Ancient Texts

← Library

10 Indriyayamaka — 10.2 Pavattivāra — 10.2.1. Uppādavāra

Early Buddhist texts (SuttaCentral): Abhidhamma · abhidhamma · 2,727 sections

  1. ya10.2.1:96.1

    Purisānaṁ vinā somanassena upapajjantānaṁ tesaṁ purisindriyaṁ uppajjati, no ca tesaṁ somanassindriyaṁ uppajjati. Purisānaṁ somanassena upapajjantānaṁ tesaṁ purisindriyañca uppajjati somanassindriyañca uppajjati.

  2. ya10.2.1:97.1

    Yassa vā pana somanassindriyaṁ uppajjati tassa purisindriyaṁ uppajjatīti?

  3. ya10.2.1:98.1

    Somanassena na purisānaṁ upapajjantānaṁ tesaṁ somanassindriyaṁ uppajjati, no ca tesaṁ purisindriyaṁ uppajjati. Somanassena purisānaṁ upapajjantānaṁ tesaṁ somanassindriyañca uppajjati purisindriyañca uppajjati.

  4. ya10.2.1:99.1

    Yassa purisindriyaṁ uppajjati tassa upekkhindriyaṁ uppajjatīti?

  5. ya10.2.1:100.1

    Purisānaṁ vinā upekkhāya upapajjantānaṁ tesaṁ purisindriyaṁ uppajjati, no ca tesaṁ upekkhindriyaṁ uppajjati. Purisānaṁ upekkhāya upapajjantānaṁ tesaṁ purisindriyañca uppajjati upekkhindriyañca uppajjati.

  6. ya10.2.1:101.1

    Yassa vā pana upekkhindriyaṁ uppajjati tassa purisindriyaṁ uppajjatīti?

  7. ya10.2.1:102.1

    Upekkhāya na purisānaṁ upapajjantānaṁ tesaṁ upekkhindriyaṁ uppajjati, no ca tesaṁ purisindriyaṁ uppajjati. Upekkhāya purisānaṁ upapajjantānaṁ tesaṁ upekkhindriyañca uppajjati purisindriyañca uppajjati.

  8. ya10.2.1:103.1

    Yassa purisindriyaṁ uppajjati tassa saddhindriyaṁ uppajjatīti?

  9. ya10.2.1:104.1

    Purisānaṁ ahetukānaṁ upapajjantānaṁ tesaṁ purisindriyaṁ uppajjati, no ca tesaṁ saddhindriyaṁ uppajjati. Purisānaṁ sahetukānaṁ upapajjantānaṁ tesaṁ purisindriyañca uppajjati saddhindriyañca uppajjati.

  10. ya10.2.1:105.1

    Yassa vā pana saddhindriyaṁ uppajjati tassa purisindriyaṁ uppajjatīti?

  11. ya10.2.1:106.1

    Sahetukānaṁ na purisānaṁ upapajjantānaṁ tesaṁ saddhindriyaṁ uppajjati, no ca tesaṁ purisindriyaṁ uppajjati. Sahetukānaṁ purisānaṁ upapajjantānaṁ tesaṁ saddhindriyañca uppajjati purisindriyañca uppajjati.

  12. ya10.2.1:107.1

    Yassa purisindriyaṁ uppajjati tassa paññindriyaṁ uppajjatīti?

  13. ya10.2.1:108.1

    Purisānaṁ ñāṇavippayuttānaṁ upapajjantānaṁ tesaṁ purisindriyaṁ uppajjati, no ca tesaṁ paññindriyaṁ uppajjati. Purisānaṁ ñāṇasampayuttānaṁ upapajjantānaṁ tesaṁ purisindriyañca uppajjati paññindriyañca uppajjati.

  14. ya10.2.1:109.1

    Yassa vā pana paññindriyaṁ uppajjati tassa purisindriyaṁ uppajjatīti?

  15. ya10.2.1:110.1

    Ñāṇasampayuttānaṁ na purisānaṁ upapajjantānaṁ tesaṁ paññindriyaṁ uppajjati, no ca tesaṁ purisindriyaṁ uppajjati. Ñāṇasampayuttānaṁ purisānaṁ upapajjantānaṁ tesaṁ paññindriyañca uppajjati purisindriyañca uppajjati.

