← Library

10 Indriyayamaka — 10.3 Pariññāvāra — 10.3.6. Atītānāgatavāra

Early Buddhist texts (SuttaCentral): Abhidhamma · abhidhamma · 76 sections

1. ya10.3.6:0.1

   10 Indriyayamaka

2. ya10.3.6:0.2

   10.3 Pariññāvāra

3. ya10.3.6:0.3

   10.3.6. Atītānāgatavāra

4. ya10.3.6:1.0

   10.3.6.1. Anuloma

5. ya10.3.6:1.1

   Yo cakkhundriyaṁ parijānittha so domanassindriyaṁ pajahissatīti? No.

6. ya10.3.6:2.1

   Yo vā pana domanassindriyaṁ pajahissati so cakkhundriyaṁ parijānitthāti? No.

7. ya10.3.6:3.1

   Yo cakkhundriyaṁ parijānittha so anaññātaññassāmītindriyaṁ bhāvessatīti? No.

8. ya10.3.6:4.1

   Yo vā pana anaññātaññassāmītindriyaṁ bhāvessati so cakkhundriyaṁ parijānitthāti? No.

9. ya10.3.6:5.1

   Yo cakkhundriyaṁ parijānittha so aññindriyaṁ bhāvessatīti? No.

10. ya10.3.6:6.1

    Yo vā pana aññindriyaṁ bhāvessati so cakkhundriyaṁ parijānitthāti? No.

11. ya10.3.6:7.1

    Yo cakkhundriyaṁ parijānittha so aññātāvindriyaṁ sacchikarissatīti? No.

12. ya10.3.6:8.1

    Yo vā pana aññātāvindriyaṁ sacchikarissati so cakkhundriyaṁ parijānitthāti? No. (Cakkhundriyamūlakaṁ.)

13. ya10.3.6:9.1

    Yo domanassindriyaṁ pajahittha so anaññātaññassāmītindriyaṁ bhāvessatīti? No.

14. ya10.3.6:10.1

    Yo vā pana anaññātaññassāmītindriyaṁ bhāvessati so domanassindriyaṁ pajahitthāti? No.

15. ya10.3.6:11.1

    Yo domanassindriyaṁ pajahittha so aññindriyaṁ bhāvessatīti?

16. ya10.3.6:12.1

    Dve puggalā domanassindriyaṁ pajahittha, no ca aññindriyaṁ bhāvessanti. Anāgāmī domanassindriyañca pajahittha aññindriyañca bhāvessati.

17. ya10.3.6:13.1

    Yo vā pana aññindriyaṁ bhāvessati so domanassindriyaṁ pajahitthāti?

18. ya10.3.6:14.1

    Cha puggalā aññindriyaṁ bhāvessanti, no ca domanassindriyaṁ pajahittha. Anāgāmī aññindriyañca bhāvessati domanassindriyañca pajahittha.

19. ya10.3.6:15.1

    Yo domanassindriyaṁ pajahittha so aññātāvindriyaṁ sacchikarissatīti?

20. ya10.3.6:16.1

    Arahā domanassindriyaṁ pajahittha, no ca aññātāvindriyaṁ sacchikarissati. Dve puggalā domanassindriyañca pajahittha aññātāvindriyañca sacchikarissanti.

21. ya10.3.6:17.1

    Yo vā pana aññātāvindriyaṁ sacchikarissati so domanassindriyaṁ pajahitthāti?

22. ya10.3.6:18.1

    Cha puggalā aññātāvindriyaṁ sacchikarissanti, no ca domanassindriyaṁ pajahittha. Dve puggalā aññātāvindriyañca sacchikarissanti domanassindriyañca pajahittha. (Domanassindriyamūlakaṁ.)

23. ya10.3.6:19.1

    Yo anaññātaññassāmītindriyaṁ bhāvittha so aññindriyaṁ bhāvessatīti?

