← All works

Dhammasaṅgaṇī — 2 Niddesa — 2.2 Rūpakaṇḍa

Early Buddhist texts (SuttaCentral): Abhidhamma · abhidhamma · 1,378 sections

1. ds2.2.3:280.1

   Katamaṁ taṁ rūpaṁ ajjhattikaṁ rūpassa na jaratā?

2. ds2.2.3:280.2

   Cakkhāyatanaṁ …pe… kāyāyatanaṁ—

3. ds2.2.3:280.3

   idaṁ taṁ rūpaṁ ajjhattikaṁ rūpassa na jaratā.

4. ds2.2.3:281.1

   Katamaṁ taṁ rūpaṁ bāhiraṁ rūpassa jaratā?

5. ds2.2.3:281.2

   Yā rūpassa jarā jīraṇatā khaṇḍiccaṁ pāliccaṁ valittacatā āyuno saṁhāni indriyānaṁ paripāko—

6. ds2.2.3:281.3

   idaṁ taṁ rūpaṁ bāhiraṁ rūpassa jaratā.

7. ds2.2.3:282.1

   Katamaṁ taṁ rūpaṁ bāhiraṁ rūpassa na jaratā?

8. ds2.2.3:282.2

   Rūpāyatanaṁ …pe… kabaḷīkāro āhāro—

9. ds2.2.3:282.3

   idaṁ taṁ rūpaṁ bāhiraṁ rūpassa na jaratā.

10. ds2.2.3:283.1

    Katamaṁ taṁ rūpaṁ ajjhattikaṁ rūpassa na aniccatā?

11. ds2.2.3:283.2

    Cakkhāyatanaṁ …pe… kāyāyatanaṁ—

12. ds2.2.3:283.3

    idaṁ taṁ rūpaṁ ajjhattikaṁ rūpassa na aniccatā.

13. ds2.2.3:284.1

    Katamaṁ taṁ rūpaṁ bāhiraṁ rūpassa aniccatā?

14. ds2.2.3:284.2

    Yo rūpassa khayo vayo bhedo paribhedo aniccatā antaradhānaṁ—

15. ds2.2.3:284.3

    idaṁ taṁ rūpaṁ bāhiraṁ rūpassa aniccatā.

16. ds2.2.3:285.1

    Katamaṁ taṁ rūpaṁ bāhiraṁ rūpassa na aniccatā?

17. ds2.2.3:285.2

    Rūpāyatanaṁ …pe… kabaḷīkāro āhāro—

18. ds2.2.3:285.3

    idaṁ taṁ rūpaṁ bāhiraṁ rūpassa na aniccatā.

19. ds2.2.3:286.1

    Katamaṁ taṁ rūpaṁ ajjhattikaṁ na kabaḷīkāro āhāro?

20. ds2.2.3:286.2

    Cakkhāyatanaṁ …pe… kāyāyatanaṁ—

21. ds2.2.3:286.3

    idaṁ taṁ rūpaṁ ajjhattikaṁ na kabaḷīkāro āhāro.

22. ds2.2.3:287.1

    Katamaṁ taṁ rūpaṁ bāhiraṁ kabaḷīkāro āhāro?

23. ds2.2.3:287.2

    Odano kummāso sattu maccho maṁsaṁ khīraṁ dadhi sappi navanītaṁ telaṁ madhu phāṇitaṁ, yaṁ vā panaññampi atthi rūpaṁ yamhi yamhi janapade tesaṁ tesaṁ sattānaṁ mukhāsiyaṁ dantavikhādanaṁ galajjhoharaṇīyaṁ kucchivitthambhanaṁ yāya ojāya sattā yāpenti—

24. ds2.2.3:287.3

    idaṁ taṁ rūpaṁ bāhiraṁ kabaḷīkāro āhāro.

25. ds2.2.3:288.1

    Katamaṁ taṁ rūpaṁ bāhiraṁ na kabaḷīkāro āhāro?

26. ds2.2.3:288.2

    Rūpāyatanaṁ …pe… rūpassa aniccatā—

27. ds2.2.3:288.3

    idaṁ taṁ rūpaṁ bāhiraṁ na kabaḷīkāro āhāro.

28. ds2.2.3:288.4

    Evaṁ tividhena rūpasaṅgaho.

29. ds2.2.3:288.5

    Sukhumarūpatikaṁ.

30. ds2.2.3:288.6

    Tikaniddeso.

31. ds2.2.3:289.0

    2.2.3.4. Catukka

32. ds2.2.3:289.1

    Katamaṁ taṁ rūpaṁ upādā upādinnaṁ?

