← All works

Peshitta Ezra

Peshitta (Syriac Old Testament) · 280 sections

1. Ezra 1:1

   ܒܫܢܬ ܚܕܐ ܠܟܘܪܫ ܡܠܟܐ ܕܦܪܣ ܠܫܘܠܡ ܦܬܓܡܗ ܕܡܪܝܐ ܡܢ ܦܬܓܡܗ ܕܐܪܡܝܐ ܢܒܝܐ ܐܥܝܪ ܡܪܝܐ ܪܘܚܗ ܕܡܠܟܐ ܕܦܪܣ ܘܐܥܒܪ ܩܠܐ ܒܟܠܗ̇ ܡܠܟܘܬܗ ܘܐܦ ܒܟܬܒܐ ܐܡܪ

2. Ezra 1:2

   ܗܟܢܐ ܐܡ̇ܪ ܟܘܪܫ ܡܠܟܐ ܕܦܪܣ ܡܠܟܘ̈ܬܐ ܕܐܪܥܐ ܝܗܒ ܠܝ ܡܪܝܐ ܐܠܗܐ ܕܫܡܝܐ ܘܦܩܕ ܥܠܝ ܠܡܒܢܐ ܠܗ ܒܝܬܐ ܒܐܘܪܫܠܡ ܩܪܝܬܐ ܕܒܝܗܘܕ

3. Ezra 1:3

   ܡܢܘ ܐܝܬ ܒܟܘܢ ܡܢ ܟܘܠܗ ܥܡܗ ܘܗܘ ܐܠܗܗ ܥܡܗ ܢܣܩ ܠܐܘܪܫܠܡ ܕܒܝܗܘܕ ܘܢܒܢܐ ܒܝܬܐ ܠܡܪܝܐ ܐܠܗܐ ܕܐܝܣܪܝܠ ܗ̇ܘ ܐܠܗܐ ܕܒܐܘܪܫܠܡ

4. Ezra 1:4

   ܟܠ ܕܝܬܝܪ ܡܢ ܟܘܠ ܐܬܪ̈ܘܬܐ ܕܗܘܐ ܬܘܬܒܐ ܬܡܢ ܢܫܩܠܘܢܗ ܐܢ̈ܫܝ ܐܬܪܗ ܒܟܣܦܐ ܘܒܕܗܒܐ ܘܒܩܢܝܢܐ ܘܒܒܥܝܪܐ ܥܡ ܦܘܪܫܢܐ ܠܒܝܬܐ ܕܐܠܗܐ ܕܒܐܘܪܫܠܡ

5. Ezra 1:5

   ܘܩܡܘ ܪ̈ܝܫܝ ܐܒܗ̈ܬܐ ܕܝܗܘܕܐ ܘܕܒܢܝܡܝܢ ܘܟܘܡܪ̈ܐ ܘܠܘ̈ܝܐ ܘܟܠ ܕܐܥܝܪ ܐܠܗܐ ܪܘܚܗ ܠܡܣܩ ܠܡܒܢܐ ܒܝܬܐ ܠܡܪܝܐ ܐܠܗܐ ܕܒܐܘܪܫܠܡ

6. Ezra 1:6

   ܘܟܠ ܕܚܕܪ̈ܝܗܘܢ ܐܚܕܘ ܒܐܝܕ̈ܝܗܘܢ ܒܡ̈ܐܢܝ ܟܣܦܐ ܘܕܗܒܐ ܘܩܢܝܢܐ ܘܒܥܝܪܐ ܘܡܘܗ̈ܒܬܐ ܕܛܒ ܡܢ ܐܝܠܝܢ ܕܐܨܛܒܝܘ

7. Ezra 1:7

   ܘܡܠܟܐ ܟܘܪܫ ܐܦܩ ܡܐ̈ܢܝ ܒܝܬܐ ܕܡܪܝܐ ܕܐܦܩ ܗܘܐ ܢܒܘܟܕܢܨܪ ܡܠܟܐ ܕܒܒܠ ܡܢ ܐܘܪܫܠܡ ܘܝܗܒ ܗܘܐ ܐܢܘܢ ܒܝܬ ܐܠܗܘܬܗ

