← All works

Peshitta Chronicles 1

Peshitta (Syriac Old Testament) · 891 sections

1. Chronicles 1 11:14

   ܘܩܡܘ ܒܓܘ ܚܩܠܐ ܘܦܨܝܘܗ̇ ܘܚܪܒܘ ܠܦܠܫ̈ܬܝܐ ܘܥܒܕ ܡܪܝܐ ܢܨܚܢܐ ܪܒܐ

2. Chronicles 1 11:15

   ܘܢܚܬܘ ܬܠܬܐ ܡܢ ܓܒܪ̈ܐ ܠܘܬ ܕܘܝܕ ܠܡܥܪܬܐ ܕܓܬܡ ܘܡܫܪ̈ܝܬܐ ܕܦܠܫ̈ܬܝܐ ܫܪ̈ܝܢ ܗܘ̈ܝ ܒܦܩܥܬܐ ܕܓܢܒܪ̈ܐ

3. Chronicles 1 11:16

   ܘܕܘܝܕ ܫܪܐ ܗܘܐ ܒܡܫܟܢܐ ܘܓܢܒܪ̈ܐ ܕܦܠܫ̈ܬܝܐ ܒܝܬ ܠܚܡ

4. Chronicles 1 11:17

   ܘܐܬܪܓܪܓ ܕܘܝܕ ܘܐܡܪ ܡ̇ܢ ܕܝܢ ܝܗܒ ܠܝ ܡ̈ܝܐ ܐܫܬܝܬ ܡܢ ܓܘܒܐ ܪܒܐ ܕܒܝܬ ܠܚܡ ܕܐܝܬ ܒܬܪܥܐ ܕܩܪܝܬܐ

5. Chronicles 1 11:18

   ܘܒܗ̇ ܒܫܥܬܐ ܫܡܥܘ ܬܠܬܐ ܓܒܪ̈ܝܢ ܘܨܪܘ ܘܥܠܘ ܒܡܫܪ̈ܝܬܐ ܕܦܠܫ̈ܬܝܐ ܘܐܙܠܘ ܘܡܠܘ ܡ̈ܝܐ ܡܢ ܓܘܒܐ ܪܒܐ ܕܐܝܬ ܒܝܬ ܠܚܡ ܒܬܪܥܐ ܕܩܪܝܬܐ ܘܢܣܒܘ ܘܐܝܬܝܘ ܘܝܗܒܘ ܠܕܘܝܕ ܘܠܐ ܨܒܐ ܠܡܫܬܐ ܐܢܘܢ ܘܢܣܟ ܐܢܘܢ ܩܕܡ ܡܪܝܐ

6. Chronicles 1 11:19

   ܘܐܡܪ ܚܣ ܠܝ ܡܢ ܡܪܝܐ ܕܐܥܒܕ ܗܕܐ ܩܕܡ ܐܠܗܝ ܐܢܫܐ ܗܠܝܢ ܢܦܩܘ ܐܙܠܘ ܥܠ ܕܡܐ ܕܨܘܪ̈ܝܗܘܢ ܘܠܐ ܨܒܐ ܠܡܫܬܐ ܐܢܘܢ ܗܠܝܢ ܥܒܕܘ ܬܠܬܐ ܓܒܪ̈ܝܢ

7. Chronicles 1 11:20

   ܘܐܒܝܫܝ ܐܚܘܗܝ ܕܝܘܐܒ ܗܘ ܗܘܐ ܪܫܐ ܕܬܠܬܝܢ ܘܗܘ ܫܡܛ ܪܘܡܚܐ ܥܠ ܬܠܬܡܐܐ ܩܛܝ̈ܠܝܢ ܘܠܗ ܐܝܬ ܗܘܐ ܐܝܩܪܐ ܥܠ ܬܠܬܝܢ

8. Chronicles 1 11:21

   ܘܡܢ ܬܠܬܝܢ ܡܝܩܪ ܗܘܐ ܘܗܘܐ ܥܠܝܗܘܢ ܪܫܐ ܘܩܪܒܐ ܐܝܟ ܬܠܬܝܢ ܥܒܕ ܗܘܐ

9. Chronicles 1 11:22

   ܒܢܝܐ ܒܪ ܝܘܝܕܥ ܓܒܪܐ ܓܢܒܪ ܚܝܠܐ ܕܫܦܝܪܝܢ ܗܘܘ ܥܒ̇ܕܘ̈ܗܝ ܡܢ ܟܪܟܐ ܕܩܒܨܐܝܠ ܗܘ ܚܪܒ ܠܬܪ̈ܝܢ ܓܢܒܪ̈ܝܢ ܕܡܘܐܒ ܘܗܘ ܢܚܬ ܘܩܛܠ ܠܐܪܝܐ ܒܓܘ ܥܒܐ ܒܝܘܡܐ ܕܬܠܓܐ

10. Chronicles 1 11:23

    ܘܗܘ ܩܛܠ ܠܓܒܪܐ ܡܨܪܝܐ ܓܒܪܐ ܡܪܐ ܚܝܠܐ ܕܐܪܝܟ ܗܘܐ ܚܡܫ ܐܡ̈ܝܢ ܘܒܐܝܕܗ ܕܡܨܪܝܐ ܐܝܬ ܗܘܐ ܪܘܡܚܐ ܕܗ̇ܘܐ ܗܘܐ ܥܒܝܐ ܕܫܢܢܗ̇ ܐܝܟ ܢܘܠܐ ܕܓܪ̈ܕܝܝܐ ܘܢܚܬ ܥܠܘܗܝ ܒܚܘܛܪܐ ܘܢܣܒܗ̇ ܠܪܘܡܚܐ ܡܢ ܐܝܕܘ̈ܗܝ ܕܡܨܪܝܐ ܘܩܛܠܗ ܒܗ̇ ܒܪܘܡܚܐ

