Theravāda Vinaya — Mahāvibhaṅga — Pārājikakaṇḍa
- pli-tv-bu-vb-pj2:1.6.6
Kuto imesaṁ sāmaññaṁ, kuto imesaṁ brahmaññaṁ.
- pli-tv-bu-vb-pj2:1.6.7
Apagatā ime sāmaññā, apagatā ime brahmaññā.
- pli-tv-bu-vb-pj2:1.6.8
Rājānampi ime vañcenti, kiṁ panaññe manusse”ti.
They even deceive the king, never mind other people.”
- pli-tv-bu-vb-pj2:1.6.9
Assosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.
The monks heard the complaints of those people.
- pli-tv-bu-vb-pj2:1.6.10
Ye te bhikkhū appicchā santuṭṭhā lajjino kukkuccakā sikkhākāmā te ujjhāyanti khiyyanti vipācenti—
The monks of few desires, who had a sense of conscience, and who were contented, afraid of wrongdoing, and fond of the training, complained and criticized Venerable Dhaniya,
- pli-tv-bu-vb-pj2:1.6.11
“kathañhi nāma āyasmā dhaniyo kumbhakāraputto rañño dārūni adinnaṁ ādiyissatī”ti.
“How could he take the king’s timber without it being given to him?”
- pli-tv-bu-vb-pj2:1.6.12
Atha kho te bhikkhū āyasmantaṁ dhaniyaṁ kumbhakāraputtaṁ anekapariyāyena vigarahitvā bhagavato etamatthaṁ ārocesuṁ.
After rebuking Dhaniya in many ways, they told the Buddha.
- pli-tv-bu-vb-pj2:1.6.13
Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā āyasmantaṁ dhaniyaṁ kumbhakāraputtaṁ paṭipucchi—
The Buddha then had the Sangha of monks gathered and questioned Venerable Dhaniya:
- pli-tv-bu-vb-pj2:1.6.14
“saccaṁ kira tvaṁ, dhaniya, rañño dārūni adinnaṁ ādiyī”ti?
“Is it true, Dhaniya, that you did this?”
- pli-tv-bu-vb-pj2:1.6.15
“Saccaṁ, bhagavā”ti.
“It’s true, sir.”
- pli-tv-bu-vb-pj2:1.6.16
Vigarahi buddho bhagavā—
The Buddha rebuked him,
- pli-tv-bu-vb-pj2:1.6.17
“ananucchavikaṁ, moghapurisa, ananulomikaṁ appatirūpaṁ assāmaṇakaṁ akappiyaṁ akaraṇīyaṁ.
“Foolish man, it’s not suitable, it’s not proper, it’s not worthy of a monastic, it’s not allowable, it’s not to be done.
- pli-tv-bu-vb-pj2:1.6.18
Kathañhi nāma tvaṁ, moghapurisa, rañño dārūni adinnaṁ ādiyissasi.
How could you do this?
- pli-tv-bu-vb-pj2:1.6.19
Netaṁ, moghapurisa, appasannānaṁ vā pasādāya pasannānaṁ vā bhiyyobhāvāya;
This will affect people’s confidence
- pli-tv-bu-vb-pj2:1.6.20
atha khvetaṁ, moghapurisa, appasannānañceva appasādāya pasannānañca ekaccānaṁ aññathattāyā”ti.
and cause some to lose it.”
- pli-tv-bu-vb-pj2:1.6.21
Tena kho pana samayena aññataro purāṇavohāriko mahāmatto bhikkhūsu pabbajito bhagavato avidūre nisinno hoti.
Just then a former judge who had gone forth with the monks was sitting near the Buddha.
- pli-tv-bu-vb-pj2:1.6.22
Atha kho bhagavā taṁ bhikkhuṁ etadavoca—
The Buddha said to him,
- pli-tv-bu-vb-pj2:1.6.23
“kittakena kho, bhikkhu, rājā māgadho seniyo bimbisāro coraṁ gahetvā hanati vā bandhati vā pabbājeti vā”ti?
“For stealing how much does King Bimbisāra beat, imprison, or banish a thief?”
- pli-tv-bu-vb-pj2:1.6.24
“Pādena vā, bhagavā, pādārahena vā”ti.
“For stealing a pāda coin, sir, or the value of a pāda.”
- pli-tv-bu-vb-pj2:1.6.25
Tena kho pana samayena rājagahe pañcamāsako pādo hoti.
At that time in Rājagaha a pāda coin was worth five māsaka coins.