8. Ezra 1:8

   ܘܐܦܩ ܐܢܘܢ ܟܘܪܫ ܡܠܟܐ ܕܦܪܣ ܥܠ ܐܝܕܐ ܕܡܗܪܕܬ ܓܙܒܪܐ ܘܐܫܠܡ ܐܢܘܢ ܠܫܫܡܨܪ ܪܒܐ ܕܝܗܘܕܐ

9. Ezra 1:9

   ܘܗܠܝܢ ܡܢܝ̈ܢܝܗܘܢ ܐܓ̈ܢܐ ܕܕܗܒܐ ܬܠܬܝܢ ܐܓ̈ܢܐ ܕܟܣܦܐ ܐܠܦ ܐܣ̈ܛܠܐ ܥܣܪܝܢ ܘܬܫܥ

10. Ezra 1:10

    ܦ̈ܛܩܐ ܕܟܣܦܐ ܐܥ̈ܝܦܐ ܐܪܒܥܡܐܐ ܘܥܣܪܐ ܬܘܒ ܦܛܩ̈ܐ ܕܕܗܒܐ ܬܠܬܝܢ ܘܡܐ̈ܢܐ ܐܚܪ̈ܢܐ ܐܠܦ

11. Ezra 1:11

    ܟܘܠ ܡܐ̈ܢܐ ܕܕܗܒܐ ܘܕܣܐܡܐ ܚܡܫܐ ܐ̈ܠܦܝܢ ܘܐܪܒܥܡܐܐ ܟܘܠܗܘܢ ܐܣܩ ܐܢܘܢ ܫܫܡܨܪ ܥܡ ܡܣܩܢܐ ܕܫܒܝܬܐ ܕܣܠܩܬ ܡܢ ܒܒܠ ܠܐܘܪܫܠܡ

12. Ezra 2:1

    ܘܗܠܝܢ ܒ̈ܢܝ ܡܕܝܢܬܐ ܕܣܠܩܘ ܡܢ ܫܒܝܐ ܕܫܒܐ ܢܒܘܟܕܢܨܪ ܡܠܟܐ ܕܒܒܠ ܘܐܘܒܠ ܐܢܘܢ ܠܒܒܠ ܘܗܦܟܘ ܠܐܘܪܫܠܡ ܘܠܝܗܘܕ ܘܐܙܠܘ ܐܢܫ ܠܡܕܝܢܬܗ

13. Ezra 2:2

    ܕܥܠܘ ܥܡ ܙܘܪܒܒܠ ܝܫܘܥ ܢܚܡܝܐ ܣܪܝܐ ܐܪܥܠܝܐ ܡܘܪܕܟܝ ܒܠܫܢ ܡܢܝܢܐ ܒܓܘܝ ܐܪܚܘܡ ܒܥܢܐ ܡܢܝܢܐ ܕܐܢܫܐ ܕܐܝܣܪܝܠ

