← All works

Hercules

Perseus Latin · Perseus Latin · 1,389 sections

1. 394

   longas reliquit corporis tracti notas.

2. 395

   haec te manent exempla: dominare ut libet,

3. 396

   dum solita regni fata te nostri vocent

4. 397

   Agedum efferatas rabida voces amove

5. 398

   et disce regum imperia ab Alcide pati

6. 399

   ego rapta quamvis sceptra victrici geram

7. 400

   dextra regamque cuncta sine legum metu

8. 401

   quas arma vincunt, pauca pro causa loquar

9. 402

   nostra, cruento cecidit in bello pater?

10. 403

    cecidere fratres? arma non servant modum;

11. 404

    nec temperari facile nec reprimi potest

12. 405

    stricti ensis ira, bella delectat cruor.

13. 406

    sed ille regno pro suo, nos improba

14. 407

    cupidine acti? quaeritur belli exitus,

15. 408

    non causa, sed nunc pereat omnis memoria:

16. 409

    cum victor arma posuit, et victum decet

17. 410

    deponere odia. non ut inflexo genu

18. 411

    regnantem adores petimus: hoc ipsum placet

19. 412

    animo ruinas quod capis magno tuas;

20. 413

    es rege coniunx digna: sociemus toros.

21. 414

    Gelidus per artus vadit exanguis tremor.

22. 415

    quod facinus aures pepulit? haut equidem horrui,

23. 416

    cum pace rupta bellicus muros fragor

24. 417

    circumsonaret, pertuli intrepide omnia:

25. 418

    thalamos tremesco; capta nunc videor mihi.

26. 419

    gravent catenae corpus et longa fame

27. 420

    mors protrahatur lenta: non vincet fidem

28. 421

    vis ulla nostram; moriar, Alcide, tua.

29. 422

    Animosne mersus inferis coniunx facit?

30. 423

    Inferna tetigit, posset ut supera assequi.

31. 424

    Telluris illum pondus immensae premit.

32. 425

    Nullo premetur onere, qui caelum tulit.

33. 426

    Cogere.

34. 426b

    Cogi qui potest nescit mori.

35. 427

    Effare potius, quod novis thalamis parem

36. 428

    Regale munus.

37. 428b

    Aut tuam mortem aut meam.

38. 429

    Moriere demens,

39. 429b

    Coniugi occurram meo.

40. 430

    Sceptrone nostro famulus est potior tibi?

41. 431

    Quot iste famulus tradidit reges neci.

42. 432

    Cur ergo regi servit et patitur iugum?

43. 433

    Imperia dura tolle: quid virtus erit?

44. 434

    Obici feris monstrisque virtutem putas?

45. 435

    Virtutis est domare quae cuncti pavent.

46. 436

    Tenebrae loquentem magna Tartareae premunt.

47. 437

    Non est ad astra mollis e terris via.

48. 438

    Quo patre genitus caelitum sperat domos? i

49. 439

    Miseranda coniunx Herculis magni, sile:

50. 440

    partes meae sunt reddere Alcidae patrem

51. 441

    genusque verum, post tot ingentis viri

52. 442

    memoranda facta postque pacatum manu

53. 443

    quodcumque Titan ortus et labens videt,

54. 444

    post monstra tot perdomita, post Phlegram impio

55. 445

    sparsam cruore postque defensos deos

56. 446

    nondum liquet de patre? mentimur Iovem:

57. 447

    Iunonis odio crede.

58. 447b

    Quid violas Iovem?

59. 448

    mortale caelo non potest iungi genus.

60. 449

    Communis ista pluribus causa est deis.

61. 450

    Famuline fuerant ante quam fierent dei?

62. 451

    Pastor Pheraeos Delius pavit greges.

63. 452

    Sed non per omnes exul erravit plagas.

64. 453

    Quem profuga terra mater errante edidit?

65. 454

    Num monstra saeva Phoebus aut timuit feras?

66. 455

    Primus sagittas imbuit Phoebi draco.

67. 456

    Quam gravia parvus tulerit ignoras mala?

68. 457

    E matris utero fulmine eiectus puer

69. 458

    mox fulminanti proximus patri stetit.

70. 459

    quid? qui gubernat astra, qui nubes quatit,

71. 460

    non latuit infans rupis Idaeae specu?

72. 461

    sollicita tanti pretia natales habent

73. 462

    semperque magno constitit nasci deum.

74. 463

    Quemcumque miserum videris, hominem scias.

75. 464

    Quemcumque fortem videris, miserum neges.

76. 465

    Fortem vocemus cuius ex umeris leo,

77. 466

    donum puellae factus, et clava excidit

78. 467

    fulsitque pictum veste Sidonia latus?

79. 468

    fortem vocemus cuius horrentes comae

80. 469

    maduere nardo, laude qui notas manus

81. 470

    ad non virilem tympani movit sonum,

82. 471

    mitra ferocem barbara frontem premens?

83. 472

    Non erubescit Bacchus effusos tener

84. 473

    sparsisse crines nec manu molli levem

85. 474

    vibrare thyrsum, cum parum forti gradu

86. 475

    auro decorum syrma barbaricum trahit:

87. 476

    post multa virtus opera laxari solet.

88. 477

    Hoc Euryti fatetur eversi domus

89. 478

    pecorumque ritu virginum oppressi greges:

90. 479

    hoc nulla Iuno, nullus Eurystheus iubet:

91. 480

    ipsius haec sunt opera.

92. 480b

    Non nosti omnia:

93. 481

    ipsius opus est caestibus fractus suis

94. 482

    Eryx et Eryci iunctus Antaeus Libys,

95. 483

    et qui hospitali caede manantes foci

96. 484

    bibere iustum sanguinem Busiridis;

97. 485

    ipsius opus est vulneri et ferro iuvius

98. 486

    mortem coactus integer Cycnus pati

99. 487

    nec unus una Geryon victus manu.

100. 488

     eris inter istos— qui tamen nullo stupro

← Previous · Next → — showing 401–500 of 1,389

Perseus Latin. CTS URN phi1017.phi001.perseus-lat2. Via the Perseus Digital Library / Open Greek and Latin TEI corpora. Licence: CC BY-SA 4.0. Source.