← Library

10 Indriyayamaka — 10.3 Pariññāvāra — 10.3.5. Paccuppannānāgatavāra

Early Buddhist texts (SuttaCentral): Abhidhamma · abhidhamma · 65 sections

1. ya10.3.5:0.1

   10 Indriyayamaka

2. ya10.3.5:0.2

   10.3 Pariññāvāra

3. ya10.3.5:0.3

   10.3.5. Paccuppannānāgatavāra

4. ya10.3.5:1.0

   10.3.5.1. Anuloma

5. ya10.3.5:1.1

   Yo cakkhundriyaṁ parijānāti so domanassindriyaṁ pajahissatīti? No.

6. ya10.3.5:2.1

   Yo vā pana domanassindriyaṁ pajahissati so cakkhundriyaṁ parijānātīti? No.

7. ya10.3.5:3.1

   Yo cakkhundriyaṁ parijānāti so anaññātaññassāmītindriyaṁ bhāvessatīti? No.

8. ya10.3.5:4.1

   Yo vā pana anaññātaññassāmītindriyaṁ bhāvessati so cakkhundriyaṁ parijānātīti? No.

9. ya10.3.5:5.1

   Yo cakkhundriyaṁ parijānāti so aññindriyaṁ bhāvessatīti? No.

10. ya10.3.5:6.1

    Yo vā pana aññindriyaṁ bhāvessati so cakkhundriyaṁ parijānātīti? No.

11. ya10.3.5:7.1

    Yo cakkhundriyaṁ parijānāti so aññātāvindriyaṁ sacchikarissatīti? Āmantā.

12. ya10.3.5:8.1

    Yo vā pana aññātāvindriyaṁ sacchikarissati so cakkhundriyaṁ parijānātīti?

13. ya10.3.5:9.1

    Satta puggalā aññātāvindriyaṁ sacchikarissanti, no ca cakkhundriyaṁ parijānanti. Aggamaggasamaṅgī aññātāvindriyañca sacchikarissati cakkhundriyañca parijānāti. (Cakkhundriyamūlakaṁ.)

14. ya10.3.5:10.1

    Yo domanassindriyaṁ pajahati so anaññātaññassāmītindriyaṁ bhāvessatīti? No.

15. ya10.3.5:11.1

    Yo vā pana anaññātaññassāmītindriyaṁ bhāvessati so domanassindriyaṁ pajahatīti? No.

16. ya10.3.5:12.1

    Yo domanassindriyaṁ pajahati so aññindriyaṁ bhāvessatīti? Āmantā.

17. ya10.3.5:13.1

    Yo vā pana aññindriyaṁ bhāvessati so domanassindriyaṁ pajahatīti?

18. ya10.3.5:14.1

    Cha puggalā aññindriyaṁ bhāvessanti, no ca domanassindriyaṁ pajahanti anāgāmimaggasamaṅgī aññindriyañca bhāvessati, domanassindriyañca pajahati.

19. ya10.3.5:15.1

    Yo domanassindriyaṁ pajahati so aññātāvindriyaṁ sacchikarissatīti? Āmantā.

20. ya10.3.5:16.1

    Yo vā pana aññātāvindriyaṁ sacchikarissati so domanassindriyaṁ pajahatīti?

21. ya10.3.5:17.1

    Satta puggalā aññātāvindriyaṁ sacchikarissanti, no ca domanassindriyaṁ pajahanti. Anāgāmimaggasamaṅgī aññātāvindriyañca sacchikarissati domanassindriyañca pajahati. (Domanassindriyamūlakaṁ.)

22. ya10.3.5:18.1

    Yo anaññātaññassāmītindriyaṁ bhāveti so aññindriyaṁ bhāvessatīti? Āmantā.

23. ya10.3.5:19.1

    Yo vā pana aññindriyaṁ bhāvessati so anaññātaññassāmītindriyaṁ bhāvetīti?

24. ya10.3.5:20.1

    Cha puggalā aññindriyaṁ bhāvessanti, no ca anaññātaññassāmītindriyaṁ bhāventi. Aṭṭhamako aññindriyañca bhāvessati anaññātaññassāmītindriyañca bhāveti.

25. ya10.3.5:21.1

    Yo anaññātaññassāmītindriyaṁ bhāveti so aññātāvindriyaṁ sacchikarissatīti? Āmantā.