14. Ezra 2:3

    ܒܢ̈ܝ ܦܪܥܫ ܬܪܝܢ ܐ̈ܠܦܝܢ ܘܡܐܐ ܘܫܒܥܝܢ ܘܬܪܝܢ

15. Ezra 2:4

    ܒܢ̈ܝ ܫܦܛܝܐ ܬܠܬܡܐܐ ܘܫܒܥܝܢ ܘܬܪܝܢ

16. Ezra 2:5

    ܒܢ̈ܝ ܐܪܚ ܫܒܥܡܐܐ ܘܫܒܥܝܢ ܘܚܡܫܐ

17. Ezra 2:6

    ܒܢ̈ܝ ܫܘܠܛܢ ܡܘܐܒ ܒܢ̈ܝ ܝܫܘܥ ܘܝܘܐܒ ܬܪܝܢ ܐ̈ܠܦܝܢ ܘܬܡܢܡܐܐ ܘܬܪܥܣܪ

18. Ezra 2:7

    ܒܢ̈ܝ ܥܝܠܡ ܐܠܦ ܘܡܐܬܝܢ ܘܚܡܫܝܢ ܘܐܪܒܥܐ

19. Ezra 2:8

    ܒܢ̈ܝ ܢܬܢܝܐ ܬܫܥܡܐܐ ܘܐܪܒܥܝܢ ܘܚܡܫܐ

20. Ezra 2:9

    ܒܢ̈ܝ ܙܟܝ ܫܒܥܡܐܐ ܘܫܬܝܢ

21. Ezra 2:10

    ܒܢ̈ܝ ܒ̇ܢܝ ܡܐܐ ܘܐܪܒܥܝܢ ܘܬܪܝܢ

22. Ezra 2:11

    ܒܢ̈ܝ ܒܒܝ ܫܬܡܐܐ ܘܥܣܪܝܢ ܘܬܠܬܐ

23. Ezra 2:12

    ܒܢ̈ܝ ܓܕܪ ܐܠܦ ܘܡܐܬܝܢ ܘܥܣܪܝܢ ܘܬܪܝܢ

24. Ezra 2:13

    ܒܢ̈ܝ ܐܪܢܩܘܡ ܫܬܡܐܐ ܘܫܬܝܢ ܘܫܬܐ

25. Ezra 2:14

    ܒܢ̈ܝ ܒܓܘܝ ܬܪܝܢ ܐ̈ܠܦܝܢ ܘܚܡܫܝܢ ܘܫܬܐ

26. Ezra 2:15

    ܒܢ̈ܝ ܥܕܘܢ ܐܪܒܥܡܐܐ ܘܫܬܝܢ ܘܐܪܒܥܐ

27. Ezra 2:16

    ܒܢ̈ܝ ܐܛܪ ܠܚܙܩܝܐ ܬܫܥܝܢ ܘܬܡܢܝܐ

28. Ezra 2:17

    ܒܢ̈ܝ ܦܨܝ ܬܠܬܡܐܐ ܘܥܣܪܝܢ ܘܬܠܬܐ

29. Ezra 2:18

    ܒܢ̈ܝ ܝܗܘܕܐ ܡܐܐ ܘܬܪܥܣܪ

30. Ezra 2:19

    ܒܢ̈ܝ ܚܫܘܡ ܡܐܬܝܢ ܘܥܣܪܝܢ ܘܬܠܬܐ

31. Ezra 2:20

    ܒܢ̈ܝ ܓܕ ܬܫܥܝܢ ܘܚܡܫܐ

32. Ezra 2:21

    ܒܢ̈ܝ ܒܝܬ ܠܚܡ ܡܐܐ ܘܥܣܪܝܢ ܘܬܠܬܐ

33. Ezra 2:22

    ܐܢ̈ܫܝ ܢܘܛܦܐ ܚܡܫܝܢ ܘܫܬܐ

34. Ezra 2:23

    ܐܢ̈ܫܝ ܥܢܬܘܬ ܡܐܐ ܘܥܣܪܝܢ ܘܬܡܢܝܐ

35. Ezra 2:24

    ܒܢ̈ܝ ܥܙܡܘܬ ܐܪܒܥܝܢ ܘܬܪܝܢ

36. Ezra 2:25

    ܒܢ̈ܝ ܩܘܪܝܬ ܢܥܪܝܢ ܘܟܦܝܪܐ ܘܒܪܐܘܬ ܫܒܥܡܐܐ ܘܐܪܒܥܝܢ ܘܬܠܬܐ

37. Ezra 2:26

    ܒܢ̈ܝ ܪܡܬܐ ܘܓܒܥ ܫܒܥܡܐܐ ܘܥܣܪܝܢ ܘܚܕ

38. Ezra 2:27

    ܐܢ̈ܫܝ ܡܟܡܣ ܡܐܐ ܘܥܣܪܝܢ ܘܬܪܝܢ

39. Ezra 2:28

    ܐܢ̈ܫܝ ܒܝܬ ܐܝܠ ܘܓܕܪ ܡܐܬܝܢ ܘܥܣܪܝܢ ܘܬܠܬܐ

40. Ezra 2:29

    ܒܢ̈ܝ ܢܒܘ ܚܡܫܝܢ ܘܬܪܝܢ

41. Ezra 2:30

    ܒܢ̈ܝ ܡܓܢܫ ܡܐܐ ܘܚܡܫܝܢ ܘܫܬܐ

42. Ezra 2:31

    ܒܢ̈ܝ ܥܝܠܡ ܐܠܦ ܘܡܐܬܝܢ ܘܚܡܫܝܢ ܘܐܪܒܥܐ

43. Ezra 2:32

    ܒܢ̈ܝ ܚܪܡ ܬܠܬܡܐܐ ܘܥܣܪܝܢ

44. Ezra 2:33

    ܒܢ̈ܝ ܠܘܕ ܘܚܕܝܪ ܘܐܢܘ ܫܒܥܡܐܐ ܘܥܣܪܝܢ ܘܚܡܫܐ

45. Ezra 2:34

    ܒܢ̈ܝ ܐܝܪܝܚܘ ܬܠܬܡܐܐ ܘܐܪܒܥܝܢ ܘܚܡܫܐ

46. Ezra 2:35

    ܒܢ̈ܝ ܣܢܐܐ ܬܠܬܐ ܐ̈ܠܦܝܢ ܘܫܬܡܐܐ ܘܬܠܬܝܢ

47. Ezra 2:36

    ܟܘܡܪ̈ܐ ܒܢ̈ܝ ܝܕܥܝܐ ܠܒܝܬ ܝܫܘܥ ܫܒܥܡܐܐ ܘܫܒܥܝܢ ܘܬܠܬܐ

48. Ezra 2:37

    ܒܢ̈ܝ ܐܡܝܪ ܐܠܦ ܘܡܐܬܝܢ ܘܚܡܫܝܢ ܘܬܪܝܢ

49. Ezra 2:38

    ܒܢ̈ܝ ܦܫܚܘܪ ܐܠܦ ܘܡܐܬܝܢ ܘܫܒܥܝܢ ܘܐܪܒܥܐ

50. Ezra 2:39

    ܒܢ̈ܝ ܚܕܘܡ ܐܠܦ ܘܫܒܬܥܣܪ

51. Ezra 2:40

    ܠܘܝ̈ܐ ܒܢ̈ܝ ܝܫܘܥ ܘܩܕܡܝܐ ܘܒܢ̈ܝ ܗܘܕܝܐ ܫܒܥܝܢ ܘܐܪܒܥܐ

52. Ezra 2:41

    ܗܠܝܢ ܕܡܫܡܫܝܢ ܒܢ̈ܝ ܐܣܦ ܡܐܐ ܘܥܣܪܝܢ ܘܬܡܢܝܐ

53. Ezra 2:42

    ܒܢ̈ܝ ܬܪܥܠ ܘܒܢ̈ܝ ܫܠܘܡ ܒܢ̈ܝ ܐܛܪ ܒܢ̈ܝ ܐܛܠܡܢ ܒܢ̈ܝ ܝܥܩܘܒ ܒܢ̈ܝ ܚܛܘܛܐ ܒܢ̈ܝ ܫܒܝ ܟܘܠܗܘܢ ܡܐܐ ܘܬܠܬܝܢ ܘܬܫܥܐ

