← All works

Kathāvatthu — Mahāpaṇṇāsaka — Tatiyavagga

Early Buddhist texts (SuttaCentral): Abhidhamma · abhidhamma · 103 sections

1. kv3.5:0.1

   Kathāvatthu

2. kv3.5:0.2

   Mahāpaṇṇāsaka

3. kv3.5:0.3

   Tatiyavagga

4. kv3.5:0.4

   Aṭṭhamakakathā

5. kv3.5:1.1

   Aṭṭhamakassa puggalassa diṭṭhipariyuṭṭhānaṁ pahīnanti?

6. kv3.5:1.2

   Āmantā.

7. kv3.5:1.3

   Aṭṭhamako puggalo sotāpanno sotāpattiphalappatto paṭiladdho adhigato sacchikato upasampajja viharati, kāyena phusitvā viharatīti?

8. kv3.5:1.4

   Na hevaṁ vattabbe …pe….

9. kv3.5:2.1

   Aṭṭhamakassa puggalassa vicikicchāpariyuṭṭhānaṁ pahīnanti?

10. kv3.5:2.2

    Āmantā.

11. kv3.5:2.3

    Aṭṭhamako puggalo sotāpanno sotāpattiphalappatto …pe… kāyena phusitvā viharatīti?

12. kv3.5:2.4

    Na hevaṁ vattabbe …pe….

13. kv3.5:3.1

    Aṭṭhamakassa puggalassa diṭṭhipariyuṭṭhānaṁ pahīnanti?

14. kv3.5:3.2

    Āmantā.

15. kv3.5:3.3

    Aṭṭhamakassa puggalassa diṭṭhānusayo pahīnoti?

16. kv3.5:3.4

    Na hevaṁ vattabbe …pe…

17. kv3.5:3.5

    aṭṭhamakassa puggalassa diṭṭhipariyuṭṭhānaṁ pahīnanti?

18. kv3.5:3.6

    Āmantā.

19. kv3.5:3.7

    Aṭṭhamakassa puggalassa vicikicchānusayo … sīlabbataparāmāso pahīnoti?

20. kv3.5:3.8

    Na hevaṁ vattabbe …pe….

21. kv3.5:4.1

    Aṭṭhamakassa puggalassa vicikicchāpariyuṭṭhānaṁ pahīnanti?

22. kv3.5:4.2

    Āmantā.

23. kv3.5:4.3

    Aṭṭhamakassa puggalassa vicikicchānusayo pahīnoti?

24. kv3.5:4.4

    Na hevaṁ vattabbe …pe…

25. kv3.5:4.5

    aṭṭhamakassa puggalassa vicikicchāpariyuṭṭhānaṁ pahīnanti?

26. kv3.5:4.6

    Āmantā.

27. kv3.5:4.7

    Aṭṭhamakassa puggalassa diṭṭhānusayo … sīlabbataparāmāso pahīnoti?

28. kv3.5:4.8

    Na hevaṁ vattabbe …pe…

29. kv3.5:5.1

    Aṭṭhamakassa puggalassa diṭṭhānusayo appahīnoti?

30. kv3.5:5.2

    Āmantā.

31. kv3.5:5.3

    Aṭṭhamakassa puggalassa diṭṭhipariyuṭṭhānaṁ appahīnanti?

32. kv3.5:5.4

    Na hevaṁ vattabbe …pe…

33. kv3.5:5.5

    aṭṭhamakassa puggalassa diṭṭhānusayo appahīnoti?

34. kv3.5:5.6

    Āmantā.

35. kv3.5:5.7

    Aṭṭhamakassa puggalassa vicikicchāpariyuṭṭhānaṁ appahīnanti?

36. kv3.5:5.8

    Na hevaṁ vattabbe …pe….

37. kv3.5:6.1

    Aṭṭhamakassa puggalassa vicikicchānusayo … sīlabbataparāmāso appahīnoti?

38. kv3.5:6.2

    Āmantā.

39. kv3.5:6.3

    Aṭṭhamakassa puggalassa diṭṭhipariyuṭṭhānaṁ appahīnanti?

40. kv3.5:6.4

    Na hevaṁ vattabbe …pe…

41. kv3.5:6.5

    aṭṭhamakassa puggalassa sīlabbataparāmāso appahīnoti?

42. kv3.5:6.6

    Āmantā.

43. kv3.5:6.7

    Aṭṭhamakassa puggalassa vicikicchāpariyuṭṭhānaṁ appahīnanti?

44. kv3.5:6.8

    Na hevaṁ vattabbe …pe….

45. kv3.5:7.1

    Aṭṭhamakassa puggalassa diṭṭhipariyuṭṭhānaṁ pahīnanti?

46. kv3.5:7.2

    Āmantā.

47. kv3.5:7.3

    Aṭṭhamakassa puggalassa diṭṭhipariyuṭṭhānapahānāya maggo bhāvitoti?

48. kv3.5:7.4

    Na hevaṁ vattabbe …pe…

49. kv3.5:7.5

    aṭṭhamakassa puggalassa diṭṭhipariyuṭṭhānaṁ pahīnanti?

50. kv3.5:7.6

    Āmantā.

51. kv3.5:7.7

    Aṭṭhamakassa puggalassa diṭṭhipariyuṭṭhānapahānāya satipaṭṭhānā bhāvitā …pe… sammappadhānā …pe… bojjhaṅgā bhāvitāti?