24. ya10.3.6:20.1

    Dve puggalā anaññātaññassāmītindriyaṁ bhāvittha, no ca aññindriyaṁ bhāvessanti. Pañca puggalā anaññātaññassāmītindriyañca bhāvittha aññindriyañca bhāvessanti.

25. ya10.3.6:21.1

    Yo vā pana aññindriyaṁ bhāvessati. So anaññātaññassāmītindriyaṁ bhāvitthāti?

26. ya10.3.6:22.1

    Dve puggalā aññindriyaṁ bhāvessanti no ca anaññātaññassāmītindriyaṁ bhāvittha. Pañca puggalā aññindriyañca bhāvessanti anaññātaññassāmītindriyañca bhāvittha.

27. ya10.3.6:23.1

    Yo anaññātaññassāmītindriyaṁ bhāvittha so aññātāvindriyaṁ sacchikarissatīti?

28. ya10.3.6:24.1

    Arahā anaññātaññassāmītindriyaṁ bhāvittha, no ca aññātāvindriyaṁ sacchikarissati. Cha puggalā anaññātaññassāmītindriyañca bhāvittha aññātāvindriyañca sacchikarissanti.

29. ya10.3.6:25.1

    Yo vā pana aññātāvindriyaṁ sacchikarissati so anaññātaññassāmītindriyaṁ bhāvitthāti?

30. ya10.3.6:26.1

    Dve puggalā aññātāvindriyaṁ sacchikarissanti, no ca anaññātaññassāmītindriyaṁ bhāvittha. Cha puggalā aññātāvindriyañca sacchikarissanti anaññātaññassāmītindriyañca bhāvittha. (Anaññātaññassāmītindriyamūlakaṁ.)

31. ya10.3.6:27.1

    Yo aññindriyaṁ bhāvittha so aññātāvindriyaṁ sacchikarissatīti? No.

32. ya10.3.6:28.1

    Yo vā pana aññātāvindriyaṁ sacchikarissati so aññindriyaṁ bhāvitthāti? No. (Aññindriyamūlakaṁ.)

33. ya10.3.6:29.0

    10.3.6.2. Paccanīka

34. ya10.3.6:29.1

    Yo cakkhundriyaṁ na parijānittha so domanassindriyaṁ nappajahissatīti?

35. ya10.3.6:30.1

    Pañca puggalā cakkhundriyaṁ na parijānittha, no ca domanassindriyaṁ nappajahissanti. Cattāro puggalā cakkhundriyañca na parijānittha domanassindriyañca nappajahissanti.

36. ya10.3.6:31.1

    Yo vā pana domanassindriyaṁ nappajahissati so cakkhundriyaṁ na parijānitthāti?

37. ya10.3.6:32.1

    Arahā domanassindriyaṁ nappajahissati, no ca cakkhundriyaṁ na parijānittha. Cattāro puggalā domanassindriyañca nappajahissanti cakkhundriyañca na parijānittha.

38. ya10.3.6:33.1

    Yo cakkhundriyaṁ na parijānittha so anaññātaññassāmītindriyaṁ na bhāvessatīti?

39. ya10.3.6:34.1

    Ye puthujjanā maggaṁ paṭilabhissanti te cakkhundriyaṁ na parijānittha, no ca anaññātaññassāmītindriyaṁ na bhāvessanti. Aṭṭha puggalā cakkhundriyañca na parijānittha anaññātaññassāmītindriyañca na bhāvessanti.

40. ya10.3.6:35.1

    Yo vā pana anaññātaññassāmītindriyaṁ na bhāvessati so cakkhundriyaṁ na parijānitthāti?

41. ya10.3.6:36.1

    Arahā anaññātaññassāmītindriyaṁ na bhāvessati, no ca cakkhundriyaṁ na parijānittha. Aṭṭha puggalā anaññātaññassāmītindriyañca na bhāvessanti cakkhundriyañca na parijānittha.

42. ya10.3.6:37.1

    Yo cakkhundriyaṁ na parijānittha so aññindriyaṁ na bhāvessatīti?

