Aṅguttara Nikāya 2 — 2. Adhikaraṇavagga

Early Buddhist texts (SuttaCentral): Sutta · Bhikkhu Sujato · sutta · 175 sections

an2.17:1.1
Atha kho jāṇussoṇi brāhmaṇo yena bhagavā tenupasaṅkami; upasaṅkamitvā bhagavatā saddhiṁ sammodi.
Then the brahmin Jānussoṇi went up to the Buddha, and exchanged greetings with him.
an2.17:1.2
Sammodanīyaṁ kathaṁ sāraṇīyaṁ vītisāretvā ekamantaṁ nisīdi. Ekamantaṁ nisinno kho jāṇussoṇi brāhmaṇo bhagavantaṁ etadavoca:
When the greetings and polite conversation were over, he sat down to one side and said to the Buddha:
an2.17:1.3
“ko nu kho, bho gotama, hetu ko paccayo yena m’idhekacce sattā kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjantī”ti?
“What is the cause, worthy Gotama, what is the reason why some sentient beings, when their body breaks up, after death, are reborn in a place of loss, a bad place, the underworld, hell?”
an2.17:1.4
“Katattā ca, brāhmaṇa, akatattā ca.
“What they’ve done and what they’ve not done.
an2.17:1.5
Evam’idhekacce sattā kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjantī”ti.
That’s why some sentient beings, when their body breaks up, after death, are reborn in a place of loss, a bad place, the underworld, hell.”
an2.17:1.6
“Ko pana, bho gotama, hetu ko paccayo yena m’idhekacce sattā kāyassa bhedā paraṁ maraṇā sugatiṁ saggaṁ lokaṁ upapajjantī”ti?
“But what is the cause, worthy Gotama, what is the reason why some sentient beings, when their body breaks up, after death, are reborn in a good place, a heavenly realm?”
an2.17:1.7
“Katattā ca, brāhmaṇa, akatattā ca.
“What they’ve done and what they’ve not done.
an2.17:1.8
Evam’idhekacce sattā kāyassa bhedā paraṁ maraṇā sugatiṁ saggaṁ lokaṁ upapajjantī”ti.
That’s why some sentient beings, when their body breaks up, after death, are reborn in a good place, a heavenly realm.”
an2.17:1.9
“Na kho ahaṁ imassa bhoto gotamassa saṅkhittena bhāsitassa vitthārena atthaṁ avibhattassa vitthārena atthaṁ ājānāmi.
“I don’t understand the meaning of what the worthy Gotama has said in brief, without explaining the details.
an2.17:1.10
Sādhu me bhavaṁ gotamo tathā dhammaṁ desetu yathā ahaṁ imassa bhoto gotamassa saṅkhittena bhāsitassa vitthārena atthaṁ avibhattassa vitthārena atthaṁ ājāneyyan”ti.
Worthy Gotama, please teach me this matter in detail so I can understand the meaning.”
an2.17:1.11
“Tena hi, brāhmaṇa, suṇāhi, sādhukaṁ manasi karohi; bhāsissāmī”ti.
“Well then, brahmin, listen and apply your mind well, I will speak.”
an2.17:1.12
“Evaṁ, bho”ti kho jāṇussoṇi brāhmaṇo bhagavato paccassosi.
“Yes, worthy sir,” Jānussoṇi replied.
an2.17:1.13
Bhagavā etadavoca:
The Buddha said this:
an2.17:2.1
“Idha, brāhmaṇa, ekaccassa kāyaduccaritaṁ kataṁ hoti, akataṁ hoti kāyasucaritaṁ;
“Firstly, brahmin, someone has done bad things and not done good things by way of body, speech, and mind.
an2.17:2.2
vacīduccaritaṁ kataṁ hoti, akataṁ hoti vacīsucaritaṁ;
an2.17:2.3
manoduccaritaṁ kataṁ hoti, akataṁ hoti manosucaritaṁ.
an2.17:2.4
Evaṁ kho, brāhmaṇa, katattā ca akatattā ca evam’idhekacce sattā kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjanti.
So what they’ve done and what they’ve not done is why some sentient beings, when their body breaks up, after death, are reborn in a place of loss, a bad place, the underworld, hell.
an2.17:2.5
Idha pana, brāhmaṇa, ekaccassa kāyasucaritaṁ kataṁ hoti, akataṁ hoti kāyaduccaritaṁ;
Furthermore, brahmin, someone has done good things and not done bad things by way of body, speech, and mind.
an2.17:2.6
vacīsucaritaṁ kataṁ hoti, akataṁ hoti vacīduccaritaṁ;
an2.17:2.7
manosucaritaṁ kataṁ hoti, akataṁ hoti manoduccaritaṁ.
an2.17:2.8
Evaṁ kho, brāhmaṇa, katattā ca akatattā ca evam’idhekacce sattā kāyassa bhedā paraṁ maraṇā sugatiṁ saggaṁ lokaṁ upapajjantī”ti.
