandho ca uppajjati.

18. ya2.2.1:11.1

    Yassa vā pana yattha vedanākkhandho uppajjati tassa tattha rūpakkhandho uppajjatīti?

19. ya2.2.1:12.1

    Arūpaṁ upapajjantānaṁ tesaṁ tattha vedanākkhandho uppajjati, no ca tesaṁ tattha rūpakkhandho uppajjati. Pañcavokāraṁ upapajjantānaṁ tesaṁ tattha vedanākkhandho ca uppajjati rūpakkhandho ca uppajjati.

20. ya2.2.1:13.0

    2.2.1.1.4. Paccanīkapuggala

21. ya2.2.1:13.1

    Yassa rūpakkhandho nuppajjati tassa vedanākkhandho nuppajjatīti?

22. ya2.2.1:14.1

    Arūpaṁ upapajjantānaṁ tesaṁ rūpakkhandho nuppajjati, no ca tesaṁ vedanākkhandho nuppajjati. Sabbesaṁ cavantānaṁ tesaṁ rūpakkhandho ca nuppajjati vedanākkhandho ca nuppajjati.

23. ya2.2.1:15.1

    Yassa vā pana vedanākkhandho nuppajjati tassa rūpakkhandho nuppajjatīti?

24. ya2.2.1:16.1

    Asaññasattaṁ upapajjantānaṁ tesaṁ vedanākkhandho nuppajjati, no ca tesaṁ rūpakkhandho nuppajjati. Sabbesaṁ cavantānaṁ tesaṁ vedanākkhandho ca nuppajjati rūpakkhandho ca nuppajjati.

25. ya2.2.1:17.0

    2.2.1.1.5. Paccanīkaokāsa

26. ya2.2.1:17.1

    Yattha rūpakkhandho nuppajjati tattha vedanākkhandho nuppajjatīti? Uppajjati.

27. ya2.2.1:18.1

    Yattha vā pana vedanākkhandho nuppajjati tattha rūpakkhandho nuppajjatīti? Uppajjati.

28. ya2.2.1:19.0

    2.2.1.1.6. Paccanīkapuggalokāsa

29. ya2.2.1:19.1

    Yassa yattha rūpakkhandho nuppajjati tassa tattha vedanākkhandho nuppajjatīti?

30. ya2.2.1:20.1

    Arūpaṁ upapajjantānaṁ tesaṁ tattha rūpakkhandho nuppajjati, no ca tesaṁ tattha vedanākkhandho nuppajjati. Sabbesaṁ cavantānaṁ tesaṁ tattha rūpakkhandho ca nuppajjati vedanākkhandho ca nuppajjati.

31. ya2.2.1:21.1

    Yassa vā pana yattha vedanākkhandho nuppajjati tassa tattha rūpakkhandho nuppajjatīti?

32. ya2.2.1:22.1

    Asaññasattaṁ upapajjantānaṁ tesaṁ tattha vedanākkhandho nuppajjati, no ca tesaṁ tattha rūpakkhandho nuppajjati. Sabbesaṁ cavantānaṁ tesaṁ tattha vedanākkhandho ca nuppajjati rūpakkhandho ca nuppajjati.

33. ya2.2.1:23.0.1

    2.2.1.2. Atītavāra

34. ya2.2.1:23.0.2

    2.2.1.2.1. Anulomapuggala

35. ya2.2.1:23.1

    Yassa rūpakkhandho uppajjittha tassa vedanākkhandho uppajjitthāti? Āmantā.

36. ya2.2.1:24.1

    Yassa vā pana vedanākkhandho uppajjittha tassa rūpakkhandho uppajjitthāti? Āmantā.

37. ya2.2.1:25.0

    2.2.1.2.2. Anulomaokāsa

38. ya2.2.1:25.1

    Yattha rūpakkhandho uppajjittha tattha vedanākkhandho uppajjitthāti?

