← All works

Kathāvatthu — Mahāpaṇṇāsaka — Paṭhamavagga

Early Buddhist texts (SuttaCentral): Abhidhamma · abhidhamma · 2,331 sections

1. kv1.1:14.8

   Tena hi ye kate niggahe se niggahe dukkaṭe.

2. kv1.1:14.9

   Sukate paṭikamme.

3. kv1.1:14.10

   Sukatā paṭipādanāti.

4. kv1.1:14.11

   Niggamanacatukkaṁ.

5. kv1.1:14.12

   Paṭhamo niggaho.

6. kv1.1:15.0

   2. Paccanīkānuloma

7. kv1.1:15.1

   Puggalo nupalabbhati saccikaṭṭhaparamatthenāti?

8. kv1.1:15.2

   Āmantā.

9. kv1.1:15.3

   Yo saccikaṭṭho paramattho, tato so puggalo nupalabbhati saccikaṭṭhaparamatthenāti?

10. kv1.1:15.4

    Na hevaṁ vattabbe.

11. kv1.1:16.1

    Ājānāhi niggahaṁ.

12. kv1.1:16.2

    Hañci puggalo nupalabbhati saccikaṭṭhaparamatthena, tena vata re vattabbe—

13. kv1.1:16.3

    “yo saccikaṭṭho paramattho, tato so puggalo nupalabbhati saccikaṭṭhaparamatthenā”ti.

14. kv1.1:16.4

    Yaṁ tattha vadesi—

15. kv1.1:16.5

    “vattabbe kho—

16. kv1.1:16.6

    ‘puggalo nupalabbhati saccikaṭṭhaparamatthena’, no ca vattabbe—

17. kv1.1:16.7

    ‘yo saccikaṭṭho paramattho, tato so puggalo nupalabbhati saccikaṭṭhaparamatthenā’”ti micchā.

18. kv1.1:17.1

    No ce pana vattabbe—

19. kv1.1:17.2

    “yo saccikaṭṭho paramattho, tato so puggalo nupalabbhati saccikaṭṭhaparamatthenā”ti, no ca vata re vattabbe—

20. kv1.1:17.3

    “puggalo nupalabbhati saccikaṭṭhaparamatthenā”ti.

21. kv1.1:17.4

    Yaṁ tattha vadesi—

22. kv1.1:17.5

    “vattabbe kho—

23. kv1.1:17.6

    ‘puggalo nupalabbhati saccikaṭṭhaparamatthena’, no ca vattabbe—

24. kv1.1:17.7

    ‘yo saccikaṭṭho paramattho, tato so puggalo nupalabbhati saccikaṭṭhaparamatthenā’”ti micchā.

25. kv1.1:17.8

    Paccanīkapañcakaṁ.

26. kv1.1:18.1

    Puggalo upalabbhati saccikaṭṭhaparamatthenāti?

27. kv1.1:18.2

    Āmantā.

28. kv1.1:18.3

    Yo saccikaṭṭho paramattho, tato so puggalo upalabbhati saccikaṭṭhaparamatthenāti?

29. kv1.1:18.4

    Na hevaṁ vattabbe.

30. kv1.1:19.1

    Ājānāhi paṭikammaṁ.

31. kv1.1:19.2

    Hañci puggalo upalabbhati saccikaṭṭhaparamatthena, tena vata re vattabbe—

32. kv1.1:19.3

    “yo saccikaṭṭho paramattho, tato so puggalo upalabbhati saccikaṭṭhaparamatthenā”ti.

33. kv1.1:19.4

    Yaṁ tattha vadesi—

34. kv1.1:19.5

    “vattabbe kho—

35. kv1.1:19.6

    ‘puggalo upalabbhati saccikaṭṭhaparamatthena’, no ca vattabbe—

36. kv1.1:19.7

    ‘yo saccikaṭṭho paramattho, tato so puggalo upalabbhati saccikaṭṭhaparamatthenā’”ti micchā.

37. kv1.1:20.1

    No ce pana vattabbe—

38. kv1.1:20.2

    “yo saccikaṭṭho paramattho, tato so puggalo upalabbhati saccikaṭṭhaparamatthenā”ti, no ca vata re vattabbe—

39. kv1.1:20.3

    “puggalo upalabbhati saccikaṭṭhaparamatthenā”ti.

40. kv1.1:20.4

    Yaṁ tattha vadesi—

41. kv1.1:20.5

    “vattabbe kho—

42. kv1.1:20.6

    ‘puggalo upalabbhati saccikaṭṭhaparamatthena’, no ca vattabbe—

43. kv1.1:20.7

    ‘yo saccikaṭṭho paramattho, tato so puggalo upalabbhati saccikaṭṭhaparamatthenā’”ti micchā.

44. kv1.1:20.8

    Paṭikammacatukkaṁ.

45. kv1.1:21.1

    Tvañce pana maññasi—

46. kv1.1:21.2

    “vattabbe kho—

47. kv1.1:21.3

    ‘puggalo upalabbhati saccikaṭṭhaparamatthena’, no ca vattabbe—

48. kv1.1:21.4

    ‘yo saccikaṭṭho paramattho, tato so puggalo upalabbhati saccikaṭṭhaparamatthenā’”ti, tena tava tattha hetāya paṭiññāya hevaṁ paṭijānantaṁ hevaṁ niggahetabbe.

49. kv1.1:21.5

    Atha taṁ niggaṇhāma, suniggahito ca hosi.

50. kv1.1:22.1

    Hañci puggalo upalabbhati saccikaṭṭhaparamatthena, tena vata re vattabbe—

51. kv1.1:22.2

    “yo saccikaṭṭho paramattho, tato so puggalo upalabbhati saccikaṭṭhaparamatthenā”ti.

