← Library

Aṅguttara Nikāya 11.1 — 1. Nissayavagga — Kimatthiyasutta

Early Buddhist texts (SuttaCentral): Sutta · Bhikkhu Sujato · sutta · 38 sections

1. an11.1:0.1

   Aṅguttara Nikāya 11.1

   Numbered Discourses 11.1

2. an11.1:0.2

   1. Nissayavagga

   1. Dependence

3. an11.1:0.3

   Kimatthiyasutta

   What’s the Goal?

4. an11.1:1.1

   Evaṁ me sutaṁ—

   So I have heard.

5. an11.1:1.2

   ekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.

   At one time the Buddha was staying near Sāvatthī in Jeta’s Grove, Anāthapiṇḍika’s monastery.

6. an11.1:1.3

   Atha kho āyasmā ānando yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā ānando bhagavantaṁ etadavoca:

   Then Venerable Ānanda went up to the Buddha, bowed, sat down to one side, and said to him:

7. an11.1:1.4

   “kimatthiyāni, bhante, kusalāni sīlāni kimānisaṁsānī”ti?

   “Sir, what is the goal and benefit of skillful ethics?”

8. an11.1:1.5

   “Avippaṭisāratthāni kho, ānanda, kusalāni sīlāni avippaṭisārānisaṁsānī”ti.

   “Ānanda, having no regrets is the goal and benefit of skillful ethics.”

9. an11.1:2.1

   “Avippaṭisāro pana, bhante, kimatthiyo kimānisaṁso”?

   “But what is the goal and benefit of having no regrets?”

10. an11.1:2.2

    “Avippaṭisāro kho, ānanda, pāmojjattho pāmojjānisaṁso”.

    “Joy is the goal and benefit of having no regrets.”

11. an11.1:3.1

    “Pāmojjaṁ pana, bhante, kimatthiyaṁ kimānisaṁsaṁ”?

    “But what is the goal and benefit of joy?”

12. an11.1:3.2

    “Pāmojjaṁ kho, ānanda, pītatthaṁ pītānisaṁsaṁ”.

    “Rapture …”

13. an11.1:4.1

    “Pīti pana, bhante, kimatthiyā kimānisaṁsā”?

    “But what is the goal and benefit of rapture?”

14. an11.1:4.2

    “Pīti kho, ānanda, passaddhatthā passaddhānisaṁsā”.

    “Tranquility …”

15. an11.1:5.1

    “Passaddhi pana, bhante, kimatthiyā kimānisaṁsā”?

    “But what is the goal and benefit of tranquility?”

16. an11.1:5.2

    “Passaddhi kho, ānanda, sukhatthā sukhānisaṁsā”.

    “Bliss …”

17. an11.1:6.1

    “Sukhaṁ pana, bhante, kimatthiyaṁ kimānisaṁsaṁ”?

    “But what is the goal and benefit of bliss?”

18. an11.1:6.2

    “Sukhaṁ kho, ānanda, samādhatthaṁ samādhānisaṁsaṁ”.

    “Immersion …”

19. an11.1:7.1

    “Samādhi pana, bhante, kimatthiyo kimānisaṁso”?

    “But what is the goal and benefit of immersion?”

20. an11.1:7.2

    “Samādhi kho, ānanda, yathābhūtañāṇadassanattho yathābhūtañāṇadassanānisaṁso”.

    “Truly knowing and seeing …”

21. an11.1:8.1

    “Yathābhūtañāṇadassanaṁ pana, bhante, kimatthiyaṁ kimānisaṁsaṁ”?

    “But what is the goal and benefit of truly knowing and seeing?”

22. an11.1:8.2

    “Yathābhūtañāṇadassanaṁ kho, ānanda, nibbidatthaṁ nibbidānisaṁsaṁ”.

    “Disillusionment …”

23. an11.1:9.1

    “Nibbidā pana, bhante, kimatthiyā kimānisaṁsā”?

    “But what is the goal and benefit of disillusionment?”

24. an11.1:9.2

    “Nibbidā kho, ānanda, virāgatthā virāgānisaṁsā”.

    “Dispassion …”

25. an11.1:10.1

    “Virāgo pana, bhante, kimatthiyo kimānisaṁso”?

    “But what is the goal and benefit of dispassion?”

26. an11.1:10.2

    “Virāgo kho, ānanda, vimuttiñāṇadassanattho vimuttiñāṇadassanānisaṁso.

    “Knowledge and vision of freedom is the goal and benefit of dispassion.

27. an11.1:11.1

    Iti kho, ānanda, kusalāni sīlāni avippaṭisāratthāni avippaṭisārānisaṁsāni,

    So, Ānanda, the goal and benefit of skillful ethics is not having regrets.

28. an11.1:11.2

    avippaṭisāro pāmojjattho pāmojjānisaṁso,

    Joy is the goal and benefit of not having regrets.

29. an11.1:11.3

    pāmojjaṁ pītatthaṁ pītānisaṁsaṁ,

    Rapture is the goal and benefit of joy.

30. an11.1:11.4

    pīti passaddhatthā passaddhānisaṁsā,

    Tranquility is the goal and benefit of rapture.

31. an11.1:11.5

    passaddhi sukhatthā sukhānisaṁsā,

    Bliss is the goal and benefit of tranquility.

32. an11.1:11.6

    sukhaṁ samādhatthaṁ samādhānisaṁsaṁ,

    Immersion is the goal and benefit of bliss.

33. an11.1:11.7

    samādhi yathābhūtañāṇadassanattho yathābhūtañāṇadassanānisaṁso,

    Truly knowing and seeing is the goal and benefit of immersion.

34. an11.1:11.8

    yathābhūtañāṇadassanaṁ nibbidatthaṁ nibbidānisaṁsaṁ,

    Disillusionment is the goal and benefit of truly knowing and seeing.

35. an11.1:11.9

    nibbidā virāgatthā virāgānisaṁsā,

    Dispassion is the goal and benefit of disillusionment.

36. an11.1:11.10

    virāgo vimuttiñāṇadassanattho vimuttiñāṇadassanānisaṁso.

    And knowledge and vision of freedom is the goal and benefit of dispassion.

37. an11.1:11.11

    Iti kho, ānanda, kusalāni sīlāni anupubbena aggāya parentī”ti.

    So, Ānanda, skillful ethics progressively lead up to the highest.”

38. an11.1:11.12

    Paṭhamaṁ.

SuttaCentral (suttacentral.net), from the bilara-data and sc-data repositories. Licence: Public Domain (root); CC0 1.0 (translation). Source.