- pli-tv-bu-vb-pj2:1.6.26
Atha kho bhagavā āyasmantaṁ dhaniyaṁ kumbhakāraputtaṁ anekapariyāyena vigarahitvā dubbharatāya …pe…
After rebuking Venerable Dhaniya in many ways, the Buddha spoke in dispraise of being difficult to support …
- pli-tv-bu-vb-pj2:1.6.27
evañca pana, bhikkhave, imaṁ sikkhāpadaṁ uddiseyyātha—
“And, monks, this training rule should be recited like this:
- pli-tv-bu-vb-pj2:1.6.28.1
“Yo pana bhikkhu adinnaṁ theyyasaṅkhātaṁ ādiyeyya,
‘If a monk, intending to steal, takes what has not been given to him—
- pli-tv-bu-vb-pj2:1.6.29
yathārūpe adinnādāne rājāno coraṁ gahetvā haneyyuṁ vā bandheyyuṁ vā pabbājeyyuṁ vā—‘corosi bālosi mūḷhosi thenosī’ti, tathārūpaṁ bhikkhu adinnaṁ ādiyamāno
the sort of stealing for which kings, having caught a thief, would beat, imprison, or banish him, saying, “You’re a bandit, you’re a fool, you’ve gone astray, you’re a thief”—
- pli-tv-bu-vb-pj2:1.6.30
ayampi pārājiko hoti asaṁvāso”ti.
he too is expelled and excluded from the community.’”
- pli-tv-bu-vb-pj2:1.6.31
Evañcidaṁ bhagavatā bhikkhūnaṁ sikkhāpadaṁ paññattaṁ hoti.
In this way the Buddha laid down this training rule for the monks.
- pli-tv-bu-vb-pj2:2.1
Tena kho pana samayena chabbaggiyā bhikkhū rajakattharaṇaṁ gantvā rajakabhaṇḍikaṁ avaharitvā ārāmaṁ haritvā bhājesuṁ.
At one time the monks from the group of six went to the dyers, stole their stock of cloth, brought it back to the monastery, and shared it out.
- pli-tv-bu-vb-pj2:2.2
Bhikkhū evamāhaṁsu—
The other monks said to them,
- pli-tv-bu-vb-pj2:2.3
“mahāpuññattha tumhe, āvuso.
“You have great merit,
- pli-tv-bu-vb-pj2:2.4
Bahuṁ tumhākaṁ cīvaraṁ uppannan”ti.
seeing that you’ve gotten so much robe-cloth.”
- pli-tv-bu-vb-pj2:2.5
“Kuto, āvuso, amhākaṁ puññaṁ,
“How is it that we have merit?
- pli-tv-bu-vb-pj2:2.6
idāni mayaṁ rajakattharaṇaṁ gantvā rajakabhaṇḍikaṁ avaharimhā”ti.
Just now we went to the dyers and stole their cloth.”
- pli-tv-bu-vb-pj2:2.7
“Nanu, āvuso, bhagavatā sikkhāpadaṁ paññattaṁ.
“But hasn’t the Buddha laid down a training rule?
- pli-tv-bu-vb-pj2:2.8
Kissa tumhe, āvuso, rajakabhaṇḍikaṁ avaharitthā”ti?
Why then do you steal the dyers’ cloth?”
- pli-tv-bu-vb-pj2:2.9
“Saccaṁ, āvuso, bhagavatā sikkhāpadaṁ paññattaṁ.
“It’s true that the Buddha has laid down a training rule,
- pli-tv-bu-vb-pj2:2.10
Tañca kho gāme, no araññe”ti.
but it concerns inhabited areas, not the wilderness.”
- pli-tv-bu-vb-pj2:2.11
“Nanu, āvuso, tathevetaṁ hoti.
“But that’s just the same.
- pli-tv-bu-vb-pj2:2.12
Ananucchavikaṁ, āvuso, ananulomikaṁ appatirūpaṁ assāmaṇakaṁ akappiyaṁ akaraṇīyaṁ.
It’s not suitable, it’s not proper, it’s not worthy of a monastic, it’s not allowable, it’s not to be done.
- pli-tv-bu-vb-pj2:2.13
Kathañhi nāma tumhe, āvuso, rajakabhaṇḍikaṁ avaharissatha.
How could you steal the dyers’ cloth?
- pli-tv-bu-vb-pj2:2.14
Netaṁ, āvuso, appasannānaṁ vā pasādāya pasannānaṁ vā bhiyyobhāvāya;
This will affect people’s confidence,
- pli-tv-bu-vb-pj2:2.15
atha khvetaṁ, āvuso, appasannānañceva appasādāya pasannānañca ekaccānaṁ aññathattāyā”ti.
and cause some to lose it.”
