Epistularum

Perseus Latin · Perseus Latin · 102 sections

22.pr.1
libellum, quem ad nepotulum meum, sororis tuae lilium, instar protreptici luseram, venturus ipse praemisi legendum. hoc enim malui quam ipse recitare, esset ut tibi censura liberior, quae duabus causis impediri solet: quod aures nostras audita velocius quam lecta praetereunt et quod sinceritas iudicandi praesentia recitantis oneratur, nunc tibi utrumque integrum est, quia et legenti libera mora est et iudicaturo non obstat nostri verecundia. Set heus tu, fili dulcissime, habeo quod admoneam, si qua tibi in his versiculis videbuntur (nam vereor, ut multa sint) fucatius concinnata quam verius et plus coloris quam suci habere, ipse sciens fluere permisi, venustula ut essent magis, quam forticula, instar virginum, quas matres student demissis umeris esse, vineto pectore, ut graciles sient. nosti cetera.
22.pr.2
Superest igitur, ut dicas: quid moraris iudicationem meam de eo, quod ipse pronuntias esse mendosum? dicam scilicet me huiusmodi versibus foris erubescere, set intra nos minus verecundari; namque ego haec annis illius magis quam meis scripsi aut fortasse et meis: δὶσ παῖδεσ οἱ γέροντεσ. ad summam valeat austeritas tua: mihi eum infante ratio est. Vale, fili dulcissime.
22.po.1
Sunt etiam musis sua ludicra: mixta camenis
22.po.2
otia sunt, mellite nepos; nec semper acerbi
22.po.3
exercet pueros vox imperiosa magistri,
22.po.4
set requie studiique vices rata tempora servant.
22.po.5
et satis est puero memori legisse libenter,
22.po.6
et cessare licet. Graio schola nomine dicta est,
22.po.7
iusta laboriferis tribuantur iit otia musis.
22.po.8
quo magis alternum certus succedere ludum
22.po.9
disce libens: longum delinitura laborem
22.po.10
intervalla damus, studium puerile fatiscit,
22.po.11
laeta nisi austeris varientur, festa profestis.
22.po.12
disce libens, tetrici nec praeceptoris habenas
22.po.13
detesterc, nepos, numquam horrida forma magistri.
22.po.14
ille lieet tristis senio nec voce serenus
22.po.15
aspera contractae minitetur iurgia frontis,
22.po.16
numquam inmanis erit, placida suetudine vultus
22.po.17
qui 1 semel inbuerit. rugas nutricis amabit,
22.po.18
qui refugit matrem, pappos aviasque trementes
22.po.19
anteferunt patribus seri, nova cura, nepotes.
22.po.20
sic neque Peliaden terrebat Chiron Achillem
22.po.21
Thessalico permixtus equo nec pinifer Atlans
22.po.22
Amphitryoniadem puerum, set blandus uterque
22.po.23
mitibus adloquiis teneros mulcebat alumnos.
22.po.24
tu quoque ne metuas, quamvis schola verbere multo
22.po.25
increpet et truculenta senex gerat ora magister:
22.po.26
degeneres animos timor arguit, at tibi consta
22.po.27
intrepidus, nec te clamor plagaeque sonantes,
22.po.28
nec matutinis agitet formido sub horis.
22.po.29
quod sceptrum vibrat ferulae, quod multa supellex
22.po.30
virgea, quod fallax scuticam praetexit aluta,
22.po.31
quod fervent trepido subsellia vestra tumultu,
22.po.32
pompa loci et vani fucatur scaena timoris.
22.po.33
haec olim genitorque tuus genetrixque secuti
22.po.34
securam placido mihi permulsere senectam.
22.po.35
tu senium, quodcumque superlabentibus annis
22.po.36
fata dabunt, qui nomen avi geris, indole prima,
22.po.37
prime nepos, vel re vel spe mihi porge fruendum.
22.po.38
nunc ego te puerum, mox in iuvenalibus annis
22.po.39