43. ya10.3.6:38.1

    Satta puggalā cakkhundriyaṁ na parijānittha, no ca aññindriyaṁ na bhāvessanti. Dve puggalā cakkhundriyañca na parijānittha aññindriyañca na bhāvessanti.

44. ya10.3.6:39.1

    Yo vā pana aññindriyaṁ na bhāvessati so cakkhundriyaṁ na parijānitthāti?

45. ya10.3.6:40.1

    Arahā aññindriyaṁ na bhāvessati, no ca cakkhundriyaṁ na parijānittha. Dve puggalā aññindriyañca na bhāvessanti cakkhundriyañca na parijānittha.

46. ya10.3.6:41.1

    Yo cakkhundriyaṁ na parijānittha so aññātāvindriyaṁ na sacchikarissatīti?

47. ya10.3.6:42.1

    Aṭṭha puggalā cakkhundriyaṁ na parijānittha, no ca aññātāvindriyaṁ na sacchikarissanti. Ye puthujjanā maggaṁ na paṭilabhissanti te cakkhundriyañca na parijānittha aññātāvindriyañca na sacchikarissanti.

48. ya10.3.6:43.1

    Yo vā pana aññātāvindriyaṁ na sacchikarissati so cakkhundriyaṁ na parijānitthāti?

49. ya10.3.6:44.1

    Arahā aññātāvindriyaṁ na sacchikarissati, no ca cakkhundriyaṁ na parijānittha. Ye puthujjanā maggaṁ na paṭilabhissanti te aññātāvindriyañca na sacchikarissanti cakkhundriyañca na parijānittha. (Cakkhundriyamūlakaṁ.)

50. ya10.3.6:45.1

    Yo domanassindriyaṁ nappajahittha so anaññātaññassāmītindriyaṁ na bhāvessatīti?

51. ya10.3.6:46.1

    Ye puthujjanā maggaṁ paṭilabhissanti te domanassindriyaṁ nappajahittha, no ca anaññātaññassāmītindriyaṁ na bhāvessanti. Cha puggalā domanassindriyañca nappajahittha anaññātaññassāmītindriyañca na bhāvessanti.

52. ya10.3.6:47.1

    Yo vā pana anaññātaññassāmītindriyaṁ na bhāvessati so domanassindriyaṁ nappajahitthāti?

53. ya10.3.6:48.1

    Tayo puggalā anaññātaññassāmītindriyaṁ na bhāvessanti, no ca domanassindriyaṁ nappajahittha. Cha puggalā anaññātaññassāmītindriyañca na bhāvessanti domanassindriyañca nappajahittha.

54. ya10.3.6:49.1

    Yo domanassindriyaṁ nappajahittha so aññindriyaṁ na bhāvessatīti?

55. ya10.3.6:50.1

    Cha puggalā domanassindriyaṁ nappajahittha, no ca aññindriyaṁ na bhāvessanti. Ye puthujjanā maggaṁ na paṭilabhissanti te domanassindriyañca nappajahittha aññindriyañca na bhāvessanti.

56. ya10.3.6:51.1

    Yo vā pana aññindriyaṁ na bhāvessati so domanassindriyaṁ nappajahitthāti?

57. ya10.3.6:52.1

    Dve puggalā aññindriyaṁ na bhāvessanti, no ca domanassindriyaṁ nappajahittha. Ye puthujjanā maggaṁ na paṭilabhissanti te aññindriyañca na bhāvessanti domanassindriyañca nappajahittha.

58. ya10.3.6:53.1

    Yo domanassindriyaṁ nappajahittha so aññātāvindriyaṁ na sacchikarissatīti?

59. ya10.3.6:54.1

    Cha puggalā domanassindriyaṁ nappajahittha, no ca aññātāvindriyaṁ na sacchikarissanti. Ye puthujjanā maggaṁ na paṭilabhissanti te domanassindriyañca nappajahittha aññātāvindriyañca na sacchikarissanti.