39. ya2.2.1:26.1

    Asaññasatte tattha rūpakkhandho uppajjittha, no ca tattha vedanākkhandho uppajjittha. Pañcavokāre tattha rūpakkhandho ca uppajjittha vedanākkhandho ca uppajjittha.

40. ya2.2.1:27.1

    Yattha vā pana vedanākkhandho uppajjittha tattha rūpakkhandho uppajjitthāti?

41. ya2.2.1:28.1

    Arūpe tattha vedanākkhandho uppajjittha, no ca tattha rūpakkhandho uppajjittha. Pañcavokāre tattha vedanākkhandho ca uppajjittha rūpakkhandho ca uppajjittha.

42. ya2.2.1:29.0

    2.2.1.2.3. Anulomapuggalokāsa

43. ya2.2.1:29.1

    Yassa yattha rūpakkhandho uppajjittha tassa tattha vedanākkhandho uppajjitthāti?

44. ya2.2.1:30.1

    Asaññasattānaṁ tesaṁ tattha rūpakkhandho uppajjittha, no ca tesaṁ tattha vedanākkhandho uppajjittha. Pañcavokārānaṁ tesaṁ tattha rūpakkhandho ca uppajjittha vedanākkhandho ca uppajjittha.

45. ya2.2.1:31.1

    Yassa vā pana yattha vedanākkhandho uppajjittha tassa tattha rūpakkhandho uppajjitthāti?

46. ya2.2.1:32.1

    Arūpānaṁ tesaṁ tattha vedanākkhandho uppajjittha, no ca tesaṁ tattha rūpakkhandho uppajjittha. Pañcavokārānaṁ tesaṁ tattha vedanākkhandho ca uppajjittha rūpakkhandho ca uppajjittha.

47. ya2.2.1:33.0

    2.2.1.2.4. Paccanīkapuggala

48. ya2.2.1:33.1

    Yassa rūpakkhandho nuppajjittha tassa vedanākkhandho nuppajjitthāti? Natthi.

49. ya2.2.1:34.1

    Yassa vā pana vedanākkhandho nuppajjittha tassa rūpakkhandho nuppajjitthāti? Natthi.

50. ya2.2.1:35.0

    2.2.1.2.5. Paccanīkaokāsa

51. ya2.2.1:35.1

    Yattha rūpakkhandho nuppajjittha tattha vedanākkhandho nuppajjitthāti? Uppajjittha.

52. ya2.2.1:36.1

    Yattha vā pana vedanākkhandho nuppajjittha tattha rūpakkhandho nuppajjitthāti? Uppajjittha.

53. ya2.2.1:37.0

    2.2.1.2.6. Paccanīkapuggalokāsa

54. ya2.2.1:37.1

    Yassa yattha rūpakkhandho nuppajjittha tassa tattha vedanākkhandho nuppajjitthāti?

55. ya2.2.1:38.1

    Arūpānaṁ tesaṁ tattha rūpakkhandho nuppajjittha, no ca tesaṁ tattha vedanākkhandho nuppajjittha. Suddhāvāsānaṁ tesaṁ tattha rūpakkhandho ca nuppajjittha vedanākkhandho ca nuppajjittha.

56. ya2.2.1:39.1

    Yassa vā pana yattha vedanākkhandho nuppajjittha tassa tattha rūpakkhandho nuppajjitthāti?

57. ya2.2.1:40.1

    Asaññasattānaṁ tesaṁ tattha vedanākkhandho nuppajjittha, no ca tesaṁ tattha rūpakkhandho nuppajjittha. Suddhāvāsānaṁ tesaṁ tattha vedanākkhandho ca nuppajjittha rūpakkhandho ca nuppajjittha.

58. ya2.2.1:41.0.1

    2.2.1.3. Anāgatavāra

59. ya2.2.1:41.0.2

    2.2.1.3.1. Anulomapuggala

60. ya2.2.1:41.1

    Yassa rūpakkhandho uppajjissati tassa vedanākkhandho uppajjissatīti? Āmantā.

