← Library

Kathāvatthu — Anusayapaṇṇāsaka — Pannarasamavagga

Early Buddhist texts (SuttaCentral): Abhidhamma · abhidhamma · 73 sections

1. kv15.1:0.1

   Kathāvatthu

2. kv15.1:0.2

   Anusayapaṇṇāsaka

3. kv15.1:0.3

   Pannarasamavagga

4. kv15.1:0.4

   Paccayatākathā

5. kv15.1:1.1

   Paccayatā vavatthitāti?

6. kv15.1:1.2

   Āmantā.

7. kv15.1:1.3

   Nanu vīmaṁsā hetu, so ca adhipatīti?

8. kv15.1:1.4

   Āmantā.

9. kv15.1:1.5

   Hañci vīmaṁsā hetu, so ca adhipati, tena vata re vattabbe—

10. kv15.1:1.6

    “hetupaccayena paccayo, adhipatipaccayena paccayo”ti.

11. kv15.1:2.1

    Nanu chandādhipati sahajātānaṁ dhammānaṁ adhipatīti?

12. kv15.1:2.2

    Āmantā.

13. kv15.1:2.3

    Hañci chandādhipati sahajātānaṁ dhammānaṁ adhipati, tena vata re vattabbe—

14. kv15.1:2.4

    “adhipatipaccayena paccayo, sahajātapaccayena paccayo”ti.

15. kv15.1:3.1

    Nanu vīriyādhipati sahajātānaṁ dhammānaṁ adhipatīti?

16. kv15.1:3.2

    Āmantā.

17. kv15.1:3.3

    Hañci vīriyādhipati sahajātānaṁ dhammānaṁ adhipati, tena vata re vattabbe—

18. kv15.1:3.4

    “adhipatipaccayena paccayo, sahajātapaccayena paccayo”ti.

19. kv15.1:4.1

    Nanu vīriyādhipati sahajātānaṁ dhammānaṁ adhipati, tañca indriyanti?

20. kv15.1:4.2

    Āmantā.

21. kv15.1:4.3

    Hañci vīriyādhipati sahajātānaṁ dhammānaṁ adhipati, tañca indriyaṁ, tena vata re vattabbe—

22. kv15.1:4.4

    “adhipatipaccayena paccayo, indriyapaccayena paccayo”ti.

23. kv15.1:5.1

    Nanu vīriyādhipati sahajātānaṁ dhammānaṁ adhipati, tañca maggaṅganti?

24. kv15.1:5.2

    Āmantā.

25. kv15.1:5.3

    Hañci vīriyādhipati sahajātānaṁ dhammānaṁ adhipati, tañca maggaṅgaṁ, tena vata re vattabbe—

26. kv15.1:5.4

    “adhipatipaccayena paccayo, maggapaccayena paccayo”ti.

27. kv15.1:6.1

    Nanu cittādhipati sahajātānaṁ dhammānaṁ adhipatīti?

28. kv15.1:6.2

    Āmantā.

29. kv15.1:6.3

    Hañci cittādhipati sahajātānaṁ dhammānaṁ adhipati, tena vata re vattabbe—

30. kv15.1:6.4

    “adhipatipaccayena paccayo, sahajātapaccayena paccayo”ti.

31. kv15.1:7.1

    Nanu cittādhipati sahajātānaṁ dhammānaṁ adhipati, so ca āhāroti?

32. kv15.1:7.2

    Āmantā.

33. kv15.1:7.3

    Hañci cittādhipati sahajātānaṁ dhammānaṁ adhipati, so ca āhāro, tena vata re vattabbe—

34. kv15.1:7.4

    “adhipatipaccayena paccayo, āhārapaccayena paccayo”ti.

35. kv15.1:8.1

    Nanu cittādhipati sahajātānaṁ dhammānaṁ adhipati, tañca indriyanti?

36. kv15.1:8.2

    Āmantā.

37. kv15.1:8.3

    Hañci cittādhipati sahajātānaṁ dhammānaṁ adhipati, tañca indriyaṁ, tena vata re vattabbe—

38. kv15.1:8.4

    “adhipatipaccayena paccayo, indriyapaccayena paccayo”ti.

39. kv15.1:9.1

    Nanu vīmaṁsādhipati sahajātānaṁ dhammānaṁ adhipatīti?

40. kv15.1:9.2

    Āmantā.

