← Library

Aṅguttara Nikāya 10.1 — 1. Ānisaṁsavagga — Kimatthiyasutta

Early Buddhist texts (SuttaCentral): Sutta · Bhikkhu Sujato · sutta · 35 sections

1. an10.1:0.1

   Aṅguttara Nikāya 10.1

   Numbered Discourses 10.1

2. an10.1:0.2

   1. Ānisaṁsavagga

   1. Benefits

3. an10.1:0.3

   Kimatthiyasutta

   What’s the Goal?

4. an10.1:1.1

   Evaṁ me sutaṁ—

   So I have heard.

5. an10.1:1.2

   ekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.

   At one time the Buddha was staying near Sāvatthī in Jeta’s Grove, Anāthapiṇḍika’s monastery.

6. an10.1:1.3

   Atha kho āyasmā ānando yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā ānando bhagavantaṁ etadavoca:

   Then Venerable Ānanda went up to the Buddha, bowed, sat down to one side, and said to him:

7. an10.1:2.1

   “Kimatthiyāni, bhante, kusalāni sīlāni kimānisaṁsānī”ti?

   “Sir, what is the goal and benefit of skillful ethics?”

8. an10.1:2.2

   “Avippaṭisāratthāni kho, ānanda, kusalāni sīlāni avippaṭisārānisaṁsānī”ti.

   “Ānanda, having no regrets is the goal and benefit of skillful ethics.”

9. an10.1:3.1

   “Avippaṭisāro pana, bhante, kimatthiyo kimānisaṁso”ti?

   “But what is the goal and benefit of having no regrets?”

10. an10.1:3.2

    “Avippaṭisāro kho, ānanda, pāmojjattho pāmojjānisaṁso”ti.

    “Joy is the goal and benefit of having no regrets.”

11. an10.1:4.1

    “Pāmojjaṁ pana, bhante, kimatthiyaṁ kimānisaṁsan”ti?

    “But what is the goal and benefit of joy?”

12. an10.1:4.2

    “Pāmojjaṁ kho, ānanda, pītatthaṁ pītānisaṁsan”ti.

    “Rapture …”

13. an10.1:5.1

    “Pīti pana, bhante, kimatthiyā kimānisaṁsā”ti?

    “But what is the goal and benefit of rapture?”

14. an10.1:5.2

    “Pīti kho, ānanda, passaddhatthā passaddhānisaṁsā”ti.

    “Tranquility …”

15. an10.1:6.1

    “Passaddhi pana, bhante, kimatthiyā kimānisaṁsā”ti?

    “But what is the goal and benefit of tranquility?”

16. an10.1:6.2

    “Passaddhi kho, ānanda, sukhatthā sukhānisaṁsā”ti.

    “Bliss …”

17. an10.1:7.1

    “Sukhaṁ pana, bhante, kimatthiyaṁ kimānisaṁsan”ti?

    “But what is the goal and benefit of bliss?”

18. an10.1:7.2

    “Sukhaṁ kho, ānanda, samādhatthaṁ samādhānisaṁsan”ti.

    “Immersion …”

19. an10.1:8.1

    “Samādhi pana, bhante, kimatthiyo kimānisaṁso”ti?

    “But what is the goal and benefit of immersion?”

20. an10.1:8.2

    “Samādhi kho, ānanda, yathābhūtañāṇadassanattho yathābhūtañāṇadassanānisaṁso”ti.

    “Truly knowing and seeing …”

21. an10.1:9.1

    “Yathābhūtañāṇadassanaṁ pana, bhante, kimatthiyaṁ kimānisaṁsan”ti?

    “But what is the goal and benefit of truly knowing and seeing?”

22. an10.1:9.2

    “Yathābhūtañāṇadassanaṁ kho, ānanda, nibbidāvirāgatthaṁ nibbidāvirāgānisaṁsan”ti.

    “Disillusionment and dispassion …”

23. an10.1:10.1

    “Nibbidāvirāgo pana, bhante, kimatthiyo kimānisaṁso”ti?

    “But what is the goal and benefit of disillusionment and dispassion?”

24. an10.1:10.2

    “Nibbidāvirāgo kho, ānanda, vimuttiñāṇadassanattho vimuttiñāṇadassanānisaṁso.

    “Knowledge and vision of freedom is the goal and benefit of disillusionment and dispassion.

25. an10.1:11.1

    Iti kho, ānanda, kusalāni sīlāni avippaṭisāratthāni avippaṭisārānisaṁsāni;

    So, Ānanda, the goal and benefit of skillful ethics is not having regrets.

26. an10.1:11.2

    avippaṭisāro pāmojjattho pāmojjānisaṁso;

    Joy is the goal and benefit of not having regrets.

27. an10.1:11.3

    pāmojjaṁ pītatthaṁ pītānisaṁsaṁ;

    Rapture is the goal and benefit of joy.

28. an10.1:11.4

    pīti passaddhatthā passaddhānisaṁsā;

    Tranquility is the goal and benefit of rapture.

29. an10.1:11.5

    passaddhi sukhatthā sukhānisaṁsā;

    Bliss is the goal and benefit of tranquility.

30. an10.1:11.6

    sukhaṁ samādhatthaṁ samādhānisaṁsaṁ;

    Immersion is the goal and benefit of bliss.

31. an10.1:11.7

    samādhi yathābhūtañāṇadassanattho yathābhūtañāṇadassanānisaṁso;

    Truly knowing and seeing is the goal and benefit of immersion.

32. an10.1:11.8

    yathābhūtañāṇadassanaṁ nibbidāvirāgatthaṁ nibbidāvirāgānisaṁsaṁ;

    Disillusionment and dispassion is the goal and benefit of truly knowing and seeing.

33. an10.1:11.9

    nibbidāvirāgo vimuttiñāṇadassanattho vimuttiñāṇadassanānisaṁso.

    Knowledge and vision of freedom is the goal and benefit of disillusionment and dispassion.

34. an10.1:11.10

    Iti kho, ānanda, kusalāni sīlāni anupubbena aggāya parentī”ti.

    So, Ānanda, skillful ethics progressively lead up to the highest.”

35. an10.1:11.11

    Paṭhamaṁ.

SuttaCentral (suttacentral.net), from the bilara-data and sc-data repositories. Licence: Public Domain (root); CC0 1.0 (translation). Source.