← Library

10 Indriyayamaka — 10.3 Pariññāvāra — 10.3.1. Paccuppannavāra

Early Buddhist texts (SuttaCentral): Abhidhamma · abhidhamma · 67 sections

1. ya10.3.1:0.1

   10 Indriyayamaka

2. ya10.3.1:0.2

   10.3 Pariññāvāra

3. ya10.3.1:0.3

   10.3.1. Paccuppannavāra

4. ya10.3.1:1.0

   10.3.1.1. Anuloma

5. ya10.3.1:1.1

   Yo cakkhundriyaṁ parijānāti so sotindriyaṁ parijānātīti? Āmantā.

6. ya10.3.1:2.1

   Yo vā pana sotindriyaṁ parijānāti so cakkhundriyaṁ parijānātīti? Āmantā.

7. ya10.3.1:3.1

   Yo cakkhundriyaṁ parijānāti so domanassindriyaṁ pajahatīti? No.

8. ya10.3.1:4.1

   Yo vā pana domanassindriyaṁ pajahati so cakkhundriyaṁ parijānātīti? No.

9. ya10.3.1:5.1

   Yo cakkhundriyaṁ parijānāti so anaññātaññassāmītindriyaṁ bhāvetīti? No.

10. ya10.3.1:6.1

    Yo vā pana anaññātaññassāmītindriyaṁ bhāveti so cakkhundriyaṁ parijānātīti? No.

11. ya10.3.1:7.1

    Yo cakkhundriyaṁ parijānāti so aññindriyaṁ bhāvetīti? Āmantā.

12. ya10.3.1:8.1

    Yo vā pana aññindriyaṁ bhāveti so cakkhundriyaṁ parijānātīti?

13. ya10.3.1:9.1

    Dve puggalā aññindriyaṁ bhāventi, no ca cakkhundriyaṁ parijānanti. Aggamaggasamaṅgī aññindriyañca bhāveti cakkhundriyañca parijānāti.

14. ya10.3.1:10.1

    Yo cakkhundriyaṁ parijānāti so aññātāvindriyaṁ sacchikarotīti? No.

15. ya10.3.1:11.1

    Yo vā pana aññātāvindriyaṁ sacchikaroti so cakkhundriyaṁ parijānātīti? No. (Cakkhundriyamūlakaṁ.)

16. ya10.3.1:12.1

    Yo domanassindriyaṁ pajahati so anaññātaññassāmītindriyaṁ bhāvetīti? No.

17. ya10.3.1:13.1

    Yo vā pana anaññātaññassāmītindriyaṁ bhāveti so domanassindriyaṁ pajahatīti? No.

18. ya10.3.1:14.1

    Yo domanassindriyaṁ pajahati so aññindriyaṁ bhāvetīti? Āmantā.

19. ya10.3.1:15.1

    Yo vā pana aññindriyaṁ bhāveti so domanassindriyaṁ pajahatīti?

20. ya10.3.1:16.1

    Dve puggalā aññindriyaṁ bhāventi, no ca domanassindriyaṁ pajahanti. Anāgāmimaggasamaṅgī aññindriyañca bhāveti domanassindriyañca pajahati.

21. ya10.3.1:17.1

    Yo domanassindriyaṁ pajahati so aññātāvindriyaṁ sacchikarotīti? No.

22. ya10.3.1:18.1

    Yo vā pana aññātāvindriyaṁ sacchikaroti so domanassindriyaṁ pajahatīti? No. (Domanassindriyamūlakaṁ.)

23. ya10.3.1:19.1

    Yo anaññātaññassāmītindriyaṁ bhāveti so aññindriyaṁ bhāvetīti? No.

24. ya10.3.1:20.1

    Yo vā pana aññindriyaṁ bhāveti so anaññātaññassāmītindriyaṁ bhāvetīti? No.

25. ya10.3.1:21.1

    Yo anaññātaññassāmītindriyaṁ bhāveti so aññātāvindriyaṁ sacchikarotīti? No.

26. ya10.3.1:22.1

    Yo vā pana aññātāvindriyaṁ sacchikaroti so anaññātaññassāmītindriyaṁ bhāvetīti? No. (Anaññātaññassāmītindriyamūlakaṁ.)

27. ya10.3.1:23.1

    Yo aññindriyaṁ bhāveti so aññātāvindriyaṁ sacchikarotīti? No.

28. ya10.3.1:24.1

    Yo vā pana aññātāvindriyaṁ sacchikaroti so aññindriyaṁ bhāvetīti? No. (Aññindriyamūlakaṁ.)

29. ya10.3.1:25.0

    10.3.1.2. Paccanīka

30. ya10.3.1:25.1

    Yo cakkhundriyaṁ na parijānāti so domanassindriyaṁ nappajahatīti?

