Ancient Texts

← Library

10 Indriyayamaka — 10.3 Pariññāvāra — 10.3.4. Paccuppannātītavāra

Early Buddhist texts (SuttaCentral): Abhidhamma · abhidhamma · 65 sections

  1. ya10.3.4:0.1

    10 Indriyayamaka

  2. ya10.3.4:0.2

    10.3 Pariññāvāra

  3. ya10.3.4:0.3

    10.3.4. Paccuppannātītavāra

  4. ya10.3.4:1.0

    10.3.4.1. Anuloma

  5. ya10.3.4:1.1

    Yo cakkhundriyaṁ parijānāti so domanassindriyaṁ pajahitthāti? Āmantā.

  6. ya10.3.4:2.1

    Yo vā pana domanassindriyaṁ pajahittha so cakkhundriyaṁ parijānātīti?

  7. ya10.3.4:3.1

    Dve puggalā domanassindriyaṁ pajahittha, no ca cakkhundriyaṁ parijānanti. Aggamaggasamaṅgī domanassindriyañca pajahittha cakkhundriyañca parijānāti.

  8. ya10.3.4:4.1

    Yo cakkhundriyaṁ parijānāti so anaññātaññassāmītindriyaṁ bhāvitthāti? Āmantā.

  9. ya10.3.4:5.1

    Yo vā pana anaññātaññassāmītindriyaṁ bhāvittha so cakkhundriyaṁ parijānātīti?

  10. ya10.3.4:6.1

    Cha puggalā anaññātaññassāmītindriyaṁ bhāvittha, no ca cakkhundriyaṁ parijānanti. Aggamaggasamaṅgī anaññātaññassāmītindriyañca bhāvittha cakkhundriyañca parijānāti.

  11. ya10.3.4:7.1

    Yo cakkhundriyaṁ parijānāti so aññindriyaṁ bhāvitthāti? No.

  12. ya10.3.4:8.1

    Yo vā pana aññindriyaṁ bhāvittha so cakkhundriyaṁ parijānātīti? No.

  13. ya10.3.4:9.1

    Yo cakkhundriyaṁ parijānāti so aññātāvindriyaṁ sacchikaritthāti? No.

  14. ya10.3.4:10.1

    Yo vā pana aññātāvindriyaṁ sacchikarittha so cakkhundriyaṁ parijānātīti? No. (Cakkhundriyamūlakaṁ.)

  15. ya10.3.4:11.1

    Yo domanassindriyaṁ pajahati so anaññātaññassāmītindriyaṁ bhāvitthāti? Āmantā.

  16. ya10.3.4:12.1

    Yo vā pana anaññātaññassāmītindriyaṁ bhāvittha so domanassindriyaṁ pajahatīti?

  17. ya10.3.4:13.1

    Cha puggalā anaññātaññassāmītindriyaṁ bhāvittha, no ca domanassindriyaṁ pajahanti. Anāgāmimaggasamaṅgī anaññātaññassāmītindriyañca bhāvittha domanassindriyañca pajahati.

  18. ya10.3.4:14.1

    Yo domanassindriyaṁ pajahati so aññindriyaṁ bhāvitthāti? No.

  19. ya10.3.4:15.1

    Yo vā pana aññindriyaṁ bhāvittha so domanassindriyaṁ pajahatīti? No.

  20. ya10.3.4:16.1

    Yo domanassindriyaṁ pajahati so aññātāvindriyaṁ sacchikaritthāti? No.

  21. ya10.3.4:17.1

    Yo vā pana aññātāvindriyaṁ sacchikarittha so domanassindriyaṁ pajahatīti? No. (Domanassindriyamūlakaṁ.)

  22. ya10.3.4:18.1

    Yo anaññātaññassāmītindriyaṁ bhāveti so aññindriyaṁ bhāvitthāti? No.

  23. ya10.3.4:19.1

    Yo vā pana aññindriyaṁ bhāvittha so anaññātaññassāmītindriyaṁ bhāvetīti? No.

  24. ya10.3.4:20.1

    Yo anaññātaññassāmītindriyaṁ bhāveti so aññātāvindriyaṁ sacchikaritthāti? No.

  25. ya10.3.4:21.1

    Yo vā pana aññātāvindriyaṁ sacchikarittha so anaññātaññassāmītindriyaṁ bhāvetīti? No. (Anaññātaññassāmītindriyamūlakaṁ.)