52. kv1.1:22.3

    Yaṁ tattha vadesi—

53. kv1.1:22.4

    “vattabbe kho—

54. kv1.1:22.5

    ‘puggalo upalabbhati saccikaṭṭhaparamatthena’, no ca vattabbe—

55. kv1.1:22.6

    ‘yo saccikaṭṭho paramattho, tato so puggalo upalabbhati saccikaṭṭhaparamatthenā’”ti micchā.

56. kv1.1:23.1

    No ce pana vattabbe—

57. kv1.1:23.2

    “yo saccikaṭṭho paramattho, tato so puggalo upalabbhati saccikaṭṭhaparamatthenā”ti, no ca vata re vattabbe—

58. kv1.1:23.3

    “puggalo upalabbhati saccikaṭṭhaparamatthenā”ti.

59. kv1.1:23.4

    Yaṁ tattha vadesi—

60. kv1.1:23.5

    “vattabbe kho—

61. kv1.1:23.6

    ‘puggalo upalabbhati saccikaṭṭhaparamatthena’, no ca vattabbe—

62. kv1.1:23.7

    ‘yo saccikaṭṭho paramattho, tato so puggalo upalabbhati saccikaṭṭhaparamatthenā’”ti idaṁ te micchā.

63. kv1.1:23.8

    Niggahacatukkaṁ.

64. kv1.1:24.1

    Ese ce dunniggahite hevamevaṁ tattha dakkha.

65. kv1.1:24.2

    Vattabbe kho—

66. kv1.1:24.3

    “puggalo nupalabbhati saccikaṭṭhaparamatthena”, no ca vattabbe—

67. kv1.1:24.4

    “yo saccikaṭṭho paramattho, tato so puggalo nupalabbhati saccikaṭṭhaparamatthenā”ti.

68. kv1.1:24.5

    No ca mayaṁ tayā tattha hetāya paṭiññāya hevaṁ paṭijānantā hevaṁ niggahetabbā.

69. kv1.1:24.6

    Atha maṁ niggaṇhāsi, dunniggahitā ca homa.

70. kv1.1:25.1

    Hañci puggalo nupalabbhati saccikaṭṭhaparamatthena, tena vata re vattabbe—

71. kv1.1:25.2

    “yo saccikaṭṭho paramattho, tato so puggalo nupalabbhati saccikaṭṭhaparamatthenā”ti.

72. kv1.1:25.3

    Yaṁ tattha vadesi—

73. kv1.1:25.4

    “vattabbe kho—

74. kv1.1:25.5

    ‘puggalo nupalabbhati saccikaṭṭhaparamatthena’, no ca vattabbe—

75. kv1.1:25.6

    ‘yo saccikaṭṭho paramattho, tato so puggalo nupalabbhati saccikaṭṭhaparamatthenā’”ti micchā.

76. kv1.1:26.1

    No ce pana vattabbe—

77. kv1.1:26.2

    “yo saccikaṭṭho paramattho, tato so puggalo nupalabbhati saccikaṭṭhaparamatthenā”ti, no ca vata re vattabbe—

78. kv1.1:26.3

    “puggalo nupalabbhati saccikaṭṭhaparamatthenā”ti.

79. kv1.1:26.4

    Yaṁ tattha vadesi—

80. kv1.1:26.5

    “vattabbe kho—

81. kv1.1:26.6

    ‘puggalo nupalabbhati saccikaṭṭhaparamatthena’, no ca vattabbe—

82. kv1.1:26.7

    ‘yo saccikaṭṭho paramattho, tato so puggalo nupalabbhati saccikaṭṭhaparamatthenā’”ti idaṁ te micchā.

83. kv1.1:26.8

    Upanayanacatukkaṁ.

84. kv1.1:27.1

    Na hevaṁ niggahetabbe.

85. kv1.1:27.2

    Tena hi yaṁ niggaṇhāsi—

86. kv1.1:27.3

    “hañci puggalo nupalabbhati saccikaṭṭhaparamatthena, tena vata re vattabbe—

87. kv1.1:27.4

    ‘yo saccikaṭṭho paramattho, tato so puggalo nupalabbhati saccikaṭṭhaparamatthenā’ti.

88. kv1.1:27.5

    Yaṁ tattha vadesi—

89. kv1.1:27.6

    ‘vattabbe kho—

90. kv1.1:27.7

    puggalo nupalabbhati saccikaṭṭhaparamatthena, no ca vattabbe—

91. kv1.1:27.8

    yo saccikaṭṭho paramattho, tato so puggalo nupalabbhati saccikaṭṭhaparamatthenā’”ti micchā.

92. kv1.1:28.1

    No ce pana vattabbe—

93. kv1.1:28.2

    “yo saccikaṭṭho paramattho, tato so puggalo nupalabbhati saccikaṭṭhaparamatthenā”ti, no ca vata re vattabbe—

94. kv1.1:28.3

    “puggalo nupalabbhati saccikaṭṭhaparamatthenā”ti.

95. kv1.1:28.4

    Yaṁ tattha vadesi—

96. kv1.1:28.5

    “vattabbe kho—

97. kv1.1:28.6

    ‘puggalo nupalabbhati saccikaṭṭhaparamatthena’, no ca vattabbe—

98. kv1.1:28.7

    ‘yo saccikaṭṭho paramattho, tato so puggalo nupalabbhati saccikaṭṭhaparamatthenā’”ti idaṁ te micchā.

99. kv1.1:28.8

    Tena hi ye kate niggahe se niggahe dukkaṭe.

100. kv1.1:28.9

     Sukate paṭikamme, sukatā paṭipādanāti.

← Previous · Next → — showing 101–200 of 2,331

SuttaCentral (suttacentral.net), from the bilara-data and sc-data repositories. Licence: Public Domain. Source.