So what they’ve done and what they’ve not done is why some sentient beings, when their body breaks up, after death, are reborn in a good place, a heavenly realm.”
an2.17:3.1
“Abhikkantaṁ, bho gotama …pe… upāsakaṁ maṁ bhavaṁ gotamo dhāretu ajjatagge pāṇupetaṁ saraṇaṁ gatan”ti.
“Excellent, worthy Gotama! … From this day forth, may the worthy Gotama remember me as a lay follower who has gone for refuge for life.”
an2.18:1.0
18
18
an2.18:1.1
Atha kho āyasmā ānando yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinnaṁ kho āyasmantaṁ ānandaṁ bhagavā etadavoca:
Then Venerable Ānanda went up to the Buddha, bowed, and sat down to one side. The Buddha said to him,
an2.18:1.2
“ekaṁsenāhaṁ, ānanda, akaraṇīyaṁ vadāmi kāyaduccaritaṁ vacīduccaritaṁ manoduccaritan”ti.
“Ānanda, I absolutely say that you should not do bad things by way of body, speech, and mind.”
an2.18:1.3
“Yamidaṁ, bhante, bhagavatā ekaṁsena akaraṇīyaṁ akkhātaṁ kāyaduccaritaṁ vacīduccaritaṁ manoduccaritaṁ tasmiṁ akaraṇīye kayiramāne ko ādīnavo pāṭikaṅkho”ti?
“But, sir, if someone does these things that should not be done, what drawbacks should they expect?”
an2.18:1.4
“Yamidaṁ, ānanda, mayā ekaṁsena akaraṇīyaṁ akkhātaṁ kāyaduccaritaṁ vacīduccaritaṁ manoduccaritaṁ tasmiṁ akaraṇīye kayiramāne ayaṁ ādīnavo pāṭikaṅkho—
“They should expect these drawbacks.
an2.18:1.5
attāpi attānaṁ upavadati,
They blame themselves.
an2.18:1.6
anuvicca viññū garahanti,
After examination, sensible people criticize them.
an2.18:1.7
pāpako kittisaddo abbhuggacchati,
They get a bad reputation.
an2.18:1.8
sammūḷho kālaṁ karoti,
They feel lost when they die.
an2.18:1.9
kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjati.
And when their body breaks up, after death, they are reborn in a place of loss, a bad place, the underworld, hell.
an2.18:1.10
Yamidaṁ, ānanda, mayā ekaṁsena akaraṇīyaṁ akkhātaṁ kāyaduccaritaṁ vacīduccaritaṁ manoduccaritaṁ tasmiṁ akaraṇīye kayiramāne ayaṁ ādīnavo pāṭikaṅkho”ti.
These are the drawbacks they should expect.”
an2.18:2.1
“Ekaṁsenāhaṁ, ānanda, karaṇīyaṁ vadāmi kāyasucaritaṁ vacīsucaritaṁ manosucaritan”ti.
“Ānanda, I absolutely say that you should do good things by way of body, speech, and mind.”
an2.18:2.2
“Yamidaṁ, bhante, bhagavatā ekaṁsena karaṇīyaṁ akkhātaṁ kāyasucaritaṁ vacīsucaritaṁ manosucaritaṁ tasmiṁ karaṇīye kayiramāne ko ānisaṁso pāṭikaṅkho”ti?
“But, sir, if someone does these things that should be done, what benefits should they expect?”
an2.18:2.3
“Yamidaṁ, ānanda, mayā ekaṁsena karaṇīyaṁ akkhātaṁ kāyasucaritaṁ vacīsucaritaṁ manosucaritaṁ tasmiṁ karaṇīye kayiramāne ayaṁ ānisaṁso pāṭikaṅkho—
“They should expect these benefits.
an2.18:2.4
attāpi attānaṁ na upavadati,
They don’t blame themselves.
an2.18:2.5
anuvicca viññū pasaṁsanti,
After examination, sensible people praise them.
an2.18:2.6
kalyāṇo kittisaddo abbhuggacchati,
They get a good reputation.
an2.18:2.7
asammūḷho kālaṁ karoti,
They don’t feel lost when they die.
an2.18:2.8
kāyassa bhedā paraṁ maraṇā sugatiṁ saggaṁ lokaṁ upapajjati.
And when the body breaks up, after death, they are reborn in a good place, a heavenly realm.
an2.18:2.9
Yamidaṁ, ānanda, mayā ekaṁsena karaṇīyaṁ akkhātaṁ kāyasucaritaṁ vacīsucaritaṁ manosucaritaṁ tasmiṁ karaṇīye kayiramāne ayaṁ ānisaṁso pāṭikaṅkho”ti.
These are the benefits they should expect.”
an2.19:1.0
19
19
an2.19:1.1
“Akusalaṁ, bhikkhave, pajahatha.
“Mendicants, give up the unskillful.
an2.19:1.2
Sakkā, bhikkhave, akusalaṁ pajahituṁ.