60. ya10.3.6:55.1

    Yo vā pana aññātāvindriyaṁ na sacchikarissati so domanassindriyaṁ nappajahitthāti?

61. ya10.3.6:56.1

    Arahā aññātāvindriyaṁ na sacchikarissati, no ca domanassindriyaṁ nappajahittha. Ye puthujjanā maggaṁ na paṭilabhissanti te aññātāvindriyañca na sacchikarissanti domanassindriyañca nappajahittha. (Domanassindriyamūlakaṁ.)

62. ya10.3.6:57.1

    Yo anaññātaññassāmītindriyaṁ na bhāvittha so aññindriyaṁ na bhāvessatīti?

63. ya10.3.6:58.1

    Dve puggalā anaññātaññassāmītindriyaṁ na bhāvittha, no ca aññindriyaṁ na bhāvessanti. Ye puthujjanā maggaṁ na paṭilabhissanti te anaññātaññassāmītindriyañca na bhāvittha aññindriyañca na bhāvessanti.

64. ya10.3.6:59.1

    Yo vā pana aññindriyaṁ na bhāvessati so anaññātaññassāmītindriyaṁ na bhāvitthāti?

65. ya10.3.6:60.1

    Dve puggalā aññindriyaṁ na bhāvessanti, no ca anaññātaññassāmītindriyaṁ na bhāvittha. Ye puthujjanā maggaṁ na paṭilabhissanti te aññindriyañca na bhāvessanti anaññātaññassāmītindriyañca na bhāvittha.

66. ya10.3.6:61.1

    Yo anaññātaññassāmītindriyaṁ na bhāvittha so aññātāvindriyaṁ na sacchikarissatīti?

67. ya10.3.6:62.1

    Dve puggalā anaññātaññassāmītindriyaṁ na bhāvittha, no ca aññātāvindriyaṁ na sacchikarissanti. Ye puthujjanā maggaṁ na paṭilabhissanti te anaññātaññassāmītindriyañca na bhāvittha aññātāvindriyañca na sacchikarissanti.

68. ya10.3.6:63.1

    Yo vā pana aññātāvindriyaṁ na sacchikarissati so anaññātaññassāmītindriyaṁ na bhāvitthāti?

69. ya10.3.6:64.1

    Arahā aññātāvindriyaṁ na sacchikarissati, no ca anaññātaññassāmītindriyaṁ na bhāvittha. Ye puthujjanā maggaṁ na paṭilabhissanti te aññātāvindriyañca na sacchikarissanti anaññātaññassāmītindriyañca na bhāvittha. (Anaññātaññassāmītindriyamūlakaṁ.)

70. ya10.3.6:65.1

    Yo aññindriyaṁ na bhāvittha so aññātāvindriyaṁ na sacchikarissatīti?

71. ya10.3.6:66.1

    Aṭṭha puggalā aññindriyaṁ na bhāvittha, no ca aññātāvindriyaṁ na sacchikarissanti. Ye puthujjanā maggaṁ na paṭilabhissanti te aññindriyañca na bhāvittha aññātāvindriyañca na sacchikarissanti.

72. ya10.3.6:67.1

    Yo vā pana aññātāvindriyaṁ na sacchikarissati so aññindriyaṁ na bhāvitthāti?

73. ya10.3.6:68.1

    Arahā aññātāvindriyaṁ na sacchikarissati, no ca aññindriyaṁ na bhāvittha. Ye puthujjanā maggaṁ na paṭilabhissanti te aññātāvindriyañca na sacchikarissanti aññindriyañca na bhāvittha. (Aññindriyamūlakaṁ.)

74. ya10.3.6:69.1

    Pariññāvāro.

75. ya10.3.6:70.1

    Indriyayamakapāḷi niṭṭhitā.

76. ya10.3.6:71.1

    Yamakapakaraṇaṁ niṭṭhitaṁ.

SuttaCentral (suttacentral.net), from the bilara-data and sc-data repositories. Licence: Public Domain. Source.