54. Ezra 2:43

    ܢܬ̈ܢܝܐ ܒܢ̈ܝ ܢܨܚܝܐ ܒܢ̈ܝ ܚܫܘܒܐ ܒܢ̈ܝ ܛܒܥܘܬ

55. Ezra 2:44

    ܒܢ̈ܝ ܩܪܣ ܒܢ̈ܝ ܫܝܥܐ ܒܢ̈ܝ ܦܪܘܢ

56. Ezra 2:45

    ܒܢ̈ܝ ܠܒܝܐ ܒܢ̈ܝ ܚܓܒܐ ܒܢ̈ܝ ܝܥܩܘܒ

57. Ezra 2:46

    ܒܢ̈ܝ ܚܓܒ ܒܢ̈ܝ ܫܠܡܝ ܒܢ̈ܝ ܚܢܢ

58. Ezra 2:47

    ܒܢ̈ܝ ܓܙܠ ܒܢ̈ܝ ܚܓܪ ܒܢ̈ܝ ܕܐܢܐ

59. Ezra 2:48

    ܒܢ̈ܝ ܕܝܨܘܢ ܒܢ̈ܝ ܕܩ̇ܘܪܐ ܒܢ̈ܝ ܓܙܡ

60. Ezra 2:49

    ܒܢ̈ܝ ܥܙܐ ܒܢ̈ܝ ܦܬܚ ܒܢ̈ܝ ܒܣܪ

61. Ezra 2:50

    ܒܢ̈ܝ ܐܣܝܐ ܒܢ̈ܝ ܡܬܢܝܢ ܒܢ̈ܝ ܝܦܘܣܝܢ

62. Ezra 2:51

    ܒܢ̈ܝ ܒܩܒܘ̣ܩ ܒܢ̈ܝ ܚܩܘܦܐ ܒܢ̈ܝ ܚܕܚܘܪ

63. Ezra 2:52

    ܒܢ̈ܝ ܒܨܠܘܐܝܬ ܒܢ̈ܝ ܡܚܝܕܐ ܒܢ̈ܝ ܚܪܫܐ

64. Ezra 2:53

    ܒܢ̈ܝ ܟܪܩܘܣ ܒܢ̈ܝ ܣܝܣܪܐ ܒܢ̈ܝ ܬܡܢܥ

65. Ezra 2:54

    ܒܢ̈ܝ ܢܨܝܚ ܒܢ̈ܝ ܚܛܘܦܐ

66. Ezra 2:55

    ܒܢ̈ܝ ܥܒ̇ܪ ܒܢ̈ܝ ܫܠܝܡ ܒܢ̈ܝ ܣܛܝܡ ܒܢ̈ܝ ܐܣܦܪܘܬ ܒܢ̈ܝ ܦܪܘܕܐ

67. Ezra 2:56

    ܒܢ̈ܝ ܝܥܠܐ ܒܢ̈ܝ ܬܪ̈ܩܘܢ ܒܢ̈ܝ ܓ̇ܕܠ

68. Ezra 2:57

    ܒܢ̈ܝ ܫܦܛܝܐ ܒܢ̈ܝ ܚܛܘܠ ܒܢ̈ܝ ܟܒܪܬ ܒܢ̈ܝ ܚܝܠܬܐ ܒܢ̈ܝ ܐܡ̇ܪ

69. Ezra 2:58

    ܟܠܗܘܢ ܢܬܢ̈ܝܐ ܘܒܢ̈ܝ ܥ̇ܒܪ ܘܫܠܝܡ ܬܠܬܡܐܐ ܘܬܫܥܝܢ ܘܬܪܝܢ

70. Ezra 2:59

    ܘܗܠܝܢ ܐܝܠܝܢ ܕܣܠ̣ܩܘ ܡܢ ܬܠܡܠܚܐ ܠܬܠܥܒܐ ܘܠܟܘܪܒ ܗܝ̇ܕܝܢ ܐܬܐܡܪ ܘܠܐ ܐܫܟܚܘ ܠܡܚܘܝܘ ܫܪ̈ܒܬܐ ܕܐܒܗ̈ܝܗܘܢ ܘܙܪ̈ܥܝܬܗܘܢ ܐܠܐ ܐܢ ܕܡܢ ܐܝܣܪܝܠ ܐܢܘܢ

