← Library

Kathāvatthu — Mahāpaṇṇāsaka — Sattamavagga

Early Buddhist texts (SuttaCentral): Abhidhamma · abhidhamma · 95 sections

1. kv7.4:0.1

   Kathāvatthu

2. kv7.4:0.2

   Mahāpaṇṇāsaka

3. kv7.4:0.3

   Sattamavagga

4. kv7.4:0.4

   Dānakathā

5. kv7.4:1.1

   Cetasiko dhammo dānanti?

6. kv7.4:1.2

   Āmantā.

7. kv7.4:1.3

   Labbhā cetasiko dhammo paresaṁ dātunti?

8. kv7.4:1.4

   Na hevaṁ vattabbe …pe…

9. kv7.4:1.5

   labbhā cetasiko dhammo paresaṁ dātunti?

10. kv7.4:1.6

    Āmantā.

11. kv7.4:1.7

    Labbhā phasso paresaṁ dātunti?

12. kv7.4:1.8

    Na hevaṁ vattabbe …pe…

13. kv7.4:1.9

    labbhā vedanā …pe…

14. kv7.4:1.10

    saññā …

15. kv7.4:1.11

    cetanā …

16. kv7.4:1.12

    saddhā …

17. kv7.4:1.13

    vīriyaṁ …

18. kv7.4:1.14

    sati …

19. kv7.4:1.15

    samādhi …

20. kv7.4:1.16

    paññā paresaṁ dātunti?

21. kv7.4:1.17

    Na hevaṁ vattabbe …pe….

22. kv7.4:2.1

    Na vattabbaṁ—

23. kv7.4:2.2

    “cetasiko dhammo dānan”ti?

24. kv7.4:2.3

    Āmantā.

25. kv7.4:2.4

    Dānaṁ aniṭṭhaphalaṁ akantaphalaṁ amanuññaphalaṁ secanakaphalaṁ dukkhudrayaṁ dukkhavipākanti?

26. kv7.4:2.5

    Na hevaṁ vattabbe …pe…

27. kv7.4:2.6

    nanu dānaṁ iṭṭhaphalaṁ kantaphalaṁ manuññaphalaṁ asecanakaphalaṁ sukhudrayaṁ sukhavipākanti?

28. kv7.4:2.7

    Āmantā.

29. kv7.4:2.8

    Hañci dānaṁ iṭṭhaphalaṁ kantaphalaṁ manuññaphalaṁ asecanakaphalaṁ sukhudrayaṁ sukhavipākaṁ, tena vata re vattabbe—

30. kv7.4:2.9

    “cetasiko dhammo dānan”ti.

31. kv7.4:3.1

    Dānaṁ iṭṭhaphalaṁ vuttaṁ bhagavatā, cīvaraṁ dānanti?

32. kv7.4:3.2

    Āmantā.

33. kv7.4:3.3

    Cīvaraṁ iṭṭhaphalaṁ kantaphalaṁ manuññaphalaṁ asecanakaphalaṁ sukhudrayaṁ sukhavipākanti?

34. kv7.4:3.4

    Na hevaṁ vattabbe …pe…

35. kv7.4:3.5

    dānaṁ iṭṭhaphalaṁ vuttaṁ bhagavatā, piṇḍapāto senāsanaṁ gilānapaccayabhesajjaparikkhāro dānanti?

36. kv7.4:3.6

    Āmantā.

37. kv7.4:3.7

    Gilānapaccayabhesajjaparikkhāro iṭṭhaphalo kantaphalo manuññaphalo asecanakaphalo sukhudrayo sukhavipākoti?

38. kv7.4:3.8

    Na hevaṁ vattabbe …pe….

39. kv7.4:4.1

    Na vattabbaṁ—

40. kv7.4:4.2

    “cetasiko dhammo dānan”ti?

41. kv7.4:4.3

    Āmantā.

42. kv7.4:4.4

    Nanu vuttaṁ bhagavatā—

43. kv7.4:5.1

    “Saddhā hiriyaṁ kusalañca dānaṁ,

44. kv7.4:5.2

    Dhammā ete sappurisānuyātā;

45. kv7.4:5.3

    Etañhi maggaṁ diviyaṁ vadanti,

46. kv7.4:5.4

    Etena hi gacchati devalokan”ti.

47. kv7.4:6.1

    Attheva suttantoti?

48. kv7.4:6.2

    Āmantā.

49. kv7.4:6.3

    Tena hi cetasiko dhammo dānanti.

50. kv7.4:7.1

    Na vattabbaṁ—

51. kv7.4:7.2

    “cetasiko dhammo dānan”ti?

52. kv7.4:7.3

    Āmantā.

53. kv7.4:7.4

    Nanu vuttaṁ bhagavatā—

54. kv7.4:7.5

    “pañcimāni, bhikkhave, dānāni mahādānāni aggaññāni rattaññāni vaṁsaññāni porāṇāni asaṅkiṇṇāni asaṅkiṇṇapubbāni, na saṅkiyanti na saṅkiyissanti, appaṭikuṭṭhāni samaṇehi brāhmaṇehi viññūhi.

55. kv7.4:7.6

    Katamāni pañca?

56. kv7.4:7.7

    Idha, bhikkhave, ariyasāvako pāṇātipātaṁ pahāya pāṇātipātā paṭivirato hoti.