  16. ya10.2.1:111.1

    Yassa purisindriyaṁ uppajjati tassa manindriyaṁ uppajjatīti? Āmantā.

  17. ya10.2.1:112.1

    Yassa vā pana manindriyaṁ uppajjati tassa purisindriyaṁ uppajjatīti?

  18. ya10.2.1:113.1

    Sacittakānaṁ na purisānaṁ upapajjantānaṁ tesaṁ manindriyaṁ uppajjati, no ca tesaṁ purisindriyaṁ uppajjati. Purisānaṁ upapajjantānaṁ tesaṁ manindriyañca uppajjati purisindriyañca uppajjati. (Purisindriyamūlakaṁ.)

  19. ya10.2.1:114.1

    Yassa jīvitindriyaṁ uppajjati tassa somanassindriyaṁ uppajjatīti?

  20. ya10.2.1:115.1

    Vinā somanassena upapajjantānaṁ pavatte somanassavippayuttacittassa uppādakkhaṇe tesaṁ jīvitindriyaṁ uppajjati, no ca tesaṁ somanassindriyaṁ uppajjati. Somanassena upapajjantānaṁ pavatte somanassasampayuttacittassa uppādakkhaṇe tesaṁ jīvitindriyañca uppajjati somanassindriyañca uppajjati.

  21. ya10.2.1:116.1

    Yassa vā pana somanassindriyaṁ uppajjati tassa jīvitindriyaṁ uppajjatīti? Āmantā.

  22. ya10.2.1:117.1

    Yassa jīvitindriyaṁ uppajjati tassa upekkhindriyaṁ uppajjatīti?

  23. ya10.2.1:118.1

    Vinā upekkhāya upapajjantānaṁ pavatte upekkhāvippayuttacittassa uppādakkhaṇe tesaṁ jīvitindriyaṁ uppajjati, no ca tesaṁ upekkhindriyaṁ uppajjati. Upekkhāya upapajjantānaṁ pavatte upekkhāsampayuttacittassa uppādakkhaṇe tesaṁ jīvitindriyañca uppajjati upekkhindriyañca uppajjati.

  24. ya10.2.1:119.1

    Yassa vā pana upekkhindriyaṁ uppajjati tassa jīvitindriyaṁ uppajjatīti? Āmantā.

  25. ya10.2.1:120.1

    Yassa jīvitindriyaṁ uppajjati tassa saddhindriyaṁ uppajjatīti?

  26. ya10.2.1:121.1

    Ahetukānaṁ upapajjantānaṁ pavatte saddhāvippayuttacittassa uppādakkhaṇe tesaṁ jīvitindriyaṁ uppajjati, no ca tesaṁ saddhindriyaṁ uppajjati. Sahetukānaṁ upapajjantānaṁ pavatte saddhāsampayuttacittassa uppādakkhaṇe tesaṁ jīvitindriyañca uppajjati saddhindriyañca uppajjati.

  27. ya10.2.1:122.1

    Yassa vā pana saddhindriyaṁ uppajjati tassa jīvitindriyaṁ uppajjatīti? Āmantā.

  28. ya10.2.1:123.1

    Yassa jīvitindriyaṁ uppajjati tassa paññindriyaṁ uppajjatīti?

  29. ya10.2.1:124.1

    Ñāṇavippayuttānaṁ upapajjantānaṁ pavatte ñāṇavippayuttacittassa uppādakkhaṇe tesaṁ jīvitindriyaṁ uppajjati, no ca tesaṁ paññindriyaṁ uppajjati. Ñāṇasampayuttānaṁ upapajjantānaṁ pavatte ñāṇasampayuttacittassa uppādakkhaṇe tesaṁ jīvitindriyañca uppajjati paññindriyañca uppajjati.

  30. ya10.2.1:125.1

    Yassa vā pana paññindriyaṁ uppajjati tassa jīvitindriyaṁ uppajjatīti? Āmantā.

  31. ya10.2.1:126.1

    Yassa jīvitindriyaṁ uppajjati tassa manindriyaṁ uppajjatīti?

  32. ya10.2.1:127.1

    Acittakānaṁ upapajjantānaṁ tesaṁ jīvitindriyaṁ uppajjati, no ca tesaṁ manindriyaṁ uppajjati. Sacittakānaṁ upapajjantānaṁ pavatte cittassa uppādakkhaṇe tesaṁ jīvitindriyañca uppajjati manindriyañca uppajjati.