31. ya10.3.1:26.1

    Anāgāmimaggasamaṅgī cakkhundriyaṁ na parijānāti, no ca domanassindriyaṁ nappajahati. Dve maggasamaṅgino ṭhapetvā avasesā puggalā cakkhundriyañca na parijānanti domanassindriyañca nappajahanti.

32. ya10.3.1:27.1

    Yo vā pana domanassindriyaṁ nappajahati so cakkhundriyaṁ na parijānātīti?

33. ya10.3.1:28.1

    Aggamaggasamaṅgī domanassindriyaṁ nappajahati, no ca cakkhundriyaṁ na parijānāti. Dve maggasamaṅgino ṭhapetvā avasesā puggalā domanassindriyañca nappajahanti cakkhundriyañca na parijānanti.

34. ya10.3.1:29.1

    Yo cakkhundriyaṁ na parijānāti so anaññātaññassāmītindriyaṁ na bhāvetīti?

35. ya10.3.1:30.1

    Aṭṭhamako cakkhundriyaṁ na parijānāti, no ca anaññātaññassāmītindriyaṁ na bhāveti. Dve maggasamaṅgino ṭhapetvā avasesā puggalā cakkhundriyañca na parijānanti anaññātaññassāmītindriyañca na bhāventi.

36. ya10.3.1:31.1

    Yo vā pana anaññātaññassāmītindriyaṁ na bhāveti so cakkhundriyaṁ na parijānātīti?

37. ya10.3.1:32.1

    Aggamaggasamaṅgī anaññātaññassāmītindriyaṁ na bhāveti, no ca cakkhundriyaṁ na parijānāti. Dve maggasamaṅgino ṭhapetvā avasesā puggalā anaññātaññassāmītindriyañca na bhāventi cakkhundriyañca na parijānanti.

38. ya10.3.1:33.1

    Yo cakkhundriyaṁ na parijānāti so aññindriyaṁ na bhāvetīti?

39. ya10.3.1:34.1

    Dve puggalā cakkhundriyaṁ na parijānanti, no ca aññindriyaṁ na bhāventi. Tayo maggasamaṅgino ṭhapetvā avasesā puggalā cakkhundriyañca na parijānanti aññindriyañca na bhāventi.

40. ya10.3.1:35.1

    Yo vā pana aññindriyaṁ na bhāveti so cakkhundriyaṁ na parijānātīti? Āmantā.

41. ya10.3.1:36.1

    Yo cakkhundriyaṁ na parijānāti so aññātāvindriyaṁ na sacchikarotīti?

42. ya10.3.1:37.1

    Yo aggaphalaṁ sacchikaroti so cakkhundriyaṁ na parijānāti, no ca aññātāvindriyaṁ na sacchikaroti. Aggamaggasamaṅgiñca arahantañca ṭhapetvā avasesā puggalā cakkhundriyañca na parijānanti aññātāvindriyañca na sacchikaronti.

43. ya10.3.1:38.1

    Yo vā pana aññātāvindriyaṁ na sacchikaroti so cakkhundriyaṁ na parijānātīti?

44. ya10.3.1:39.1

    Aggamaggasamaṅgī aññātāvindriyaṁ na sacchikaroti, no ca cakkhundriyaṁ na parijānāti. Aggamaggasamaṅgiñca arahantañca ṭhapetvā avasesā puggalā aññātāvindriyañca na sacchikaronti cakkhundriyañca na parijānanti. (Cakkhundriyamūlakaṁ.)

45. ya10.3.1:40.1

    Yo domanassindriyaṁ nappajahati so anaññātaññassāmītindriyaṁ na bhāvetīti?

46. ya10.3.1:41.1

    Aṭṭhamako domanassindriyaṁ nappajahati, no ca anaññātaññassāmītindriyaṁ na bhāveti. Dve maggasamaṅgino ṭhapetvā avasesā puggalā domanassindriyañca nappajahanti anaññātaññassāmītindriyañca na bhāventi.

47. ya10.3.1:42.1

    Yo vā pana anaññātaññassāmītindriyaṁ na bhāveti so domanassindriyaṁ nappajahatīti?

48. ya10.3.1:43.1

    Anāgāmimaggasamaṅgī anaññātaññassāmītindriyaṁ na bhāveti, no ca domanassindriyaṁ nappajahati. Dve maggasamaṅgino ṭhapetvā avasesā puggalā anaññātaññassāmītindriyañca na bhāventi domanassindriyañca nappajahanti.

49. ya10.3.1:44.1

    Yo domanassindriyaṁ nappajahati so aññindriyaṁ na bhāvetīti?