11. Chronicles 1 11:24

    ܗܠܝܢ ܟܠܗܝܢ ܥܒܕ ܒܢܝܐ ܒܪ ܝܘܝܕܥ ܘܠܗ ܐܝܬ ܗܘܐ ܫܡܐ ܝܬܝܪ ܡܢ ܬܠܬܐ ܓܒܪ̈ܝܢ

12. Chronicles 1 11:25

    ܘܡܢ ܬܠܬܐ ܓܝܪ ܡܝܩܪ ܗܘܐ ܘܩܐܪܣܐ ܐܝܟ ܬܠܬܐ ܥܒܕ ܗܘܐ ܘܐܩܝܡܗ ܕܘܝܕ ܕܢܗܘܐ ܢܛܘܪܐ ܥܠ ܪܘܡܚܗ

13. Chronicles 1 11:26

    ܘܥܠ ܓܢܒܪ̈ܝ ܚܝܠܐ ܥܫܐܝܠ ܐܚܘܗܝ ܕܝܘܐܒ ܐܠܚܢܢ ܒܪ ܕܕܗ ܡܢ ܒܝܬ ܠܚܡ

14. Chronicles 1 11:27

    ܫܡܘܬ ܡܢ ܛܘܪ ܡܠܟܐ ܚܠܨ ܕܡܢ ܦܠܛܘܢ

15. Chronicles 1 11:28

    ܥܝܪܐ ܒܪ ܥܩܝܣ ܕܡܢ ܬܩܘܥ ܐܒܝܥܙܪ ܕܡܢ ܥܢܬܘܬ

16. Chronicles 1 11:29

    ܣܒܝ ܕܡܢ ܚܘܫܬ ܥܠܝ ܕܡܢ ܚܘܚ

17. Chronicles 1 11:30

    ܡܗܪܝ ܕܡܢ ܢܛܘܦܬ ܚܠܕ ܒܪ ܒܥܢܐ ܕܡܢ ܢܛܘܦܬ

18. Chronicles 1 11:31

    ܐܬܝ ܒܪ ܪܒܝ ܕܡܢ ܓܒܥܬܐ ܕܒ̈ܢܝ ܒܢܝܡܝܢ ܒܢܝܐ ܒܪ ܦܪܥܬܘܢ

19. Chronicles 1 11:32

    ܚܕܝ ܕܡܢ ܢܚܝܠܓܫ ܐܒܝܐܝܠ ܕܡܢ ܥܪܒܬܘܢ

20. Chronicles 1 11:33

    ܥܘܙܒܢ ܕܡܢ ܡܪܚܡ ܐܠܝܦܐ ܕܡܢ ܫܠܒܡ

21. Chronicles 1 11:34

    ܒ̈ܢܝ ܫܝܡ ܕܡܢ ܥܙܘܢ ܝܘܢܬܢ ܒܪ ܫܓܐ ܕܡܢ ܛܘܪ ܟܪܡܠܐ

22. Chronicles 1 11:35

    ܐܚܝܪܡ ܒܪ ܣܟܡ ܕܡܢ ܛܘܪ ܒܝܬܐ ܐܠܝܦܘܢ ܒܪ ܐܕܘ ܕܡܢ ܒܓܪܬܘܢ

23. Chronicles 1 11:36

    ܚܦܪ ܕܡܢ ܡܟܪܬܝܡ ܐܚܝܐ ܕܡܢ ܚܨܪ

24. Chronicles 1 11:37

    ܚܨܪܝ ܕܡܢ ܟܪܡܠܐ ܠܥܙܪ ܕܡܢ ܐܘܒܕ

25. Chronicles 1 11:38

    ܝܘܐܝܠ ܐܚܘܗܝ ܕܝܘܢܬܢ ܡܟܚܕ ܡܢ ܓܕ

26. Chronicles 1 11:39

    ܨܠܩ ܥܡܘܢܝܐ ܡܚܙܝ ܒܝܪܬܝܐ ܫ̇ܩ̈ܠܝ ܡܐܢ̈ܝ ܙܝܢܗ ܕܝܘܐܒ ܒܪ ܨܘܪܝܐ

27. Chronicles 1 11:40

    ܥܝܪܐ ܕܡܢ ܝܬܝܪ ܥܪܒ ܕܡܢ ܝܬܪ

28. Chronicles 1 11:41

    ܐܘܪܝܐ ܚܝܬܝܐ ܙܒܕܝ ܒܪ ܐܚܠܝ

29. Chronicles 1 11:42

    ܓܕܝܢܘ ܒܪ ܫܐܪܐ ܡܢ ܫܒܛܐ ܕܒܝܬ ܪܘܒܝܠ ܗܘܝܘ ܪܫܐ ܕܫܒܛܐ ܕܒܝܬ ܪܘܒܝܠ ܘܗܘܝܘ ܫܠܝܛ ܥܠ ܓܒܪ̈ܐ ܬܠܬܝܢ

