← All works

Kathāvatthu — Mahāpaṇṇāsaka — Vīsatimavagga

Early Buddhist texts (SuttaCentral): Abhidhamma · abhidhamma · 51 sections

1. kv20.6:0.1

   Kathāvatthu

2. kv20.6:0.2

   Mahāpaṇṇāsaka

3. kv20.6:0.3

   Vīsatimavagga

4. kv20.6:0.4

   Ñāṇakathā

5. kv20.6:1.1

   Dvādasavatthukaṁ ñāṇaṁ lokuttaranti?

6. kv20.6:1.2

   Āmantā.

7. kv20.6:1.3

   Dvādasa lokuttarañāṇānīti?

8. kv20.6:1.4

   Na hevaṁ vattabbe …pe…

9. kv20.6:1.5

   dvādasa lokuttarañāṇānīti?

10. kv20.6:1.6

    Āmantā.

11. kv20.6:1.7

    Dvādasa sotāpattimaggāti?

12. kv20.6:1.8

    Na hevaṁ vattabbe …pe…

13. kv20.6:1.9

    dvādasa sotāpattimaggāti?

14. kv20.6:1.10

    Āmantā.

15. kv20.6:1.11

    Dvādasa sotāpattiphalānīti?

16. kv20.6:1.12

    Na hevaṁ vattabbe …pe…

17. kv20.6:1.13

    dvādasa sakadāgāmimaggā …pe…

18. kv20.6:1.14

    anāgāmimaggā …pe…

19. kv20.6:1.15

    arahattamaggāti?

20. kv20.6:1.16

    Na hevaṁ vattabbe …pe…

21. kv20.6:1.17

    dvādasa arahattamaggāti?

22. kv20.6:1.18

    Āmantā.

23. kv20.6:1.19

    Dvādasa arahattaphalānīti?

24. kv20.6:1.20

    Na hevaṁ vattabbe …pe….

25. kv20.6:2.1

    Na vattabbaṁ—

26. kv20.6:2.2

    “dvādasavatthukaṁ ñāṇaṁ lokuttaran”ti?

27. kv20.6:2.3

    Āmantā.

28. kv20.6:2.4

    Nanu vuttaṁ bhagavatā—

29. kv20.6:2.5

    “‘idaṁ dukkhaṁ ariyasaccan’ti me, bhikkhave, pubbe ananussutesu dhammesu cakkhuṁ udapādi, ñāṇaṁ udapādi, paññā udapādi, vijjā udapādi, āloko udapādi.

30. kv20.6:2.6

    ‘Taṁ kho panidaṁ dukkhaṁ ariyasaccaṁ pariññeyyan’ti me, bhikkhave …pe…

31. kv20.6:2.7

    pariññātanti me, bhikkhave …pe…

32. kv20.6:2.8

    ‘idaṁ dukkhasamudayaṁ ariyasaccan’ti me, bhikkhave …pe…

33. kv20.6:2.9

    ‘taṁ kho panidaṁ dukkhasamudayaṁ ariyasaccaṁ pahātabban’ti me, bhikkhave …pe…

34. kv20.6:2.10

    pahīnanti me, bhikkhave …pe…

35. kv20.6:2.11

    ‘idaṁ dukkhanirodhaṁ ariyasaccan’ti me, bhikkhave …pe…

36. kv20.6:2.12

    ‘taṁ kho panidaṁ dukkhanirodhaṁ ariyasaccaṁ sacchikātabban’ti me, bhikkhave …pe…

37. kv20.6:2.13

    sacchikatanti me, bhikkhave …pe…

38. kv20.6:2.14

    ‘idaṁ dukkhanirodhagāminī paṭipadā ariyasaccan’ti me, bhikkhave …pe…

39. kv20.6:2.15

    ‘taṁ kho panidaṁ dukkhanirodhagāminī paṭipadā ariyasaccaṁ bhāvetabban’ti me, bhikkhave …pe…

40. kv20.6:2.16

    bhāvitanti me, bhikkhave, pubbe ananussutesu dhammesu cakkhuṁ udapādi …pe…

41. kv20.6:2.17

    āloko udapādī”ti.

42. kv20.6:2.18

    Attheva suttantoti?

43. kv20.6:2.19

    Āmantā.

44. kv20.6:2.20

    Tena hi dvādasavatthukaṁ ñāṇaṁ lokuttaranti.

45. kv20.6:2.21

    Ñāṇakathā niṭṭhitā.

46. kv20.6:2.22

    Vīsatimo vaggo.

47. kv20.6:2.23

    Tassuddānaṁ

48. kv20.6:3.1

    Mātughātako ānantariko pitughātako ānantariko arahantaghātako ānantariko ruhiruppādako ānantariko saṅghabhedako ānantariko, natthi puthujjanassa ñāṇaṁ, natthi nirayesu nirayapālā, atthi devesu tiracchānagatā, pañcaṅgiko maggo, dvādasavatthukaṁ ñāṇaṁ lokuttaranti.

49. kv20.6:3.2

    Catuttho paṇṇāsako.

50. kv20.6:3.3

    Tassuddānaṁ

51. kv20.6:4.1

    Niggaho, puññasañcayo, aṭṭhāsi, atītena ca mātughātako.

SuttaCentral (suttacentral.net), from the bilara-data and sc-data repositories. Licence: Public Domain. Source.