57. kv7.4:7.8

    Pāṇātipātā paṭivirato, bhikkhave, ariyasāvako aparimāṇānaṁ sattānaṁ abhayaṁ deti averaṁ deti abyābajjhaṁ deti.

58. kv7.4:7.9

    Aparimāṇānaṁ sattānaṁ abhayaṁ datvā averaṁ datvā abyābajjhaṁ datvā aparimāṇassa abhayassa averassa abyābajjhassa bhāgī hoti.

59. kv7.4:7.10

    Idaṁ, bhikkhave, paṭhamaṁ dānaṁ mahādānaṁ aggaññaṁ rattaññaṁ vaṁsaññaṁ porāṇaṁ asaṅkiṇṇaṁ asaṅkiṇṇapubbaṁ, na saṅkiyati na saṅkiyissati, appaṭikuṭṭhaṁ samaṇehi brāhmaṇehi viññūhi.

60. kv7.4:7.11

    Puna caparaṁ, bhikkhave, ariyasāvako adinnādānaṁ pahāya …pe…

61. kv7.4:7.12

    kāmesumicchācāraṁ pahāya …pe…

62. kv7.4:7.13

    musāvādaṁ pahāya …pe…

63. kv7.4:7.14

    surāmerayamajjapamādaṭṭhānaṁ pahāya surāmerayamajjapamādaṭṭhānā paṭivirato hoti.

64. kv7.4:7.15

    Surāmerayamajjapamādaṭṭhānā paṭivirato, bhikkhave, ariyasāvako aparimāṇānaṁ sattānaṁ abhayaṁ deti averaṁ deti abyābajjhaṁ deti.

65. kv7.4:7.16

    Aparimāṇānaṁ sattānaṁ abhayaṁ datvā averaṁ datvā abyābajjhaṁ datvā aparimāṇassa abhayassa averassa abyābajjhassa bhāgī hoti.

66. kv7.4:7.17

    Idaṁ, bhikkhave, pañcamaṁ dānaṁ mahādānaṁ aggaññaṁ rattaññaṁ vaṁsaññaṁ porāṇaṁ asaṅkiṇṇaṁ asaṅkiṇṇapubbaṁ, na saṅkiyati na saṅkiyissati, appaṭikuṭṭhaṁ samaṇehi brāhmaṇehi viññūhi.

67. kv7.4:7.18

    Imāni kho, bhikkhave, pañca dānāni mahādānāni aggaññāni rattaññāni vaṁsaññāni porāṇāni asaṅkiṇṇāni asaṅkiṇṇapubbāni, na saṅkiyanti na saṅkiyissanti, appaṭikuṭṭhāni samaṇehi brāhmaṇehi viññūhī”ti.

68. kv7.4:7.19

    Attheva suttantoti?

69. kv7.4:7.20

    Āmantā.

70. kv7.4:7.21

    Tena hi cetasiko dhammo dānanti.

71. kv7.4:8.1

    Na vattabbaṁ—

72. kv7.4:8.2

    “deyyadhammo dānan”ti?

73. kv7.4:8.3

    Āmantā.

74. kv7.4:8.4

    Nanu vuttaṁ bhagavatā—

75. kv7.4:8.5

    “idhekacco annaṁ deti, pānaṁ deti, vatthaṁ deti, yānaṁ deti, mālaṁ deti, gandhaṁ deti, vilepanaṁ deti, seyyaṁ deti, āvasathaṁ deti, padīpeyyaṁ detī”ti.

76. kv7.4:8.6

    Attheva suttantoti?

77. kv7.4:8.7

    Āmantā.

78. kv7.4:8.8

    Tena hi deyyadhammo dānanti.

79. kv7.4:9.1

    Deyyadhammo dānanti?

80. kv7.4:9.2

    Āmantā.

81. kv7.4:9.3

    Deyyadhammo iṭṭhaphalo kantaphalo manuññaphalo asecanakaphalo sukhudrayo sukhavipākoti?

82. kv7.4:9.4

    Na hevaṁ vattabbe …pe…

83. kv7.4:9.5

    dānaṁ iṭṭhaphalaṁ vuttaṁ bhagavatā, cīvaraṁ dānanti?

84. kv7.4:9.6

    Āmantā.

85. kv7.4:9.7

    Cīvaraṁ iṭṭhaphalaṁ kantaphalaṁ manuññaphalaṁ asecanakaphalaṁ sukhudrayaṁ sukhavipākanti?

86. kv7.4:9.8

    Na hevaṁ vattabbe …pe…

87. kv7.4:9.9

    dānaṁ iṭṭhaphalaṁ vuttaṁ bhagavatā, piṇḍapāto dānaṁ …

88. kv7.4:9.10

    senāsanaṁ dānaṁ …

89. kv7.4:9.11

    gilānapaccayabhesajjaparikkhāro dānanti?

90. kv7.4:9.12

    Āmantā.

91. kv7.4:9.13

    Gilānapaccayabhesajjaparikkhāro iṭṭhaphalo kantaphalo manuññaphalo asecanakaphalo sukhudrayo sukhavipākoti?

92. kv7.4:9.14

    Na hevaṁ vattabbe …pe…

93. kv7.4:9.15

    tena hi na vattabbaṁ—

94. kv7.4:9.16

    “deyyadhammo dānan”ti.

95. kv7.4:9.17

    Dānakathā niṭṭhitā.

SuttaCentral (suttacentral.net), from the bilara-data and sc-data repositories. Licence: Public Domain. Source.