71. Ezra 2:60

    ܒܢ̈ܝ ܕܠܝܐ ܒܢ̈ܝ ܛܘܒܝܐ ܒܢ̈ܝ ܢܩܪܝܐ ܫܬܡܐܐ ܘܚܡܫܝܢ ܘܬܪܝܢ

72. Ezra 2:61

    ܘܡܢ ܒܢ̈ܝ ܟܗ̈ܢܐ ܒܢ̈ܝ ܚܒܝܐ ܒܢ̈ܝ ܗܩܘܨ ܒܢ̈ܝ ܒܪܙܠܝ ܕܢܣ̣ܒ ܡܢ ܒܢ̈ܬ ܒܪܙܠܝ ܓܠܥܕܝܐ ܐܢܬܬܐ ܘܐܬܩܪܝ ܥܠ ܫܡܗܘܢ

73. Ezra 2:62

    ܗܠܝܢ ܒܥܘ ܒܟܬܒܐ ܕܫܪ̈ܒܬܗܘܢ ܘܠܐ ܐܫܟܚܘ ܘܦܪ̣ܩܘ ܠܗܘܢ ܡܢ ܟܘܡܪܘܬܐ

74. Ezra 2:63

    ܘܐܡ̣ܪܘ ܠܗܘܢ ܪ̈ܝܫܐ ܕܐܝܣܪܝܠ ܕܠܐ ܢܐܟܠܘܢ ܡܢ ܩܕܘܫ ܩܘܕܫ̈ܐ ܥܕܡܐ ܕܢܩܘܡ ܟܗܢܐ ܪܒܐ ܘܢܫܐܠ ܘܢܚܙܐ

75. Ezra 2:64

    ܟܠܗ̇ ܟܢܘܫܬܐ ܐܟܚܕܐ ܐܪܒܥ ܪ̈ܒܘܢ ܘܐ̈ܠܦܐ ܬܪܝܢ ܘܬܠܬܡܐܐ ܘܫܬܝܢ

76. Ezra 2:65

    ܠܒܪ ܡܢ ܥܒ̣̈ܕܝܗܘܢ ܘܐܡ̈ܗܬܗܘܢ ܗܠܝܢ ܫܒܥܐ ܐ̈ܠܦܝܢ ܘܬܠܬܡܐܐ ܘܬܠܬܝܢ ܘܫܒܥܐ ܘܡܫ̈ܡܫܢܝܗܘܢ ܕܡܫܡܫܝܢ ܠܗܘܢ ܡܐܬܝܢ

77. Ezra 2:66

    ܪܟܫܗܘܢ ܫܒܥܡܐܐ ܘܬܠܬܝܢ ܘܫܬܐ ܟܘܕܢ̈ܘܬܗܘܢ ܡܐܬܝܢ ܘܐܪܒܥܝܢ ܘܚܡܫܐ

78. Ezra 2:67

    ܓܡ̈ܠܝܗܘܢ ܐܪܒܥܡܐܐ ܘܬܠܬܝܢ ܘܚܡܫܐ ܚ̇ܡܪ̈ܐ ܐܫܬܐ ܐ̈ܠܦܝܢ ܘܫܒܥܡܐܐ ܘܥܣܪܝܢ

79. Ezra 2:68

    ܡܢ ܪ̈ܝܫܝ ܐܒܗ̈ܬܐ ܟܕ ܥܠܘ ܠܒܝܬܐ ܕܡܪܝܐ ܕܒܐܘܪܫܠܡ ܐܬܪܥܝܘ ܠܒܝܬܐ ܕܡܪܝܐ ܘܩܡܘ

80. Ezra 2:69

    ܘܗܘܘ ܒܚܝܠܗܘܢ ܘܝܗܒܘ ܠܓܙܐ ܕܝܠܗ̇ ܕܥܒܝܕܬܐ ܕܗܒܐ ܕܪ̈ܝܟܘܢܐ ܫܬ ܪ̈ܒܘܢ ܘܐܠܦܐ ܚܕ ܟܣܦܐ ܡܢܝܢ ܚܡܫܐ ܐ̈ܠܦܝܢ ܘܟܘܬܝ̈ܢܝܬܐ ܠܟܘܡܪ̈ܐ ܡܐܐ