52. kv3.5:7.8

    Na hevaṁ vattabbe.

53. kv3.5:8.1

    Aṭṭhamakassa puggalassa vicikicchāpariyuṭṭhānaṁ pahīnanti?

54. kv3.5:8.2

    Āmantā.

55. kv3.5:8.3

    Aṭṭhamakassa puggalassa vicikicchāpariyuṭṭhānapahānāya maggo bhāvito …pe… bojjhaṅgā bhāvitāti?

56. kv3.5:8.4

    Na hevaṁ vattabbe …pe….

57. kv3.5:9.1

    Aṭṭhamakassa puggalassa diṭṭhipariyuṭṭhānapahānāya maggo abhāvitoti?

58. kv3.5:9.2

    Āmantā.

59. kv3.5:9.3

    Amaggena pahīnaṁ lokiyena sāsavena …pe… saṅkilesiyenāti?

60. kv3.5:9.4

    Na hevaṁ vattabbe …pe…

61. kv3.5:9.5

    aṭṭhamakassa puggalassa diṭṭhipariyuṭṭhānapahānāya satipaṭṭhānā …pe… bojjhaṅgā abhāvitāti?

62. kv3.5:9.6

    Āmantā.

63. kv3.5:9.7

    Amaggena pahīnaṁ lokiyena sāsavena …pe… saṅkilesiyenāti?

64. kv3.5:9.8

    Na hevaṁ vattabbe …pe….

65. kv3.5:10.1

    Aṭṭhamakassa puggalassa vicikicchāpariyuṭṭhānapahānāya maggo abhāvito …pe… satipaṭṭhānā …pe… bojjhaṅgā abhāvitāti?

66. kv3.5:10.2

    Āmantā.

67. kv3.5:10.3

    Amaggena pahīnaṁ lokiyena sāsavena …pe… saṅkilesiyenāti?

68. kv3.5:10.4

    Na hevaṁ vattabbe …pe….

69. kv3.5:11.1

    Na vattabbaṁ—

70. kv3.5:11.2

    “aṭṭhamakassa puggalassa diṭṭhipariyuṭṭhānaṁ pahīnan”ti?

71. kv3.5:11.3

    Āmantā.

72. kv3.5:11.4

    Uppajjissatīti?

73. kv3.5:11.5

    Nuppajjissati.

74. kv3.5:11.6

    Hañci nuppajjissati, tena vata re vattabbe—

75. kv3.5:11.7

    “aṭṭhamakassa puggalassa diṭṭhipariyuṭṭhānaṁ pahīnan”ti.

76. kv3.5:12.1

    Na vattabbaṁ—

77. kv3.5:12.2

    “aṭṭhamakassa puggalassa vicikicchāpariyuṭṭhānaṁ pahīnan”ti?

78. kv3.5:12.3

    Āmantā.

79. kv3.5:12.4

    Uppajjissatīti?

80. kv3.5:12.5

    Nuppajjissati.

81. kv3.5:12.6

    Hañci nuppajjissati, tena vata re vattabbe—

82. kv3.5:12.7

    “aṭṭhamakassa puggalassa vicikicchāpariyuṭṭhānaṁ pahīnan”ti.

83. kv3.5:13.1

    Aṭṭhamakassa puggalassa diṭṭhipariyuṭṭhānaṁ nuppajjissatīti katvā pahīnanti?

84. kv3.5:13.2

    Āmantā.

85. kv3.5:13.3

    Aṭṭhamakassa puggalassa diṭṭhānusayo nuppajjissatīti katvā pahīnoti?

86. kv3.5:13.4

    Na hevaṁ vattabbe …pe….

87. kv3.5:14.1

    Aṭṭhamakassa puggalassa diṭṭhipariyuṭṭhānaṁ nuppajjissatīti katvā pahīnanti?

88. kv3.5:14.2

    Āmantā.

89. kv3.5:14.3

    Aṭṭhamakassa puggalassa vicikicchānusayo … sīlabbataparāmāso nuppajjissatīti katvā pahīnoti?

90. kv3.5:14.4

    Na hevaṁ vattabbe …pe….

91. kv3.5:15.1

    Aṭṭhamakassa puggalassa vicikicchāpariyuṭṭhānaṁ nuppajjissatīti katvā pahīnanti?

92. kv3.5:15.2

    Āmantā.

93. kv3.5:15.3

    Aṭṭhamakassa puggalassa vicikicchānusayo … sīlabbataparāmāso nuppajjissatīti katvā pahīnoti?

94. kv3.5:15.4

    Na hevaṁ vattabbe …pe….

95. kv3.5:16.1

    Aṭṭhamakassa puggalassa diṭṭhipariyuṭṭhānaṁ nuppajjissatīti katvā pahīnanti?

96. kv3.5:16.2

    Āmantā.

97. kv3.5:16.3

    Gotrabhuno puggalassa diṭṭhipariyuṭṭhānaṁ nuppajjissatīti katvā pahīnanti?

98. kv3.5:16.4

    Na hevaṁ vattabbe …pe…

99. kv3.5:16.5

    aṭṭhamakassa puggalassa vicikicchāpariyuṭṭhānaṁ nuppajjissatīti katvā pahīnanti?

100. kv3.5:16.6

     Āmantā.

Next → — showing 1–100 of 103

SuttaCentral (suttacentral.net), from the bilara-data and sc-data repositories. Licence: Public Domain. Source.