Cento

Corpus Scriptorum Ecclesiasticorum Latinorum · Corpus Scriptorum Ecclesiasticorum Latinorum · 709 sections

1.586
dat manibus fruges I dulcesque a fontibus undas
1.587
impleuitque mero pateram I ritusque sacrorum
1.588
edocet inmiscetque preces I ac talia fatur:
1.589
\'audite, o proceres,\' ait \'et spes discite uestras.
1.590
nemo ex hoc numero mihi non donatus abibit,
1.591
promissisque patris I uestra\' inquit \'munera uobis
1.592
certa manent, pueri, et palmam mouet ordine nemo.
1.593
et lux cum primum terris se crastina reddet,
1.594
unus erit tantum I in me exitiumque meorum,
1.595
dum paci medium se offert I de corpore nostro.
1.596
iamque dies, nisi fallor, adest. I secludite curas.
1.597
mecum erit iste labor, | nec me sententia fallit:
1.598
unum pro multis dabitur caput.\' I haec ita fatus
1.599
conticuit seramque dedit per membra quietem.
1.600
Oceanum interea surgens Aurora reliquit.
1.601
iamque sacerdotes | late loca questibus implent
1.602
cum populo patribus ferturque per agmina murmur.
1.603
quod genus hoc hominum, quaeue hunc tam barbara morem
1.604
permittit patria? I poenas cum sanguine poscunt
1.605
undique collecti I et magno clamore secuntur
1.606
insontem, | saeuitque animis ignobile uulgus.
1.607
Sol medium caeli conscenderat igneus orbem,
1.608
cum subito I acciri omnes, populusque patresque,
1.609
exposcunt farique iubent, I quo sanguine cretus
1.610
quidue petat quidue ipse ferat. I praeclara tuentis
1.611
facta uiri mixtus dolor et I stupor urguet inertis —
1.612
nescia mens hominum —, I certantque inludere capto.
1.613
tum uero I raptis concurrunt undique telis.
1.614
tollitur in caelum clamor I cunctique repente
1.615
corripuere sacram effigiem manibusque cruentis
1.616
ingentem quercum decisis undique ramis-
1.617
constituunt I spirisque ligant ingentibus ipsum,
1.618
tendebantque manus I pedibus per mutua nexis —
1.619
triste ministerium —, I sequitur quos cetera pubes,
1.620
ausi omnes inmane nefas ausoque potiti.
1.621
ille autem inpauidus I \'quo uincula nectitis?\' inquit.
1.622
\'tantane uos generis tenuit fiducia uestri?
1.623
post mihi non simili poena commissa luetis.\'
1.624
talia perstabat memorans fixusque manebat.
1.625
Interea magno misceri murmure caelum
1.626
incipit I et rebus nox abstulit atra colorem
1.627
impiaque aeternam timuerunt saecula noctem.
1.628
terra tremit, fugere ferae et mortalia corda
1.629
per gentes humilis strauit pauor: I inde repente
1.630
dat tellus gemitum et I caelum tonat omne fragore.
1.631
extemplo | commotae Erebi de sedibus imis
1.632
umbrae ibant tenues. I tellus quoque et aequora ponti
1.633
signa dabant: I sistunt amnes terraeque dehiscunt.
1.634
quin ipsae stupuere domus atque intima Leti
1.635
Tartara I et umbrosae penitus patuere cauernae.
1.636
sol quoque et exoriens I — cuncti se scire fatentur —
1.637
tum caput obscura nitidum ferrugine texit.
1.638
Diffugiunt comites et nocte teguntur opaca
1.639
multaque dura suo tristi cum corde I uolutant.
1.640
quid faciant? I haerent infixi pectore uultus
1.641
uerbaque, nec placidam membris dat cura quietem.
1.642
tum senior tales referebat pectore uoces
1.643
multa putans: I cubi nunc nobis deus ille magister?
1.644
quem sequimur? quoue ire iubes, ubi ponere sedes?
1.645
645 o dolor atque decus, I tantarum gloria rerum!
1.646
iam iam nulla mora est: et nos rape in omnia tecum —
1.647
oramus — I teque aspectu ne subtrahe nostro.
1.648
Hos inter motus I media inter talia uerba
1.649
tertia lux gelidam caelo dimouerat umbram:
1.650
iamque pedem referens I superas ueniebat ad auras,
1.651
cum subito ante oculos I ingenti mole sepulchrum,
1.652
corpus ubi exanime positum, I — nec claustra nec ipsi
1.653
custodes sufferre ualent — I auulsaque saxis
1.654
saxa uident, | laxis laterum conpagibus artis.
1.655
fit sonus: ingenti concussa est pondere tellus.
1.656
horror ubique animo, simul ipsa silentia terrent.
1.657
Ecce autem primi I uolucrum sub culmine cantus:
1.658
ingreditur linquens antrum, I spoliisque superbus
1.659
ibat ouans, | pulsuque pedum tremit excita tellus,
1.660
uulneraque illa gerens I foribus sese intulit altis.
1.661
atque hic ingentem comitum adfluxisse nouorum
1.662
inuenit admirans numerum I cunctisque repente
1.663
inprouisus ait: \'coram, quem quaeritis, adsum.
1.664
uicit iter durum pietas I et uiuida uirtus.
1.665
praecipites uigilate, uiri; I timor omnis abesto.
1.666
hi nostri reditus expectatique triumphi,
1.667
haec mea magna fides. I o terque quaterque beati,
1.668
quae uobis, quae digna, uiri, pro laudibus istis
1.669
praemia posse rear solui, I quae dona parari?
1.670
accipite ergo animis: I quae uos a stirpe parentum
1.671
prima tulit tellus, eadem uos ubere laeto
1.672
accipiet. I reuocate animum maestumque timorem
1.673
mittite I et uosmet rebus seruate secundis.
1.674
quod super est, laeti bene gestis ordine rebus
1.675
pacem orate manu, I pacem laudate sedentes
1.676
magnanimi; I pacis solum inuiolabile pignus.\'
1.677
et simul his dictis faciem ostendebat et I ora,
1.678
ora manusque ambas populataque I pectora ferro:
1.679
immiscentque manus manibus I gaudentque tuentes.
1.680
nec uidisse semel satis est: iuuat usque morari
1.681
et conferre gradum I et dextrae coniungere dextram.
1.682
His demum exactis I spirantes dimouet auras:
1.683
aera per tenerum I caeloque inuectus aperto
1.684
mortales uisus medio in sermone reliquit:
1.685
atque illum I solio stellantis regia caeli

Corpus Scriptorum Ecclesiasticorum Latinorum. CTS URN stoa0234f.stoa001.opp-lat1. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.