30. Chronicles 1 11:43

    ܝܘܫܦܛ

31. Chronicles 1 11:44

    ܕܡܢ ܥܣܬܪܘܬ ܫܡܥ ܘܥܡܐܝܠ ܒ̈ܢܝ ܚܘܬܡ ܕܡܢ ܥܪܥܪܘܬ

32. Chronicles 1 11:45

    ܝܕܥܐܝܠ ܒܪ ܫܡܪܝ ܘܝܘܚܐ ܐܚܘܗܝ ܥܡܘܙܘܬ

33. Chronicles 1 11:46

    ܘܥܢܐܝܠ ܡܚܘܝܡ ܡܘܨܝܠ ܪܝܒܝ ܘܐܢܫܘܐ ܒܪܗ ܐܚܡܐܝܠ ܘܝܬܡܐ ܡܘܐܒܝܐ

34. Chronicles 1 11:47

    ܐܠܝܠ ܘܝܬܡܐ ܘܥܘܒܝܪ ܠܥܣܐܝܠ ܘܐܫܟܝܪ

35. Chronicles 1 12:1

    ܗܠܝܢ ܟܠܗܘܢ ܓܢܒܪ̈ܘܗܝ ܕܕܘܝܕ ܕܩ̇ܝܡܝܢ ܗܘܘ ܥܡܗ ܒܩܪܒܐ ܘܗܠܝܢ ܕܥܠܘ ܥܡ ܕܘܝܕ ܠܨܢܩܠܓ ܩܪܝܬܐ ܟܕ ܗܘ ܥ̇ܪܩ ܡܢ ܩܕܡ ܫܐܘܠ ܒܪ ܩܝܫ ܘܗܢܘܢ ܒܓܢܒܪܘܬܐ ܩ̇ܝܡܝܢ ܗܘܘ ܟܠܗܘܢ ܓܒܪ̈ܘܗܝ ܕܕܘܝܕ ܘܐܠܘ ܨܒܐ ܩ̇ܛܠܝܢ ܗܘܘ ܠܗ ܠܫܐܘܠ ܒܪ ܩܝܫ ܡܛܠ ܕܓܢܒܪ̈ܝܢ ܗܘܘ ܘܓܒܪ̈ܐ ܗܘܘ ܥ̇ܒܕ̈ܝ ܩܪܒܐ ܘܠܐ ܨܒܐ ܕܘܝܕ ܠܡܫܒܩ ܐܢܘܢ ܠܡܩܛܠܗ ܠܫܐܘܠ

36. Chronicles 1 12:2

    ܡܛܠ ܕܐܚܝܕܝܢ ܗܘܘ ܩܫ̈ܬܬܐ ܒܣܡ̈ܠܝܗܘܢ ܘܣܝܦ̈ܐ ܒܝܡ̈ܝܢܝܗܘܢ ܘܩܫ̈ܬܬܗܘܢ ܡ̈ܠܝܢ ܗܘ̈ܝ ܒܓܐܪ̈ܐ ܘܠܐ ܨܒܐ ܕܘܝܕ ܠܡܩܛܠܗ ܠܫܐܘܠ ̇—̇— ܕܗܘ ܗܘܐ ܪܫܐ ܕܫܒܛܐ ܕܒܝܬ ܒܢܝܡܝܢ

37. Chronicles 1 12:3

    ܘܗܠܝܢ ܫܡܗ̈ܐ ܕܓܒܪ̈ܘܗܝ ܕܕܘܝܕ ܕܗܘܘ ܥܡܗ ܐܚܝܥܙܪ ܘܝܘܐܫ ܒܪܗ ܘܝܘܐܝܠ ܕܡܢ ܡܣܟܐ ܫܡܥܝܐ ܕܡܢ ܓܒܥܬ ܦܠܛ ܘܒܪܟܝܐ ܒ̈ܢܝ ܥܪܘܒܬ ܝܗܘ ܕܡܢ ܥܢܬܘܬ

38. Chronicles 1 12:4

    ܫܡܥܝܐ ܕܡܢ ܓܒܥܘܢ ܗܘ ܗܘܐ ܫܠܝܛ ܥܠ ܬܠܬܝܢ ܘܥܒܕ ܩܪܒܐ ܐܝܟ ܟܠܗܘܢ

39. Chronicles 1 12:5

    ܐܪܡܝܐ ܢܚܙܐܝܠ ܙܒܘܪ ܥܕܪ

40. Chronicles 1 12:6

    ܥܕܝ ܝܪܡܘܬ ܒܥܠܝܐ ܥܙܝ ܫܡܪܝܐ ܫܦܛܝܐ ܚܒܪ

41. Chronicles 1 12:7

    ܐܠܩܢܐ ܝܘܫܐ ܥܙܪܐܝܠ ܫܒܢܐ ܐܣܦ

42. Chronicles 1 12:8

    ܝܘܐܚ ܙܟܪܝܐ ܒܢ̈ܘܗܝ ܕܝܪܚܘܡ ܕܡܢ ܓܕܪ

43. Chronicles 1 12:9

    ܘܡܢ ܫܒܛܐ ܕܒܝܬ ܓܕ ܐܬܓܒܝܘ ܠܕܘܝܕ ܠܡܦܩ ܥܡܗ ܠܡܨܪܘܬ ܕܒܡܕܒܪܐ ܓܒܪ̈ܐ ܓܢܒܪ̈ܝ ܚܝܠܐ ܘܥܫ̈ܝܢܝ ܒܩܘܡ̈ܬܐ ܘܓܒܪ̈ܐ ܡܪ̈ܝ ܚܝܠܐ ܠܩܐܪܣܐ ܐܚ̈ܝܕܝ ܣܝܦ̈ܐ ܘܣܟܪ̈ܐ ܓܘܢܐ ܕܐܪ̈ܝܘܬܐ ܓܘܢܗܘܢ ܘܡܐ ܕܡܬܟܬܫܝܢ ܥܠ ܛܘܪܐ ܥܩܪܝܢ ܠܗ

