← Library

Dhammasaṅgaṇī — 2 Niddesa — 2.1 Cittuppādakaṇḍa

Early Buddhist texts (SuttaCentral): Abhidhamma · abhidhamma · 530 sections

1. ds2.1.1:73.3

   ayaṁ tasmiṁ samaye vedanākkhandho hoti.

2. ds2.1.1:74.1

   Katamo tasmiṁ samaye saññākkhandho hoti?

3. ds2.1.1:74.2

   Yā tasmiṁ samaye saññā sañjānanā sañjānitattaṁ—

4. ds2.1.1:74.3

   ayaṁ tasmiṁ samaye saññākkhandho hoti.

5. ds2.1.1:75.1

   Katamo tasmiṁ samaye saṅkhārakkhandho hoti?

6. ds2.1.1:75.2

   Phasso cetanā vitakko vicāro pīti cittassekaggatā saddhindriyaṁ vīriyindriyaṁ satindriyaṁ samādhindriyaṁ paññindriyaṁ jīvitindriyaṁ sammādiṭṭhi sammāsaṅkappo sammāvāyāmo sammāsati sammāsamādhi saddhābalaṁ vīriyabalaṁ satibalaṁ samādhibalaṁ paññābalaṁ hiribalaṁ ottappabalaṁ alobho adoso amoho anabhijjhā abyāpādo sammādiṭṭhi hirī ottappaṁ kāyapassaddhi cittapassaddhi kāyalahutā cittalahutā kāyamudutā cittamudutā kāyakammaññatā cittakammaññatā kāyapāguññatā cittapāguññatā kāyujukatā cittujukatā sati sampajaññaṁ samatho vipassanā paggāho avikkhepo;

7. ds2.1.1:75.3

   ye vā pana tasmiṁ samaye aññepi atthi paṭiccasamuppannā arūpino dhammā ṭhapetvā vedanākkhandhaṁ ṭhapetvā saññākkhandhaṁ ṭhapetvā viññāṇakkhandhaṁ—

8. ds2.1.1:75.4

   ayaṁ tasmiṁ samaye saṅkhārakkhandho hoti.

9. ds2.1.1:76.1

   Katamo tasmiṁ samaye viññāṇakkhandho hoti?

10. ds2.1.1:76.2

    Yaṁ tasmiṁ samaye cittaṁ mano mānasaṁ hadayaṁ paṇḍaraṁ mano manāyatanaṁ manindriyaṁ viññāṇaṁ viññāṇakkhandho tajjāmanoviññāṇadhātu—

11. ds2.1.1:76.3

    ayaṁ tasmiṁ samaye viññāṇakkhandho hoti.

12. ds2.1.1:76.4

    Ime tasmiṁ samaye cattāro khandhā honti.

13. ds2.1.1:77.1

    Katamāni tasmiṁ samaye dvāyatanāni honti?

14. ds2.1.1:77.2

    Manāyatanaṁ dhammāyatanaṁ.

15. ds2.1.1:78.1

    Katamaṁ tasmiṁ samaye manāyatanaṁ hoti?

16. ds2.1.1:78.2

    Yaṁ tasmiṁ samaye cittaṁ mano mānasaṁ hadayaṁ paṇḍaraṁ mano manāyatanaṁ manindriyaṁ viññāṇaṁ viññāṇakkhandho tajjāmanoviññāṇadhātu—

17. ds2.1.1:78.3

    idaṁ tasmiṁ samaye manāyatanaṁ hoti.

18. ds2.1.1:79.1

    Katamaṁ tasmiṁ samaye dhammāyatanaṁ hoti?

19. ds2.1.1:79.2

    Vedanākkhandho, saññākkhandho, saṅkhārakkhandho—

20. ds2.1.1:79.3

    idaṁ tasmiṁ samaye dhammāyatanaṁ hoti.

21. ds2.1.1:79.4

    Imāni tasmiṁ samaye dvāyatanāni honti.

22. ds2.1.1:80.1

    Katamā tasmiṁ samaye dve dhātuyo honti?

23. ds2.1.1:80.2

    Manoviññāṇadhātu, dhammadhātu.