- pli-tv-bu-vb-pj2:2.16
Atha kho te bhikkhū chabbaggiye bhikkhū anekapariyāyena vigarahitvā bhagavato etamatthaṁ ārocesuṁ.
After rebuking those monks in many ways, they told the Buddha.
- pli-tv-bu-vb-pj2:2.17
Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā chabbaggiye bhikkhū paṭipucchi—
The Buddha had the Sangha of monks gathered and questioned those monks:
- pli-tv-bu-vb-pj2:2.18
“saccaṁ kira tumhe, bhikkhave, rajakattharaṇaṁ gantvā rajakabhaṇḍikaṁ avaharitthā”ti?
“Is it true, monks, that you did this?”
- pli-tv-bu-vb-pj2:2.19
“Saccaṁ, bhagavā”ti.
“It’s true, sir.”
- pli-tv-bu-vb-pj2:2.20
Vigarahi buddho bhagavā—
The Buddha rebuked them,
- pli-tv-bu-vb-pj2:2.21
“ananucchavikaṁ, moghapurisā, ananulomikaṁ appaṭirūpaṁ assāmaṇakaṁ akappiyaṁ akaraṇīyaṁ.
“It’s not suitable, foolish men, it’s not proper, it’s not worthy of a monastic, it’s not allowable, it’s not to be done.
- pli-tv-bu-vb-pj2:2.22
Kathañhi nāma tumhe, moghapurisā, rajakabhaṇḍikaṁ avaharissatha.
How could you do this?
- pli-tv-bu-vb-pj2:2.23
Netaṁ, moghapurisā, appasannānaṁ vā pasādāya pasannānaṁ vā bhiyyobhāvāya;
This will affect people’s confidence,
- pli-tv-bu-vb-pj2:2.24
atha khvetaṁ, moghapurisā, appasannānañceva appasādāya pasannānañca ekaccānaṁ aññathattāyā”ti.
and cause some to lose it.”
- pli-tv-bu-vb-pj2:2.25
Atha kho bhagavā chabbaggiye bhikkhū anekapariyāyena vigarahitvā dubbharatāya …pe…
Then, after rebuking the monks from the group of six in many ways, the Buddha spoke in dispraise of being difficult to support …
- pli-tv-bu-vb-pj2:2.26
vīriyārambhassa vaṇṇaṁ bhāsitvā bhikkhūnaṁ tadanucchavikaṁ tadanulomikaṁ dhammiṁ kathaṁ katvā bhikkhū āmantesi … pe
but he spoke in praise of … being energetic. Having given a teaching on what is right and proper, he addressed the monks …
- pli-tv-bu-vb-pj2:2.27
… evañca pana, bhikkhave, imaṁ sikkhāpadaṁ uddiseyyātha—
“And so, monks, this training rule should be recited like this:
- pli-tv-bu-vb-pj2:2.28.1
“Yo pana bhikkhu gāmā vā araññā vā adinnaṁ theyyasaṅkhātaṁ ādiyeyya,
‘If a monk, intending to steal, takes from an inhabited area or from the wilderness what has not been given to him—
- pli-tv-bu-vb-pj2:2.29
yathārūpe adinnādāne rājāno coraṁ gahetvā haneyyuṁ vā bandheyyuṁ vā pabbājeyyuṁ vā—‘corosi bālosi mūḷhosi thenosī’ti, tathārūpaṁ bhikkhu adinnaṁ ādiyamāno
the sort of stealing for which kings, having caught a thief, would beat, imprison, or banish him, saying, “You’re a bandit, you’re a fool, you’ve gone astray, you’re a thief”—
- pli-tv-bu-vb-pj2:2.30
ayampi pārājiko hoti asaṁvāso”ti.
he too is expelled and excluded from the community.’”
- pli-tv-bu-vb-pj2:3.1
Yo panāti
A:
- pli-tv-bu-vb-pj2:3.2
yo yādiso …pe…
whoever …
- pli-tv-bu-vb-pj2:3.3
bhikkhūti
Monk:
- pli-tv-bu-vb-pj2:3.4
…pe… ayaṁ imasmiṁ atthe adhippeto bhikkhūti.
… The monk who has been given the full ordination by a unanimous Sangha through a legal procedure consisting of one motion and three announcements that is irreversible and fit to stand—this sort of monk is meant in this case.
