← All works

Dhammasaṅgaṇī — 2 Niddesa — 2.2 Rūpakaṇḍa

Early Buddhist texts (SuttaCentral): Abhidhamma · abhidhamma · 1,378 sections

1. ds2.2.3:128.2

   Cakkhāyatanaṁ …pe… kabaḷīkāro āhāro—

2. ds2.2.3:128.3

   idaṁ taṁ rūpaṁ na kāyaviññatti.

3. ds2.2.3:129.1

   Katamaṁ taṁ rūpaṁ vacīviññatti?

4. ds2.2.3:129.2

   Yā kusalacittassa vā akusalacittassa vā abyākatacittassa vā vācā girā byappatho udīraṇaṁ ghoso ghosakammaṁ vācā vacībhedo, ayaṁ vuccati vācā.

5. ds2.2.3:129.3

   Yā tāya vācāya viññatti viññāpanā viññāpitattaṁ—

6. ds2.2.3:129.4

   idaṁ taṁ rūpaṁ vacīviññatti.

7. ds2.2.3:130.1

   Katamaṁ taṁ rūpaṁ na vacīviññatti?

8. ds2.2.3:130.2

   Cakkhāyatanaṁ …pe… kabaḷīkāro āhāro—

9. ds2.2.3:130.3

   idaṁ taṁ rūpaṁ na vacīviññatti.

10. ds2.2.3:131.1

    Katamaṁ taṁ rūpaṁ ākāsadhātu?

11. ds2.2.3:131.2

    Yo ākāso ākāsagataṁ aghaṁ aghagataṁ vivaro vivaragataṁ asamphuṭṭhaṁ catūhi mahābhūtehi—

12. ds2.2.3:131.3

    idaṁ taṁ rūpaṁ ākāsadhātu.

13. ds2.2.3:132.1

    Katamaṁ taṁ rūpaṁ na ākāsadhātu?

14. ds2.2.3:132.2

    Cakkhāyatanaṁ …pe… kabaḷīkāro āhāro—

15. ds2.2.3:132.3

    idaṁ taṁ rūpaṁ na ākāsadhātu.

16. ds2.2.3:133.1

    Katamaṁ taṁ rūpaṁ āpodhātu?

17. ds2.2.3:133.2

    Yaṁ āpo āpogataṁ sineho sinehagataṁ bandhanattaṁ rūpassa—

18. ds2.2.3:133.3

    idaṁ taṁ rūpaṁ āpodhātu.

19. ds2.2.3:134.1

    Katamaṁ taṁ rūpaṁ na āpodhātu?

20. ds2.2.3:134.2

    Cakkhāyatanaṁ …pe… kabaḷīkāro āhāro—

21. ds2.2.3:134.3

    idaṁ taṁ rūpaṁ na āpodhātu.

22. ds2.2.3:135.1

    Katamaṁ taṁ rūpaṁ rūpassa lahutā?

23. ds2.2.3:135.2

    Yā rūpassa lahutā lahupariṇāmatā adandhanatā avitthanatā—

24. ds2.2.3:135.3

    idaṁ taṁ rūpaṁ rūpassa lahutā.

25. ds2.2.3:136.1

    Katamaṁ taṁ rūpaṁ rūpassa na lahutā?

26. ds2.2.3:136.2

    Cakkhāyatanaṁ …pe… kabaḷīkāro āhāro—

27. ds2.2.3:136.3

    idaṁ taṁ rūpaṁ rūpassa na lahutā.

28. ds2.2.3:137.1

    Katamaṁ taṁ rūpaṁ rūpassa mudutā?

29. ds2.2.3:137.2

    Yā rūpassa mudutā maddavatā akakkhaḷatā akathinatā—

30. ds2.2.3:137.3

    idaṁ taṁ rūpaṁ rūpassa mudutā.

31. ds2.2.3:138.1

    Katamaṁ taṁ rūpaṁ rūpassa na mudutā?

32. ds2.2.3:138.2

    Cakkhāyatanaṁ …pe… kabaḷīkāro āhāro—

33. ds2.2.3:138.3

    idaṁ taṁ rūpaṁ rūpassa na mudutā.

34. ds2.2.3:139.1

    Katamaṁ taṁ rūpaṁ rūpassa kammaññatā?

35. ds2.2.3:139.2

    Yā rūpassa kammaññatā kammaññattaṁ kammaññabhāvo—

36. ds2.2.3:139.3

    idaṁ taṁ rūpaṁ rūpassa kammaññatā.

37. ds2.2.3:140.1

    Katamaṁ taṁ rūpaṁ rūpassa na kammaññatā?