24. ds2.1.1:81.1

    Katamā tasmiṁ samaye manoviññāṇadhātu hoti?

25. ds2.1.1:81.2

    Yaṁ tasmiṁ samaye cittaṁ mano mānasaṁ hadayaṁ paṇḍaraṁ mano manāyatanaṁ manindriyaṁ viññāṇaṁ viññāṇakkhandho tajjāmanoviññāṇadhātu—

26. ds2.1.1:81.3

    ayaṁ tasmiṁ samaye manoviññāṇadhātu hoti.

27. ds2.1.1:82.1

    Katamā tasmiṁ samaye dhammadhātu hoti?

28. ds2.1.1:82.2

    Vedanākkhandho, saññākkhandho, saṅkhārakkhandho—

29. ds2.1.1:82.3

    ayaṁ tasmiṁ samaye dhammadhātu hoti.

30. ds2.1.1:82.4

    Imā tasmiṁ samaye dve dhātuyo honti.

31. ds2.1.1:83.1

    Katame tasmiṁ samaye tayo āhārā honti?

32. ds2.1.1:83.2

    Phassāhāro, manosañcetanāhāro, viññāṇāhāro.

33. ds2.1.1:84.1

    Katamo tasmiṁ samaye phassāhāro hoti?

34. ds2.1.1:84.2

    Yo tasmiṁ samaye phasso phusanā samphusanā samphusitattaṁ—

35. ds2.1.1:84.3

    ayaṁ tasmiṁ samaye phassāhāro hoti.

36. ds2.1.1:85.1

    Katamo tasmiṁ samaye manosañcetanāhāro hoti?

37. ds2.1.1:85.2

    Yā tasmiṁ samaye cetanā sañcetanā cetayitattaṁ—

38. ds2.1.1:85.3

    ayaṁ tasmiṁ samaye manosañcetanāhāro hoti.

39. ds2.1.1:86.1

    Katamo tasmiṁ samaye viññāṇāhāro hoti?

40. ds2.1.1:86.2

    Yaṁ tasmiṁ samaye cittaṁ mano mānasaṁ hadayaṁ paṇḍaraṁ mano manāyatanaṁ manindriyaṁ viññāṇaṁ viññāṇakkhandho tajjāmanoviññāṇadhātu—

41. ds2.1.1:86.3

    ayaṁ tasmiṁ samaye viññāṇāhāro hoti.

42. ds2.1.1:86.4

    Ime tasmiṁ samaye tayo āhārā honti.

43. ds2.1.1:87.1

    Katamāni tasmiṁ samaye aṭṭhindriyāni honti?

44. ds2.1.1:87.2

    Saddhindriyaṁ, vīriyindriyaṁ, satindriyaṁ, samādhindriyaṁ, paññindriyaṁ, manindriyaṁ, somanassindriyaṁ, jīvitindriyaṁ.

45. ds2.1.1:88.1

    Katamaṁ tasmiṁ samaye saddhindriyaṁ hoti?

46. ds2.1.1:88.2

    Yā tasmiṁ samaye saddhā saddahanā okappanā abhippasādo saddhā saddhindriyaṁ saddhābalaṁ—

47. ds2.1.1:88.3

    idaṁ tasmiṁ samaye saddhindriyaṁ hoti.

48. ds2.1.1:89.1

    Katamaṁ tasmiṁ samaye vīriyindriyaṁ hoti?

49. ds2.1.1:89.2

    Yo tasmiṁ samaye cetasiko vīriyārambho nikkamo parakkamo uyyāmo vāyāmo ussāho ussoḷhī thāmo dhiti asithilaparakkamatā anikkhittachandatā anikkhittadhuratā dhurasampaggāho vīriyaṁ vīriyindriyaṁ vīriyabalaṁ sammāvāyāmo—

50. ds2.1.1:89.3

    idaṁ tasmiṁ samaye vīriyindriyaṁ hoti.

51. ds2.1.1:90.1

    Katamaṁ tasmiṁ samaye satindriyaṁ hoti?

