← Library

Kathāvatthu — Mahāpaṇṇāsaka — Aṭṭhārasamavagga

Early Buddhist texts (SuttaCentral): Abhidhamma · abhidhamma · 59 sections

1. kv18.5:0.1

   Kathāvatthu

2. kv18.5:0.2

   Mahāpaṇṇāsaka

3. kv18.5:0.3

   Aṭṭhārasamavagga

4. kv18.5:0.4

   Ekamaggakathā

5. kv18.5:1.1

   Ekena ariyamaggena cattāri sāmaññaphalāni sacchikarotīti?

6. kv18.5:1.2

   Āmantā.

7. kv18.5:1.3

   Catunnaṁ phassānaṁ …pe…

8. kv18.5:1.4

   catunnaṁ saññānaṁ samodhānaṁ hotīti?

9. kv18.5:1.5

   Na hevaṁ vattabbe …pe…

10. kv18.5:1.6

    ekena ariyamaggena cattāri sāmaññaphalāni sacchikarotīti?

11. kv18.5:1.7

    Āmantā.

12. kv18.5:1.8

    Sotāpattimaggenāti?

13. kv18.5:1.9

    Na hevaṁ vattabbe …pe…

14. kv18.5:1.10

    sakadāgāmi …pe…

15. kv18.5:1.11

    anāgāmimaggenāti?

16. kv18.5:1.12

    Na hevaṁ vattabbe …pe….

17. kv18.5:2.1

    Katamena maggenāti?

18. kv18.5:2.2

    Arahattamaggenāti.

19. kv18.5:2.3

    Arahattamaggena sakkāyadiṭṭhiṁ vicikicchaṁ sīlabbataparāmāsaṁ jahatīti?

20. kv18.5:2.4

    Na hevaṁ vattabbe …pe…

21. kv18.5:2.5

    arahattamaggena sakkāyadiṭṭhiṁ vicikicchaṁ sīlabbataparāmāsaṁ jahatīti?

22. kv18.5:2.6

    Āmantā.

23. kv18.5:2.7

    Nanu tiṇṇaṁ saṁyojanānaṁ pahānaṁ sotāpattiphalaṁ vuttaṁ bhagavatāti?

24. kv18.5:2.8

    Āmantā.

25. kv18.5:2.9

    Hañci tiṇṇaṁ saṁyojanānaṁ pahānaṁ sotāpattiphalaṁ vuttaṁ bhagavatā, no ca vata re vattabbe—

26. kv18.5:2.10

    “arahattamaggena sakkāyadiṭṭhiṁ vicikicchaṁ sīlabbataparāmāsaṁ jahatī”ti.

27. kv18.5:3.1

    Arahattamaggena oḷārikaṁ kāmarāgaṁ oḷārikaṁ byāpādaṁ jahatīti?

28. kv18.5:3.2

    Na hevaṁ vattabbe …pe…

29. kv18.5:3.3

    arahattamaggena oḷārikaṁ kāmarāgaṁ oḷārikaṁ byāpādaṁ jahatīti?

30. kv18.5:3.4

    Āmantā.

31. kv18.5:3.5

    Nanu kāmarāgabyāpādānaṁ tanubhāvaṁ sakadāgāmiphalaṁ vuttaṁ bhagavatāti?

32. kv18.5:3.6

    Āmantā.

33. kv18.5:3.7

    Hañci kāmarāgabyāpādānaṁ tanubhāvaṁ sakadāgāmiphalaṁ vuttaṁ bhagavatā, no ca vata re vattabbe—

34. kv18.5:3.8

    “arahattamaggena oḷārikaṁ kāmarāgaṁ oḷārikaṁ byāpādaṁ jahatī”ti.

35. kv18.5:4.1

    Arahattamaggena aṇusahagataṁ kāmarāgaṁ aṇusahagataṁ byāpādaṁ jahatīti?

36. kv18.5:4.2

    Na hevaṁ vattabbe …pe…

37. kv18.5:4.3

    arahattamaggena aṇusahagataṁ kāmarāgaṁ aṇusahagataṁ byāpādaṁ jahatīti?

38. kv18.5:4.4

    Āmantā.

39. kv18.5:4.5

    Nanu kāmarāgabyāpādānaṁ anavasesappahānaṁ anāgāmiphalaṁ vuttaṁ bhagavatāti?

40. kv18.5:4.6

    Āmantā.

41. kv18.5:4.7

    Hañci kāmarāgabyāpādānaṁ anavasesappahānaṁ anāgāmiphalaṁ vuttaṁ bhagavatā, no ca vata re vattabbe—

42. kv18.5:4.8

    “arahattamaggena aṇusahagataṁ kāmarāgaṁ aṇusahagataṁ byāpādaṁ jahatī”ti.

43. kv18.5:5.1

    Na vattabbaṁ—

44. kv18.5:5.2

    “ekena ariyamaggena cattāri sāmaññaphalāni sacchikarotī”ti?

45. kv18.5:5.3

    Āmantā.

46. kv18.5:5.4

    Bhagavatā sotāpattimaggo bhāvitoti?

47. kv18.5:5.5

    Āmantā.

48. kv18.5:5.6

    Bhagavā sotāpannoti?

49. kv18.5:5.7

    Na hevaṁ vattabbe …pe…

50. kv18.5:5.8

    bhagavatā sakadāgāmi …pe…

51. kv18.5:5.9

    anāgāmimaggo bhāvitoti?

52. kv18.5:5.10

    Āmantā.

53. kv18.5:5.11

    Bhagavā anāgāmīti?

54. kv18.5:5.12

    Na hevaṁ vattabbe …pe….

55. kv18.5:6.1

    Bhagavā ekena ariyamaggena cattāri sāmaññaphalāni sacchikaroti, sāvakā catūhi ariyamaggehi cattāri sāmaññaphalāni sacchikarontīti?

56. kv18.5:6.2

    Āmantā.

57. kv18.5:6.3

    Sāvakā buddhassa bhagavato adiṭṭhaṁ dakkhanti anadhigataṁ adhigacchanti asacchikataṁ sacchikarontīti?

58. kv18.5:6.4

    Na hevaṁ vattabbe …pe….

59. kv18.5:6.5

    Ekamaggakathā niṭṭhitā.

SuttaCentral (suttacentral.net), from the bilara-data and sc-data repositories. Licence: Public Domain. Source.