81. Ezra 2:70

    ܘܗܦ̣ܟܘ ܟܘܡܪ̈ܐ ܘܠܘ̈ܝܐ ܘܡܢ ܥܡܐ ܘܡܢ ܡܫܡ̈ܫܢܐ ܘܡܢ ܬܪ̈ܥܐ ܘܢܬ̈ܢܝܐ ܘܐܝܠܝܢ ܕܝܗܝܒܝܢ ܗܘܘ ܒܩܘܪ̈ܝܗܘܢ ܘܟܘܠܗ ܐܝܣܪܝܠ ܒܩܘܪ̈ܝܗܘܢ

82. Ezra 3:1

    ܘܡܛܝ ܝܪܚܐ ܫܒܝܥܝܐ ܘܒܢ̈ܝ ܐܝܣܪܝܠ ܒܩܘܪ̈ܝܗܘܢ ܘܐܬܟܢܫܘ ܥܡܐ ܐܝܟ ܓܒܪܐ ܚܕ ܠܐܘܪܫܠܡ

83. Ezra 3:2

    ܘܩܡ ܝܫܘܥ ܒܪ ܝܘܙܕܩ ܘܐܚܘ̈ܗܝ ܟܘܡܪ̈ܐ ܘܙܘܪܒܒܠ ܒܪ ܫܠܬܐܝܠ ܘܐܚܘ̈ܗܝ ܘܒܢܘ ܡܕܒܚܐ ܠܐܠܗܐ ܕܐܝܣܪܐܝܠ ܠܡܣܩܘ ܥܠܘܗܝ ܥܠܘ̈ܬܐ ܐܝܟܢܐ ܕܟܬܝܒ ܒܢܡܘܣܐ ܕܡܘܫܐ ܢܒܝܐ ܕܐܠܗܐ

84. Ezra 3:3

    ܘܐܬܬܩܢ ܡܕܒܚܐ ܥܠ ܡܬܩܢܗ ܡܛܠ ܕܕܚܠܬܐ ܪܒܬܐ ܗܘܬ ܥܠܝܗܘܢ ܡܢ ܥܡ̈ܡܐ ܕܥܡ̇ܪܝܢ ܒܡܕܝ̈ܢܬܐ ܘܐܣܩܘ ܥܠܘܗܝ ܥ̇ܠܬܐ ܠܡܪܝܐ ܥ̇ܠܬܐ ܠܨܦܪܐ ܘܠܪܡܫܐ

85. Ezra 3:4

    ܘܥܒ̣ܕܘ ܥܕܥܕܐ ܕܡ̈ܛܠܐ ܐܝܟ ܕܟܬܝܒ ܘܥ̈ܠܘܬܐ ܝܘܡ ܒܝܘܡ ܒܡܢܝܢܐ ܐܝܟ ܢܡܘܣܐ ܚܘܫܒܢ ܝܘܡ ܒܝܘܡܗ

86. Ezra 3:5

    ܘܒܬܪܟܢ ܥ̇ܠܬܐ ܐܡܝܢܬܐ ܠܝܪܚܐ ܘܠܟܘܠ ܥܕܥ̈ܕܘܗܝ ܕܡܪܝܐ ܡܩ̈ܕܫܐ ܘܠܟܠ ܡ̇ܢ ܕܨܒ̇ܐ ܨܒܝܢܐ ܕܡܪܝܐ

87. Ezra 3:6

    ܡܢ ܚܕ ܒܝܪܚܐ ܫܒܝܥܝܐ ܫ̇ܪܝܘ ܠܡܣܩܘ ܥ̇ܠܬܐ ܠܡܪܝܐ ܘܗܝܟܠܐ ܕܡܪܝܐ ܥܕܡܐ ܠܗܫܐ ܠܐ ܐܬܓܡܪ

88. Ezra 3:7

    ܘܝܗܒܘ ܟܣܦܐ ܠܦܣ̈ܘܠܐ ܘܠܢܓܪ̈ܐ ܘܠܡܐܟܠܐ ܘܠܡܫܬܝܐ ܘܡܫܚܐ ܠܨܘܪ̈ܝܐ ܘܠܨܝܕ̈ܢܝܐ ܠܡܝܬܝܘ ܩܝܣ̈ܐ ܕܐܪܙܐ ܡܢ ܠܒܢܢ ܠܝܡܐ ܠܝܘܦܐ ܐܝ̇ܟܢܐ ܕܟܬ̣ܒ ܟܘܪܫ ܡ̇ܠܟܐ ܕܦܪܣ ܥܠܝܗܘܢ