61. ya2.2.1:42.1

    Yassa vā pana vedanākkhandho uppajjissati tassa rūpakkhandho uppajjissatīti?

62. ya2.2.1:43.1

    Ye arūpaṁ upapajjitvā parinibbāyissanti tesaṁ vedanākkhandho uppajjissati, no ca tesaṁ rūpakkhandho uppajjissati. Itaresaṁ tesaṁ vedanākkhandho ca uppajjissati rūpakkhandho ca uppajjissati.

63. ya2.2.1:44.0

    2.2.1.3.2. Anulomaokāsa

64. ya2.2.1:44.1

    Yattha rūpakkhandho uppajjissati tattha vedanākkhandho uppajjissatīti?

65. ya2.2.1:45.1

    Asaññasatte tattha rūpakkhandho uppajjissati, no ca tattha vedanākkhandho uppajjissati. Pañcavokāre tattha rūpakkhandho ca uppajjissati vedanākkhandho ca uppajjissati.

66. ya2.2.1:46.1

    Yattha vā pana vedanākkhandho uppajjissati tattha rūpakkhandho uppajjissatīti?

67. ya2.2.1:47.1

    Arūpe tattha vedanākkhandho uppajjissati, no ca tattha rūpakkhandho uppajjissati. Pañcavokāre tattha vedanākkhandho ca uppajjissati rūpakkhandho ca uppajjissati.

68. ya2.2.1:48.0

    2.2.1.3.3. Anulomapuggalokāsa

69. ya2.2.1:48.1

    Yassa yattha rūpakkhandho uppajjissati tassa tattha vedanākkhandho uppajjissatīti?

70. ya2.2.1:49.1

    Asaññasattānaṁ tesaṁ tattha rūpakkhandho uppajjissati, no ca tesaṁ tattha vedanākkhandho uppajjissati. Pañcavokārānaṁ tesaṁ tattha rūpakkhandho ca uppajjissati vedanākkhandho ca uppajjissati.

71. ya2.2.1:50.1

    Yassa vā pana yattha vedanākkhandho uppajjissati tassa tattha rūpakkhandho uppajjissatīti?

72. ya2.2.1:51.1

    Arūpānaṁ tesaṁ tattha vedanākkhandho uppajjissati, no ca tesaṁ tattha rūpakkhandho uppajjissati. Pañcavokārānaṁ tesaṁ tattha vedanākkhandho ca uppajjissati rūpakkhandho ca uppajjissati.

73. ya2.2.1:52.0

    2.2.1.3.4. Paccanīkapuggala

74. ya2.2.1:52.1

    Yassa rūpakkhandho nuppajjissati tassa vedanākkhandho nuppajjissatīti?

75. ya2.2.1:53.1

    Ye arūpaṁ upapajjitvā parinibbāyissanti tesaṁ rūpakkhandho nuppajjissati, no ca tesaṁ vedanākkhandho nuppajjissati. Pacchimabhavikānaṁ tesaṁ rūpakkhandho ca nuppajjissati vedanākkhandho ca nuppajjissati.

76. ya2.2.1:54.1

    Yassa vā pana vedanākkhandho nuppajjissati tassa rūpakkhandho nuppajjissatīti? Āmantā.

77. ya2.2.1:55.0

    2.2.1.3.5. Paccanīkaokāsa

78. ya2.2.1:55.1

    Yattha rūpakkhandho nuppajjissati tattha vedanākkhandho nuppajjissatīti? Uppajjissati.

79. ya2.2.1:56.1

    Yattha vā pana vedanākkhandho nuppajjissati tattha rūpakkhandho nuppajjissatīti? Uppajjissati.

80. ya2.2.1:57.0

    2.2.1.3.6. Paccanīkapuggalokāsa

81. ya2.2.1:57.1

    Yassa yattha rūpakkhandho nuppajjissati tassa tattha vedanākkhandho nuppajjissatīti?

