← Library

Kathāvatthu — Anusayapaṇṇāsaka — Cuddasamavagga

Early Buddhist texts (SuttaCentral): Abhidhamma · abhidhamma · 66 sections

1. kv14.1:0.1

   Kathāvatthu

2. kv14.1:0.2

   Anusayapaṇṇāsaka

3. kv14.1:0.3

   Cuddasamavagga

4. kv14.1:0.4

   Kusalākusalapaṭisandahanakathā

5. kv14.1:1.1

   Akusalamūlaṁ paṭisandahati kusalamūlanti?

6. kv14.1:1.2

   Āmantā.

7. kv14.1:1.3

   Yā akusalassa uppādāya āvaṭṭanā …pe… paṇidhi, sāva kusalassa uppādāya āvaṭṭanā …pe… paṇidhīti?

8. kv14.1:1.4

   Na hevaṁ vattabbe …pe….

9. kv14.1:2.1

   Akusalamūlaṁ paṭisandahati kusalamūlaṁ, na vattabbaṁ—

10. kv14.1:2.2

    “yā akusalassa uppādāya āvaṭṭanā …pe… paṇidhi, sāva kusalassa uppādāya āvaṭṭanā …pe… paṇidhī”ti?

11. kv14.1:2.3

    Āmantā.

12. kv14.1:2.4

    Kusalaṁ anāvaṭṭentassa uppajjati …pe… appaṇidahantassa uppajjatīti?

13. kv14.1:2.5

    Na hevaṁ vattabbe …pe…

14. kv14.1:2.6

    nanu kusalaṁ āvaṭṭentassa uppajjati …pe… paṇidahantassa uppajjatīti?

15. kv14.1:2.7

    Āmantā.

16. kv14.1:2.8

    Hañci kusalaṁ āvaṭṭentassa uppajjati …pe… paṇidahantassa uppajjati, no ca vata re vattabbe—

17. kv14.1:2.9

    “akusalamūlaṁ paṭisandahati kusalamūlan”ti.

18. kv14.1:3.1

    Akusalamūlaṁ paṭisandahati kusalamūlanti?

19. kv14.1:3.2

    Āmantā.

20. kv14.1:3.3

    Akusalamūlaṁ ayoniso manasikaroto uppajjatīti?

21. kv14.1:3.4

    Āmantā.

22. kv14.1:3.5

    Kusalaṁ ayoniso manasikaroto uppajjatīti?

23. kv14.1:3.6

    Na hevaṁ vattabbe …pe…

24. kv14.1:3.7

    nanu kusalaṁ yoniso manasikaroto uppajjatīti?

25. kv14.1:3.8

    Āmantā.

26. kv14.1:3.9

    Hañci kusalaṁ yoniso manasikaroto uppajjati, no ca vata re vattabbe—

27. kv14.1:3.10

    “akusalamūlaṁ paṭisandahati kusalamūlan”ti.

28. kv14.1:4.1

    Akusalamūlaṁ paṭisandahati kusalamūlanti?

29. kv14.1:4.2

    Āmantā.

30. kv14.1:4.3

    Kāmasaññāya anantarā nekkhammasaññā uppajjati, byāpādasaññāya anantarā abyāpādasaññā uppajjati, vihiṁsāsaññāya anantarā avihiṁsāsaññā uppajjati, byāpādassa anantarā mettā uppajjati, vihiṁsāya anantarā karuṇā uppajjati, aratiyā anantarā muditā uppajjati, paṭighassa anantarā upekkhā uppajjatīti?

31. kv14.1:4.4

    Na hevaṁ vattabbe …pe….

32. kv14.1:5.1

    Kusalamūlaṁ paṭisandahati akusalamūlanti?

33. kv14.1:5.2

    Āmantā.

34. kv14.1:5.3

    Yā kusalassa uppādāya āvaṭṭanā …pe… paṇidhi, sāva akusalassa uppādāya āvaṭṭanā …pe… paṇidhīti?

35. kv14.1:5.4

    Na hevaṁ vattabbe …pe….