  26. ya10.3.4:22.1

    Yo aññindriyaṁ bhāveti so aññātāvindriyaṁ sacchikaritthāti? No.

  27. ya10.3.4:23.1

    Yo vā pana aññātāvindriyaṁ sacchikarittha so aññindriyaṁ bhāvetīti? No. (Aññindriyamūlakaṁ.)

  28. ya10.3.4:24.0

    10.3.4.2. Paccanīka

  29. ya10.3.4:24.1

    Yo cakkhundriyaṁ na parijānāti so domanassindriyaṁ nappajahitthāti?

  30. ya10.3.4:25.1

    Dve puggalā cakkhundriyaṁ na parijānanti, no ca domanassindriyaṁ nappajahittha. Cha puggalā cakkhundriyañca na parijānanti domanassindriyañca nappajahittha.

  31. ya10.3.4:26.1

    Yo vā pana domanassindriyaṁ nappajahittha so cakkhundriyaṁ na parijānātīti? Āmantā.

  32. ya10.3.4:27.1

    Yo cakkhundriyaṁ na parijānāti so anaññātaññassāmītindriyaṁ na bhāvitthāti?

  33. ya10.3.4:28.1

    Cha puggalā cakkhundriyaṁ na parijānanti, no ca anaññātaññassāmītindriyaṁ na bhāvittha. Dve puggalā cakkhundriyañca na parijānanti anaññātaññassāmītindriyañca na bhāvittha.

  34. ya10.3.4:29.1

    Yo vā pana anaññātaññassāmītindriyaṁ na bhāvittha so cakkhundriyaṁ na parijānātīti? Āmantā.

  35. ya10.3.4:30.1

    Yo cakkhundriyaṁ na parijānāti so aññindriyaṁ na bhāvitthāti?

  36. ya10.3.4:31.1

    Arahā cakkhundriyaṁ na parijānāti, no ca aññindriyaṁ na bhāvittha. Satta puggalā cakkhundriyañca na parijānanti aññindriyañca na bhāvittha.

  37. ya10.3.4:32.1

    Yo vā pana aññindriyaṁ na bhāvittha so cakkhundriyaṁ na parijānātīti?

  38. ya10.3.4:33.1

    Aggamaggasamaṅgī aññindriyaṁ na bhāvittha, no ca cakkhundriyaṁ na parijānāti. Satta puggalā aññindriyañca na bhāvittha cakkhundriyañca na parijānanti.

  39. ya10.3.4:34.1

    Yo cakkhundriyaṁ na parijānāti so aññātāvindriyaṁ na sacchikaritthāti?

  40. ya10.3.4:35.1

    Arahā cakkhundriyaṁ na parijānāti, no ca aññātāvindriyaṁ na sacchikarittha. Aṭṭha puggalā cakkhundriyañca na parijānanti aññātāvindriyañca na sacchikarittha.

  41. ya10.3.4:36.1

    Yo vā pana aññātāvindriyaṁ na sacchikarittha so cakkhundriyaṁ na parijānātīti?

  42. ya10.3.4:37.1

    Aggamaggasamaṅgī aññātāvindriyaṁ na sacchikarittha, no ca cakkhundriyaṁ na parijānāti. Aṭṭha puggalā aññātāvindriyañca na sacchikarittha cakkhundriyañca na parijānanti. (Cakkhundriyamūlakaṁ.)

  43. ya10.3.4:38.1

    Yo domanassindriyaṁ nappajahati so anaññātaññassāmītindriyaṁ na bhāvitthāti?

  44. ya10.3.4:39.1

    Cha puggalā domanassindriyaṁ nappajahanti, no ca anaññātaññassāmītindriyaṁ na bhāvittha. Dve puggalā domanassindriyañca nappajahanti anaññātaññassāmītindriyañca na bhāvittha.

  45. ya10.3.4:40.1

    Yo vā pana anaññātaññassāmītindriyaṁ na bhāvittha so domanassindriyaṁ nappajahatīti? Āmantā.

  46. ya10.3.4:41.1

    Yo domanassindriyaṁ nappajahati so aññindriyaṁ na bhāvitthāti?

  47. ya10.3.4:42.1

    Arahā domanassindriyaṁ nappajahati, no ca aññindriyaṁ na bhāvittha. Satta puggalā domanassindriyañca nappajahanti aññindriyañca na bhāvittha.