It is possible to give up the unskillful.
an2.19:1.3
No cedaṁ, bhikkhave, sakkā abhavissa akusalaṁ pajahituṁ, nāhaṁ evaṁ vadeyyaṁ:
If it wasn’t possible, I wouldn’t say:
an2.19:1.4
‘akusalaṁ, bhikkhave, pajahathā’ti.
‘Give up the unskillful.’
an2.19:1.5
Yasmā ca kho, bhikkhave, sakkā akusalaṁ pajahituṁ tasmāhaṁ evaṁ vadāmi:
But it is possible, and so I say:
an2.19:1.6
‘akusalaṁ, bhikkhave, pajahathā’ti.
‘Give up the unskillful.’
an2.19:1.7
Akusalañca hidaṁ, bhikkhave, pahīnaṁ ahitāya dukkhāya saṁvatteyya nāhaṁ evaṁ vadeyyaṁ:
And if giving up the unskillful led to harm and suffering, I would not say:
an2.19:1.8
‘akusalaṁ, bhikkhave, pajahathā’ti.
‘Give up the unskillful.’
an2.19:1.9
Yasmā ca kho, bhikkhave, akusalaṁ pahīnaṁ hitāya sukhāya saṁvattati tasmāhaṁ evaṁ vadāmi:
But giving up the unskillful leads to welfare and happiness, so I say:
an2.19:1.10
‘akusalaṁ, bhikkhave, pajahathā’”ti.
‘Give up the unskillful.’
an2.19:2.1
“Kusalaṁ, bhikkhave, bhāvetha.
Mendicants, develop the skillful.
an2.19:2.2
Sakkā, bhikkhave, kusalaṁ bhāvetuṁ.
It is possible to develop the skillful.
an2.19:2.3
No cedaṁ, bhikkhave, sakkā abhavissa kusalaṁ bhāvetuṁ, nāhaṁ evaṁ vadeyyaṁ:
If it wasn’t possible, I wouldn’t say:
an2.19:2.4
‘kusalaṁ, bhikkhave, bhāvethā’ti.
‘Develop the skillful.’
an2.19:2.5
Yasmā ca kho, bhikkhave, sakkā kusalaṁ bhāvetuṁ tasmāhaṁ evaṁ vadāmi:
But it is possible, and so I say:
an2.19:2.6
‘kusalaṁ, bhikkhave, bhāvethā’ti.
‘Develop the skillful.’
an2.19:2.7
Kusalañca hidaṁ, bhikkhave, bhāvitaṁ ahitāya dukkhāya saṁvatteyya, nāhaṁ evaṁ vadeyyaṁ:
If developing the skillful led to harm and suffering I wouldn’t say:
an2.19:2.8
‘kusalaṁ, bhikkhave, bhāvethā’ti.
‘Develop the skillful.’
an2.19:2.9
Yasmā ca kho, bhikkhave, kusalaṁ bhāvitaṁ hitāya sukhāya saṁvattati tasmāhaṁ evaṁ vadāmi:
But developing the skillful leads to welfare and happiness, so I say:
an2.19:2.10
‘kusalaṁ, bhikkhave, bhāvethā’”ti.
‘Develop the skillful.’”
an2.20:1.0
20
20
an2.20:1.1
“Dveme, bhikkhave, dhammā saddhammassa sammosāya antaradhānāya saṁvattanti.
“These two things, mendicants, lead to the decline and disappearance of the true teaching.
an2.20:1.2
Katame dve?
What two?
an2.20:1.3
Dunnikkhittañca padabyañjanaṁ attho ca dunnīto.
The words and phrases are misplaced, and the meaning is misinterpreted.
an2.20:1.4
Dunnikkhittassa, bhikkhave, padabyañjanassa atthopi dunnayo hoti.
When the words and phrases are misplaced, the meaning is misinterpreted.
an2.20:1.5
Ime kho, bhikkhave, dve dhammā saddhammassa sammosāya antaradhānāya saṁvattantī”ti.
These two things lead to the decline and disappearance of the true teaching.
an2.20:2.1
“Dveme, bhikkhave, dhammā saddhammassa ṭhitiyā asammosāya anantaradhānāya saṁvattanti.
These two things lead to the continuation, persistence, and enduring of the true teaching.
an2.20:2.2
Katame dve?
What two?
an2.20:2.3
Sunikkhittañca padabyañjanaṁ attho ca sunīto.
The words and phrases are well organized, and the meaning is correctly interpreted.
an2.20:2.4
Sunikkhittassa, bhikkhave, padabyañjanassa atthopi sunayo hoti.
When the words and phrases are well organized, the meaning is correctly interpreted.
an2.20:2.5
Ime kho, bhikkhave, dve dhammā saddhammassa ṭhitiyā asammosāya anantaradhānāya saṁvattantī”ti.
These two things lead to the continuation, persistence, and enduring of the true teaching.”
an2.20:2.6
Adhikaraṇavaggo dutiyo.

SuttaCentral (suttacentral.net), from the bilara-data and sc-data repositories. Licence: Public Domain (root); CC0 1.0 (translation). Source.