← Library

Kathāvatthu — Mahāpaṇṇāsaka — Tatiyavagga

Early Buddhist texts (SuttaCentral): Abhidhamma · abhidhamma · 72 sections

1. kv3.11:0.1

   Kathāvatthu

2. kv3.11:0.2

   Mahāpaṇṇāsaka

3. kv3.11:0.3

   Tatiyavagga

4. kv3.11:0.4

   Asaññakathā

5. kv3.11:1.1

   Asaññasattesu saññā atthīti?

6. kv3.11:1.2

   Āmantā.

7. kv3.11:1.3

   Saññābhavo saññāgati saññāsattāvāso saññāsaṁsāro saññāyoni saññattabhāvapaṭilābhoti?

8. kv3.11:1.4

   Na hevaṁ vattabbe …pe….

9. kv3.11:2.1

   Nanu asaññabhavo asaññagati asaññasattāvāso asaññasaṁsāro asaññayoni asaññattabhāvapaṭilābhoti?

10. kv3.11:2.2

    Āmantā.

11. kv3.11:2.3

    Hañci asaññabhavo asaññagati asaññasattāvāso asaññasaṁsāro asaññayoni asaññattabhāvapaṭilābho, no ca vata re vattabbe—

12. kv3.11:2.4

    “asaññasattesu saññā atthī”ti.

13. kv3.11:3.1

    Asaññasattesu saññā atthīti?

14. kv3.11:3.2

    Āmantā.

15. kv3.11:3.3

    Pañcavokārabhavo gati sattāvāso saṁsāro yoni attabhāvapaṭilābhoti?

16. kv3.11:3.4

    Na hevaṁ vattabbe …pe…

17. kv3.11:4.1

    Nanu ekavokārabhavo gati sattāvāso saṁsāro yoni attabhāvapaṭilābhoti?

18. kv3.11:4.2

    Āmantā.

19. kv3.11:4.3

    Hañci ekavokārabhavo gati sattāvāso saṁsāro yoni attabhāvapaṭilābho, no ca vata re vattabbe—

20. kv3.11:4.4

    “asaññasattesu saññā atthī”ti.

21. kv3.11:5.1

    Asaññasattesu saññā atthīti?

22. kv3.11:5.2

    Āmantā.

23. kv3.11:5.3

    Tāya saññāya saññākaraṇīyaṁ karotīti?

24. kv3.11:5.4

    Na hevaṁ vattabbe …pe….

25. kv3.11:6.1

    Manussesu saññā atthi, so ca saññābhavo saññāgati saññāsattāvāso saññāsaṁsāro saññāyoni saññattabhāvapaṭilābhoti?

26. kv3.11:6.2

    Āmantā.

27. kv3.11:6.3

    Asaññasattesu saññā atthi, so ca saññābhavo saññāgati sattāvāso saṁsāro yoni attabhāvapaṭilābhoti?

28. kv3.11:6.4

    Na hevaṁ vattabbe …pe…

29. kv3.11:7.1

    Manussesu saññā atthi, so ca pañcavokārabhavo gati sattāvāso saṁsāro yoni attabhāvapaṭilābhoti?

30. kv3.11:7.2

    Āmantā.

31. kv3.11:7.3

    Asaññasattesu saññā atthi, so ca pañcavokārabhavo gati sattāvāso saṁsāro yoni attabhāvapaṭilābhoti?

32. kv3.11:7.4

    Na hevaṁ vattabbe …pe….

33. kv3.11:8.1

    Manussesu saññā atthi, tāya saññāya saññākaraṇīyaṁ karotīti?

34. kv3.11:8.2

    Āmantā.

35. kv3.11:8.3

    Asaññasattesu saññā atthi, tāya saññāya saññākaraṇīyaṁ karotīti?

36. kv3.11:8.4

    Na hevaṁ vattabbe …pe….

37. kv3.11:9.1

    Asaññasattesu saññā atthi, so ca asaññabhavo asaññagati asaññasattāvāso asaññasaṁsāro asaññayoni asaññattabhāvapaṭilābhoti?

38. kv3.11:9.2

    Āmantā.

39. kv3.11:9.3

    Manussesu saññā atthi, so ca asaññabhavo asaññagati …pe…

40. kv3.11:9.4

    asaññattabhāvapaṭilābhoti?

41. kv3.11:9.5

    Na hevaṁ vattabbe …pe….

42. kv3.11:10.1

    Asaññasattesu saññā atthi, so ca ekavokārabhavo gati sattāvāso saṁsāro yoni attabhāvapaṭilābhoti?

43. kv3.11:10.2

    Āmantā.

44. kv3.11:10.3

    Manussesu saññā atthi, so ca ekavokārabhavo gati …pe…

45. kv3.11:10.4

    attabhāvapaṭilābhoti?

46. kv3.11:10.5

    Na hevaṁ vattabbe …pe….

47. kv3.11:11.1

    Asaññasattesu saññā atthi, na ca tāya saññāya saññākaraṇīyaṁ karotīti?

48. kv3.11:11.2

    Āmantā.

49. kv3.11:11.3

    Manussesu saññā atthi, na ca tāya saññāya saññākaraṇīyaṁ karotīti?

50. kv3.11:11.4

    Na hevaṁ vattabbe …pe….

51. kv3.11:12.1

    Na vattabbaṁ—

52. kv3.11:12.2

    “asaññasattesu saññā atthī”ti?

53. kv3.11:12.3

    Āmantā.

54. kv3.11:12.4

    Nanu vuttaṁ bhagavatā—

55. kv3.11:12.5

    “santi, bhikkhave, asaññasattā nāma devā;

56. kv3.11:12.6

    saññuppādā ca pana te devā tamhā kāyā cavantī”ti.

57. kv3.11:12.7

    Attheva suttantoti?

58. kv3.11:12.8

    Āmantā.

59. kv3.11:12.9

    Tena hi asaññasattesu saññā atthīti.

60. kv3.11:13.1

    Asaññasattesu saññā atthīti?

61. kv3.11:13.2

    Kiñci kāle atthi, kiñci kāle natthīti.

62. kv3.11:13.3

    Kiñci kāle saññasattā kiñci kāle asaññasattā, kiñci kāle saññabhavo kiñci kāle asaññabhavo, kiñci kāle pañcavokārabhavo kiñci kāle ekavokārabhavoti?

63. kv3.11:13.4

    Na hevaṁ vattabbe …pe….

64. kv3.11:14.1

    Asaññasattesu saññā kiñci kāle atthi, kiñci kāle natthīti?

65. kv3.11:14.2

    Āmantā.

66. kv3.11:14.3

    Kaṁ kālaṁ atthi, kaṁ kālaṁ natthīti?

67. kv3.11:14.4

    Cutikāle upapattikāle atthi, ṭhitikāle natthīti.

68. kv3.11:14.5

    Cutikāle upapattikāle saññasattā, ṭhitikāle asaññasattā;

69. kv3.11:14.6

    cutikāle upapattikāle saññabhavo, ṭhitikāle asaññabhavo;

70. kv3.11:14.7

    cutikāle upapattikāle pañcavokārabhavo, ṭhitikāle ekavokārabhavoti?

71. kv3.11:14.8

    Na hevaṁ vattabbe …pe….

72. kv3.11:14.9

    Asaññakathā niṭṭhitā.

SuttaCentral (suttacentral.net), from the bilara-data and sc-data repositories. Licence: Public Domain. Source.