82. ya2.2.1:58.1

    Arūpānaṁ tesaṁ tattha rūpakkhandho nuppajjissati, no ca tesaṁ tattha vedanākkhandho nuppajjissati. Pacchimabhavikānaṁ tesaṁ tattha rūpakkhandho ca nuppajjissati vedanākkhandho ca nuppajjissati.

83. ya2.2.1:59.1

    Yassa vā pana yattha vedanākkhandho nuppajjissati tassa tattha rūpakkhandho nuppajjissatīti?

84. ya2.2.1:60.1

    Asaññasattānaṁ tesaṁ tattha vedanākkhandho nuppajjissati, no ca tesaṁ tattha rūpakkhandho nuppajjissati. Pacchimabhavikānaṁ tesaṁ tattha vedanākkhandho ca nuppajjissati rūpakkhandho ca nuppajjissati.

85. ya2.2.1:61.0.1

    2.2.1.4. Paccuppannātītavāra

86. ya2.2.1:61.0.2

    2.2.1.4.1. Anulomapuggala

87. ya2.2.1:61.1

    Yassa rūpakkhandho uppajjati tassa vedanākkhandho uppajjitthāti? Āmantā.

88. ya2.2.1:62.1

    Yassa vā pana vedanākkhandho uppajjittha tassa rūpakkhandho uppajjatīti?

89. ya2.2.1:63.1

    Sabbesaṁ cavantānaṁ arūpaṁ upapajjantānaṁ tesaṁ vedanākkhandho uppajjittha, no ca tesaṁ rūpakkhandho uppajjati. Pañcavokāraṁ upapajjantānaṁ asaññasattaṁ upapajjantānaṁ tesaṁ vedanākkhandho ca uppajjittha rūpakkhandho ca uppajjati.

90. ya2.2.1:64.1

    Yassa vedanākkhandho uppajjati tassa saññākkhandho uppajjitthāti? Āmantā.

91. ya2.2.1:65.1

    Yassa vā pana saññākkhandho uppajjittha tassa vedanākkhandho uppajjatīti?

92. ya2.2.1:66.1

    Sabbesaṁ cavantānaṁ asaññasattaṁ upapajjantānaṁ tesaṁ saññākkhandho uppajjittha, no ca tesaṁ vedanākkhandho uppajjati. Catuvokāraṁ pañcavokāraṁ upapajjantānaṁ tesaṁ saññākkhandho ca uppajjittha vedanākkhandho ca uppajjati.

93. ya2.2.1:67.0

    2.2.1.4.2. Anulomaokāsa

94. ya2.2.1:67.1

    Yattha rūpakkhandho uppajjati tattha vedanākkhandho uppajjitthāti?

95. ya2.2.1:68.1

    Asaññasatte tattha rūpakkhandho uppajjati, no ca tattha vedanākkhandho uppajjittha. Pañcavokāre tattha rūpakkhandho ca uppajjati vedanākkhandho ca uppajjittha.

96. ya2.2.1:69.1

    Yattha vā pana vedanākkhandho uppajjittha tattha rūpakkhandho uppajjatīti?

97. ya2.2.1:70.1

    Arūpe tattha vedanākkhandho uppajjittha, no ca tattha rūpakkhandho uppajjati. Pañcavokāre tattha vedanākkhandho ca uppajjittha rūpakkhandho ca uppajjati.

98. ya2.2.1:71.1

    Yattha vedanākkhandho uppajjati tattha saññākkhandho uppajjitthāti? Āmantā.

99. ya2.2.1:72.1

    Yattha vā pana saññākkhandho uppajjittha tattha vedanākkhandho uppajjatīti? Āmantā.

100. ya2.2.1:73.0

     2.2.1.4.3. Anulomapuggalokāsa

Next → — showing 1–100 of 218

SuttaCentral (suttacentral.net), from the bilara-data and sc-data repositories. Licence: Public Domain. Source.