44. Chronicles 1 12:10

    ܥܙܪܝܐ ܪܝܫܐ ܕܓܢܒܪ̈ܐ ܥܘܒܕܝܐ ܬܢܝܢܐ ܐܠܝܒ ܬܠܝܬܝܐ

45. Chronicles 1 12:11

    ܐܫܘ ܪܒܝܥܝܐ ܐܪܡܝܐ ܚܡܝܫܝܐ

46. Chronicles 1 12:12

    ܥܬܪ ܫܬܝܬܝܐ ܐܠܝܠ ܫܒܝܥܝܐ

47. Chronicles 1 12:13

    ܝܘܚܢܢ ܬܡܝܢܝܐ ܐܠܝܙܒܪ ܬܫܝܥܝܐ

48. Chronicles 1 12:14

    ܡܟܘܢ ܥܣܝܪܝܐ ܫܦܛܝܐ ܕܚܕܥܣܪ

49. Chronicles 1 12:15

    ܗܠܝܢ ܡܢ ܒܢ̈ܘܗܝ ܕܓܕ ܪ̈ܝܫܝ ܚܝܠܐ ܕܫܠܝܛܝܢ ܗܘܘ ܚܕ ܥܠ ܡܐܐ ܘܐܚܪ̈ܢܐ ܫܠܝܛܝܢ ܗܘܘ ܚܕ ܥܠ ܐܠܦ

50. Chronicles 1 12:16

    ܗܠܝܢ ܐܢܘܢ ܕܥܒܪܘܗܝ ܠܝܘܪܕܢܢ ܒܝܪܚ ܢܝܣܢ ܟܕ ܡܠܐ ܥܕܡܐ ܠܣܦܬܗ ܘܐܥܪܩܘ ܗܘܘ ܠܟܠܗ ܚܝܠܐ ܕܫܪܐ ܗܘܐ ܒܦܩܥܬܐ ܠܡܕܢܚܐ ܘܠܡܥܪܒܐ ܘܗܠܝܢ ܡܢ̈ܝܢܐ ܕܪ̈ܝܫܝ ܚܝܠܐ ܕܐܬܘ ܘܐܬܟܢܫܘ ܠܘܬ ܕܘܝܕ ܠܚܒܪܘܢ ܠܡܬܠ ܠܗ ܡܠܟܘܬܐ ܕܫܐܘܠ ܕܬܫܠܡ ܡܠܬܗ ܕܫܡܘܐܝܠ ܢܒܝܐ ܕܡܠܠ ܡܢ ܦܘܡܗ ܕܡܪܝܐ

51. Chronicles 1 12:17

    ܘܐܬܘ ܡܢ ܒ̈ܢܝ ܒܢܝܡܝܢ ܘܡܢ ܒ̈ܢܝ ܝܗܘܕܐ ܥܕܡܐ ܕܡܛܝܘ ܠܡܫܪܝܬܐ ܠܘܬ ܕܘܝܕ

52. Chronicles 1 12:18

    ܘܢܦܩ ܕܘܝܕ ܠܐܘܪܥܗܘܢ ܘܒܪܟ ܐܢܘܢ ܘܐܡܪ ܠܗܘܢ ܐܢܗܘ ܕܠܫܠܡܐ ܐܬܝܬܘܢ ܘܠܡܥܕܪܘܬܢ ܡܪܝܐ ܢܬܠ ܠܟܘܢ ܚܕ ܬܪܝܢ ܥܠ ܡܕܡ ܕܐܝܬ ܒܠܒܟܘܢ ܘܐܢ ܗܘ ܕܠܡܟܠܢܝ ܐܬܝܬܘܢ ܘܠܡܫܠܡܘܬܢܝ ܠܣܢܐ̈ܝ ܡܛܠ ܕܡܕܡ ܠܐ ܚܛܝܬ ܠܟܘܢ ܐܦܠܐ ܐܝܬ ܡܕܡ ܕܣܢܐ ܒܐܝܕ̈ܝ ܝܕ̇ܥ ܗܘ ܓܝܪ ܐܠܗܐ ܕܐܒܗ̈ܬܝ ܘܗܘ ܢܟܣ ܒܝܢܬܢ ܠܡ̇ܢ ܕܡܣܟܠ ܒܚܒܪܗ

53. Chronicles 1 12:19

    ܘܪܘܚܐ ܕܓܢܒܪܘܬܐ ܠܒܫܬ ܠܥܡܣܐ ܒܪ ܝܬܪ ܪܫܐ ܕܬܠܬܝܢ ܘܥܢܐ ܘܐܡܪ ܠܕܘܝܕ ܬܐ ܠܟ ܕܘܝܕ ܬܐ ܠܟ ܒܪ ܐܝܫܝ ܘܐܦ ܐܢܐ ܥܡܟ ܫܠܡ ܠܟ ܠܐ ܬܕܚܠ ܘܫܠܡܐ ܐܬܝܗܒ ܠܟ ܡܢ ܩܕܡ ܡܥܕܪܢܟ ܡܛܘܠ ܕܥܕܘܪܟ ܓܝܪ ܒܟܠ ܫܥܐ ܐܠܗܟ ܗܘ ܘܩ̇ܒܠ ܐܢܘܢ ܕܘܝܕ ܘܐܩܝܡ ܐܢܘܢ ܕܘܝܕ ܒܪܫܐ ܕܚܝܠܐ

54. Chronicles 1 12:20

    ܘܡܢ ܫܒܛܐ ܕܒܝܬ ܡܢܫܐ ܐܙܠܘ ܥܡ ܕܘܝܕ ܟܕ ܐ̇ܙܠ ܗܘܐ ܠܡܥܒܕ ܩܪܒܐ ܥܡ ܦܠܫ̈ܬܝܐ ܘܥܡ ܫܐܘܠ ܠܐ ܨܒܘ ܗܘܘ ܠܡܐܙܠ ܠܩܪܒܐ ܠܡܥܕܪܘܬܗ ܠܫܐܘܠ ܡܛܠ ܕܣ̇ܢܝܢ ܗܘܘ ܠܗ ܡܛܠ ܕܐܪܙܐ ܐܙܠܘ ܩܛܪܘ ܥܡ ܪ̈ܘܪܒܢܐ ܕܦܠܫ̈ܬܝܐ ܘܐ̇ܡܪܝܢ ܠܗܘܢ ܚܢܢ ܢܐܙܠ ܩܕܡܝܬ ܘܢܦܠ ܥܠ ܫܐܘܠ ܡܪܢ

55. Chronicles 1 12:21

    ܟܕ ܐ̇ܙܠ ܠܨܢܩܠܓ ܘܢܫܪܐ ܥܠܘܗܝ ܘܢܐܚܕܝܘܗܝ ܟܕ ܚܝ ܘܗܠܝܢ ܫܡ̈ܗܝܗܘܢ ܥܕܐ ܙܒܘܪ ܝܕܥܝܠ ܡܢܟܝܠ ܐܠܝܗܘ ܘܝܘܙܒܪ ܪ̈ܫܐ ܕܐ̈ܠܦܐ ܕܒܝܬ ܡܢܫܐ