52. ds2.1.1:90.2

    Yā tasmiṁ samaye sati anussati paṭissati sati saraṇatā dhāraṇatā apilāpanatā asammussanatā sati satindriyaṁ satibalaṁ sammāsati—

53. ds2.1.1:90.3

    idaṁ tasmiṁ samaye satindriyaṁ hoti.

54. ds2.1.1:91.1

    Katamaṁ tasmiṁ samaye samādhindriyaṁ hoti?

55. ds2.1.1:91.2

    Yā tasmiṁ samaye cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṁ samādhibalaṁ sammāsamādhi—

56. ds2.1.1:91.3

    idaṁ tasmiṁ samaye samādhindriyaṁ hoti.

57. ds2.1.1:92.1

    Katamaṁ tasmiṁ samaye paññindriyaṁ hoti?

58. ds2.1.1:92.2

    Yā tasmiṁ samaye paññā pajānanā vicayo pavicayo dhammavicayo sallakkhaṇā upalakkhaṇā paccupalakkhaṇā paṇḍiccaṁ kosallaṁ nepuññaṁ vebhabyā cintā upaparikkhā bhūrī medhā pariṇāyikā vipassanā sampajaññaṁ patodo paññā paññindriyaṁ paññābalaṁ paññāsatthaṁ paññāpāsādo paññāāloko paññāobhāso paññāpajjoto paññāratanaṁ amoho dhammavicayo sammādiṭṭhi—

59. ds2.1.1:92.3

    idaṁ tasmiṁ samaye paññindriyaṁ hoti.

60. ds2.1.1:93.1

    Katamaṁ tasmiṁ samaye manindriyaṁ hoti?

61. ds2.1.1:93.2

    Yaṁ tasmiṁ samaye cittaṁ mano mānasaṁ hadayaṁ paṇḍaraṁ mano manāyatanaṁ manindriyaṁ viññāṇaṁ viññāṇakkhandho tajjāmanoviññāṇadhātu—

62. ds2.1.1:93.3

    idaṁ tasmiṁ samaye manindriyaṁ hoti.

63. ds2.1.1:94.1

    Katamaṁ tasmiṁ samaye somanassindriyaṁ hoti?

64. ds2.1.1:94.2

    Yaṁ tasmiṁ samaye cetasikaṁ sātaṁ cetasikaṁ sukhaṁ cetosamphassajaṁ sātaṁ sukhaṁ vedayitaṁ cetosamphassajā sātā sukhā vedanā—

65. ds2.1.1:94.3

    idaṁ tasmiṁ samaye somanassindriyaṁ hoti.

66. ds2.1.1:95.1

    Katamaṁ tasmiṁ samaye jīvitindriyaṁ hoti?

67. ds2.1.1:95.2

    Yo tesaṁ arūpīnaṁ dhammānaṁ āyu ṭhiti yapanā yāpanā iriyanā vattanā pālanā jīvitaṁ jīvitindriyaṁ—

68. ds2.1.1:95.3

    idaṁ tasmiṁ samaye jīvitindriyaṁ hoti.

69. ds2.1.1:95.4

    Imāni tasmiṁ samaye aṭṭhindriyāni honti.

70. ds2.1.1:96.1

    Katamaṁ tasmiṁ samaye pañcaṅgikaṁ jhānaṁ hoti?

71. ds2.1.1:96.2

    Vitakko, vicāro, pīti, sukhaṁ, cittassekaggatā.

72. ds2.1.1:97.1

    Katamo tasmiṁ samaye vitakko hoti?

73. ds2.1.1:97.2

    Yo tasmiṁ samaye takko vitakko saṅkappo appanā byappanā cetaso abhiniropanā sammāsaṅkappo—

74. ds2.1.1:97.3

    ayaṁ tasmiṁ samaye vitakko hoti.

75. ds2.1.1:98.1

    Katamo tasmiṁ samaye vicāro hoti?

76. ds2.1.1:98.2

    Yo tasmiṁ samaye cāro vicāro anuvicāro upavicāro cittassa anusandhānatā anupekkhanatā—

77. ds2.1.1:98.3

    ayaṁ tasmiṁ samaye vicāro hoti.