- pli-tv-bu-vb-pj2:3.5
Gāmo nāma
An inhabited area:
- pli-tv-bu-vb-pj2:3.6
ekakuṭikopi gāmo, dvikuṭikopi gāmo, tikuṭikopi gāmo, catukuṭikopi gāmo, samanussopi gāmo, amanussopi gāmo, parikkhittopi gāmo, aparikkhittopi gāmo, gonisādiniviṭṭhopi gāmo, yopi sattho atirekacatumāsaniviṭṭho sopi vuccati gāmo.
an inhabited area of one hut, an inhabited area of two huts, an inhabited area of three huts, an inhabited area of four huts, an inhabited area with people, an inhabited area without people, an enclosed inhabited area, an unenclosed inhabited area, a disorganized inhabited area, and even a caravan settled for more than four months is called “an inhabited area”.
- pli-tv-bu-vb-pj2:3.7
Gāmūpacāro nāma
The access to an inhabited area:
- pli-tv-bu-vb-pj2:3.8
parikkhittassa gāmassa indakhīle ṭhitassa majjhimassa purisassa leḍḍupāto,
of an enclosed inhabited area: a stone’s throw of a man of average height standing at the threshold of the gateway to the inhabited area;
- pli-tv-bu-vb-pj2:3.9
aparikkhittassa gāmassa gharūpacāre ṭhitassa majjhimassa purisassa leḍḍupāto.
of an unenclosed inhabited area: a stone’s throw of a man of average height standing at the access to a house.
- pli-tv-bu-vb-pj2:3.10
Araññaṁ nāma
The wilderness:
- pli-tv-bu-vb-pj2:3.11
ṭhapetvā gāmañca gāmūpacārañca avasesaṁ araññaṁ nāma.
apart from inhabited areas and the access to inhabited areas, the remainder is called “the wilderness”.
- pli-tv-bu-vb-pj2:3.12
Adinnaṁ nāma
What has not been given:
- pli-tv-bu-vb-pj2:3.13
yaṁ adinnaṁ anissaṭṭhaṁ apariccattaṁ rakkhitaṁ gopitaṁ mamāyitaṁ parapariggahitaṁ. Etaṁ adinnaṁ nāma.
what has not been given, what has not been let go of, what has not been relinquished; what is guarded, what is protected, what is regarded as “mine”, what belongs to someone else. This is called “what has not been given”.
- pli-tv-bu-vb-pj2:3.14
Theyyasaṅkhātanti
Intending to steal:
- pli-tv-bu-vb-pj2:3.15
theyyacitto avaharaṇacitto.
the thought of theft, the thought of stealing.
- pli-tv-bu-vb-pj2:3.16
Ādiyeyyāti
Takes:
- pli-tv-bu-vb-pj2:3.17
ādiyeyya hareyya avahareyya iriyāpathaṁ vikopeyya ṭhānā cāveyya saṅketaṁ vītināmeyya.
takes, carries off, steals, interrupts the movement of, moves from its base, does not stick to an arrangement.
- pli-tv-bu-vb-pj2:3.18
Yathārūpaṁ nāma
The sort:
- pli-tv-bu-vb-pj2:3.19
pādaṁ vā pādārahaṁ vā atirekapādaṁ vā.
a pāda coin, the value of a pāda, or more than a pāda.
- pli-tv-bu-vb-pj2:3.20
Rājāno nāma
Kings:
- pli-tv-bu-vb-pj2:3.21
pathabyārājā padesarājā maṇḍalikā antarabhogikā akkhadassā mahāmattā, ye vā pana chejjabhejjaṁ karontā anusāsanti. Ete rājāno nāma.
kings of the earth, kings of a region, rulers of islands, rulers of border areas, judges, government officials, or whoever metes out physical punishment—these are called “kings”.
- pli-tv-bu-vb-pj2:3.22
Coro nāma
A thief:
- pli-tv-bu-vb-pj2:3.23
yo pañcamāsakaṁ vā atirekapañcamāsakaṁ vā agghanakaṁ adinnaṁ theyyasaṅkhātaṁ ādiyati. Eso coro nāma.
whoever, intending to steal, takes anything that has not been given, having a value of five māsaka coins or more—he is called “a thief”.
- pli-tv-bu-vb-pj2:3.24
Haneyyuṁ vāti
Would beat:
- pli-tv-bu-vb-pj2:3.25
hatthena vā pādena vā kasāya vā vettena vā aḍḍhadaṇḍakena vā chejjāya vā haneyyuṁ.
would beat with the hand, the foot, a whip, a cane, a cudgel, or by mutilation.