56. Chronicles 1 12:22

    ܘܗܢܘܢ ܐܙܠܘ ܗܘܘ ܘܥܕܪܘ ܠܕܘܝܕ ܟܕ ܐ̇ܙܠ ܗܘܐ ܥܠ ܓܝܣܐ ܡܛܠ ܕܟܠܗܘܢ ܓܢܒܪ̈ܝܢ ܗܘܘ ܒܚܝܠܗܘܢ ܛܒ ܘܗܘܘ ܫܠܝܛܝܢ ܥܠ ܟܠܗ ܚܝܠܐ ܘܐܝܟܢܐ ܕܨ̇ܒܝܢ ܗܘܘ ܥ̇ܒܕܝܢ ܗܘܘ ܒܗ

57. Chronicles 1 12:23

    ܘܟܘܠ ܝܘܡ ܒܝܘܡ ܥ̇ܐܠܝܢ ܗܘܘ ܩܕܡ ܕܘܝܕ ܠܡܐܟܠ ܩܕܡܘܗܝ ܠܚܡܐ ܡܛܠ ܕܪܚ̇ܡ ܗܘܐ ܠܗܘܢ ܛܒ

58. Chronicles 1 12:25

    ܒܢ̈ܘܗܝ ܕܝܗܘܕܐ ܫ̇ܩ̈ܠܝ ܣܟܪ̈ܐ ܘܐܚ̈ܝܕܝ ܪ̈ܘܡܚܐ ܫܬܐ ܐ̈ܠܦܝܢ ܘܬܡܢܡܐܐ ܓܢܒܪ̈ܝ ܚܝܠܐ ܠܩܪܒܐ

59. Chronicles 1 12:26

    ܘܡܢ ܒ̈ܢܝ ܫܡܥܘܢ ܓܢܒܪ̈ܝ ܚܝܠܐ ܠܩܪܒܐ ܬܡܢܝܐ ܐ̈ܠܦܝܢ ܘܫܒܥܡܐܐ

60. Chronicles 1 12:27

    ܘܡܢ ܒ̈ܢܝ ܠܘܝ ܐܪ̈ܒܥܐ ܐ̈ܠܦܝܢ ܘܫܬܡܐܐ

61. Chronicles 1 12:28

    ܝܘܝܕܥ ܪܒܐ ܗܘܐ ܕܫܪܒܬܗ ܕܐܗܪܘܢ ܘܕܥܡܗ ܬܠܬܐ ܐ̈ܠܦܝܢ ܘܫܒܥܡܐܐ

62. Chronicles 1 12:29

    ܘܨܕܘܩ ܥܠܝܡܐ ܓܢܒܪ ܚܝܠܐ ܘܒܝܬ ܐܒܘܗܝ ܘܐܚ̈ܘܗܝ ܪ̈ܘܪܒܢܐ ܥܣܪ̈ܝܢ ܘܬܪ̈ܝܢ

63. Chronicles 1 12:30

    ܘܡܢ ܒܢ̈ܘܗܝ ܕܒܢܝܡܝܢ ܐܚ̈ܘܗܝ ܕܫܐܘܠ ܐ̈ܠܦܐ ܬܠܬܐ ܘܥܕܡܐ ܠܝܘܡܐ ܕܐܬܩܛܠ ܫܐܘܠ ܗܢܘܢ ܗܘܘ ܢ̇ܛܪ̈ܝ ܡܛܪܬܐ ܕܒܝܬܗ ܕܫܐܘܠ

64. Chronicles 1 12:31

    ܘܡܢ ܒ̈ܢܝ ܐܦܪܝܡ ܥܣܪ̈ܝܢ ܐ̈ܠܦܝܢ ܘܬܡܢܡܐܐ ܓܒܪ̈ܐ ܓܢܒܪ̈ܝ ܚܝܠܐ ܓܒܪ̈ܐ ܕܫܡ̈ܗܬܐ ܠܫܪ̈ܒܬܗܘܢ ܠܒܝܬ ܐܒ̈ܗܝܗܘܢ

65. Chronicles 1 12:32

    ܘܡܢ ܦܠܓܘܬ ܫܒܛܐ ܕܡܢܫܐ ܬܡܢܬܥܣܪ ܐ̈ܠܦܝܢ ܓܒܪ̈ܝܢ ܐܢܫܐ ܕܗܢܘܢ ܐܬܩܪܝܘ ܒܫܡ̈ܗܬܐ ܘܗܢܘܢ ܐܬܘ ܠܡܩܡܘ ܠܘܩܕܡ ܠܕܘܝܕ ܒܡܠܟܘܬܐ

66. Chronicles 1 12:33

    ܘܡܢ ܒ̈ܢܝ ܐܝܣܟܪ ܝ̇ܕܥ̈ܝ ܚܟܡܬܐ ܒܙ̈ܒܢܝܗܘܢ ܘܥ̈ܒ̇ܕܝ ܥ̈ܒ̇ܕܐ ܫܦܝܪ̈ܐ ܘܬܪ̈ܝܨܐ ܩܕܡ ܡܪܝܐ ܪ̈ܫܝܗܘܢ ܡܐܬܝܢ ܘܟܠܗܘܢ ܐܚ̈ܝܗܘܢ ܡܕܡ ܕܐ̇ܡܪܝܢ ܗܘܘ ܠܗܘܢ ܗ̇ܘ ܗܘ ܥ̇ܒܕܝܢ ܗܘܘ