  33. ya10.2.1:128.1

    Yassa vā pana manindriyaṁ uppajjati tassa jīvitindriyaṁ uppajjatīti? Āmantā. (Jīvitindriyamūlakaṁ.)

  34. ya10.2.1:129.1

    Yassa somanassindriyaṁ uppajjati tassa upekkhindriyaṁ uppajjatīti? No.

  35. ya10.2.1:130.1

    Yassa vā pana upekkhindriyaṁ uppajjati tassa somanassindriyaṁ uppajjatīti? No.

  36. ya10.2.1:131.1

    Yassa somanassindriyaṁ uppajjati tassa saddhindriyaṁ uppajjatīti?

  37. ya10.2.1:132.1

    Pavatte somanassasampayuttasaddhāvippayuttacittassa uppādakkhaṇe tesaṁ somanassindriyaṁ uppajjati, no ca tesaṁ saddhindriyaṁ uppajjati. Somanassena upapajjantānaṁ pavatte somanassasampayuttasaddhāsampayuttacittassa uppādakkhaṇe tesaṁ somanassindriyañca uppajjati saddhindriyañca uppajjati.

  38. ya10.2.1:133.1

    Yassa vā pana saddhindriyaṁ uppajjati tassa somanassindriyaṁ uppajjatīti?

  39. ya10.2.1:134.1

    Sahetukānaṁ vinā somanassena upapajjantānaṁ pavatte saddhāsampayuttasomanassavippayuttacittassa uppādakkhaṇe tesaṁ saddhindriyaṁ uppajjati, no ca tesaṁ somanassindriyaṁ uppajjati. Somanassena upapajjantānaṁ pavatte saddhāsampayuttasomanassasampayuttacittassa uppādakkhaṇe tesaṁ saddhindriyañca uppajjati somanassindriyañca uppajjati.

  40. ya10.2.1:135.1

    Yassa somanassindriyaṁ uppajjati tassa paññindriyaṁ uppajjatīti?

  41. ya10.2.1:136.1

    Somanassena ñāṇavippayuttānaṁ upapajjantānaṁ pavatte somanassasampayuttañāṇavippayuttacittassa uppādakkhaṇe tesaṁ somanassindriyaṁ uppajjati, no ca tesaṁ paññindriyaṁ uppajjati. Somanassena ñāṇasampayuttānaṁ upapajjantānaṁ pavatte somanassasampayuttañāṇasampayuttacittassa uppādakkhaṇe tesaṁ somanassindriyañca uppajjati paññindriyañca uppajjati.

  42. ya10.2.1:137.1

    Yassa vā pana paññindriyaṁ uppajjati tassa somanassindriyaṁ uppajjatīti?

  43. ya10.2.1:138.1

    Ñāṇasampayuttānaṁ vinā somanassena upapajjantānaṁ pavatte ñāṇasampayuttasomanassavippayuttacittassa uppādakkhaṇe tesaṁ paññindriyaṁ uppajjati, no ca tesaṁ somanassindriyaṁ uppajjati. Ñāṇasampayuttānaṁ somanassena upapajjantānaṁ pavatte ñāṇasampayuttasomanassasampayuttacittassa uppādakkhaṇe tesaṁ paññindriyañca uppajjati somanassindriyañca uppajjati.

  44. ya10.2.1:139.1

    Yassa somanassindriyaṁ uppajjati tassa manindriyaṁ uppajjatīti? Āmantā.

  45. ya10.2.1:140.1

    Yassa vā pana manindriyaṁ uppajjati tassa somanassindriyaṁ uppajjatīti?

  46. ya10.2.1:141.1

    Sacittakānaṁ vinā somanassena upapajjantānaṁ pavatte somanassavippayuttacittassa uppādakkhaṇe tesaṁ manindriyaṁ uppajjati, no ca tesaṁ somanassindriyaṁ uppajjati. Somanassena upapajjantānaṁ pavatte somanassasampayuttacittassa uppādakkhaṇe tesaṁ manindriyañca uppajjati somanassindriyañca uppajjati. (Somanassindriyamūlakaṁ.)

  47. ya10.2.1:142.1

    Yassa upekkhindriyaṁ uppajjati tassa saddhindriyaṁ uppajjatīti?