26. ya10.3.5:22.1

    Yo vā pana aññātāvindriyaṁ sacchikarissati so anaññātaññassāmītindriyaṁ bhāvetīti?

27. ya10.3.5:23.1

    Satta puggalā aññātāvindriyaṁ sacchikarissanti, no ca anaññātaññassāmītindriyaṁ bhāventi. Aṭṭhamako aññātāvindriyañca sacchikarissati anaññātaññassāmītindriyañca bhāveti. (Anaññātaññassāmītindriyamūlakaṁ.)

28. ya10.3.5:24.1

    Yo aññindriyaṁ bhāveti so aññātāvindriyaṁ sacchikarissatīti? Āmantā.

29. ya10.3.5:25.1

    Yo vā pana aññātāvindriyaṁ sacchikarissati so aññindriyaṁ bhāvetīti?

30. ya10.3.5:26.1

    Pañca puggalā aññātāvindriyaṁ sacchikarissanti, no ca aññindriyaṁ bhāventi. Tayo maggasamaṅgino aññātāvindriyañca sacchikarissanti aññindriyañca bhāventi. (Aññindriyamūlakaṁ.)

31. ya10.3.5:27.0

    10.3.5.2. Paccanīka

32. ya10.3.5:27.1

    Yo cakkhundriyaṁ na parijānāti so domanassindriyaṁ nappajahissatīti?

33. ya10.3.5:28.1

    Pañca puggalā cakkhundriyaṁ na parijānanti, no ca domanassindriyaṁ nappajahissanti. Cattāro puggalā cakkhundriyañca na parijānanti domanassindriyañca nappajahissanti.

34. ya10.3.5:29.1

    Yo vā pana domanassindriyaṁ nappajahissati so cakkhundriyaṁ na parijānātīti?

35. ya10.3.5:30.1

    Aggamaggasamaṅgī domanassindriyaṁ nappajahissati, no ca cakkhundriyaṁ na parijānāti. Cattāro puggalā domanassindriyañca nappajahissanti cakkhundriyañca na parijānanti.

36. ya10.3.5:31.1

    Yo cakkhundriyaṁ na parijānāti so anaññātaññassāmītindriyaṁ na bhāvessatīti?

37. ya10.3.5:32.1

    Ye puthujjanā maggaṁ paṭilabhissanti te cakkhundriyaṁ na parijānanti, no ca anaññātaññassāmītindriyaṁ na bhāvessanti. Aṭṭha puggalā cakkhundriyañca na parijānanti anaññātaññassāmītindriyañca na bhāvessanti.

38. ya10.3.5:33.1

    Yo vā pana anaññātaññassāmītindriyaṁ na bhāvessati so cakkhundriyaṁ na parijānātīti?

39. ya10.3.5:34.1

    Aggamaggasamaṅgī anaññātaññassāmītindriyaṁ na bhāvessati, no ca cakkhundriyaṁ na parijānāti. Aṭṭha puggalā anaññātaññassāmītindriyañca na bhāvessanti cakkhundriyañca na parijānanti.

40. ya10.3.5:35.1

    Yo cakkhundriyaṁ na parijānāti so aññindriyaṁ na bhāvessatīti?

41. ya10.3.5:36.1

    Satta puggalā cakkhundriyaṁ na parijānanti, no ca aññindriyaṁ na bhāvessanti. Dve puggalā cakkhundriyañca na parijānanti aññindriyañca na bhāvessanti.

42. ya10.3.5:37.1

    Yo vā pana aññindriyaṁ na bhāvessati so cakkhundriyaṁ na parijānātīti?

43. ya10.3.5:38.1

    Aggamaggasamaṅgī aññindriyaṁ na bhāvessati, no ca cakkhundriyaṁ na parijānāti. Dve puggalā aññindriyañca na bhāvessanti cakkhundriyañca na parijānanti.

44. ya10.3.5:39.1

    Yo cakkhundriyaṁ na parijānāti so aññātāvindriyaṁ na sacchikarissatīti?

45. ya10.3.5:40.1

    Satta puggalā cakkhundriyaṁ na parijānanti, no ca aññātāvindriyaṁ na sacchikarissanti. Dve puggalā cakkhundriyañca na parijānanti aññātāvindriyañca na sacchikarissanti.