89. Ezra 3:8

    ܒܫܢܬܐ ܕܬܪ̈ܬܝܢ ܟܕ ܥܠܘ ܠܒܝܬܐ ܕܡܪܝܐ ܕܒܐܘܪܫܠܡ ܒܝܪܚܐ ܕܬܪܝܢ ܫܕ̇ܪ ܙܘܪܒܒܠ ܒܪ ܫܠܬܐܝܠ ܘܝܫܘܥ ܒܪ ܝܘܙܕܩ ܘܫܪܟܐ ܕܐܚܝ̈ܗܘܢ ܘܟܘܡܪ̈ܐ ܘܠܘ̈ܝܐ ܘܟܠ ܕܥܠܘ ܡܢ ܫܒܝܬܐ ܠܐܘܪܫܠܡ ܘܐܩܝܡܘ ܠܠܘ̈ܝܐ ܡܢ ܒܪ ܥܣܪܝܢ ܫܢ̈ܝܢ ܘܠܥܠ ܠܡܗܘܐ ܩܝܘܡܐ ܥܠ ܥܒܝ̈ܕܬܐ ܕܒܝܬܐ ܕܡܪܝܐ

90. Ezra 3:9

    ܘܩܡ ܝܫܘܥ ܘܐܚܘ̈ܗܝ ܘܒܢܘ̈ܗܝ ܘܩܕܡܝܐ ܘܒܢ̈ܘܗܝ ܘܒܢ̈ܝ ܗܘܕܝܐ ܐܟܚܕܐ ܕܢܗܘܘܢ ܥܒ̇ܕܝܢ ܥܒܝ̈ܕܬܐ ܕܒܝܬܗ ܕܡܪܝܐ ܒܢ̈ܝ ܗܢܕܪ ܘܒܢܝ̈ܗܘܢ ܘܐܚܝ̈ܗܘܢ ܠܘ̈ܝܐ

91. Ezra 3:10

    ܘܐܪܡܝܘ ܫܬܐܣܬܐ ܕܒܢܝܢܐ ܕܗܝܟܠܐ ܕܡܪܝܐ ܘܩܡܘ ܟܗ̈ܢܐ ܟܕ ܡܠܒܫܝܢ ܘܐܚܕܝܢ ܩܪ̈ܢܬܐ ܕܕܟܪ̈ܐ ܘܩ̇ܪܝܢ ܒܗܝܢ ܘܠܘ̈ܝܐ ܒܢ̈ܝ ܐܣܦ ܒܫܝܦܘܪ̈ܐ ܠܡܫܒܚܘ ܠܡܪܝܐ ܥܠ ܐܝ̈ܕܘܗܝ ܕܕܘܝܕ ܡ̇ܠܟܐ ܕܐܝܣܪܝܠ

92. Ezra 3:11

    ܘܒ̇ܪܟܘ ܒܬܘ̈ܕܝܬܐ ܘܒܬܫܒ̈ܚܬܐ ܠܡܪܝܐ ܡܛܠ ܕܛܒ ܗܘ ܘܠܥܠܡ ܛܝܒܘܬܗ ܥܠ ܐܝܣܪܐܝܠ ܘܟܠܗ ܥܡܐ ܝܒܒܘ ܒܝܘܒܒܐ ܪܒܐ ܒܬܫܒ̈ܚܬܐ ܠܡܪܝܐ ܥܠ ܫܘܟܠܠܐ ܕܒܝܬܗ ܕܡܪܝܐ

93. Ezra 3:12

    ܘܣܓܝ ܡܢ ܟܘܡܪ̈ܐ ܘܠܘ̈ܝܐ ܪ̈ܝܫܝ ܐܒܗ̈ܐ ܩܫܝ̈ܫܐ ܕܚܙܘ ܠܒܝܬܐ ܗܢܐ ܒܐܝܩܪܗ ܩܕܡܝܐ ܟܕ ܓܡ̇ܪ ܒܝܬܐ ܗܢܐ ܒܟܘ ܒܩܠܐ ܪܡܐ ܘܣܓܝܐܝܢ ܕܡܪܝܡܝܢ ܗܘܘ ܩܠܗܘܢ ܒܩܪ̈ܢܬܐ ܘܒܚܕܘܬܐ

