← All works

Kathāvatthu — Niggahapaṇṇāsaka — Aṭṭhārasamavagga

Early Buddhist texts (SuttaCentral): Abhidhamma · abhidhamma · 37 sections

1. kv18.1:0.1

   Kathāvatthu

2. kv18.1:0.2

   Niggahapaṇṇāsaka

3. kv18.1:0.3

   Aṭṭhārasamavagga

4. kv18.1:0.4

   Manussalokakathā

5. kv18.1:1.1

   Na vattabbaṁ—

6. kv18.1:1.2

   “buddho bhagavā manussaloke aṭṭhāsī”ti?

7. kv18.1:1.3

   Āmantā.

8. kv18.1:1.4

   Nanu atthi buddhavutthāni cetiyāni ārāmavihāragāmanigamanagarāni raṭṭhāni janapadānīti?

9. kv18.1:1.5

   Āmantā.

10. kv18.1:1.6

    Hañci atthi buddhavutthāni cetiyāni ārāmavihāragāmanigamanagarāni raṭṭhāni janapadāni, tena vata re vattabbe—

11. kv18.1:1.7

    “buddho bhagavā manussaloke aṭṭhāsī”ti.

12. kv18.1:2.1

    Na vattabbaṁ—

13. kv18.1:2.2

    “buddho bhagavā manussaloke aṭṭhāsī”ti?

14. kv18.1:2.3

    Āmantā.

15. kv18.1:2.4

    Nanu bhagavā lumbiniyā jāto, bodhiyā mūle abhisambuddho, bārāṇasiyaṁ bhagavatā dhammacakkaṁ pavattitaṁ, cāpāle cetiye āyusaṅkhāro ossaṭṭho, kusinārāyaṁ bhagavā parinibbutoti?

16. kv18.1:2.5

    Āmantā.

17. kv18.1:2.6

    Hañci bhagavā lumbiniyā jāto …pe… kusinārāyaṁ bhagavā parinibbuto, tena vata re vattabbe—

18. kv18.1:2.7

    “buddho bhagavā manussaloke aṭṭhāsī”ti.

19. kv18.1:3.1

    Na vattabbaṁ—

20. kv18.1:3.2

    “buddho bhagavā manussaloke aṭṭhāsī”ti?

21. kv18.1:3.3

    Āmantā.

22. kv18.1:3.4

    Nanu vuttaṁ bhagavatā—

23. kv18.1:3.5

    “ekamidāhaṁ, bhikkhave, samayaṁ ukkaṭṭhāyaṁ viharāmi subhagavane sālarājamūle”ti;

24. kv18.1:3.6

    “ekamidāhaṁ, bhikkhave, samayaṁ uruvelāyaṁ viharāmi ajapālanigrodhe paṭhamābhisambuddho”ti;

25. kv18.1:3.7

    “ekamidāhaṁ, bhikkhave, samayaṁ rājagahe viharāmi veḷuvane kalandakanivāpe”ti;

26. kv18.1:3.8

    “ekamidāhaṁ, bhikkhave, samayaṁ sāvatthiyaṁ viharāmi jetavane anāthapiṇḍikassa ārāme”ti;

27. kv18.1:3.9

    “ekamidāhaṁ, bhikkhave, samayaṁ vesāliyaṁ viharāmi mahāvane kūṭāgārasālāyan”ti.

28. kv18.1:3.10

    Attheva suttantoti?

29. kv18.1:3.11

    Āmantā.

30. kv18.1:3.12

    Tena hi buddho bhagavā manussaloke aṭṭhāsīti.

31. kv18.1:4.1

    Buddho bhagavā manussaloke aṭṭhāsīti?

32. kv18.1:4.2

    Āmantā.

33. kv18.1:4.3

    Nanu bhagavā loke jāto, loke saṁvaḍḍho, lokaṁ abhibhuyya viharati anupalitto lokenāti?

34. kv18.1:4.4

    Āmantā.

35. kv18.1:4.5

    Hañci bhagavā loke jāto, loke saṁvaḍḍho, lokaṁ abhibhuyya viharati anupalitto lokena, no ca vata re vattabbe—

36. kv18.1:4.6

    “buddho bhagavā manussaloke aṭṭhāsī”ti.

37. kv18.1:4.7

    Manussalokakathā niṭṭhitā.

SuttaCentral (suttacentral.net), from the bilara-data and sc-data repositories. Licence: Public Domain. Source.