46. ya10.3.5:41.1

    Yo vā pana aññātāvindriyaṁ na sacchikarissati so cakkhundriyaṁ na parijānātīti? Āmantā. (Cakkhundriyamūlakaṁ.)

47. ya10.3.5:42.1

    Yo domanassindriyaṁ nappajahati so anaññātaññassāmītindriyaṁ na bhāvessatīti?

48. ya10.3.5:43.1

    Ye puthujjanā maggaṁ paṭilabhissanti te domanassindriyaṁ nappajahanti, no ca anaññātaññassāmītindriyaṁ na bhāvessanti. Aṭṭha puggalā domanassindriyañca nappajahanti anaññātaññassāmītindriyañca na bhāvessanti.

49. ya10.3.5:44.1

    Yo vā pana anaññātaññassāmītindriyaṁ na bhāvessati so domanassindriyaṁ nappajahatīti?

50. ya10.3.5:45.1

    Anāgāmimaggasamaṅgī anaññātaññassāmītindriyaṁ na bhāvessati, no ca domanassindriyaṁ nappajahati. Aṭṭha puggalā anaññātaññassāmītindriyañca na bhāvessanti domanassindriyañca nappajahanti.

51. ya10.3.5:46.1

    Yo domanassindriyaṁ nappajahati so aññindriyaṁ na bhāvessatīti?

52. ya10.3.5:47.1

    Cha puggalā domanassindriyaṁ nappajahanti, no ca aññindriyaṁ na bhāvessanti. Tayo puggalā domanassindriyañca nappajahanti aññindriyañca na bhāvessanti.

53. ya10.3.5:48.1

    Yo vā pana aññindriyaṁ na bhāvessati so domanassindriyaṁ nappajahatīti? Āmantā.

54. ya10.3.5:49.1

    Yo domanassindriyaṁ nappajahati so aññātāvindriyaṁ na sacchikarissatīti?

55. ya10.3.5:50.1

    Satta puggalā domanassindriyaṁ nappajahanti, no ca aññātāvindriyaṁ na sacchikarissanti. Dve puggalā domanassindriyañca nappajahanti aññātāvindriyañca na sacchikarissanti.

56. ya10.3.5:51.1

    Yo vā pana aññātāvindriyaṁ na sacchikarissati so domanassindriyaṁ nappajahatīti? Āmantā. (Domanassindriyamūlakaṁ.)

57. ya10.3.5:52.1

    Yo anaññātaññassāmītindriyaṁ na bhāveti so aññindriyaṁ na bhāvessatīti?

58. ya10.3.5:53.1

    Cha puggalā anaññātaññassāmītindriyaṁ na bhāventi, no ca aññindriyaṁ na bhāvessanti. Tayo puggalā anaññātaññassāmītindriyañca na bhāventi aññindriyañca na bhāvessanti.

59. ya10.3.5:54.1

    Yo vā pana aññindriyaṁ na bhāvessati so anaññātaññassāmītindriyaṁ na bhāvetīti? Āmantā.

60. ya10.3.5:55.1

    Yo anaññātaññassāmītindriyaṁ na bhāveti so aññātāvindriyaṁ na sacchikarissatīti?

61. ya10.3.5:56.1

    Satta puggalā anaññātaññassāmītindriyaṁ na bhāventi, no ca aññātāvindriyaṁ na sacchikarissanti. Dve puggalā anaññātaññassāmītindriyañca na bhāventi aññātāvindriyañca na sacchikarissanti.

62. ya10.3.5:57.1

    Yo vā pana aññātāvindriyaṁ na sacchikarissati so anaññātaññassāmītindriyaṁ na bhāvetīti? Āmantā. (Anaññātaññassāmītindriyamūlakaṁ.)

63. ya10.3.5:58.1

    Yo aññindriyaṁ na bhāveti so aññātāvindriyaṁ na sacchikarissatīti?

64. ya10.3.5:59.1

    Pañca puggalā aññindriyaṁ na bhāventi, no ca aññātāvindriyaṁ na sacchikarissanti. Dve puggalā aññindriyañca na bhāventi aññātāvindriyañca na sacchikarissanti.

65. ya10.3.5:60.1

    Yo vā pana aññātāvindriyaṁ na sacchikarissati so aññindriyaṁ na bhāvetīti? Āmantā. (Aññindriyamūlakaṁ.)

SuttaCentral (suttacentral.net), from the bilara-data and sc-data repositories. Licence: Public Domain. Source.