- pli-tv-bu-vb-pj2:3.26
Bandheyyuṁ vāti
Would imprison:
- pli-tv-bu-vb-pj2:3.27
rajjubandhanena vā andubandhanena vā saṅkhalikabandhanena vā gharabandhanena vā nagarabandhanena vā gāmabandhanena vā nigamabandhanena vā bandheyyuṁ, purisaguttiṁ vā kareyyuṁ.
would imprison by constricting with a rope, by constricting with shackles, by constricting with chains, by constricting to a house, by constricting to a city, by constricting to a village, by constricting to a town, or by guarding.
- pli-tv-bu-vb-pj2:3.28
Pabbājeyyuṁ vāti
Would banish:
- pli-tv-bu-vb-pj2:3.29
gāmā vā nigamā vā nagarā vā janapadā vā janapadapadesā vā pabbājeyyuṁ.
would banish from a village, from a town, from a city, from a country, or from a district.
- pli-tv-bu-vb-pj2:3.30
Corosi bālosi mūḷhosi thenosīti
You’re a bandit, you’re a fool, you’ve gone astray, you’re a thief:
- pli-tv-bu-vb-pj2:3.31
paribhāso eso.
this is a rebuke.
- pli-tv-bu-vb-pj2:3.32
Tathārūpaṁ nāma
- pli-tv-bu-vb-pj2:3.33
pādaṁ vā pādārahaṁ vā atirekapādaṁ vā.
- pli-tv-bu-vb-pj2:3.34
Ādiyamānoti
- pli-tv-bu-vb-pj2:3.35
ādiyamāno haramāno avaharamāno iriyāpathaṁ vikopayamāno ṭhānā cāvayamāno saṅketaṁ vītināmayamāno.
- pli-tv-bu-vb-pj2:3.36
Ayampīti
He too:
- pli-tv-bu-vb-pj2:3.37
purimaṁ upādāya vuccati.
this is said with reference to the preceding offense entailing expulsion.
- pli-tv-bu-vb-pj2:3.38
Pārājiko hotīti
Is expelled:
- pli-tv-bu-vb-pj2:3.39
seyyathāpi nāma paṇḍupalāso bandhanā pavutto abhabbo haritatthāya;
just as a fallen, withered leaf is incapable of becoming green again,
- pli-tv-bu-vb-pj2:3.40
evameva bhikkhu pādaṁ vā pādārahaṁ vā atirekapādaṁ vā adinnaṁ theyyasaṅkhātaṁ ādiyitvā assamaṇo hoti asakyaputtiyo. Tena vuccati— “pārājiko hotī”ti.
so too is a monk who, intending to steal, takes an ungiven pāda coin, the value of a pāda, or more than a pāda, not an ascetic, not a Sakyan monastic. Therefore it is said, “he is expelled.”
- pli-tv-bu-vb-pj2:3.41
Asaṁvāsoti
Excluded from the community:
- pli-tv-bu-vb-pj2:3.42
saṁvāso nāma ekakammaṁ ekuddeso samasikkhatā. Eso saṁvāso nāma.
Community: joint legal procedures, a joint recitation, the same training—this is called “community”.
- pli-tv-bu-vb-pj2:3.43
So tena saddhiṁ natthi. Tena vuccati—“asaṁvāso”ti.
He does not take part in this—therefore it is called “excluded from the community”.
- pli-tv-bu-vb-pj2:4.1.1
Bhūmaṭṭhaṁ thalaṭṭhaṁ ākāsaṭṭhaṁ vehāsaṭṭhaṁ udakaṭṭhaṁ nāvaṭṭhaṁ yānaṭṭhaṁ bhāraṭṭhaṁ ārāmaṭṭhaṁ vihāraṭṭhaṁ khettaṭṭhaṁ vatthuṭṭhaṁ gāmaṭṭhaṁ araññaṭṭhaṁ udakaṁ dantapoṇaṁ vanappati haraṇakaṁ upanidhi suṅkaghātaṁ pāṇo apadaṁ dvipadaṁ catuppadaṁ bahuppadaṁ ocarako oṇirakkho saṁvidāvahāro saṅketakammaṁ nimittakammanti.
Being underground, being on the ground, being in the air, being above ground, being in water, being in a boat, being in a vehicle, carried as a load, being in a park, being in a monastic dwelling, being in a field, being on a site, being in an inhabited area, being in the wilderness, water, tooth cleaner, forest tree, that which is carried, that which is deposited, customs station, a living being, footless, two-footed, four-footed, many-footed, a spy, a keeper of entrusted property, mutually agreed stealing, acting by arrangement, making a sign.
← Previous · Next → — showing 101–200 of 1,237
SuttaCentral (suttacentral.net), from the bilara-data and sc-data repositories. Licence: Public Domain (root); CC0 1.0 (translation). Source.