33. ds2.2.3:289.2

    Cakkhāyatanaṁ …pe… kāyāyatanaṁ, itthindriyaṁ purisindriyaṁ jīvitindriyaṁ, yaṁ vā panaññampi atthi rūpaṁ kammassa katattā rūpāyatanaṁ gandhāyatanaṁ rasāyatanaṁ ākāsadhātu rūpassa upacayo rūpassa santati kabaḷīkāro āhāro—

34. ds2.2.3:289.3

    idaṁ taṁ rūpaṁ upādā upādinnaṁ.

35. ds2.2.3:290.1

    Katamaṁ taṁ rūpaṁ upādā anupādinnaṁ?

36. ds2.2.3:290.2

    Saddāyatanaṁ kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṁ vā panaññampi atthi rūpaṁ na kammassa katattā rūpāyatanaṁ gandhāyatanaṁ rasāyatanaṁ ākāsadhātu rūpassa upacayo rūpassa santati kabaḷīkāro āhāro—

37. ds2.2.3:290.3

    idaṁ taṁ rūpaṁ upādā anupādinnaṁ.

38. ds2.2.3:291.1

    Katamaṁ taṁ rūpaṁ no upādā upādinnaṁ?

39. ds2.2.3:291.2

    Kammassa katattā phoṭṭhabbāyatanaṁ āpodhātu—

40. ds2.2.3:291.3

    idaṁ taṁ rūpaṁ no upādā upādinnaṁ.

41. ds2.2.3:292.1

    Katamaṁ taṁ rūpaṁ no upādā anupādinnaṁ?

42. ds2.2.3:292.2

    Na kammassa katattā phoṭṭhabbāyatanaṁ āpodhātu—

43. ds2.2.3:292.3

    idaṁ taṁ rūpaṁ no upādā anupādinnaṁ.

44. ds2.2.3:293.1

    Katamaṁ taṁ rūpaṁ upādā upādinnupādāniyaṁ?

45. ds2.2.3:293.2

    Cakkhāyatanaṁ …pe… kāyāyatanaṁ, itthindriyaṁ purisindriyaṁ jīvitindriyaṁ, yaṁ vā panaññampi atthi rūpaṁ kammassa katattā rūpāyatanaṁ gandhāyatanaṁ rasāyatanaṁ ākāsadhātu rūpassa upacayo rūpassa santati kabaḷīkāro āhāro—

46. ds2.2.3:293.3

    idaṁ taṁ rūpaṁ upādā upādinnupādāniyaṁ.

47. ds2.2.3:294.1

    Katamaṁ taṁ rūpaṁ upādā anupādinnupādāniyaṁ?

48. ds2.2.3:294.2

    Saddāyatanaṁ kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṁ vā panaññampi atthi rūpaṁ na kammassa katattā rūpāyatanaṁ gandhāyatanaṁ rasāyatanaṁ ākāsadhātu rūpassa upacayo rūpassa santati kabaḷīkāro āhāro—

49. ds2.2.3:294.3

    idaṁ taṁ rūpaṁ upādā anupādinnupādāniyaṁ.

50. ds2.2.3:295.1

    Katamaṁ taṁ rūpaṁ no upādā upādinnupādāniyaṁ?

51. ds2.2.3:295.2

    Kammassa katattā phoṭṭhabbāyatanaṁ āpodhātu—

52. ds2.2.3:295.3

    idaṁ taṁ rūpaṁ no upādā upādinnupādāniyaṁ.

53. ds2.2.3:296.1

    Katamaṁ taṁ rūpaṁ no upādā anupādinnupādāniyaṁ?

54. ds2.2.3:296.2

    Na kammassa katattā phoṭṭhabbāyatanaṁ āpodhātu—

55. ds2.2.3:296.3

    idaṁ taṁ rūpaṁ no upādā anupādinnupādāniyaṁ.

56. ds2.2.3:297.1

    Katamaṁ taṁ rūpaṁ upādā sappaṭighaṁ?

57. ds2.2.3:297.2

    Cakkhāyatanaṁ …pe… rasāyatanaṁ—

58. ds2.2.3:297.3

    idaṁ taṁ rūpaṁ upādā sappaṭighaṁ.

59. ds2.2.3:298.1

    Katamaṁ taṁ rūpaṁ upādā appaṭighaṁ?

60. ds2.2.3:298.2

    Itthindriyaṁ …pe… kabaḷīkāro āhāro—

61. ds2.2.3:298.3

    idaṁ taṁ rūpaṁ upādā appaṭighaṁ.

62. ds2.2.3:299.1

    Katamaṁ taṁ rūpaṁ no upādā sappaṭighaṁ?

