← All works

Contra Symmachum

Perseus Latin · Perseus Latin · 1,943 sections

1. 1.1.612

   libera cum pedibus tum corde frequentia transit,

2. 1.1.613

   nec locus invidiae est, nullum vis aspera terret;

3. 1.1.614

   ante oculos sic velle patet cunctique probatum,

4. 1.1.615

   non iussum, sola capti ratione sequuntur.

5. 1.1.616

   denique pro meritis terrestribus aequa rependens

6. 1.1.617

   munera sacricolis summos inpertit honores

7. 1.1.618

   dux bonus et certare sinit cum laude suorum,

8. 1.1.619

   nec pago inplicitos per debita culmina mundi

9. 1.1.620

   ire viros prohibet, quoniam caelestia numquam

10. 1.1.621

    terrenis solitum per iter gradientibus obstant.

11. 1.1.622

    ipse magistratum tibi consulis, ipse tribunal

12. 1.1.623

    ontulit auratumque togae donavit amictum,

13. 1.1.624

    cuius religio tibi displicet, o pereuntum

14. 1.1.625

    adsertor divum, solus qui restituendos

15. 1.1.626

    Vulcani Martisque dolos venerisque peroras

16. 1.1.627

    Saturnique senis lapides Phoebique furores,

17. 1.1.628

    Iliacae matris Megalesia, Bacchica Nysi,

18. 1.1.629

    Isidis amissum semper plangentis Osirim

19. 1.1.630

    mimica ridendaque suis sollemnia calvis,

20. 1.1.631

    et quascumque solent Capitolia claudere larvas.

21. 1.1.632

    O linguam miro verborum fonte fluentem,

22. 1.1.633

    Romani decus eloquii, cui cedat et ipse

23. 1.1.634

    Tullius! has fundit dives facundia gemmas!

24. 1.1.635

    os dignum aeterno tinctum quod fulgeat auro

25. 1.1.636

    si mallet laudare Deum! cui sordida monstra

26. 1.1.637

    praetulit et liquidam temeravit crimine vocem,

27. 1.1.638

    haud aliter quam, si rastris quis temptet eburnis

28. 1.1.639

    caenosum versare solum, limoque madentes

29. 1.1.640

    excolere aureolis si forte ligonibus ulvas,

30. 1.1.641

    splendorem dentis nitidi scrobis inquinat atra,

31. 1.1.642

    et pretiosa acies squalenti sordet in arvo.

32. 1.1.643

    non vereor ne me nimium confidere quisquam

33. 1.1.644

    arguat ingeniique putet luctamen inire,

34. 1.1.645

    sum memor ipse mei, satis et mea frivola novi;

35. 1.1.646

    non ausim conferre pedem nec spicula tantae

36. 1.1.647

    indocilis fandi coniecta lacessere linguae.

37. 1.1.648

    inlaesus maneat liber excellensque volumen

38. 1.1.649

    obtineat partam dicendi fulmine famam,

39. 1.1.650

    sed liceat tectum servare a vulnere pectus

40. 1.1.651

    oppositaque volans iaculum depellere parma,

41. 1.1.652

    nam si nostra fides, saeclo iam tuta quieto,

42. 1.1.653

    viribus infestis hostilique arte petita est,

43. 1.1.654

    cur mihi fas non sit lateris sinuamine flexi

44. 1.1.655

    ludere ventosas iactu pereunte sagittas?

45. 1.1.656

    sed iam tempus iter longi cohibere libelli,

46. 1.1.657

    ne tractum sine fine. ferat fastidia carmen.

47. 2.pr.1

    Simon, quem vocitant Petrum,

48. 2.pr.2

    summus discipulus Dei,

49. 2.pr.3

    lucis forte sub exitu,

50. 2.pr.4

    cum vesper croceus rubet,

51. 2.pr.5

    curvam vulserat ancoram

52. 2.pr.6

    captans flamina linteis

53. 2.pr.7

    et transnare volens fretum,

54. 2.pr.8

    nox ventum movet obvium

55. 2.pr.9

    fundo qui mare misceat,

56. 2.pr.10

    iactatam quatiat ratem.

57. 2.pr.11

    clamor nauticus aethera

58. 2.pr.12

    plangens atque ululans ferit

59. 2.pr.13

    cum stridore rudentium,

60. 2.pr.14

    nec quidquam suberat spei

61. 2.pr.15

    mergendis prope naufragis,

62. 2.pr.16

    cum Christum procul aspicit

63. 2.pr.17

    pallens turba periculis

64. 2.pr.18

    calcantem pedibus mare,

65. 2.pr.19

    ac si per solidam viam

66. 2.pr.20

    siccum litus obambulet.

67. 2.pr.21

    Haec miracula ceteri

68. 2.pr.22

    vectores pavidi stupent,

69. 2.pr.23

    solus non trepidus Petrus

70. 2.pr.24

    agnoscit Dominum poli

71. 2.pr.25

    terraeque et maris invii,

72. 2.pr.26

    cuius omnipotentiae est

73. 2.pr.27

    plantis aequora subdere.

74. 2.pr.28

    tendit suppliciter manus,

75. 2.pr.29

    notum subsidium rogat.

76. 2.pr.30

    ast ille placide adnuens

77. 2.pr.31

    puppi ut desiliat iubet.

78. 2.pr.32

    iussis obsequitur Petrus,

79. 2.pr.33

    sed vestigia fluctibus

80. 2.pr.34

    summis tingere coeperat

81. 2.pr.35

    et lapsante gradu pedes

82. 2.pr.36

    pessum mergere lubricos.

83. 2.pr.37

    mortalem Deus increpat

84. 2.pr.38

    quod sit non stabili fide

85. 2.pr.39

    nec calcare fluentia

86. 2.pr.40

    nec Christum valeat sequi.

87. 2.pr.41

    tum dextra famulum levat

88. 2.pr.42

    sistitque et docet ingredi

89. 2.pr.43

    tergum per tumidum freti.

90. 2.pr.44

    sic me tuta silentia

91. 2.pr.45

    egressum dubiis loquax

92. 2.pr.46

    infert lingua periculis,

93. 2.pr.47

    non, ut discipulum Petrum,

94. 2.pr.48

    fidentem et merito et fide,

95. 2.pr.49

    sed quem culpa frequens levem

96. 2.pr.50

    volvat per freta naufragum.

97. 2.pr.51

    sum plane temerarius,

98. 2.pr.52

    qui noctis mihi conscius

99. 2.pr.53

    quam vitae in tenebris ago,

100. 2.pr.54

     puppem credere fluctibus

← Previous · Next → — showing 701–800 of 1,943

Perseus Latin. CTS URN stoa0238.stoa007.perseus-lat2. Via the Perseus Digital Library / Open Greek and Latin TEI corpora. Licence: CC BY-SA 4.0. Source.