67. Chronicles 1 12:34

    ܘܡܢ ܫܒܛܐ ܕܒܝܬ ܙܒܘܠܘܢ ܢܦܩܘ ܓܒܪ̈ܐ ܓܢܒܪ̈ܝ ܚܝܠܐ ܥ̇ܒ̈ܕܝ ܩܪܒܐ ܒܟܠܗ ܠܒܗܘܢ ܘܒܡܐ̈ܢܝ ܙܝܢܗܘܢ ܚܡܫܝܢ ܐ̈ܠܦܝܢ ܠܡܥܒܕ ܩܪܒܐ ܥܡ ܐܝܠܝܢ ܕܦܠܝܓܝܢ ܗܘܘ ܥܠ ܡܠܟܘܬܗ ܕܕܘܝܕ

68. Chronicles 1 12:35

    ܘܡܢ ܒ̈ܢܝ ܢܦܬܠܝ ܪ̈ܘܪܒܢܐ ܐܠܦ ܘܐܝܬ ܗܘܘ ܥܡܗܘܢ ܓܒܪ̈ܐ ܐܚ̈ܝܕܝ ܣܟܪ̈ܐ ܘܪ̈ܘܡܚܐ ܬܠܬܝܢ ܘܫܒܥܐ ܐ̈ܠܦܝܢ

69. Chronicles 1 12:36

    ܘܡܢ ܕܒܝܬ ܕܢ ܢܦܩܘ ܓܒܪ̈ܐ ܥ̇ܒܕ̈ܝ ܩܪܒܐ ܥܣܪ̈ܝܢ ܘܬܡܢܝܐ ܐ̈ܠܦܝܢ ܘܫܬܡܐܐ

70. Chronicles 1 12:37

    ܘܡܢ ܕܒܝܬ ܐܫܝܪ ܢܦܩܘ ܓܒܪ̈ܐ ܓܢܒܪ̈ܝ ܚܝܠܐ ܠܡܥܒܕ ܩܪܒܐ ܐܪ̈ܒܥܝܢ ܐ̈ܠܦܝܢ

71. Chronicles 1 12:38

    ܘܡܢ ܥܒܪܐ ܕܝܘܪܕܢܢ ܡܢ ܫܒܛܐ ܕܒܝܬ ܪܘܒܝܠ ܘܡܢ ܓܕ ܘܡܢ ܦܠܓܘܬ ܫܒܛܐ ܕܡܢܫܐ ܟܕ ܡܙܝܢܝܢ ܒܡܐ̈ܢܝ ܩܪܒܗܘܢ ܡܐܐ ܘܥܣܪ̈ܝܢ ܐ̈ܠܦܝܢ

72. Chronicles 1 12:39

    ܟܠܗܘܢ ܗܠܝܢ ܢܚܬܘ ܠܩܪܒܐ ܓܒܪ̈ܐ ܓܢܒܪ̈ܝ ܚܝܠܐ ܒܠܒܐ ܫܪܝܪܐ ܘܐܬܘ ܠܚܒܪܘܢ ܠܡܩܡܘ ܠܕܘܝܕ ܒܡܠܟܘܬܐ ܥܠ ܟܘܠܗ ܐܝܣܪܝܠ ܘܐܦ ܟܠܗܘܢ ܪ̈ܘܪܒܢܐ ܕܐܝܣܪܝܠ ܐܬܘ ܒܠܒܐ ܫܪܝܪܐ ܠܡܩܡܘ ܠܕܘܝܕ ܡܠܟܐ ܥܠ ܐܝܣܪܝܠ

73. Chronicles 1 12:40

    ܘܗܘܘ ܬܡܢ ܠܘܬ ܕܘܝܕ ܝܘܡ̈ܬܐ ܬܠܬܐ ܐ̇ܟܠܝܢ ܗܘܘ ܘܫ̇ܬܝܢ ܡܛܠ ܕܝܗܒܘ ܗܘܘ ܠܗܘܢ ܐ̈ܚܝܗܘܢ ܣܝܒܪ̈ܬܗܘܢ

74. Chronicles 1 12:41

    ܘܗܠܝܢ ܫ̈ܡܗܐ ܕܫܒ̈ܛܐ ܕܡܝܬܝܢ ܗܘܘ ܠܗܘܢ ܕܩܪܝܒܝܢ ܠܗܘܢ ܫܒܛܐ ܕܒܝܬ ܐܝܣܟܪ ܘܕܒܝܬ ܙܒܘܠܘܢ ܘܕܒܝܬ ܢܦܬܠܝ ܡܝܬܝܢ ܗܘܘ ܠܚܡܐ ܒܚܡܪ̈ܐ ܘܒܓܡ̈ܠܐ ܘܒܟܘ̈ܕܢܘܬܐ ܘܩܡܚܐ ܘܕܒ̈ܠܐ ܘܩܪ̈ܬܠܘܬܐ ܕܥܢ̈ܒܐ ܘܚܡܪܐ ܘܡܫܚܐ ܘܥ̈ܢܐ ܘܬܘܪ̈ܐ ܣܘܓܐܐ ܕܛܒ ܡܛܠ ܕܚܕܘܬܐ ܪܒܬܐ ܗܘܬ ܠܐܝܣܪܝܠ

75. Chronicles 1 13:1

    ܘܐܬܡܠܟ ܕܘܝܕ ܥܡ ܪ̈ܘܪܒܢܐ ܕܐ̈ܠܦܐ ܘܡܐ̈ܘܬܐ ܘܟܠܗܘܢ ܪ̈ܘܪܒܢܐ ܘܡܕܒܪ̈ܢܐ ܘܫ̈ܠܝܛܢܐ ܕܐܝܣܪܝܠ

76. Chronicles 1 13:2

    ܘܐܡܪ ܕܘܝܕ ܠܟܠܗܝܢ ܟܢܘ̈ܫܬܐ ܕܐܝܣܪܝܠ ܐܢܗܘ ܕܫܦܝܪ ܒܥܝ̈ܢܝܟܘܢ ܢܒܥܐ ܡܢ ܡܪܝܐ ܐܠܗܢ ܕܢܣܝܓ ܠܢ ܬܘܪ̈ܥܬܐ ܕܐܚ̈ܝܢ ܕܩ̇ܝܡܝܢ ܒܟܠܗܝܢ ܩܘܪ̈ܝܐ ܕܐܝܣܪܝܠ ܘܢܘܬܒ ܥܡܗܘܢ ܟܗ̈ܢܐ ܘܠܘ̈ܝܐ ܒܩܘܪ̈ܝܗܘܢ ܘܒܟܦܪ̈ܘܢܝܗܘܢ ܘܢܬܟܢܫܘܢ ܘܢܐܬܘܢ ܠܘܬܢ