  48. ya10.2.1:143.1

    Upekkhāya ahetukānaṁ upapajjantānaṁ pavatte upekkhāsampayuttasaddhāvippayuttacittassa uppādakkhaṇe tesaṁ upekkhindriyaṁ uppajjati, no ca tesaṁ saddhindriyaṁ uppajjati. Upekkhāya sahetukānaṁ upapajjantānaṁ pavatte upekkhāsampayuttasaddhāsampayuttacittassa uppādakkhaṇe tesaṁ upekkhindriyañca uppajjati saddhindriyañca uppajjati.

  49. ya10.2.1:144.1

    Yassa vā pana saddhindriyaṁ uppajjati tassa upekkhindriyaṁ uppajjatīti?

  50. ya10.2.1:145.1

    Sahetukānaṁ vinā upekkhāya upapajjantānaṁ pavatte saddhāsampayuttaupekkhāvippayuttacittassa uppādakkhaṇe tesaṁ saddhindriyaṁ uppajjati, no ca tesaṁ upekkhindriyaṁ uppajjati. Sahetukānaṁ upekkhāya upapajjantānaṁ pavatte saddhāsampayuttaupekkhāsampayuttacittassa uppādakkhaṇe tesaṁ saddhindriyañca uppajjati upekkhindriyañca uppajjati.

  51. ya10.2.1:146.1

    Yassa upekkhindriyaṁ uppajjati tassa paññindriyaṁ uppajjatīti?

  52. ya10.2.1:147.1

    Upekkhāya ñāṇavippayuttānaṁ upapajjantānaṁ pavatte upekkhāsampayuttañāṇavippayuttacittassa uppādakkhaṇe tesaṁ upekkhindriyaṁ uppajjati, no ca tesaṁ paññindriyaṁ uppajjati. Upekkhāya ñāṇasampayuttānaṁ upapajjantānaṁ pavatte upekkhāsampayuttañāṇasampayuttacittassa uppādakkhaṇe tesaṁ upekkhindriyañca uppajjati paññindriyañca uppajjati.

  53. ya10.2.1:148.1

    Yassa vā pana paññindriyaṁ uppajjati tassa upekkhindriyaṁ uppajjatīti?

  54. ya10.2.1:149.1

    Ñāṇasampayuttānaṁ vinā upekkhāya upapajjantānaṁ pavatte ñāṇasampayuttaupekkhāvippayuttacittassa uppādakkhaṇe tesaṁ paññindriyaṁ uppajjati, no ca tesaṁ upekkhindriyaṁ uppajjati. Ñāṇasampayuttānaṁ upekkhāya upapajjantānaṁ pavatte ñāṇasampayuttaupekkhāsampayuttacittassa uppādakkhaṇe tesaṁ paññindriyañca uppajjati upekkhindriyañca uppajjati.

  55. ya10.2.1:150.1

    Yassa upekkhindriyaṁ uppajjati tassa manindriyaṁ uppajjatīti? Āmantā.

  56. ya10.2.1:151.1

    Yassa vā pana manindriyaṁ uppajjati tassa upekkhindriyaṁ uppajjatīti?

  57. ya10.2.1:152.1

    Sacittakānaṁ vinā upekkhāya upapajjantānaṁ pavatte upekkhāvippayuttacittassa uppādakkhaṇe tesaṁ manindriyaṁ uppajjati, no ca tesaṁ upekkhindriyaṁ uppajjati. Upekkhāya upapajjantānaṁ pavatte upekkhāsampayuttacittassa uppādakkhaṇe tesaṁ manindriyañca uppajjati upekkhindriyañca uppajjati. (Upekkhindriyamūlakaṁ.)

  58. ya10.2.1:153.1

    Yassa saddhindriyaṁ uppajjati tassa paññindriyaṁ uppajjatīti?

  59. ya10.2.1:154.1

    Sahetukānaṁ ñāṇavippayuttānaṁ upapajjantānaṁ pavatte saddhāsampayuttañāṇavippayuttacittassa uppādakkhaṇe tesaṁ saddhindriyaṁ uppajjati, no ca tesaṁ paññindriyaṁ uppajjati. Sahetukānaṁ ñāṇasampayuttānaṁ upapajjantānaṁ pavatte saddhāsampayuttañāṇasampayuttacittassa uppādakkhaṇe tesaṁ saddhindriyañca uppajjati paññindriyañca uppajjati.