  48. ya10.3.4:43.1

    Yo vā pana aññindriyaṁ na bhāvittha so domanassindriyaṁ nappajahatīti?

  49. ya10.3.4:44.1

    Anāgāmimaggasamaṅgī aññindriyaṁ na bhāvittha, no ca domanassindriyaṁ nappajahati. Satta puggalā aññindriyañca na bhāvittha domanassindriyañca nappajahanti.

  50. ya10.3.4:45.1

    Yo domanassindriyaṁ nappajahati so aññātāvindriyaṁ na sacchikaritthāti?

  51. ya10.3.4:46.1

    Arahā domanassindriyaṁ nappajahati, no ca aññātāvindriyaṁ na sacchikarittha. Aṭṭha puggalā domanassindriyañca nappajahanti aññātāvindriyañca na sacchikarittha.

  52. ya10.3.4:47.1

    Yo vā pana aññātāvindriyaṁ na sacchikarittha so domanassindriyaṁ nappajahatīti?

  53. ya10.3.4:48.1

    Anāgāmimaggasamaṅgī aññātāvindriyaṁ na sacchikarittha, no ca domanassindriyaṁ nappajahati. Aṭṭha puggalā aññātāvindriyañca na sacchikarittha domanassindriyañca nappajahanti. (Domanassindriyamūlakaṁ.)

  54. ya10.3.4:49.1

    Yo anaññātaññassāmītindriyaṁ na bhāveti so aññindriyaṁ na bhāvitthāti?

  55. ya10.3.4:50.1

    Arahā anaññātaññassāmītindriyaṁ na bhāveti, no ca aññindriyaṁ na bhāvittha. Satta puggalā anaññātaññassāmītindriyañca na bhāventi aññindriyañca na bhāvittha.

  56. ya10.3.4:51.1

    Yo vā pana aññindriyaṁ na bhāvittha so anaññātaññassāmītindriyaṁ na bhāvetīti?

  57. ya10.3.4:52.1

    Aṭṭhamako aññindriyaṁ na bhāvittha, no ca anaññātaññassāmītindriyaṁ na bhāveti. Satta puggalā aññindriyañca na bhāvittha anaññātaññassāmītindriyañca na bhāventi.

  58. ya10.3.4:53.1

    Yo anaññātaññassāmītindriyaṁ na bhāveti so aññātāvindriyaṁ na sacchikaritthāti?

  59. ya10.3.4:54.1

    Arahā anaññātaññassāmītindriyaṁ na bhāveti, no ca aññātāvindriyaṁ na sacchikarittha. Aṭṭha puggalā anaññātaññassāmītindriyañca na bhāventi aññātāvindriyañca na sacchikarittha.

  60. ya10.3.4:55.1

    Yo vā pana aññātāvindriyaṁ na sacchikarittha so anaññātaññassāmītindriyaṁ na bhāvetīti?

  61. ya10.3.4:56.1

    Aṭṭhamako aññātāvindriyaṁ na sacchikarittha, no ca anaññātaññassāmītindriyaṁ na bhāveti. Aṭṭha puggalā aññātāvindriyañca na sacchikarittha anaññātaññassāmītindriyañca na bhāventi. (Anaññātaññassāmītindriyamūlakaṁ.)

  62. ya10.3.4:57.1

    Yo aññindriyaṁ na bhāveti so aññātāvindriyaṁ na sacchikaritthāti?

  63. ya10.3.4:58.1

    Arahā aññindriyaṁ na bhāveti, no ca aññātāvindriyaṁ na sacchikarittha. Cha puggalā aññindriyañca na bhāventi aññātāvindriyañca na sacchikarittha.

  64. ya10.3.4:59.1

    Yo vā pana aññātāvindriyaṁ na sacchikarittha so aññindriyaṁ na bhāvetīti?

  65. ya10.3.4:60.1

    Tayo maggasamaṅgino aññātāvindriyaṁ na sacchikarittha, no ca aññindriyaṁ na bhāventi. Cha puggalā aññātāvindriyañca na sacchikarittha aññindriyañca na bhāventi. (Aññindriyamūlakaṁ.)

SuttaCentral (suttacentral.net), from the bilara-data and sc-data repositories. Licence: Public Domain. Source.