← Library

Kathāvatthu — Mahāpaṇṇāsaka — Sattamavagga

Early Buddhist texts (SuttaCentral): Abhidhamma · abhidhamma · 31 sections

1. kv7.2:0.1

   Kathāvatthu

2. kv7.2:0.2

   Mahāpaṇṇāsaka

3. kv7.2:0.3

   Sattamavagga

4. kv7.2:0.4

   Sampayuttakathā

5. kv7.2:1.1

   Natthi keci dhammā kehici dhammehi sampayuttāti?

6. kv7.2:1.2

   Āmantā.

7. kv7.2:1.3

   Nanu atthi keci dhammā kehici dhammehi sahagatā sahajātā saṁsaṭṭhā ekuppādā ekanirodhā ekavatthukā ekārammaṇāti?

8. kv7.2:1.4

   Āmantā.

9. kv7.2:1.5

   Hañci atthi keci dhammā kehici dhammehi sahagatā sahajātā saṁsaṭṭhā ekuppādā ekanirodhā ekavatthukā ekārammaṇā, no ca vata re vattabbe—

10. kv7.2:1.6

    “natthi keci dhammā kehici dhammehi sampayuttā”ti.

11. kv7.2:2.1

    Vedanākkhandho saññākkhandhena sahajātoti?

12. kv7.2:2.2

    Āmantā.

13. kv7.2:2.3

    Hañci vedanākkhandho saññākkhandhena sahajāto, tena vata re vattabbe—

14. kv7.2:2.4

    “vedanākkhandho saññākkhandhena sampayutto”ti.

15. kv7.2:3.1

    Vedanākkhandho saṅkhārakkhandhena …

16. kv7.2:3.2

    viññāṇakkhandhena sahajātoti?

17. kv7.2:3.3

    Āmantā.

18. kv7.2:3.4

    Hañci vedanākkhandho viññāṇakkhandhena sahajāto, tena vata re vattabbe—

19. kv7.2:3.5

    “vedanākkhandho viññāṇakkhandhena sampayutto”ti.

20. kv7.2:4.1

    Saññākkhandho …

21. kv7.2:4.2

    saṅkhārakkhandho …

22. kv7.2:4.3

    viññāṇakkhandho vedanākkhandhena …

23. kv7.2:4.4

    saññākkhandhena …

24. kv7.2:4.5

    saṅkhārakkhandhena sahajātoti?

25. kv7.2:4.6

    Āmantā.

26. kv7.2:4.7

    Hañci viññāṇakkhandho saṅkhārakkhandhena sahajāto, tena vata re vattabbe—

27. kv7.2:4.8

    “viññāṇakkhandho saṅkhārakkhandhena sampayutto”ti.

28. kv7.2:5.1

    Yathā tilamhi telaṁ anugataṁ anupaviṭṭhaṁ, ucchumhi raso anugato anupaviṭṭho;

29. kv7.2:5.2

    evameva te dhammā tehi dhammehi anugatā anupaviṭṭhāti?

30. kv7.2:5.3

    Na hevaṁ vattabbe …pe….

31. kv7.2:5.4

    Sampayuttakathā niṭṭhitā.

SuttaCentral (suttacentral.net), from the bilara-data and sc-data repositories. Licence: Public Domain. Source.