94. Ezra 3:13

    ܘܠܝܬ ܥܡܐ ܕܫܡ̇ܥܝܢ ܩܠܐ ܕܩܪ̈ܢܬܐ ܡܛܠ ܩܠܐ ܕܒܟܝܐ ܪܒܐ ܕܥܡܐ ܡܛܠ ܕܥܡܐ ܩ̇ܪܝܢ ܗܘܘ ܒܩܪ̈ܢܬܐ ܒܩܠܐ ܪܡܐ ܘܩܠܐ ܕܒܟܝܐ ܡܫܬܡܥ ܗܘܐ ܠܪܘܚܩܐ

95. Ezra 4:1

    ܘܫܡܥܘ ܣܢ̈ܐܝ ܝܗܘܕܐ ܘܒܢܝܡܝܢ ܕܒܢܝ̈ ܫܒܝܬܐ ܒܢ̈ܝܢ ܗܝܟܠܐ ܠܡܪܝܐ ܐܠܗܐ ܕܐܝܣܪܝܠ

96. Ezra 4:2

    ܘܩܪܒܘ ܠܘܬ ܙܘܪܒܒܠ ܘܠܘܬ ܪ̈ܝܫܝ ܐܒܗ̈ܬܐ ܘܐܡܪܝܢ ܠܗܘܢ ܢܒܢܐ ܐܦ ܚܢܢ ܥܡܟܘܢ ܡܛܠ ܕܐܟܘܬܟܘܢ ܢܒܢܐ ܠܐܠܗܟܘܢ ܘܠܗ ܗܘ ܕܒܚܝܢ ܚܢܢ ܗܪܟܐ ܡܢ ܝܘܡ̈ܬܗ ܕܣܪܚܕܘܡ ܡܠܟܐ ܕܐܬܘܪ ܕܐܣܩܢ ܠܗܪܟܐ

97. Ezra 4:3

    ܘܐܡܪܘ ܠܗܘܢ ܙܘܪܒܒܠ ܘܝܫܘܥ ܘܫܪܟܐ ܕܪ̈ܝܫܝ ܐܒܗ̈ܬܐ ܕܐܝܣܪܝܠ ܕܠܐ ܠܟܘܢ ܘܠܢ ܠܡܒܢܐ ܒܝܬܐ ܠܐܠܗܢ ܡܛܠ ܕܚܢܢ ܐܟܚܕ ܢܒܢܐ ܒܝܬܐ ܠܡܪܝܐ ܐܠܗܐ ܕܐܝܣܪܝܠ ܐܝܟܢܐ ܕܦܩܕܢ ܟܘܪܫ ܡܠܟܐ ܦܪܣܝܐ

98. Ezra 4:4

    ܘܗܘܘ ܥܡ̈ܡܐ ܕܐܪܥܐ ܡܪܦܝܢ ܐܝ̈ܕܝܗܘܢ ܕܥܡܐ ܕܝܗܘܕ ܘܡܒܠܗܝܢ ܠܗܘܢ ܕܠܐ ܢܒܢܘܢ

99. Ezra 4:5

    ܘܐܓܪܝܢ ܥܠܝܗܘܢ ܡܠܘ̈ܟܐ ܕܢܒܛܠܘܢ ܡ̣̈ܠܟܝܗܘܢ ܟܘܠ ܝܘܡ̈ܝ ܟܘܪܫ ܡܠܟܐ ܦܪܣܝܐ ܥܕ ܡܠܟܘܬ ܕܪܝܘܫ ܡܠܟܐ ܕܦܪܣ

100. Ezra 4:6

     ܘܒܡܠܟܘܬ ܐܚܫܝܪܫ ܡܠܟܐ ܒܪܝܫ ܡܠܟܘܬܗ ܟ̣ܬܒ ܚܛܝܢܐ ܥܠ ܥܡܘܪ̈ܝܗ̇ ܕܝܗܘܕ ܘܕܐܘܪܫܠܡ

Next → — showing 1–100 of 280

Electronic Peshitta Text, Peshitta Institute Amsterdam and the Eep Talstra Centre for Bible and Computer (ETCBC), via github.com/ETCBC/peshitta. Prepared by Constantijn Sikkel, Geert Jan Veldman and Willem van Peursen; Text-Fabric conversion by Dirk Roorda. Licensed CC BY-NC 4.0 as stated in the repository's docs/about.md; the ETCBC asks that commercial use be arranged with them or with Brill. The text follows the Vetus Testamentum Syriace where published and Codex Ambrosianus otherwise. Licence: CC BY-NC 4.0. Source.