← Library

Kathāvatthu — Mahāpaṇṇāsaka — Bāvīsatimavagga

Early Buddhist texts (SuttaCentral): Abhidhamma · abhidhamma · 25 sections

1. kv22.4:0.1

   Kathāvatthu

2. kv22.4:0.2

   Mahāpaṇṇāsaka

3. kv22.4:0.3

   Bāvīsatimavagga

4. kv22.4:0.4

   Dhammābhisamayakathā

5. kv22.4:1.1

   Atthi gabbhaseyyāya dhammābhisamayoti?

6. kv22.4:1.2

   Āmantā.

7. kv22.4:1.3

   Atthi gabbhaseyyāya dhammadesanā, dhammassavanaṁ, dhammasākacchā, paripucchā, sīlasamādānaṁ, indriyesu guttadvāratā, bhojane mattaññutā, pubbarattāpararattaṁ jāgariyānuyogoti?

8. kv22.4:1.4

   Na hevaṁ vattabbe …pe…

9. kv22.4:1.5

   natthi gabbhaseyyāya dhammadesanā, dhammassavanaṁ …pe… pubbarattāpararattaṁ jāgariyānuyogoti?

10. kv22.4:1.6

    Āmantā.

11. kv22.4:1.7

    Hañci natthi gabbhaseyyāya dhammadesanā, dhammassavanaṁ …pe… pubbarattāpararattaṁ jāgariyānuyogo, no ca vata re vattabbe—

12. kv22.4:1.8

    “atthi gabbhaseyyāya dhammābhisamayo”ti.

13. kv22.4:2.1

    Atthi gabbhaseyyāya dhammābhisamayoti?

14. kv22.4:2.2

    Āmantā.

15. kv22.4:2.3

    Nanu dve paccayā sammādiṭṭhiyā uppādāya—

16. kv22.4:2.4

    parato ca ghoso, yoniso ca manasikāroti?

17. kv22.4:2.5

    Āmantā.

18. kv22.4:2.6

    Hañci dve paccayā sammādiṭṭhiyā uppādāya—

19. kv22.4:2.7

    parato ca ghoso, yoniso ca manasikāro, no ca vata re vattabbe—

20. kv22.4:2.8

    “atthi gabbhaseyyāya dhammābhisamayo”ti.

21. kv22.4:3.1

    Atthi gabbhaseyyāya dhammābhisamayoti?

22. kv22.4:3.2

    Āmantā.

23. kv22.4:3.3

    Suttassa pamattassa muṭṭhassatissa asampajānassa dhammābhisamayoti?

24. kv22.4:3.4

    Na hevaṁ vattabbe …pe….

25. kv22.4:3.5

    Dhammābhisamayakathā niṭṭhitā.

SuttaCentral (suttacentral.net), from the bilara-data and sc-data repositories. Licence: Public Domain. Source.