← Library

Kathāvatthu — Mahāpaṇṇāsaka — Sattamavagga

Early Buddhist texts (SuttaCentral): Abhidhamma · abhidhamma · 39 sections

1. kv7.10:0.1

   Kathāvatthu

2. kv7.10:0.2

   Mahāpaṇṇāsaka

3. kv7.10:0.3

   Sattamavagga

4. kv7.10:0.4

   Vipākovipākadhammadhammotikathā

5. kv7.10:1.1

   Vipāko vipākadhammadhammoti?

6. kv7.10:1.2

   Āmantā.

7. kv7.10:1.3

   Tassa vipāko vipākadhammadhammoti?

8. kv7.10:1.4

   Na hevaṁ vattabbe …pe…

9. kv7.10:1.5

   tassa vipāko vipākadhammadhammoti?

10. kv7.10:1.6

    Āmantā.

11. kv7.10:1.7

    Tassa tasseva natthi dukkhassa antakiriyā natthi vaṭṭupacchedo natthi anupādāparinibbānanti?

12. kv7.10:1.8

    Na hevaṁ vattabbe …pe….

13. kv7.10:2.1

    Vipāko vipākadhammadhammoti?

14. kv7.10:2.2

    Āmantā.

15. kv7.10:2.3

    Vipākoti vā vipākadhammadhammoti vā vipākadhammadhammoti vā vipākoti vā esese ekaṭṭhe same samabhāge tajjāteti?

16. kv7.10:2.4

    Na hevaṁ vattabbe …pe….

17. kv7.10:3.1

    Vipāko vipākadhammadhammoti?

18. kv7.10:3.2

    Āmantā.

19. kv7.10:3.3

    Vipāko ca vipākadhammadhammo ca vipākadhammadhammo ca vipāko ca sahagatā sahajātā saṁsaṭṭhā sampayuttā ekuppādā ekanirodhā ekavatthukā ekārammaṇāti?

20. kv7.10:3.4

    Na hevaṁ vattabbe …pe….

21. kv7.10:4.1

    Vipāko vipākadhammadhammoti?

22. kv7.10:4.2

    Āmantā.

23. kv7.10:4.3

    Taññeva akusalaṁ so akusalassa vipāko, taññeva kusalaṁ so kusalassa vipākoti?

24. kv7.10:4.4

    Na hevaṁ vattabbe …pe….

25. kv7.10:5.1

    Vipāko vipākadhammadhammoti?

26. kv7.10:5.2

    Āmantā.

27. kv7.10:5.3

    Yeneva cittena pāṇaṁ hanati teneva cittena niraye paccati, yeneva cittena dānaṁ deti teneva cittena sagge modatīti?

28. kv7.10:5.4

    Na hevaṁ vattabbe …pe….

29. kv7.10:6.1

    Na vattabbaṁ—

30. kv7.10:6.2

    “vipāko vipākadhammadhammo”ti?

31. kv7.10:6.3

    Āmantā.

32. kv7.10:6.4

    Nanu vipākā cattāro khandhā arūpino aññamaññapaccayāti?

33. kv7.10:6.5

    Āmantā.

34. kv7.10:6.6

    Hañci vipākā cattāro khandhā arūpino aññamaññapaccayā, tena vata re vattabbe—

35. kv7.10:6.7

    “vipāko vipākadhammadhammo”ti.

36. kv7.10:6.8

    Vipāko vipākadhammadhammotikathā niṭṭhitā.

37. kv7.10:6.9

    Sattamo vaggo.

38. kv7.10:6.10

    Tassuddānaṁ

39. kv7.10:7.1

    Saṅgaho, sampayutto, cetasiko dhammo, cetasikaṁ dānaṁ, paribhogamayaṁ puññaṁ vaḍḍhati, ito dinnena tattha yāpenti, pathavī kammavipāko, jarāmaraṇaṁ vipāko, natthi ariyadhammavipāko, vipāko vipākadhammadhammoti.

SuttaCentral (suttacentral.net), from the bilara-data and sc-data repositories. Licence: Public Domain. Source.