38. ds2.2.3:140.2

    Cakkhāyatanaṁ …pe… kabaḷīkāro āhāro—

39. ds2.2.3:140.3

    idaṁ taṁ rūpaṁ rūpassa na kammaññatā.

40. ds2.2.3:141.1

    Katamaṁ taṁ rūpaṁ rūpassa upacayo?

41. ds2.2.3:141.2

    Yo āyatanānaṁ ācayo, so rūpassa upacayo—

42. ds2.2.3:141.3

    idaṁ taṁ rūpaṁ rūpassa upacayo.

43. ds2.2.3:142.1

    Katamaṁ taṁ rūpaṁ rūpassa na upacayo?

44. ds2.2.3:142.2

    Cakkhāyatanaṁ …pe… kabaḷīkāro āhāro—

45. ds2.2.3:142.3

    idaṁ taṁ rūpaṁ rūpassa na upacayo.

46. ds2.2.3:143.1

    Katamaṁ taṁ rūpaṁ rūpassa santati?

47. ds2.2.3:143.2

    Yo rūpassa upacayo, sā rūpassa santati—

48. ds2.2.3:143.3

    idaṁ taṁ rūpaṁ rūpassa santati.

49. ds2.2.3:144.1

    Katamaṁ taṁ rūpaṁ rūpassa na santati?

50. ds2.2.3:144.2

    Cakkhāyatanaṁ …pe… kabaḷīkāro āhāro—

51. ds2.2.3:144.3

    idaṁ taṁ rūpaṁ rūpassa na santati.

52. ds2.2.3:145.1

    Katamaṁ taṁ rūpaṁ rūpassa jaratā?

53. ds2.2.3:145.2

    Yā rūpassa jarā jīraṇatā khaṇḍiccaṁ pāliccaṁ valittacatā āyuno saṁhāni indriyānaṁ paripāko—

54. ds2.2.3:145.3

    idaṁ taṁ rūpaṁ rūpassa jaratā.

55. ds2.2.3:146.1

    Katamaṁ taṁ rūpaṁ rūpassa na jaratā?

56. ds2.2.3:146.2

    Cakkhāyatanaṁ …pe… kabaḷīkāro āhāro—

57. ds2.2.3:146.3

    idaṁ taṁ rūpaṁ rūpassa na jaratā.

58. ds2.2.3:147.1

    Katamaṁ taṁ rūpaṁ rūpassa aniccatā?

59. ds2.2.3:147.2

    Yo rūpassa khayo vayo bhedo paribhedo aniccatā antaradhānaṁ—

60. ds2.2.3:147.3

    idaṁ taṁ rūpaṁ rūpassa aniccatā.

61. ds2.2.3:148.1

    Katamaṁ taṁ rūpaṁ rūpassa na aniccatā?

62. ds2.2.3:148.2

    Cakkhāyatanaṁ …pe… kabaḷīkāro āhāro—

63. ds2.2.3:148.3

    idaṁ taṁ rūpaṁ rūpassa na aniccatā.

64. ds2.2.3:149.1

    Katamaṁ taṁ rūpaṁ kabaḷīkāro āhāro?

65. ds2.2.3:149.2

    Odano kummāso sattu maccho maṁsaṁ khīraṁ dadhi sappi navanītaṁ telaṁ madhu phāṇitaṁ, yaṁ vā panaññampi atthi rūpaṁ yamhi yamhi janapade tesaṁ tesaṁ sattānaṁ mukhāsiyaṁ dantavikhādanaṁ galajjhoharaṇīyaṁ kucchivitthambhanaṁ, yāya ojāya sattā yāpenti—

66. ds2.2.3:149.3

    idaṁ taṁ rūpaṁ kabaḷīkāro āhāro.

67. ds2.2.3:150.1

    Katamaṁ taṁ rūpaṁ na kabaḷīkāro āhāro?

68. ds2.2.3:150.2

    Cakkhāyatanaṁ …pe… rūpassa aniccatā—

69. ds2.2.3:150.3

    idaṁ taṁ rūpaṁ na kabaḷīkāro āhāro.

70. ds2.2.3:150.4

    Evaṁ duvidhena rūpasaṅgaho.

71. ds2.2.3:150.5

    Sukhumarūpadukaṁ.

72. ds2.2.3:150.6

    Dukaniddeso.

73. ds2.2.3:151.0

    2.2.3.3. Tikaniddesa

74. ds2.2.3:151.1

    Katamaṁ taṁ rūpaṁ ajjhattikaṁ upādā?

