Aṅguttara Nikāya 1 — 1. Rūpādivagga
- an1.1:0.1
Aṅguttara Nikāya 1
Numbered Discourses 1.1–10
- an1.1:0.2
1. Rūpādivagga
The Chapter on What Occupies the Mind
- an1.1:1.0
1
1
- an1.1:1.1
Evaṁ me sutaṁ—
So I have heard.
- an1.1:1.2
ekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.
At one time the Buddha was staying near Sāvatthī in Jeta’s Grove, Anāthapiṇḍika’s monastery.
- an1.1:1.3
Tatra kho bhagavā bhikkhū āmantesi:
There the Buddha addressed the mendicants,
- an1.1:1.4
“bhikkhavo”ti.
“Mendicants!”
- an1.1:1.5
“Bhadante”ti te bhikkhū bhagavato paccassosuṁ.
“Venerable sir,” they replied.
- an1.1:1.6
Bhagavā etadavoca:
The Buddha said this:
- an1.1:2.1
“Nāhaṁ, bhikkhave, aññaṁ ekarūpampi samanupassāmi yaṁ evaṁ purisassa cittaṁ pariyādāya tiṭṭhati yathayidaṁ, bhikkhave, itthirūpaṁ.
“Mendicants, I do not see a single sight that occupies a man’s mind like the sight of a woman.
- an1.1:2.2
Itthirūpaṁ, bhikkhave, purisassa cittaṁ pariyādāya tiṭṭhatī”ti.
The sight of a woman occupies a man’s mind.”
- an1.1:2.3
Paṭhamaṁ.
- an1.2:1.0
2
2
- an1.2:1.1
“Nāhaṁ, bhikkhave, aññaṁ ekasaddampi samanupassāmi yaṁ evaṁ purisassa cittaṁ pariyādāya tiṭṭhati yathayidaṁ, bhikkhave, itthisaddo.
“Mendicants, I do not see a single sound that occupies a man’s mind like the sound of a woman.
- an1.2:1.2
Itthisaddo, bhikkhave, purisassa cittaṁ pariyādāya tiṭṭhatī”ti.
The sound of a woman occupies a man’s mind.”
- an1.2:1.3
Dutiyaṁ.
- an1.3:1.0
3
3
- an1.3:1.1
“Nāhaṁ, bhikkhave, aññaṁ ekagandhampi samanupassāmi yaṁ evaṁ purisassa cittaṁ pariyādāya tiṭṭhati yathayidaṁ, bhikkhave, itthigandho.
“Mendicants, I do not see a single smell that occupies a man’s mind like the smell of a woman.
- an1.3:1.2
Itthigandho, bhikkhave, purisassa cittaṁ pariyādāya tiṭṭhatī”ti.
The smell of a woman occupies a man’s mind.”
- an1.3:1.3
Tatiyaṁ.
- an1.4:1.0
4
4
- an1.4:1.1
“Nāhaṁ, bhikkhave, aññaṁ ekarasampi samanupassāmi yaṁ evaṁ purisassa cittaṁ pariyādāya tiṭṭhati yathayidaṁ, bhikkhave, itthiraso.
“Mendicants, I do not see a single taste that occupies a man’s mind like the taste of a woman.
- an1.4:1.2
Itthiraso, bhikkhave, purisassa cittaṁ pariyādāya tiṭṭhatī”ti.
The taste of a woman occupies a man’s mind.”
- an1.4:1.3
Catutthaṁ.
- an1.5:1.0
5
5
- an1.5:1.1
“Nāhaṁ, bhikkhave, aññaṁ ekaphoṭṭhabbampi samanupassāmi yaṁ evaṁ purisassa cittaṁ pariyādāya tiṭṭhati yathayidaṁ, bhikkhave, itthiphoṭṭhabbo.
“Mendicants, I do not see a single touch that occupies a man’s mind like the touch of a woman.
- an1.5:1.2
Itthiphoṭṭhabbo, bhikkhave, purisassa cittaṁ pariyādāya tiṭṭhatī”ti.
The touch of a woman occupies a man’s mind.”
- an1.5:1.3
Pañcamaṁ.
- an1.6:1.0
6
6
- an1.6:1.1
“Nāhaṁ, bhikkhave, aññaṁ ekarūpampi samanupassāmi yaṁ evaṁ itthiyā cittaṁ pariyādāya tiṭṭhati yathayidaṁ, bhikkhave, purisarūpaṁ.
“Mendicants, I do not see a single sight that occupies a woman’s mind like the sight of a man.
- an1.6:1.2
Purisarūpaṁ, bhikkhave, itthiyā cittaṁ pariyādāya tiṭṭhatī”ti.
The sight of a man occupies a woman’s mind.”
- an1.6:1.3
Chaṭṭhaṁ.
- an1.7:1.0
7
7
- an1.7:1.1
“Nāhaṁ, bhikkhave, aññaṁ ekasaddampi samanupassāmi yaṁ evaṁ itthiyā cittaṁ pariyādāya tiṭṭhati yathayidaṁ, bhikkhave, purisasaddo.
“Mendicants, I do not see a single sound that occupies a woman’s mind like the sound of a man.
- an1.7:1.2
Purisasaddo, bhikkhave, itthiyā cittaṁ pariyādāya tiṭṭhatī”ti.
The sound of a man occupies a woman’s mind.”
- an1.7:1.3
Sattamaṁ.
- an1.8:1.0
8
8
- an1.8:1.1
“Nāhaṁ, bhikkhave, aññaṁ ekagandhampi samanupassāmi yaṁ evaṁ itthiyā cittaṁ pariyādāya tiṭṭhati yathayidaṁ, bhikkhave, purisagandho.
“Mendicants, I do not see a single smell that occupies a woman’s mind like the smell of a man.
- an1.8:1.2
Purisagandho, bhikkhave, itthiyā cittaṁ pariyādāya tiṭṭhatī”ti.
The smell of a man occupies a woman’s mind.”
- an1.8:1.3
Aṭṭhamaṁ.
- an1.9:1.0
9
9
- an1.9:1.1
“Nāhaṁ, bhikkhave, aññaṁ ekarasampi samanupassāmi yaṁ evaṁ itthiyā cittaṁ pariyādāya tiṭṭhati yathayidaṁ, bhikkhave, purisaraso.
“Mendicants, I do not see a single taste that occupies a woman’s mind like the taste of a man.
- an1.9:1.2
Purisaraso, bhikkhave, itthiyā cittaṁ pariyādāya tiṭṭhatī”ti.
The taste of a man occupies a woman’s mind.”
- an1.9:1.3
Navamaṁ.
- an1.10:1.0
10
10
- an1.10:1.1
“Nāhaṁ, bhikkhave, aññaṁ ekaphoṭṭhabbampi samanupassāmi yaṁ evaṁ itthiyā cittaṁ pariyādāya tiṭṭhati yathayidaṁ, bhikkhave, purisaphoṭṭhabbo.
“Mendicants, I do not see a single touch that occupies a woman’s mind like the touch of a man.
- an1.10:1.2
Purisaphoṭṭhabbo, bhikkhave, itthiyā cittaṁ pariyādāya tiṭṭhatī”ti.
The touch of a man occupies a woman’s mind.”
- an1.10:1.3
Dasamaṁ.
- an1.10:1.4
Rūpādivaggo paṭhamo.
SuttaCentral (suttacentral.net), from the bilara-data and sc-data repositories. Licence: Public Domain (root); CC0 1.0 (translation). Source.