iamque virum cernam, si fors ita iusserit; aut si
22.po.40
invidia est, sperabo tamen, nec vota fatiscent,
22.po.41
ut patris utque mei non inmemor ardua semper
22.po.42
praemia musarum cupias facundus et olim
22.po.43
hae gradiare via, qua nos praecessimus et cui
22.po.44
proconsul genitor, praefectus avunculus instant.
22.po.45
Perlege, quodcumque est memorabile, prima monebo.
22.po.46
conditor Iliados et amabilis orsa Menandri
22.po.47
evolvenda tibi: tu flexu et acumine vocis
22.po.48
innumeros numeros doctis accentibus effer
22.po.49
adfectusque inpone legens, distinctio sensum
22.po.50
auget et ignavis dant intervalla vigorem.
22.po.51
Ecquando ista meae contingent dona senectae?
22.po.52
quando oblita mihi tot carmina totque per aevum
22.po.53
conexa historiae, soecos aulaeaque regum
22.po.54
et melicos lyricosque modos profando novabis
22.po.55
obductosque seni facies puerascere sensus?
22.po.56
te praeeunte, nepos, modulata poemata Flacci
22.po.57
altisonumque iterum fas est didicisse Maronem.
22.po.58
tu «pioque, qui Latium lecto sermone, Terenti,
22.po.59
comis et adstricto pereurris pulpita socco,
22.po.60
ad nova vix memorem diverbia coge senectam.
22.po.61
iam facinus, Catilina, tuum Lepidique tumultum,
22.po.62
ab Lepido et Catulo iam res et tempora Romae
22.po.63
orsus bis senos seriem conecto per annos.
22.po.64
iam lego civili mixtum mavorte dnellum,
22.po.65
movit quod socio Sertorius exul Hibero.
22.po.66
Nec rudis haec avus admoneo, set mille ducendo
22.po.67
ingenia expertus, multos Iactantibus annis
22.po.68
ipse alui gremioque fovens et murmura solvens
22.po.69
eripui tenerum blandis nutricibus aevum,
22.po.70
mox pueros molli monitu et formidine leni
22.po.71
pellexi, ut mites peterent per acerba profectus,
22.po.72
carpturi dulcem fructum radicis amarae,
22.po.73
idem vesticipes motu iam puberis aevi
22.po.74
ad mores artesque bonas fandique vigorem
22.po.75
produxi, quamquam imperium cervice negarent
22.po.76
ferre nec insertis praeberent ora lupatis.
22.po.77
ardua temperics, dura experientia, rarus
22.po.78
eventus, longo rerum spectatus ab usu,
22.po.79
ut regat indocilem mitis censura iuventam,
22.po.80
quae tolerata mihi, donec iam aerumna iuvaret
22.po.81
leniretque usu bona consuetudo laborem,
22.po.82
donec ad Augustae pia munera disciplinae
22.po.83
accirer varioque accingerer auctus honore,
22.po.84
aurea cum parere mihi palatia iussum,
22.po.85
absistat Nemesis, ferat et fortuna iocantem:
22.po.86
praesedi imperio, dum praetextatus in ostro
22.po.87
et seeptro et solio praefert sibi iura magistri
22.po.88
maioresque putat nostros Augustus honores.
22.po.89
quos mox sublimi maturus protulit auctu,
22.po.90
quaestor ut Augustis, patri natoque, crearer,
22.po.91
ut praefecturam duplicem sellamque curulem,
22.po.92
ut trabeam pietamque togam, mea praemia, consul
22.po.93
induerem fastisque meis praelatus haberer.
22.po.94
His ego quaesivi meritum quam grande nepoti
22.po.95
consul avus lumenque tuae praclueeo vitae.
22.po.96
quamvis et patrio iamdudum nomine clarus,
22.po.97
posses ornatus, posses oneratus haberi;
22.po.98
accessit tamen ex nobis honor inclitus, nunc tu

Perseus Latin. CTS URN stoa0045.stoa016.perseus-lat2. Via the Perseus Digital Library / Open Greek and Latin TEI corpora. Licence: CC BY-SA 4.0. Source.