78. ds2.1.1:99.1

    Katamā tasmiṁ samaye pīti hoti?

79. ds2.1.1:99.2

    Yā tasmiṁ samaye pīti pāmojjaṁ āmodanā pamodanā hāso pahāso vitti odagyaṁ attamanatā cittassa—

80. ds2.1.1:99.3

    ayaṁ tasmiṁ samaye pīti hoti.

81. ds2.1.1:100.1

    Katamaṁ tasmiṁ samaye sukhaṁ hoti?

82. ds2.1.1:100.2

    Yaṁ tasmiṁ samaye cetasikaṁ sātaṁ cetasikaṁ sukhaṁ cetosamphassajaṁ sātaṁ sukhaṁ vedayitaṁ cetosamphassajā sātā sukhā vedanā—

83. ds2.1.1:100.3

    idaṁ tasmiṁ samaye sukhaṁ hoti.

84. ds2.1.1:101.1

    Katamā tasmiṁ samaye cittassekaggatā hoti?

85. ds2.1.1:101.2

    Yā tasmiṁ samaye cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṁ samādhibalaṁ sammāsamādhi—

86. ds2.1.1:101.3

    ayaṁ tasmiṁ samaye cittassekaggatā hoti.

87. ds2.1.1:101.4

    Idaṁ tasmiṁ samaye pañcaṅgikaṁ jhānaṁ hoti.

88. ds2.1.1:102.1

    Katamo tasmiṁ samaye pañcaṅgiko maggo hoti?

89. ds2.1.1:102.2

    Sammādiṭṭhi, sammāsaṅkappo, sammāvāyāmo, sammāsati, sammāsamādhi.

90. ds2.1.1:103.1

    Katamā tasmiṁ samaye sammādiṭṭhi hoti?

91. ds2.1.1:103.2

    Yā tasmiṁ samaye paññā pajānanā vicayo pavicayo dhammavicayo sallakkhaṇā upalakkhaṇā paccupalakkhaṇā paṇḍiccaṁ kosallaṁ nepuññaṁ vebhabyā cintā upaparikkhā bhūrī medhā pariṇāyikā vipassanā sampajaññaṁ patodo paññā paññindriyaṁ paññābalaṁ paññāsatthaṁ paññāpāsādo paññāāloko paññāobhāso paññāpajjoto paññāratanaṁ amoho dhammavicayo sammādiṭṭhi—

92. ds2.1.1:103.3

    ayaṁ tasmiṁ samaye sammādiṭṭhi hoti.

93. ds2.1.1:104.1

    Katamo tasmiṁ samaye sammāsaṅkappo hoti?

94. ds2.1.1:104.2

    Yo tasmiṁ samaye takko vitakko saṅkappo appanā byappanā cetaso abhiniropanā sammāsaṅkappo—

95. ds2.1.1:104.3

    ayaṁ tasmiṁ samaye sammāsaṅkappo hoti.

96. ds2.1.1:105.1

    Katamo tasmiṁ samaye sammāvāyāmo hoti?

97. ds2.1.1:105.2

    Yo tasmiṁ samaye cetasiko vīriyārambho nikkamo parakkamo uyyāmo vāyāmo ussāho ussoḷhī thāmo dhiti asithilaparakkamatā anikkhittachandatā anikkhittadhuratā dhurasampaggāho vīriyaṁ vīriyindriyaṁ vīriyabalaṁ sammāvāyāmo—

98. ds2.1.1:105.3

    ayaṁ tasmiṁ samaye sammāvāyāmo hoti.

99. ds2.1.1:106.1

    Katamā tasmiṁ samaye sammāsati hoti?

100. ds2.1.1:106.2

     Yā tasmiṁ samaye sati anussati paṭissati sati saraṇatā dhāraṇatā apilāpanatā asammussanatā sati satindriyaṁ satibalaṁ sammāsati—

← Previous · Next → — showing 201–300 of 530

SuttaCentral (suttacentral.net), from the bilara-data and sc-data repositories. Licence: Public Domain. Source.