Heptateuchos

crimine si cuius commissa piacula donas,

uiuemus per saecla tui." mox sanctus ab aula

effatur dominus caeli, quae iusserat ante;

ut, cum uulnifica populus post bella quiesset,

otia respiciens, tantum consortia nosset

de populo concessa suo, ne forte uirorum

incautas mentes fallaci cluderet astu

coniunx sumpta foris profanaque sacra doceret.

iamque quaterdenos celeri cum lumine soles

triuerat hic uates, nullamque adsumpserat escam,

ieiunum referens ad castra ingentia pectus.

illum conspicuae fulgentem lampade flammae

obtutus timuere uirum fraterque ueretur

mortales reuocans fulgenti a lumine uisus.

nescius at uates subitae uirtutis honorem

sacrato fulsisse sibi, formidine plebis

noscitat inmensi uelandum luminis ictum,

ne Iudaea cohors cum uisu auerteret aures.

sed cum pacifica domini se ad uerba ferebat,

lutea peI:spicuo tollebat lintea peplo.

ilicet exhibitis populo certante metallis

et quae Sidonio tinguntur uellera luto,.

artibus eximiis sacratam perficit aedem.

quam dominus missa sublimis nube repleuit

in tantum, ut uates non posset scandere postes

sanctificos, quamuis toto se limine uelum

panderet et foribus custos non obuius esset.

Haec cum mobilibus sese dimouerat auris.

castra mouebantur; nox rursum sueta reuerti

fulgebat rubrae nimio de lumine flammae.

dum uolucris deferuet apex numenque praesentat.

Postquam conspicuo longinqua in deuia templo

extrema est inposta manus. mox cura sacrorum

uatibus incubuit. quo ritu quaeque litarent:

hostia peccatum demeret quae, quaeue salutem

caesa daret; quae dona potens, quae pauper ad aram

poneret et geminus quae ferret commoda turtur:

quaeue columba pari sociata et iuncta columbae

sed mirum, pecudum caesarum uiscera raptim

ignis edax celso rapiebat sidere missus.

Interea iuuenes uegeti iam fortibus annis.

esse sibi licitum stolido dum pectore credunt.

Nabdus et Abiudus, Aronis nota prophetae.

pignora, sacrilegis accendunt ritibus ignem.

haut multum dilata nece: nam fulgur ab axe

emicuit supero atque inter uota necauit

non sincera uiros. multum genitore maerente.

frigentumque dehinc tumulantur membra senulchro.

mox tamen abstinuit genitor lugere sepultos

germanique omnes, fletum prohibente propheta.

qui populo permissus erat: namque igneus ardor.

caelesti de sede uolans. concusserat omnes

inserto terrore uiros palamque uidebant

temnendum non esse deum. qui non foret absens.

Haec inter domini cognoscit uoce sacerdos

uina negata sibi mellitaque sicera natis.

ne. quando dominum positas uenerentur ad aras.

halitus offendat uinoso ex pectore missus.

communis populo distinguit regula uictus :

et quid uel liceat uel fas adsumere non sit.

eloquitur. quem nostra etiam conuiuia morem

caelesti sub lege tenent: ne uultur in escis

aut coruus picaue fiant. neu buteo fumus

accipiterue sagax aut miluus ore obunco.

et quae difficile est metato edicere uersu:

ne quae munda parum congesta in pectore sidunt.

innocuas tactu faciant sordescere fibras.

femina. quae licito uacuatur uiscera partu.J

si puerum generat, septeno in lumine sordet

corpore cum toto; sed cum se uerterit axis

octauus. quo sollemne est truncare pudenda.

pelliculum demet ueretri. atque inde sedebit

ter denis tribusque dehinc iam feta diebus.

ne. quae sanctificis adolentur cultibus, audax

polluat aut uisu aut foedo altaria tactu.

quodsi concepta laxant membra puellae,

obseruans geminum tempus nil fraudis habebit,

quo deinde expleto confestim dona uouebit

turtures aut geminos. similes aut terga columbas.

aut grege de molli candentis uelleris agnum,

ut saniem precibus ualeat cohibere sacerdos.

Morborum quoque effigies et signa docentur,

dumtaxat quos lepra creat, quae corpore toto

lutea pallenti perfundit uiscera tabo

albentemque cutem maculis feralibus implet,

ut, quia per domini nonnumquam exaestuat iram,

hoc medicante fugam capiat corpusque relinquat

orantis pro noxa uiri munusque ferentis,

-paupertas quod paupertas, ouans quae uincere dites

saepe solet; dominus uotum quia simplicis haurit.

nec grandis inpensa tamen praestanda medendi:

nam pullos offerre duos agnosque gemellos,

ut uitulo coniungat ouem, ius praecipit omne,

polline cum tenui, quam sparsit riuus oliui.

haec diues offerre potest: sed munera paruum

parua manent; namque aut uitulum mactabit ad aram,

qui uiget explicito bis senis mensibus anno,

et quiddam de farre pio, quod miscit oliuo,

turtures aut geminos, similes aut forte columbas.

Quin etiam somnos hominum quia saepe uoluptas