← Library

Kathāvatthu — Mahāpaṇṇāsaka — Aṭṭhārasamavagga

Early Buddhist texts (SuttaCentral): Abhidhamma · abhidhamma · 17 sections

1. kv18.4:0.1

   Kathāvatthu

2. kv18.4:0.2

   Mahāpaṇṇāsaka

3. kv18.4:0.3

   Aṭṭhārasamavagga

4. kv18.4:0.4

   Gandhajātikathā

5. kv18.4:1.1

   Buddhassa bhagavato uccārapassāvo ativiya aññe gandhajāte adhiggaṇhātīti?

6. kv18.4:1.2

   Āmantā.

7. kv18.4:1.3

   Bhagavā gandhabhojīti?

8. kv18.4:1.4

   Na hevaṁ vattabbe …pe…

9. kv18.4:1.5

   nanu bhagavā odanakummāsaṁ bhuñjatīti?

10. kv18.4:1.6

    Āmantā.

11. kv18.4:1.7

    Hañci bhagavā odanakummāsaṁ bhuñjati, no ca vata re vattabbe—

12. kv18.4:1.8

    “buddhassa bhagavato uccārapassāvo ativiya aññe gandhajāte adhiggaṇhātī”ti.

13. kv18.4:2.1

    Buddhassa bhagavato uccārapassāvo ativiya aññe gandhajāte adhiggaṇhātīti?

14. kv18.4:2.2

    Āmantā.

15. kv18.4:2.3

    Atthi keci buddhassa bhagavato uccārapassāvaṁ nhāyanti vilimpanti ucchādenti peḷāya paṭisāmenti karaṇḍāya nikkhipanti āpaṇe pasārenti, tena ca gandhena gandhakaraṇīyaṁ karontīti?

16. kv18.4:2.4

    Na hevaṁ vattabbe …pe….

17. kv18.4:2.5

    Gandhajātikathā niṭṭhitā.

SuttaCentral (suttacentral.net), from the bilara-data and sc-data repositories. Licence: Public Domain. Source.