77. Chronicles 1 13:3

    ܘܢܨܠܘܢ ܩܕܡ ܡܪܝܐ ܐܠܗܢ ܘܢܒܥܐ ܡܢܗ ܥܠ ܚ̈ܛܗܝܢ ܡܛܠ ܕܠܐ ܨ̇ܠܝܢ ܗܘܝܢ ܩܕܡܘܗܝ ܒܝܘܡ̈ܬܐ ܕܫܐܘܠ

78. Chronicles 1 13:4

    ܘܐܡܪ̈ܢ ܟܠܗܝܢ ܟܢܘܫ̈ܬܐ ܠܡܥܒܕ ܗܟܢܐ

79. Chronicles 1 13:5

    ܘܟܢܫ ܕܘܝܕ ܠܟܠܗ ܐܝܣܪܝܠ ܡܢ ܢܗܪܐ ܕܡܨܪܝܢ ܘܥܕܡܐ ܠܡܥܠܢܐ ܕܐܢܛܝܘܟܝ ܠܡܝܬܝܘ ܩܒܘܬܗ ܕܡܪܝܐ ܡܢ ܩܘܪܝܬ ܢܥܪ̈ܝܢ

80. Chronicles 1 13:6

    ܘܣܠܩ ܕܘܝܕ ܘܟܠܗ ܐܝܣܪܝܠ ܠܩܘܪܝܬ ܢܥܪ̈ܝܢ ܕܐܝܬ ܒܬܚܘܡ ܐܪܥ ܫܒܛܐ ܕܝܗܘܕܐ ܠܡܣܩܘ ܡܢ ܬܡܢ ܠܩܒܘܬܗ ܕܡܪܝܐ ܐܠܗܐ ܕܝܬ̇ܒ ܥܠ ܟܪ̈ܘܒܐ ܥ̈ܠܝܐ ܕܐܬܩܪܝ ܫܡܗ ܥܠܘܗܝ

81. Chronicles 1 13:7

    ܘܣܡ ܩܒܘܬܗ ܕܡܪܝܐ ܒܥܓܠܬܐ ܚܕܬܐ ܘܫܩܠܘܗ̇ ܘܢܦܩܘ ܡܢ ܒܝܬ ܐܒܝܢܕܒ ܘܥܐܙܐ ܘܐܚܘܗܝ ܕܒ̇ܪܝܢ ܗܘܘ ܥܓܠܬܐ

82. Chronicles 1 13:8

    ܘܕܘܝܕ ܘܟܠܗ ܐܝܣܪܝܠ ܡܫܒܚܝܢ ܗܘܘ ܩܕܡ ܡܪܝܐ ܒܥܫܝܢܘܬܐ ܘܒܬܫ̈ܒܚܬܐ ܘܒܟܢܪ̈ܐ ܘܒܪ̈ܒܝܥܐ ܘܒܨ̈ܨܠܐ

83. Chronicles 1 13:9

    ܘܐܬܘ ܠܐܕܪ̈ܐ ܕܪ̈ܡܝܢ ܘܐܘܫܛ ܥܐܙܐ ܐܝܕܗ ܠܡܣܡܟܗ̇ ܠܩܒܘܬܐ ܡܛܠ ܕܪܗܛܘ ܗܘܘ ܠܗܘܢ ܬܘܪ̈ܐ ܠܐܕܪ̈ܐ

84. Chronicles 1 13:10

    ܘܐܬܚܡܬ ܡܪܝܐ ܥܠ ܥܐܙܐ ܘܡܚܝܗܝ ܗܘܐ ܬܡܢ ܥܠ ܕܐܘܫܛ ܗܘܐ ܐܝܕܗ ܥܠ ܩܒܘܬܐ ܘܡܝܬ ܗܘܐ ܬܡܢ ܩܕܡܝܗ̇ ܕܩܒܘܬܐ

85. Chronicles 1 13:11

    ܘܟܪܝܬ ܗܘܬ ܠܕܘܝܕ ܡܛܠ ܕܬܪܥ ܗܘܐ ܡܪܝܐ ܬܘܪܥܬܐ ܒܥܐܙܐ ܘܐܬܩܪܝ ܫܡܗ̇ ܕܕܘܟܬܐ ܗ̇ܝ ܬܘܪܥܬܐ ܕܥܐܙܐ ܥܕܡܐ ܠܝܘܡܢܐ

86. Chronicles 1 13:12

    ܘܕܚܠ ܗܘܐ ܕܘܝܕ ܡܢ ܡܪܝܐ ܒܝܘܡܐ ܗ̇ܘ ܘܐܡܪ ܐܝܟܢܐ ܐܥܠ ܠܘܬܝ ܩܒܘܬܗ ܕܡܪܝܐ

87. Chronicles 1 13:13

    ܘܠܐ ܨܒܐ ܗܘܐ ܕܘܝܕ ܠܡܥܠܘ ܠܘܬܗ ܩܒܘܬܗ ܕܡܪܝܐ ܠܩܪܝܬܗ ܕܕܘܝܕ ܘܐܡܪ ܗܘܐ ܕܘܝܕ ܕܢܘܒܠܘܢܗ̇ ܠܒܝܬܗ ܕܥܘܒܪ ܐܕܘܡ ܓܬܝܐ

