← Library

Dhātukathā — 2 Niddesa — 2.6. Chaṭṭhanaya Sampayogavippayogapadaniddesa

Early Buddhist texts (SuttaCentral): Abhidhamma · abhidhamma · 397 sections

1. dt2.6:61.1

   Parāmāsasampayuttā dhammā ekena khandhena ekenāyatanena ekāya dhātuyā kehici sampayuttā.

2. dt2.6:61.2

   Katihi vippayuttā?

3. dt2.6:61.3

   Ekena khandhena dasahāyatanehi soḷasahi dhātūhi vippayuttā;

4. dt2.6:61.4

   ekenāyatanena ekāya dhātuyā kehici vippayuttā.

5. dt2.6:62.0

   2.6.10. Mahantaraduka

6. dt2.6:62.1

   Sārammaṇā dhammā …pe… sampayuttāti?

7. dt2.6:62.2

   Natthi.

8. dt2.6:62.3

   Katihi vippayuttā?

9. dt2.6:62.4

   Ekena khandhena dasahāyatanehi dasahi dhātūhi vippayuttā;

10. dt2.6:62.5

    ekenāyatanena ekāya dhātuyā kehici vippayuttā.

11. dt2.6:63.1

    Anārammaṇā dhammā … cittavippayuttā dhammā … cittavisaṁsaṭṭhā dhammā … upādā dhammā …pe… sampayuttāti?

12. dt2.6:63.2

    Natthi.

13. dt2.6:63.3

    Katihi vippayuttā?

14. dt2.6:63.4

    Catūhi khandhehi ekenāyatanena sattahi dhātūhi vippayuttā;

15. dt2.6:63.5

    ekenāyatanena ekāya dhātuyā kehici vippayuttā.

16. dt2.6:64.1

    Cittā dhammā tīhi khandhehi sampayuttā;

17. dt2.6:64.2

    ekenāyatanena ekāya dhātuyā kehici sampayuttā.

18. dt2.6:64.3

    Katihi vippayuttā?

19. dt2.6:64.4

    Ekena khandhena dasahāyatanehi dasahi dhātūhi vippayuttā;

20. dt2.6:64.5

    ekenāyatanena ekāya dhātuyā kehici vippayuttā.

21. dt2.6:65.1

    Cetasikā dhammā … cittasampayuttā dhammā … cittasaṁsaṭṭhā dhammā … cittasaṁsaṭṭhasamuṭṭhānā dhammā … cittasaṁsaṭṭhasamuṭṭhānasahabhuno dhammā … cittasaṁsaṭṭhasamuṭṭhānānuparivattino dhammā ekena khandhena ekenāyatanena sattahi dhātūhi sampayuttā.

22. dt2.6:65.2

    Katihi vippayuttā?

23. dt2.6:65.3

    Ekena khandhena dasahāyatanehi dasahi dhātūhi vippayuttā;

24. dt2.6:65.4

    ekenāyatanena ekāya dhātuyā kehici vippayuttā.

25. dt2.6:66.1

    Anupādinnā dhammā …pe… sampayuttāti?

26. dt2.6:66.2

    Natthi.

27. dt2.6:66.3

    Katihi vippayuttā?

28. dt2.6:66.4

    Na kehici khandhehi na kehici āyatanehi pañcahi dhātūhi vippayuttā.

29. dt2.6:67.0

    2.6.6.11–12. Upādānagocchakādi

30. dt2.6:67.1

    Upādānā dhammā … kilesā dhammā … kilesā ceva saṅkilesikā ca dhammā … kilesā ceva saṅkiliṭṭhā ca dhammā … kilesā ceva kilesasampayuttā ca dhammā tīhi khandhehi ekenāyatanena ekāya dhātuyā sampayuttā;

31. dt2.6:67.2

    ekena khandhena ekenāyatanena ekāya dhātuyā kehici sampayuttā.

32. dt2.6:67.3

    Katihi vippayuttā?

33. dt2.6:67.4

    Ekena khandhena dasahāyatanehi soḷasahi dhātūhi vippayuttā;

34. dt2.6:67.5

    ekenāyatanena ekāya dhātuyā kehici vippayuttā.

35. dt2.6:68.1

    Asaṅkilesikā dhammā … kilesavippayuttā asaṅkilesikā dhammā …pe… sampayuttāti?

36. dt2.6:68.2

    Natthi.

37. dt2.6:68.3

    Katihi vippayuttā?

38. dt2.6:68.4

    Na kehici khandhehi na kehici āyatanehi chahi dhātūhi vippayuttā.

39. dt2.6:69.1

    Saṅkiliṭṭhā dhammā … kilesasampayuttā dhammā …pe… sampayuttāti?

40. dt2.6:69.2

    Natthi.

41. dt2.6:69.3

    Katihi vippayuttā?

42. dt2.6:69.4

    Ekena khandhena dasahāyatanehi soḷasahi dhātūhi vippayuttā;

43. dt2.6:69.5

    ekenāyatanena ekāya dhātuyā kehici vippayuttā.

44. dt2.6:70.1

    Saṅkiliṭṭhā ceva no ca kilesā dhammā … kilesasampayuttā ceva no ca kilesā dhammā ekena khandhena ekenāyatanena ekāya dhātuyā kehici sampayuttā.

45. dt2.6:70.2

    Katihi vippayuttā?