41. kv15.1:9.3

    Hañci vīmaṁsādhipati sahajātānaṁ dhammānaṁ adhipati, tena vata re vattabbe—

42. kv15.1:9.4

    “adhipatipaccayena paccayo, sahajātapaccayena paccayo”ti.

43. kv15.1:10.1

    Nanu vīmaṁsādhipati sahajātānaṁ dhammānaṁ adhipati, tañca indriyanti?

44. kv15.1:10.2

    Āmantā.

45. kv15.1:10.3

    Hañci vīmaṁsādhipati sahajātānaṁ dhammānaṁ adhipati, tañca indriyaṁ, tena vata re vattabbe—

46. kv15.1:10.4

    “adhipatipaccayena paccayo, indriyapaccayena paccayo”ti.

47. kv15.1:11.1

    Nanu vīmaṁsādhipati sahajātānaṁ dhammānaṁ adhipati, tañca maggaṅganti?

48. kv15.1:11.2

    Āmantā.

49. kv15.1:11.3

    Hañci vīmaṁsādhipati sahajātānaṁ dhammānaṁ adhipati, tañca maggaṅgaṁ, tena vata re vattabbe—

50. kv15.1:11.4

    “adhipatipaccayena paccayo, maggapaccayena paccayo”ti.

51. kv15.1:12.1

    Nanu ariyaṁ dhammaṁ garuṁ katvā uppajjati paccavekkhaṇā, tañcārammaṇanti?

52. kv15.1:12.2

    Āmantā.

53. kv15.1:12.3

    Hañci ariyaṁ dhammaṁ garuṁ katvā uppajjati paccavekkhaṇā, tañcārammaṇaṁ, tena vata re vattabbe—

54. kv15.1:12.4

    “adhipatipaccayena paccayo, ārammaṇapaccayena paccayo”ti.

55. kv15.1:13.1

    Nanu purimā purimā kusalā dhammā pacchimānaṁ pacchimānaṁ kusalānaṁ dhammānaṁ anantarapaccayena paccayo, sā ca āsevanāti?

56. kv15.1:13.2

    Āmantā.

57. kv15.1:13.3

    Hañci purimā purimā kusalā dhammā pacchimānaṁ pacchimānaṁ kusalānaṁ dhammānaṁ anantarapaccayena paccayo, sā ca āsevanā, tena vata re vattabbe—

58. kv15.1:13.4

    “anantarapaccayena paccayo, āsevanapaccayena paccayo”ti.

59. kv15.1:14.1

    Nanu purimā purimā akusalā dhammā pacchimānaṁ pacchimānaṁ akusalānaṁ dhammānaṁ anantarapaccayena paccayo, sā ca āsevanāti?

60. kv15.1:14.2

    Āmantā.

61. kv15.1:14.3

    Hañci purimā purimā akusalā dhammā pacchimānaṁ pacchimānaṁ akusalānaṁ dhammānaṁ anantarapaccayena paccayo, sā ca āsevanā, tena vata re vattabbe—

62. kv15.1:14.4

    “anantarapaccayena paccayo, āsevanapaccayena paccayo”ti.

63. kv15.1:15.1

    Nanu purimā purimā kiriyābyākatā dhammā pacchimānaṁ pacchimānaṁ kiriyābyākatānaṁ dhammānaṁ anantarapaccayena paccayo, sā ca āsevanāti?

64. kv15.1:15.2

    Āmantā.

65. kv15.1:15.3

    Hañci purimā purimā kiriyābyākatā dhammā pacchimānaṁ pacchimānaṁ kiriyābyākatānaṁ dhammānaṁ anantarapaccayena paccayo, sā ca āsevanā, tena vata re vattabbe—

66. kv15.1:15.4

    “anantarapaccayena paccayo, āsevanapaccayena paccayo”ti.

67. kv15.1:16.1

    Na vattabbaṁ—

68. kv15.1:16.2

    “paccayatā vavatthitā”ti?

69. kv15.1:16.3

    Āmantā.

70. kv15.1:16.4

    Hetupaccayena paccayo hoti, ārammaṇapaccayena paccayo hoti, anantarapaccayena paccayo hoti, samanantarapaccayena paccayo hotīti?

71. kv15.1:16.5

    Na hevaṁ vattabbe.

72. kv15.1:16.6

    Tena hi paccayatā vavatthitāti.

73. kv15.1:16.7

    Paccayatākathā niṭṭhitā.

SuttaCentral (suttacentral.net), from the bilara-data and sc-data repositories. Licence: Public Domain. Source.