← Library

Kathāvatthu — Mahāpaṇṇāsaka — Pañcamavagga

Early Buddhist texts (SuttaCentral): Abhidhamma · abhidhamma · 25 sections

1. kv5.6:0.1

   Kathāvatthu

2. kv5.6:0.2

   Mahāpaṇṇāsaka

3. kv5.6:0.3

   Pañcamavagga

4. kv5.6:0.4

   Sammutiñāṇakathā

5. kv5.6:1.1

   Na vattabbaṁ—

6. kv5.6:1.2

   “sammutiñāṇaṁ saccārammaṇaññeva na aññārammaṇan”ti?

7. kv5.6:1.3

   Āmantā.

8. kv5.6:1.4

   Nanu pathavīkasiṇaṁ samāpattiṁ samāpannassa atthi ñāṇaṁ, pathavīkasiṇañca sammutisaccamhīti?

9. kv5.6:1.5

   Āmantā.

10. kv5.6:1.6

    Hañci pathavīkasiṇaṁ samāpattiṁ samāpannassa atthi ñāṇaṁ, pathavīkasiṇañca sammutisaccamhi, tena vata re vattabbe—

11. kv5.6:1.7

    “sammutiñāṇaṁ saccārammaṇaññeva na aññārammaṇan”ti.

12. kv5.6:2.1

    Na vattabbaṁ—

13. kv5.6:2.2

    “sammutiñāṇaṁ saccārammaṇaññeva na aññārammaṇan”ti?

14. kv5.6:2.3

    Āmantā …pe…

15. kv5.6:2.4

    nanu āpokasiṇaṁ …pe…

16. kv5.6:2.5

    tejokasiṇaṁ …pe…

17. kv5.6:2.6

    gilānapaccayabhesajjaparikkhāraṁ dadantassa atthi ñāṇaṁ, gilānapaccayabhesajjaparikkhāro ca sammutisaccamhīti?

18. kv5.6:2.7

    Āmantā.

19. kv5.6:2.8

    Hañci gilānapaccayabhesajjaparikkhāraṁ dadantassa atthi ñāṇaṁ, gilānapaccayabhesajjaparikkhāro ca sammutisaccamhi, tena vata re vattabbe—

20. kv5.6:2.9

    “sammutiñāṇaṁ saccārammaṇaññeva na aññārammaṇan”ti.

21. kv5.6:3.1

    Sammutiñāṇaṁ saccārammaṇaññeva na aññārammaṇanti?

22. kv5.6:3.2

    Āmantā.

23. kv5.6:3.3

    Tena ñāṇena dukkhaṁ parijānāti, samudayaṁ pajahati, nirodhaṁ sacchikaroti, maggaṁ bhāvetīti?

24. kv5.6:3.4

    Na hevaṁ vattabbe …pe….

25. kv5.6:3.5

    Sammutiñāṇakathā niṭṭhitā.

SuttaCentral (suttacentral.net), from the bilara-data and sc-data repositories. Licence: Public Domain. Source.