← Library

Kathāvatthu — Mahāpaṇṇāsaka — Sattarasamavagga

Early Buddhist texts (SuttaCentral): Abhidhamma · abhidhamma · 32 sections

1. kv17.10:0.1

   Kathāvatthu

2. kv17.10:0.2

   Mahāpaṇṇāsaka

3. kv17.10:0.3

   Sattarasamavagga

4. kv17.10:0.4

   Navattabbaṁbuddhassadinnaṁmahapphalantikathā

5. kv17.10:1.1

   Na vattabbaṁ—

6. kv17.10:1.2

   “buddhassa dinnaṁ mahapphalan”ti?

7. kv17.10:1.3

   Āmantā.

8. kv17.10:1.4

   Nanu bhagavā dvipadānaṁ aggo, dvipadānaṁ seṭṭho, dvipadānaṁ pamokkho, dvipadānaṁ uttamo, dvipadānaṁ pavaro asamo asamasamo appaṭisamo appaṭibhāgo appaṭipuggaloti?

9. kv17.10:1.5

   Āmantā.

10. kv17.10:1.6

    Hañci bhagavā dvipadānaṁ aggo, dvipadānaṁ seṭṭho, dvipadānaṁ pamokkho, dvipadānaṁ uttamo, dvipadānaṁ pavaro asamo asamasamo appaṭisamo appaṭibhāgo appaṭipuggalo, tena vata re vattabbe—

11. kv17.10:1.7

    “buddhassa dinnaṁ mahapphalan”ti.

12. kv17.10:2.1

    Na vattabbaṁ—

13. kv17.10:2.2

    “buddhassa dinnaṁ mahapphalan”ti?

14. kv17.10:2.3

    Āmantā.

15. kv17.10:2.4

    Atthi koci buddhena samasamo—

16. kv17.10:2.5

    sīlena samādhinā paññāyāti?

17. kv17.10:2.6

    Natthi.

18. kv17.10:2.7

    Hañci natthi koci buddhena samasamo—

19. kv17.10:2.8

    sīlena samādhinā paññāya, tena vata re vattabbe—

20. kv17.10:2.9

    “buddhassa dinnaṁ mahapphalan”ti.

21. kv17.10:3.1

    Na vattabbaṁ—

22. kv17.10:3.2

    “buddhassa dinnaṁ mahapphalan”ti?

23. kv17.10:3.3

    Āmantā.

24. kv17.10:3.4

    Nanu vuttaṁ bhagavatā—

25. kv17.10:4.1

    “Nayimasmiṁ vā loke parasmiṁ vā pana,

26. kv17.10:4.2

    Buddhena seṭṭho ca samo ca vijjati;

27. kv17.10:4.3

    Yamāhuneyyānaṁ aggataṁ gato,

28. kv17.10:4.4

    Puññatthikānaṁ vipulapphalesinan”ti.

29. kv17.10:5.1

    Attheva suttantoti?

30. kv17.10:5.2

    Āmantā.

31. kv17.10:5.3

    Tena hi buddhassa dinnaṁ mahapphalanti.

32. kv17.10:5.4

    Na vattabbaṁ buddhassa dinnaṁ mahapphalantikathā niṭṭhitā.

SuttaCentral (suttacentral.net), from the bilara-data and sc-data repositories. Licence: Public Domain. Source.