  60. ya10.2.1:155.1

    Yassa vā pana paññindriyaṁ uppajjati tassa saddhindriyaṁ uppajjatīti? Āmantā.

  61. ya10.2.1:156.1

    Yassa saddhindriyaṁ uppajjati tassa manindriyaṁ uppajjatīti? Āmantā.

  62. ya10.2.1:157.1

    Yassa vā pana manindriyaṁ uppajjati tassa saddhindriyaṁ uppajjatīti?

  63. ya10.2.1:158.1

    Sacittakānaṁ ahetukānaṁ upapajjantānaṁ pavatte saddhāvippayuttacittassa uppādakkhaṇe tesaṁ manindriyaṁ uppajjati, no ca tesaṁ saddhindriyaṁ uppajjati. Sahetukānaṁ upapajjantānaṁ pavatte saddhāsampayuttacittassa uppādakkhaṇe tesaṁ manindriyañca uppajjati saddhindriyañca uppajjati. (Saddhindriyamūlakaṁ.)

  64. ya10.2.1:159.1

    Yassa paññindriyaṁ uppajjati tassa manindriyaṁ uppajjatīti? Āmantā.

  65. ya10.2.1:160.1

    Yassa vā pana manindriyaṁ uppajjati tassa paññindriyaṁ uppajjatīti?

  66. ya10.2.1:161.1

    Sacittakānaṁ ñāṇavippayuttānaṁ upapajjantānaṁ pavatte ñāṇavippayuttacittassa uppādakkhaṇe tesaṁ manindriyaṁ uppajjati, no ca tesaṁ paññindriyaṁ uppajjati. Ñāṇasampayuttānaṁ upapajjantānaṁ pavatte ñāṇasampayuttacittassa uppādakkhaṇe tesaṁ manindriyañca uppajjati paññindriyañca uppajjati. (Paññindriyamūlakaṁ.)

  67. ya10.2.1:162.0

    10.2.1.1.2. Anulomaokāsa

  68. ya10.2.1:162.1

    Yattha cakkhundriyaṁ uppajjati tattha sotindriyaṁ uppajjatīti? Āmantā.

  69. ya10.2.1:163.1

    Yattha vā pana sotindriyaṁ uppajjati tattha cakkhundriyaṁ uppajjatīti? Āmantā.

  70. ya10.2.1:164.1

    Yattha cakkhundriyaṁ uppajjati tattha ghānindriyaṁ uppajjatīti?

  71. ya10.2.1:165.1

    Rūpāvacare tattha cakkhundriyaṁ uppajjati, no ca tattha ghānindriyaṁ uppajjati. Kāmāvacare tattha cakkhundriyañca uppajjati ghānindriyañca uppajjati.

  72. ya10.2.1:166.1

    Yattha vā pana ghānindriyaṁ uppajjati tattha cakkhundriyaṁ uppajjatīti? Āmantā.

  73. ya10.2.1:167.1

    Yattha cakkhundriyaṁ uppajjati tattha itthindriyaṁ …pe… purisindriyaṁ uppajjatīti?

  74. ya10.2.1:168.1

    Rūpāvacare tattha cakkhundriyaṁ uppajjati, no ca tattha purisindriyaṁ uppajjati. Kāmāvacare tattha cakkhundriyañca uppajjati purisindriyañca uppajjati.

  75. ya10.2.1:169.1

    Yattha vā pana purisindriyaṁ uppajjati tattha cakkhundriyaṁ uppajjatīti? Āmantā.

  76. ya10.2.1:170.1

    Yattha cakkhundriyaṁ uppajjati tattha jīvitindriyaṁ uppajjatīti? Āmantā.

  77. ya10.2.1:171.1

    Yattha vā pana jīvitindriyaṁ uppajjati tattha cakkhundriyaṁ uppajjatīti?

  78. ya10.2.1:172.1

    Asaññasatte arūpe tattha jīvitindriyaṁ uppajjati, no ca tattha cakkhundriyaṁ uppajjati. Pañcavokāre tattha jīvitindriyañca uppajjati cakkhundriyañca uppajjati.

  79. ya10.2.1:173.1

    Yattha cakkhundriyaṁ uppajjati tattha somanassindriyaṁ uppajjatīti? Āmantā.

  80. ya10.2.1:174.1

    Yattha vā pana somanassindriyaṁ uppajjati tattha cakkhundriyaṁ uppajjatīti? Āmantā.