63. ds2.2.3:299.2

    Phoṭṭhabbāyatanaṁ—

64. ds2.2.3:299.3

    idaṁ taṁ rūpaṁ no upādā sappaṭighaṁ.

65. ds2.2.3:300.1

    Katamaṁ taṁ rūpaṁ no upādā appaṭighaṁ?

66. ds2.2.3:300.2

    Āpodhātu—

67. ds2.2.3:300.3

    idaṁ taṁ rūpaṁ no upādā appaṭighaṁ.

68. ds2.2.3:301.1

    Katamaṁ taṁ rūpaṁ upādā oḷārikaṁ?

69. ds2.2.3:301.2

    Cakkhāyatanaṁ …pe… rasāyatanaṁ—

70. ds2.2.3:301.3

    idaṁ taṁ rūpaṁ upādā oḷārikaṁ.

71. ds2.2.3:302.1

    Katamaṁ taṁ rūpaṁ upādā sukhumaṁ?

72. ds2.2.3:302.2

    Itthindriyaṁ …pe… kabaḷīkāro āhāro—

73. ds2.2.3:302.3

    idaṁ taṁ rūpaṁ upādā sukhumaṁ.

74. ds2.2.3:303.1

    Katamaṁ taṁ rūpaṁ no upādā oḷārikaṁ?

75. ds2.2.3:303.2

    Phoṭṭhabbāyatanaṁ—

76. ds2.2.3:303.3

    idaṁ taṁ rūpaṁ no upādā oḷārikaṁ.

77. ds2.2.3:304.1

    Katamaṁ taṁ rūpaṁ no upādā sukhumaṁ?

78. ds2.2.3:304.2

    Āpodhātu—

79. ds2.2.3:304.3

    idaṁ taṁ rūpaṁ no upādā sukhumaṁ.

80. ds2.2.3:305.1

    Katamaṁ taṁ rūpaṁ upādā dūre?

81. ds2.2.3:305.2

    Itthindriyaṁ …pe… kabaḷīkāro āhāro—

82. ds2.2.3:305.3

    idaṁ taṁ rūpaṁ upādā dūre.

83. ds2.2.3:306.1

    Katamaṁ taṁ rūpaṁ upādā santike?

84. ds2.2.3:306.2

    Cakkhāyatanaṁ …pe… rasāyatanaṁ—

85. ds2.2.3:306.3

    idaṁ taṁ rūpaṁ upādā santike.

86. ds2.2.3:307.1

    Katamaṁ taṁ rūpaṁ no upādā dūre?

87. ds2.2.3:307.2

    Āpodhātu—

88. ds2.2.3:307.3

    idaṁ taṁ rūpaṁ no upādā dūre.

89. ds2.2.3:308.1

    Katamaṁ taṁ rūpaṁ no upādā santike?

90. ds2.2.3:308.2

    Phoṭṭhabbāyatanaṁ—

91. ds2.2.3:308.3

    idaṁ taṁ rūpaṁ no upādā santike.

92. ds2.2.3:309.1

    Katamaṁ taṁ rūpaṁ upādinnaṁ sanidassanaṁ?

93. ds2.2.3:309.2

    Kammassa katattā rūpāyatanaṁ—

94. ds2.2.3:309.3

    idaṁ taṁ rūpaṁ upādinnaṁ sanidassanaṁ.

95. ds2.2.3:310.1

    Katamaṁ taṁ rūpaṁ upādinnaṁ anidassanaṁ?

96. ds2.2.3:310.2

    Cakkhāyatanaṁ …pe… kāyāyatanaṁ, itthindriyaṁ purisindriyaṁ jīvitindriyaṁ, yaṁ vā panaññampi atthi rūpaṁ kammassa katattā gandhāyatanaṁ rasāyatanaṁ phoṭṭhabbāyatanaṁ ākāsadhātu āpodhātu rūpassa upacayo rūpassa santati kabaḷīkāro āhāro—

97. ds2.2.3:310.3

    idaṁ taṁ rūpaṁ upādinnaṁ anidassanaṁ.

98. ds2.2.3:311.1

    Katamaṁ taṁ rūpaṁ anupādinnaṁ sanidassanaṁ?

99. ds2.2.3:311.2

    Na kammassa katattā rūpāyatanaṁ—

100. ds2.2.3:311.3

     idaṁ taṁ rūpaṁ anupādinnaṁ sanidassanaṁ.

← Previous · Next → — showing 1001–1100 of 1,378

SuttaCentral (suttacentral.net), from the bilara-data and sc-data repositories. Licence: Public Domain. Source.