88. Chronicles 1 13:14

    ܘܝܬܒܬ ܩܒܘܬܗ ܕܡܪܝܐ ܒܒܝܬܗ ܕܥܘܒܪ ܐܕܘܡ ܓܬܝܐ ܬܠܬܐ ܝܪ̈ܚܝܢ ܘܒܪܟ ܡܪܝܐ ܠܒܝܬܗ ܕܥܘܒܪ ܐܕܘܡ ܓܬܝܐ ܘܠܟܠܡܕܡ ܕܐܝܬ ܠܗ

89. Chronicles 1 14:1

    ܘܫܕܪ ܚܝܪܡ ܡܠܟܐ ܕܨܘܪ ܐܝ̈ܙܓܕܐ ܠܘܬ ܕܘܝܕ ܘܫܕܪ ܠܗ ܩܝ̈ܣܐ ܕܐܪܙܐ ܘܐܪ̈ܕܟܠܐ ܕܒܢܝܢܐ ܘܢܓܪ̈ܐ ܕܩܝܣܐ ܠܡܒܢܐ ܠܗ ܒܝܬܐ

90. Chronicles 1 14:2

    ܗܝܕܝܢ ܝܕ̇ܥ ܗܘܐ ܕܘܝܕ ܕܓܒܝܗܝ ܡܪܝܐ ܕܢܗܘܐ ܡܠܟܐ ܥܠ ܐܝܣܪܝܠ ܘܐܬܪܝܡܬ ܡܠܟܘܬܗ ܠܥܠ ܕܢܗܘܐ ܡܠܟܐ ܥܠ ܥܡܗ ܐܝܣܪܝܠ

91. Chronicles 1 14:3

    ܘܢܣܒ ܕܘܝܕ ܢܫ̈ܐ ܡܢ ܐܘܪܫܠܡ ܡܢ ܒܬܪ ܕܐܬܐ ܡܢ ܚܒܪܘܢ ܘܐܬܝܠܕܘ ܠܗ ܠܕܘܝܕ ܒ̈ܢܝܐ ܘܒ̈ܢܬܐ

92. Chronicles 1 14:4

    ܘܗܠܝܢ ܫܡ̈ܗܐ ܕܒ̈ܢܝܐ ܕܐܬܝܠܕܘ ܠܗ ܒܐܘܪܫܠܡ ܫܡܘܥ ܘܫܟܘܒ ܘܢܬܢ ܘܫܠܝܡܘܢ

93. Chronicles 1 14:5

    ܘܝܒܚܪ ܘܐܠܝܫܡܥ ܘܐܠܝܦܠܛ

94. Chronicles 1 14:6

    ܘܢܝܚ ܘܢܦܓ ܘܢܦܝܥ

95. Chronicles 1 14:7

    ܘܐܠܝܫܥ ܘܐܠܝܕܥ ܘܐܠܝܦܠܛ

96. Chronicles 1 14:8

    ܘܫܡܥܘ ܦܠܫ̈ܬܝܐ ܕܐܬܡܫܚ ܕܘܝܕ ܕܢܡܠܟ ܥܠ ܟܠܗ ܐܝܣܪܝܠ ܘܣܠܩܘ ܗܘܘ ܟܠܗܘܢ ܦܠܫ̈ܬܝܐ ܕܢܒܥܘܢ ܠܕܘܝܕ ܘܫܡܥ ܕܘܝܕ ܘܢܦܩ ܠܐܘܪܥܗܘܢ

97. Chronicles 1 14:9

    ܘܦܠܫ̈ܬܝܐ ܐܬܘ ܘܫܪܘ ܒܥܘܡܩܐ ܕܓܢܒܪ̈ܐ

98. Chronicles 1 14:10

    ܘܫܐܠ ܕܘܝܕ ܒܡܪܝܐ ܘܐܡܪ ܐܣܩ ܥܠ ܦܠܫ̈ܬܝܐ ܘܬܬܠ ܐܢܘܢ ܒܐܝ̈ܕܝ ܘܐܡܪ ܠܗ ܣܩ ܘܐܬܠ ܐܢܘܢ ܒܐܝ̈ܕܝܟ

99. Chronicles 1 14:11

    ܘܣܠܩܘ ܠܦܩܥܬܐ ܕܬܘܪܥܬܐ ܘܚܪܒ ܐܢܘܢ ܬܡܢ ܘܐܡܪ ܕܘܝܕ ܬܪܥ ܡܪܝܐ ܠܒ̈ܥܠܕܒܒܝ ܩܕܡܝ ܐܝܟ ܬܘܪܥܬܐ ܕܡ̈ܝܐ ܡܛܠ ܗܢܐ ܩܪܘ ܫܡܗ̇ ܕܕܘܟܬܐ ܗ̇ܝ ܦܩܥܬܐ ܕܬܘܪܥܬܐ

100. Chronicles 1 14:12

     ܘܫܒܩܘ ܬܡܢ ܦܬܟܪ̈ܝܗܘܢ ܘܐܡܪ ܕܘܝܕ ܠܓܢܒܪ̈ܘܗܝ ܐܘܩܕܘ ܐܢܘܢ ܒܢܘܪܐ ܘܕܪܘ ܥܦܪܗܘܢ ܒܪܘܚܐ

← Previous · Next → — showing 401–500 of 891

Electronic Peshitta Text, Peshitta Institute Amsterdam and the Eep Talstra Centre for Bible and Computer (ETCBC), via github.com/ETCBC/peshitta. Prepared by Constantijn Sikkel, Geert Jan Veldman and Willem van Peursen; Text-Fabric conversion by Dirk Roorda. Licensed CC BY-NC 4.0 as stated in the repository's docs/about.md; the ETCBC asks that commercial use be arranged with them or with Brill. The text follows the Vetus Testamentum Syriace where published and Codex Ambrosianus otherwise. Licence: CC BY-NC 4.0. Source.