46. dt2.6:70.3

    Ekena khandhena dasahāyatanehi soḷasahi dhātūhi vippayuttā;

47. dt2.6:70.4

    ekenāyatanena ekāya dhātuyā kehici vippayuttā.

48. dt2.6:71.0

    2.6.6.13. Piṭṭhiduka

49. dt2.6:71.1

    Dassanena pahātabbā dhammā … bhāvanāya pahātabbā dhammā … dassanena pahātabbahetukā dhammā … bhāvanāya pahātabbahetukā dhammā … sampayuttāti?

50. dt2.6:71.2

    Natthi.

51. dt2.6:71.3

    Katihi vippayuttā?

52. dt2.6:71.4

    Ekena khandhena dasahāyatanehi soḷasahi dhātūhi vippayuttā;

53. dt2.6:71.5

    ekenāyatanena ekāya dhātuyā kehici vippayuttā.

54. dt2.6:72.1

    Savitakkā dhammā … savicārā dhammā ekena khandhena ekenāyatanena ekāya dhātuyā kehici sampayuttā.

55. dt2.6:72.2

    Katihi vippayuttā?

56. dt2.6:72.3

    Ekena khandhena dasahāyatanehi pannarasahi dhātūhi vippayuttā;

57. dt2.6:72.4

    ekenāyatanena ekāya dhātuyā kehici vippayuttā.

58. dt2.6:73.1

    Avitakkā dhammā … avicārā dhammā …pe… sampayuttāti?

59. dt2.6:73.2

    Natthi.

60. dt2.6:73.3

    Katihi vippayuttā?

61. dt2.6:73.4

    Na kehici khandhehi na kehici āyatanehi ekāya dhātuyā vippayuttā.

62. dt2.6:74.1

    Sappītikā dhammā … pītisahagatā dhammā ekena khandhena ekenāyatanena ekāya dhātuyā kehici sampayuttā.

63. dt2.6:74.2

    Katihi vippayuttā?

64. dt2.6:74.3

    Ekena khandhena dasahāyatanehi soḷasahi dhātūhi vippayuttā;

65. dt2.6:74.4

    ekenāyatanena ekāya dhātuyā kehici vippayuttā.

66. dt2.6:75.1

    Sukhasahagatā dhammā ekena khandhena sampayuttā;

67. dt2.6:75.2

    ekenāyatanena ekāya dhātuyā kehici sampayuttā.

68. dt2.6:75.3

    Katihi vippayuttā?

69. dt2.6:75.4

    Ekena khandhena dasahāyatanehi pannarasahi dhātūhi vippayuttā;

70. dt2.6:75.5

    ekenāyatanena ekāya dhātuyā kehici vippayuttā.

71. dt2.6:76.1

    Upekkhāsahagatā dhammā ekena khandhena sampayuttā;

72. dt2.6:76.2

    ekenāyatanena ekāya dhātuyā kehici sampayuttā.

73. dt2.6:76.3

    Katihi vippayuttā?

74. dt2.6:76.4

    Ekena khandhena dasahāyatanehi ekādasahi dhātūhi vippayuttā;

75. dt2.6:76.5

    ekenāyatanena ekāya dhātuyā kehici vippayuttā.

76. dt2.6:77.1

    Na kāmāvacarā dhammā … apariyāpannā dhammā … anuttarā dhammā …pe… sampayuttāti?

77. dt2.6:77.2

    Natthi.

78. dt2.6:77.3

    Katihi vippayuttā?

79. dt2.6:77.4

    Na kehici khandhehi na kehici āyatanehi chahi dhātūhi vippayuttā.

80. dt2.6:78.1

    Rūpāvacarā dhammā … arūpāvacarā dhammā … niyyānikā dhammā … niyatā dhammā … saraṇā dhammā katihi khandhehi katihāyatanehi katihi dhātūhi sampayuttāti?

81. dt2.6:78.2

    Natthi.

82. dt2.6:78.3

    Katihi vippayuttā?

83. dt2.6:78.4

    Ekena khandhena dasahāyatanehi soḷasahi dhātūhi vippayuttā;

84. dt2.6:78.5

    ekenāyatanena ekāya dhātuyā kehici vippayuttā.

85. dt2.6:79.1

    Dhammāyatanaṁ dhammadhātu,

86. dt2.6:79.2

    Dukkhasaccañca jīvitaṁ;

87. dt2.6:79.3

    Saḷāyatanaṁ nāmarūpaṁ,

88. dt2.6:79.4

    Cattāro ca mahābhavā.

89. dt2.6:80.1

    Jāti jarā ca maraṇaṁ,

90. dt2.6:80.2

    tikesvekūnavīsati;

91. dt2.6:80.3

    Gocchakesu ca paññāsa,

92. dt2.6:80.4

    aṭṭha cūḷantare padā.

93. dt2.6:81.1

    Mahantare pannarasa,

94. dt2.6:81.2

    aṭṭhārasa tato pare;

95. dt2.6:81.3

    Tevīsa padasataṁ etaṁ,

96. dt2.6:81.4

    sampayoge na labbhatīti. [123]

97. dt2.6:82.1

    Sampayogavippayogapadaniddeso chaṭṭho.

← Previous — showing 301–397 of 397

SuttaCentral (suttacentral.net), from the bilara-data and sc-data repositories. Licence: Public Domain. Source.