← Library

Contra Symmachum

Perseus Latin · Perseus Latin · 1,943 sections

1. 1.pr.1

   Paulus, praeco Dei, qui fera gentium

2. 1.pr.2

   primus corda sacro perdomuit stilo,

3. 1.pr.3

   Christum per populos ritibus asperis

4. 1.pr.4

   inmanes placido dogmate seminans,

5. 1.pr.5

   inmansueta suas ut cerimonias

6. 1.pr.6

   gens pagana Deo sperneret agnito,

7. 1.pr.7

   actus turbinibus forte nigerrimis

8. 1.pr.8

   hibernum pelagus iam rate debili

9. 1.pr.9

   et vim navifragi pertulerat noti.

10. 1.pr.10

    sed cum caerulei proelia gurgitis

11. 1.pr.11

    iussisset Domini dextra quiescere,

12. 1.pr.12

    ad portum fluitans cumba relabitur

13. 1.pr.13

    exponitque solo litoris uvidi

14. 1.pr.14

    contractos pluvio frigore remiges,

15. 1.pr.15

    tunc de litoreis saepibus algidi

16. 1.pr.16

    arentum propere bracchia palmitum

17. 1.pr.17

    convectant rapidos unde focos struant:

18. 1.pr.18

    fascem quisque suum congerit ignibus

19. 1.pr.19

    expectans calidi luxuriam rogi.

20. 1.pr.20

    Paulus, dum fragiles cogere surculos

21. 1.pr.21

    et densere foci congeriem studet,

22. 1.pr.22

    incautam cumulis inseruit manum,

23. 1.pr.23

    torpebat glacie pigra ubi vipera

24. 1.pr.24

    sarmentis laqueos corporis inplicans.

25. 1.pr.25

    quae postquam intepuit fomite fumeo

26. 1.pr.26

    laxavitque ferox colla rigentia,

27. 1.pr.27

    iam flecti facilis, rettulit ad manum

28. 1.pr.28

    vibrato capite spicula dentium.

29. 1.pr.29

    haerentem digiti vulnere mordicus

30. 1.pr.30

    pendentemque gerens Paulus inhorruit.

31. 1.pr.31

    exclamant alii, quod cute livida

32. 1.pr.32

    virus mortiferum serpere crederent.

33. 1.pr.33

    at non intrepidum terret apostolum

34. 1.pr.34

    tristis tam subiti forma periculi.

35. 1.pr.35

    adtollens oculos sidera suspicit

36. 1.pr.36

    Christum sub tacito pectore murmurans,

37. 1.pr.37

    excussumque procul discutit aspidem,

38. 1.pr.38

    abiectus coluber verberat aëra

39. 1.pr.39

    atque oris patuli solvit acumina.

40. 1.pr.40

    mox omnis sanies deserit et dolor

41. 1.pr.41

    ceu nullo laceram vulnere dexteram,

42. 1.pr.42

    siccatusque perit vipereus liquor,

43. 1.pr.43

    hydrum praecipitem dum rotat inpetus,

44. 1.pr.44

    arsurum mediis intulit ignibus.

45. 1.pr.45

    sic nunc post hiemem vimque trucis freti,

46. 1.pr.46

    quo iactata ratis tunc Sapientiae est,

47. 1.pr.47

    cum sub sacricolis territa regibus

48. 1.pr.48

    vix panso poterat currere carbaso

49. 1.pr.49

    adflictosque suos turbine saeculi

50. 1.pr.50

    vectarat rabidis fluctibus innatans,

51. 1.pr.51

    morsum vulnificum lex pia pertulit.

52. 1.pr.52

    occultabat enim se prius abditum

53. 1.pr.53

    virus nec gravidum protulerat caput,

54. 1.pr.54

    contentum involucris atque cubilibus

55. 1.pr.55

    subter conprimere clausa silentia.

56. 1.pr.56

    sed, dum forte latens inpietas riget,

57. 1.pr.57

    dextram Iustitiae pigra momorderat

58. 1.pr.58

    succensi stomacho fellis inaestuans.

59. 1.pr.59

    heu, quam catholicam nil prope profuit

60. 1.pr.60

    puppem nasse sacri remigio stili

61. 1.pr.61

    quem Paulus variis gentibus edidit!

62. 1.pr.62

    vix portu placido tuta quieverat

63. 1.pr.63

    victrix edomitis mille furoribus,

64. 1.pr.64

    vix adstricta suis iam retinaculis

65. 1.pr.65

    vectores stabili condiderat solo:

66. 1.pr.66

    erumpit subito triste periculum,

67. 1.pr.67

    nam dum praecalidos igniculos sibi

68. 1.pr.68

    solvendis adolent et senio et gelu,

69. 1.pr.69

    dum virgas steriles atque superfluas

70. 1.pr.70

    flammis de fidei palmite concremant,

71. 1.pr.71

    ut concreta vagis vinea crinibus

72. 1.pr.72

    silvosi inluviem poneret idoli,

73. 1.pr.73

    palpavit nimius perniciem tepor.

74. 1.pr.74

    seps insueta subit serpere flexibus

75. 1.pr.75

    et vibrare sagax eloquii caput:

76. 1.pr.76

    sed dextra inpatiens vulneris inritos

77. 1.pr.77

    oris rhetorici depulit halitus;

78. 1.pr.78

    effusum ingenii virus inaniter

79. 1.pr.79

    summa Christicolis in cute substitit.

80. 1.pr.80

    Salvator generis Romulei, precor,

81. 1.pr.81

    qui cunctis veniam das pereuntibus,

82. 1.pr.82

    qui nullum statuis non operis tui

83. 1.pr.83

    mortalem, facili quem releves manu,

84. 1.pr.84

    huius, si potis est, iam miserescito

85. 1.pr.85

    praeruptam in foveam praecipitis viri.

86. 1.pr.86

    spirat sacrilegis flatibus inscius

87. 1.pr.87

    erroresque suos indocilis fovet,

88. 1.pr.88

    obtestor, iubeas ne citus inpetus

89. 1.pr.89

    arsurum mediis inferat ignibus.

90. 1.1.1

    Credebam vitiis aegram gentilibus urbem

91. 1.1.2

    iam satis antiqui pepulisse pericula morbi

92. 1.1.3

    nec quidquam restare mali, postquam medicina

93. 1.1.4

    principis inmodicos sedarat in arce dolores,

94. 1.1.5

    sed quoniam renovata lues turbare salutem

95. 1.1.6

    temptat Romulidum, patris inploranda medella est,

96. 1.1.7

    ne sinat antiquo Romam squalere veterno

97. 1.1.8

    neve togas procerum fumoque et sanguine tingui.

98. 1.1.9

    inclitus ergo parens patriae, moderator et orbis,

99. 1.1.10

    nil egit prohibendo vagas ne pristinus error

100. 1.1.11

     crederet esse deum nigrante sub aere formas,

Next → — showing 1–100 of 1,943

Perseus Latin. CTS URN stoa0238.stoa007.perseus-lat2. Via the Perseus Digital Library / Open Greek and Latin TEI corpora. Licence: CC BY-SA 4.0. Source.