50. ya10.3.1:45.1

    Dve puggalā domanassindriyaṁ nappajahanti, no ca aññindriyaṁ na bhāventi. Tayo maggasamaṅgino ṭhapetvā avasesā puggalā domanassindriyañca nappajahanti aññindriyañca na bhāventi.

51. ya10.3.1:46.1

    Yo vā pana aññindriyaṁ na bhāveti so domanassindriyaṁ nappajahatīti? Āmantā.

52. ya10.3.1:47.1

    Yo domanassindriyaṁ nappajahati so aññātāvindriyaṁ na sacchikarotīti?

53. ya10.3.1:48.1

    Yo aggaphalaṁ sacchikaroti so domanassindriyaṁ nappajahati, no ca aññātāvindriyaṁ na sacchikaroti. Anāgāmimaggasamaṅgiñca arahantañca ṭhapetvā avasesā puggalā domanassindriyañca nappajahanti aññātāvindriyañca na sacchikaronti.

54. ya10.3.1:49.1

    Yo vā pana aññātāvindriyaṁ na sacchikaroti so domanassindriyaṁ nappajahatīti?

55. ya10.3.1:50.1

    Anāgāmimaggasamaṅgī aññātāvindriyaṁ na sacchikaroti, no ca domanassindriyaṁ nappajahati. Anāgāmimaggasamaṅgiñca arahantañca ṭhapetvā avasesā puggalā aññātāvindriyañca na sacchikaronti domanassindriyañca nappajahanti. (Domanassindriyamūlakaṁ.)

56. ya10.3.1:51.1

    Yo anaññātaññassāmītindriyaṁ na bhāveti so aññindriyaṁ na bhāvetīti?

57. ya10.3.1:52.1

    Tayo maggasamaṅgino anaññātaññassāmītindriyaṁ na bhāventi, no ca aññindriyaṁ na bhāventi. Cattāro maggasamaṅgino ṭhapetvā avasesā puggalā anaññātaññassāmītindriyañca na bhāventi aññindriyañca na bhāventi.

58. ya10.3.1:53.1

    Yo vā pana aññindriyaṁ na bhāveti so anaññātaññassāmītindriyaṁ na bhāvetīti?

59. ya10.3.1:54.1

    Aṭṭhamako aññindriyaṁ na bhāveti, no ca anaññātaññassāmītindriyaṁ na bhāveti. Cattāro maggasamaṅgino ṭhapetvā avasesā puggalā aññindriyañca na bhāventi anaññātaññassāmītindriyañca na bhāventi.

60. ya10.3.1:55.1

    Yo anaññātaññassāmītindriyaṁ na bhāveti so aññātāvindriyaṁ na sacchikarotīti?

61. ya10.3.1:56.1

    Yo aggaphalaṁ sacchikaroti so anaññātaññassāmītindriyaṁ na bhāveti, no ca aññātāvindriyaṁ na sacchikaroti. Aṭṭhamakañca arahantañca ṭhapetvā avasesā puggalā anaññātaññassāmītindriyañca na bhāventi aññātāvindriyañca na sacchikaronti.

62. ya10.3.1:57.1

    Yo vā pana aññātāvindriyaṁ na sacchikaroti so anaññātaññassāmītindriyaṁ na bhāvetīti?

63. ya10.3.1:58.1

    Aṭṭhamako aññātāvindriyaṁ na sacchikaroti, no ca anaññātaññassāmītindriyaṁ na bhāveti. Aṭṭhamakañca arahantañca ṭhapetvā avasesā puggalā aññātāvindriyañca na sacchikaronti anaññātaññassāmītindriyañca na bhāventi. (Anaññātaññassāmītindriyamūlakaṁ.)

64. ya10.3.1:59.1

    Yo aññindriyaṁ na bhāveti so aññātāvindriyaṁ na sacchikarotīti?

65. ya10.3.1:60.1

    Yo aggaphalaṁ sacchikaroti so aññindriyaṁ na bhāveti, no ca aññātāvindriyaṁ na sacchikaroti. Tayo maggasamaṅgino ca arahantañca ṭhapetvā avasesā puggalā aññindriyañca na bhāventi aññātāvindriyañca na sacchikaronti.

66. ya10.3.1:61.1

    Yo vā pana aññātāvindriyaṁ na sacchikaroti so aññindriyaṁ na bhāvetīti?

67. ya10.3.1:62.1

    Tayo maggasamaṅgino aññātāvindriyaṁ na sacchikaronti, no ca aññindriyaṁ na bhāventi. Tayo maggasamaṅgino ca arahantañca ṭhapetvā avasesā puggalā aññātāvindriyañca na sacchikaronti aññindriyañca na bhāventi. (Aññindriyamūlakaṁ.)

SuttaCentral (suttacentral.net), from the bilara-data and sc-data repositories. Licence: Public Domain. Source.