  81. ya10.2.1:175.1

    Yattha cakkhundriyaṁ uppajjati tattha upekkhindriyaṁ uppajjatīti? Āmantā.

  82. ya10.2.1:176.1

    Yattha vā pana upekkhindriyaṁ uppajjati tattha cakkhundriyaṁ uppajjatīti?

  83. ya10.2.1:177.1

    Arūpe tattha upekkhindriyaṁ uppajjati, no ca tattha cakkhundriyaṁ uppajjati. Pañcavokāre tattha upekkhindriyañca uppajjati cakkhundriyañca uppajjati.

  84. ya10.2.1:178.1

    Yattha cakkhundriyaṁ uppajjati tattha saddhindriyaṁ …pe… paññindriyaṁ …pe… manindriyaṁ uppajjatīti? Āmantā.

  85. ya10.2.1:179.1

    Yattha vā pana manindriyaṁ uppajjati tattha cakkhundriyaṁ uppajjatīti?

  86. ya10.2.1:180.1

    Arūpe tattha manindriyaṁ uppajjati, no ca tattha cakkhundriyaṁ uppajjati. Pañcavokāre tattha manindriyañca uppajjati cakkhundriyañca uppajjati. (Cakkhundriyamūlakaṁ.)

  87. ya10.2.1:181.1

    Yattha ghānindriyaṁ uppajjati tattha itthindriyaṁ …pe… purisindriyaṁ uppajjatīti? Āmantā.

  88. ya10.2.1:182.1

    Yattha vā pana purisindriyaṁ uppajjati tattha ghānindriyaṁ uppajjatīti? Āmantā.

  89. ya10.2.1:183.1

    Yattha ghānindriyaṁ uppajjati tattha jīvitindriyaṁ uppajjatīti? Āmantā.

  90. ya10.2.1:184.1

    Yattha vā pana jīvitindriyaṁ uppajjati tattha ghānindriyaṁ uppajjatīti?

  91. ya10.2.1:185.1

    Rūpāvacare arūpāvacare tattha jīvitindriyaṁ uppajjati, no ca tattha ghānindriyaṁ uppajjati. Kāmāvacare tattha jīvitindriyañca uppajjati ghānindriyañca uppajjati.

  92. ya10.2.1:186.1

    Yattha ghānindriyaṁ uppajjati tattha somanassindriyaṁ uppajjatīti? Āmantā.

  93. ya10.2.1:187.1

    Yattha vā pana somanassindriyaṁ uppajjati tattha ghānindriyaṁ uppajjatīti?

  94. ya10.2.1:188.1

    Rūpāvacare tattha somanassindriyaṁ uppajjati, no ca tattha ghānindriyaṁ uppajjati. Kāmāvacare tattha somanassindriyañca uppajjati ghānindriyañca uppajjati.

  95. ya10.2.1:189.1

    Yattha ghānindriyaṁ uppajjati tattha upekkhindriyaṁ uppajjatīti? Āmantā.

  96. ya10.2.1:190.1

    Yattha vā pana upekkhindriyaṁ uppajjati tattha ghānindriyaṁ uppajjatīti?

  97. ya10.2.1:191.1

    Rūpāvacare arūpāvacare tattha upekkhindriyaṁ uppajjati, no ca tattha ghānindriyaṁ uppajjati. Kāmāvacare tattha upekkhindriyañca uppajjati ghānindriyañca uppajjati.

  98. ya10.2.1:192.1

    Yattha ghānindriyaṁ uppajjati tattha saddhindriyaṁ …pe… paññindriyaṁ …pe… manindriyaṁ uppajjatīti? Āmantā.

  99. ya10.2.1:193.1

    Yattha vā pana manindriyaṁ uppajjati tattha ghānindriyaṁ uppajjatīti?

  100. ya10.2.1:194.1

    Rūpāvacare arūpāvacare tattha manindriyaṁ uppajjati, no ca tattha ghānindriyaṁ uppajjati. Kāmāvacare tattha manindriyañca uppajjati ghānindriyañca uppajjati. (Ghānindriyamūlakaṁ.)

← Previous · Next → — showing 101–200 of 2,727

SuttaCentral (suttacentral.net), from the bilara-data and sc-data repositories. Licence: Public Domain. Source.