← Library

De Orantibus

Corpus Scriptorum Ecclesiasticorum Latinorum · Corpus Scriptorum Ecclesiasticorum Latinorum · 26 sections

1. 1

   UERSUS PAULINI DE ORANTIBUS.

2. 1-2

   Quisque solo adclinis mersisti in puluere uultum

3. 2

   humidaque inlisae pressisti lumina terrae,

4. 3

   attollens oculos trepido miracula uisu

5. 4

   concipe et eximio causam committe patrono.

6. 5

   5 nulla potest tantas conplecti pagina uires,

7. 6

   quamquam ipsa his titulis caementa et saxa notentur.

8. 7

   terrenum non claudit opus, quod regia caeli

9. 8

   suscipit et rutilis inscribunt sidera gemmis.

10. 9

    Martini si quaeris opem, trans astra resurgens

11. 10

    10 tange polum, angelicum scrutatus in aethere coetum.

12. 11

    illic coniunctum domino perquire patronum,

13. 12

    sectantem aeterni semper uestigia regis.

14. 13

    si dubitas, ingesta oculis miracula cerne,

15. 14

    quis famuli meritum uerus saluator honorat.

16. 15

    15 accedis reliquis inter tot milia testis,

17. 16

    \'dum narranda uides sollers et uisa retexis.

18. 17

    in sanctis quidquid signauit pagina libris,

19. 18

    instaurat renouante deo. quo munere gaudent

20. 19

    caecus, clodus, inops, furiosus, anxius, aeger,

21. 20

    20 debilis, oppressus, captiuus, maestus, egenus.

22. 21

    omnis apostolicis gaudet curatio signis.

23. 22

    qui flens adfuerit, laetus redit. omnia cedunt

24. 23

    nubila. quod meritum turbat, medicina serenat.

25. 24

    expete praesidium: non frustra haec limina pulsas.

26. 25

    in cunctum perget pietas tam prodiga mundum.

Corpus Scriptorum Ecclesiasticorum Latinorum. CTS URN stoa0224b.stoa003.opp-lat1. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.