← Library

Kathāvatthu — Mahāpaṇṇāsaka — Aṭṭhamavagga

Early Buddhist texts (SuttaCentral): Abhidhamma · abhidhamma · 47 sections

1. kv8.8:0.1

   Kathāvatthu

2. kv8.8:0.2

   Mahāpaṇṇāsaka

3. kv8.8:0.3

   Aṭṭhamavagga

4. kv8.8:0.4

   Arūperūpakathā

5. kv8.8:1.1

   Atthi rūpaṁ arūpesūti?

6. kv8.8:1.2

   Āmantā.

7. kv8.8:1.3

   Rūpabhavo rūpagati rūpasattāvāso rūpasaṁsāro rūpayoni rūpattabhāvapaṭilābhoti?

8. kv8.8:1.4

   Na hevaṁ vattabbe …pe…

9. kv8.8:1.5

   nanu arūpabhavo arūpagati arūpasattāvāso arūpasaṁsāro arūpayoni arūpattabhāvapaṭilābhoti?

10. kv8.8:1.6

    Āmantā.

11. kv8.8:1.7

    Hañci arūpabhavo …pe… arūpattabhāvapaṭilābho, no ca vata re vattabbe—

12. kv8.8:1.8

    “atthi rūpaṁ arūpesū”ti.

13. kv8.8:2.1

    Atthi rūpaṁ arūpesūti?

14. kv8.8:2.2

    Āmantā.

15. kv8.8:2.3

    Pañcavokārabhavo gati sattāvāso saṁsāro yoni viññāṇaṭṭhiti attabhāvapaṭilābhoti?

16. kv8.8:2.4

    Na hevaṁ vattabbe …pe…

17. kv8.8:2.5

    nanu catuvokārabhavo …pe… attabhāvapaṭilābhoti?

18. kv8.8:2.6

    Āmantā.

19. kv8.8:2.7

    Hañci catuvokārabhavo gati …pe… attabhāvapaṭilābho, no ca vata re vattabbe—

20. kv8.8:2.8

    “atthi rūpaṁ arūpesū”ti.

21. kv8.8:3.1

    Atthi rūpaṁ rūpadhātuyā, so ca rūpabhavo rūpagati rūpasattāvāso rūpasaṁsāro rūpayoni rūpattabhāvapaṭilābhoti?

22. kv8.8:3.2

    Āmantā.

23. kv8.8:3.3

    Atthi rūpaṁ arūpesu, so ca rūpabhavo rūpagati …pe… rūpattabhāvapaṭilābhoti?

24. kv8.8:3.4

    Na hevaṁ vattabbe …pe…

25. kv8.8:3.5

    atthi rūpaṁ rūpadhātuyā, so ca pañcavokārabhavo gati …pe… attabhāvapaṭilābhoti?

26. kv8.8:3.6

    Āmantā.

27. kv8.8:3.7

    Atthi rūpaṁ arūpesu, so ca pañcavokārabhavo gati …pe… attabhāvapaṭilābhoti?

28. kv8.8:3.8

    Na hevaṁ vattabbe …pe….

29. kv8.8:4.1

    Atthi rūpaṁ arūpesu, so ca arūpabhavo arūpagati arūpasattāvāso arūpasaṁsāro arūpayoni arūpattabhāvapaṭilābhoti?

30. kv8.8:4.2

    Āmantā.

31. kv8.8:4.3

    Atthi rūpaṁ rūpadhātuyā, so ca arūpabhavo arūpagati …pe… arūpattabhāvapaṭilābhoti?

32. kv8.8:4.4

    Na hevaṁ vattabbe …pe…

33. kv8.8:4.5

    atthi rūpaṁ arūpesu, so ca catuvokārabhavo gati …pe… attabhāvapaṭilābhoti?

34. kv8.8:4.6

    Āmantā.

35. kv8.8:4.7

    Atthi rūpaṁ rūpadhātuyā, so ca catuvokārabhavo gati …pe… attabhāvapaṭilābhoti?

36. kv8.8:4.8

    Na hevaṁ vattabbe …pe….

37. kv8.8:5.1

    Atthi rūpaṁ arūpesūti?

38. kv8.8:5.2

    Āmantā.

39. kv8.8:5.3

    Nanu rūpānaṁ nissaraṇaṁ arūpaṁ vuttaṁ bhagavatāti?

40. kv8.8:5.4

    Āmantā.

41. kv8.8:5.5

    Hañci rūpānaṁ nissaraṇaṁ arūpaṁ vuttaṁ bhagavatā, no ca vata re vattabbe—

42. kv8.8:5.6

    “atthi rūpaṁ arūpesū”ti.

43. kv8.8:6.1

    Rūpānaṁ nissaraṇaṁ arūpaṁ vuttaṁ bhagavatā, atthi rūpaṁ arūpesūti?

44. kv8.8:6.2

    Āmantā.

45. kv8.8:6.3

    Kāmānaṁ nissaraṇaṁ nekkhammaṁ vuttaṁ bhagavatā, atthi nekkhammesu kāmā, atthi anāsavesu āsavā, atthi apariyāpannesu pariyāpannāti?

46. kv8.8:6.4

    Na hevaṁ vattabbe …pe….

47. kv8.8:6.5

    Arūpe rūpakathā niṭṭhitā.

SuttaCentral (suttacentral.net), from the bilara-data and sc-data repositories. Licence: Public Domain. Source.