36. kv14.1:6.1

    Kusalamūlaṁ paṭisandahati akusalamūlaṁ, na vattabbaṁ—

37. kv14.1:6.2

    “yā kusalassa uppādāya āvaṭṭanā …pe… paṇidhi, sāva akusalassa uppādāya āvaṭṭanā …pe… paṇidhī”ti?

38. kv14.1:6.3

    Āmantā.

39. kv14.1:6.4

    Akusalaṁ anāvaṭṭentassa uppajjati …pe… appaṇidahantassa uppajjatīti?

40. kv14.1:6.5

    Na hevaṁ vattabbe …pe…

41. kv14.1:6.6

    nanu akusalaṁ āvaṭṭentassa uppajjati …pe… paṇidahantassa uppajjatīti?

42. kv14.1:6.7

    Āmantā.

43. kv14.1:6.8

    Hañci akusalaṁ āvaṭṭentassa uppajjati …pe… paṇidahantassa uppajjati, no ca vata re vattabbe—

44. kv14.1:6.9

    “kusalamūlaṁ paṭisandahati akusalamūlan”ti.

45. kv14.1:7.1

    Kusalamūlaṁ paṭisandahati akusalamūlanti?

46. kv14.1:7.2

    Āmantā.

47. kv14.1:7.3

    Kusalaṁ yoniso manasikaroto uppajjatīti?

48. kv14.1:7.4

    Āmantā.

49. kv14.1:7.5

    Akusalaṁ yoniso manasikaroto uppajjatīti?

50. kv14.1:7.6

    Na hevaṁ vattabbe …pe…

51. kv14.1:7.7

    nanu akusalaṁ ayoniso manasikaroto uppajjatīti?

52. kv14.1:7.8

    Āmantā.

53. kv14.1:7.9

    Hañci akusalaṁ ayoniso manasikaroto uppajjati, no ca vata re vattabbe—

54. kv14.1:7.10

    “kusalamūlaṁ paṭisandahati akusalamūlan”ti.

55. kv14.1:8.1

    Kusalamūlaṁ paṭisandahati akusalamūlanti?

56. kv14.1:8.2

    Āmantā.

57. kv14.1:8.3

    Nekkhammasaññāya anantarā kāmasaññā uppajjati, abyāpādasaññāya anantarā byāpādasaññā uppajjati, avihiṁsāsaññāya anantarā vihiṁsāsaññā uppajjati, mettāya anantarā byāpādo uppajjati, karuṇāya anantarā vihiṁsā uppajjati, muditāya anantarā arati uppajjati, upekkhāya anantarā paṭighaṁ uppajjatīti?

58. kv14.1:8.4

    Na hevaṁ vattabbe …pe….

59. kv14.1:9.1

    Na vattabbaṁ—

60. kv14.1:9.2

    “akusalamūlaṁ paṭisandahati kusalamūlaṁ, kusalamūlaṁ paṭisandahati akusalamūlan”ti?

61. kv14.1:9.3

    Āmantā.

62. kv14.1:9.4

    Nanu yasmiññeva vatthusmiṁ rajjati tasmiññeva vatthusmiṁ virajjati, yasmiññeva vatthusmiṁ virajjati tasmiññeva vatthusmiṁ rajjatīti?

63. kv14.1:9.5

    Āmantā.

64. kv14.1:9.6

    Hañci yasmiññeva vatthusmiṁ rajjati tasmiññeva vatthusmiṁ virajjati, yasmiññeva vatthusmiṁ virajjati tasmiññeva vatthusmiṁ rajjati, tena vata re vattabbe—

65. kv14.1:9.7

    “akusalamūlaṁ paṭisandahati kusalamūlaṁ, kusalamūlaṁ paṭisandahati akusalamūlan”ti.

66. kv14.1:9.8

    Kusalākusalapaṭisandahanakathā niṭṭhitā.

SuttaCentral (suttacentral.net), from the bilara-data and sc-data repositories. Licence: Public Domain. Source.