75. ds2.2.3:151.2

    Cakkhāyatanaṁ …pe… kāyāyatanaṁ—

76. ds2.2.3:151.3

    idaṁ taṁ rūpaṁ ajjhattikaṁ upādā.

77. ds2.2.3:152.1

    Katamaṁ taṁ rūpaṁ bāhiraṁ upādā?

78. ds2.2.3:152.2

    Rūpāyatanaṁ …pe… kabaḷīkāro āhāro—

79. ds2.2.3:152.3

    idaṁ taṁ rūpaṁ bāhiraṁ upādā.

80. ds2.2.3:153.1

    Katamaṁ taṁ rūpaṁ bāhiraṁ no upādā?

81. ds2.2.3:153.2

    Phoṭṭhabbāyatanaṁ āpodhātu—

82. ds2.2.3:153.3

    idaṁ taṁ rūpaṁ bāhiraṁ no upādā.

83. ds2.2.3:154.1

    Katamaṁ taṁ rūpaṁ ajjhattikaṁ upādinnaṁ?

84. ds2.2.3:154.2

    Cakkhāyatanaṁ …pe… kāyāyatanaṁ—

85. ds2.2.3:154.3

    idaṁ taṁ rūpaṁ ajjhattikaṁ upādinnaṁ.

86. ds2.2.3:155.1

    Katamaṁ taṁ rūpaṁ bāhiraṁ upādinnaṁ?

87. ds2.2.3:155.2

    Itthindriyaṁ purisindriyaṁ jīvitindriyaṁ, yaṁ vā panaññampi atthi rūpaṁ kammassa katattā rūpāyatanaṁ gandhāyatanaṁ rasāyatanaṁ phoṭṭhabbāyatanaṁ ākāsadhātu āpodhātu rūpassa upacayo rūpassa santati kabaḷīkāro āhāro—

88. ds2.2.3:155.3

    idaṁ taṁ rūpaṁ bāhiraṁ upādinnaṁ.

89. ds2.2.3:156.1

    Katamaṁ taṁ rūpaṁ bāhiraṁ anupādinnaṁ?

90. ds2.2.3:156.2

    Saddāyatanaṁ kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṁ vā panaññampi atthi rūpaṁ na kammassa katattā rūpāyatanaṁ gandhāyatanaṁ rasāyatanaṁ phoṭṭhabbāyatanaṁ ākāsadhātu āpodhātu rūpassa upacayo rūpassa santati kabaḷīkāro āhāro—

91. ds2.2.3:156.3

    idaṁ taṁ rūpaṁ bāhiraṁ anupādinnaṁ.

92. ds2.2.3:157.1

    Katamaṁ taṁ rūpaṁ ajjhattikaṁ upādinnupādāniyaṁ?

93. ds2.2.3:157.2

    Cakkhāyatanaṁ …pe… kāyāyatanaṁ—

94. ds2.2.3:157.3

    idaṁ taṁ rūpaṁ ajjhattikaṁ upādinnupādāniyaṁ.

95. ds2.2.3:158.1

    Katamaṁ taṁ rūpaṁ bāhiraṁ upādinnupādāniyaṁ?

96. ds2.2.3:158.2

    Itthindriyaṁ purisindriyaṁ jīvitindriyaṁ, yaṁ vā panaññampi atthi rūpaṁ kammassa katattā rūpāyatanaṁ gandhāyatanaṁ rasāyatanaṁ phoṭṭhabbāyatanaṁ ākāsadhātu āpodhātu rūpassa upacayo rūpassa santati kabaḷīkāro āhāro—

97. ds2.2.3:158.3

    idaṁ taṁ rūpaṁ bāhiraṁ upādinnupādāniyaṁ.

98. ds2.2.3:159.1

    Katamaṁ taṁ rūpaṁ bāhiraṁ anupādinnupādāniyaṁ?

99. ds2.2.3:159.2

    Saddāyatanaṁ kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṁ vā panaññampi atthi rūpaṁ na kammassa katattā rūpāyatanaṁ gandhāyatanaṁ rasāyatanaṁ phoṭṭhabbāyatanaṁ ākāsadhātu āpodhātu rūpassa upacayo rūpassa santati kabaḷīkāro āhāro—

100. ds2.2.3:159.3

     idaṁ taṁ rūpaṁ bāhiraṁ anupādinnupādāniyaṁ.

← Previous · Next → — showing 501–600 of 1,378

SuttaCentral (suttacentral.net), from the bilara-data and sc-data repositories. Licence: Public Domain. Source.