Fragments
- 1
I Servius ad Vergili Aen. III 57: auri sacra fames sacra id est execrabilis. Tractus est autem sermo ex more Gallorum. Nam Massilienses quotiens pestilentia laborabant, unus se ex pauperibus offerebat alendus anno integro publicis sumptibus et purioribus cibis. Hic postea ornatus verbenis et vestibus sacris circumducebatur per totam civitatem cum exsecrationibus, ut in ipsum reciderent mala totius civitatis, et sic proiciebatur. Hoc autem in Petronio lectum est II Servius ad Vergili Aen. XII 159 de feminino nominum in tor exeuntium genere: Si autem a verbo non venerint, communia sunt. Nam similiter et masculina et feminina in tor exeunt, ut hic et haec senator, hic et haec balneator, licet Petronius usurpaverit balneatricem dicens III Pseudacro ad Horati epod. 5, 48: Canidia rodens pollicem habitum et motum Canidiae expressit furentis. Petronius ut monstraret furentem, pollice ait usque ad periculum roso IV Sidonius Apollinaris carminis XXIII: quid vos eloquii canam Latini, Arpinas, Patavine, Mantuane?— Et te Massiliensium per hortos sacri stipitis, Arbiter, colonum Hellespontiaco parem Priapo? V Priscianus institutionum VIII 16 p. 381 et XI 29p. 567 Hertzii inter exempla quibus deponentium verborum participia praeteriti temporis passivam significationem habere declarat: Petronius animam nostro amplexam pectore Vb Boethius in Porphyrium a Victorino translatum dialogo II extreme p. 45 exemplarium Basiliensium: Ego faciam, inquit, libentissime. Sed quoniam iam matutinus, ut ait Petronius, sol tectis arrisit, surgamus, et si quid est illud, diligentiore postea consideratione tractabitur VI* Fulgentius mythologiarum I p. 23 Munckeri: Nescis . . quantum saturam matronae formident. Licet mulierum verbialibus undis et causidici cedant nec grammatici muttiant, rhetor taceat et clamorem praeco compescat, sola est quae modum imponit furentibus, licet Petroniana subet Albucia VII* Fulgentius mythologiarum III 8 p. 124 ubi sucum myrrhae valde fervidum esse dixit: Unde et Petronius Arbiter ad libidinis concitamentum myrrhinum se poculum bibisse refert VIII* Fulgentius in expositione Virgilianae continentiaep. 156: Tricerberi enim fabulam iam superius exposuimus in modum iurgii forensisque litigii positam. Unde et Petronius in Euscion ait Cerberus forensis erat causidicus IX* Fulgentius in expositione sermonum antiquorum 42 p. 565 Merceri: Ferculum dicitur missum carnium. Unde et Petronius Arbiter ait postquam ferculum allatum est X* Fuigentius ibidem 46 p. 565: Valgia vero sunt labellorum obtortiones in supinatione factae. Sicut et Petronius ait obtorto valgiter labello XI* Fulgentius ibidem 52 p. 566: Alucinare dicitur vana somniari, tractum ab alucitis, quos nos conopes dicimus. Sicut Petronius Arbiter ait nam contubernalem alucitae molestabant XII* Fulgentius ibidem 60 p. 567: Manubiae dicuntur ornamenta regum. Unde et Petronius Arbiter ait tot regum manubiae penes fugitivum repertae XIII* Fulgentius ibidem 61 p. 567: Aumatium dicitur locum secretum publicum sicut in theatris aut in circo. Unde et Petronius Arbiter ait in aumatium memet ipsum conieci XIV Isidorus originum V 26, 7: Dolus est mentis calliditas ab eo quod deludat: aliud enim agit, aliud simulat. Petronius aliter existimat dicens quid est, iudices, dolus? Nimirum ubi aliquid factum est quod legi dolet. Habetis dolum: accipite nunc malum XV Glossarium S. Dionysii: Petaurus genus ludi. Petronius petauroque iubente modo superior. XVI Petronius satis constaret eos nisi inclinatos non solere transire cryptam Neapolitanamex glossario S. Dionysii. XVII* In alio glossario: Suppes suppumpis, hoc est supinis pedibus. Tullia, media vel regia. XVIII* Nicotaus Perottus Cornu copiae p. 200, 26 editionis Aldinae anni 1513: Cosmus etiam excellens unguentarius fuit, a quo unguenta dicta sunt Cosmiana. idem luvenalis 8, 86 Cet Cosmi toto mergatur aheno. Petronius affer nobis, inquit, alabastrum Cosmiani XIX Terentianus Maurus de metris: Horatium videmus versus tenoris huius nusquam locasse iuges, at Arbiter disertus libris suis frequentat. Agnoscere haec potestis, cantare quae solemus: “Memphitides puellae sacris deum paratae. Tinctus colore noctis manu puer loquaci” XX Terentianus Maurus de metris: Nunc divisio, quam loquemur, edet metrum, quo memorant Anacreonta dulces composuisse cantilenas. Hoc Petronius invenitur usus, Musis cum lyricum refert eundem consonantia verba cantitasse, et plures alii. Sed iste versus quali compositus tome sit, edam. Iuverunt segetes meum laborem. Iuverunt caput est id hexametri— quod restat segetes meum laborem, tale est ceu “triplici vides ut ortu Triviae rotetur ignis volucrique Phoebus axe rapidum pererret orbem” XXI Diomedes in arte IIIp. 518 Keilii: Et illud hinc est comma quod Arbiter fecit tale “Anus recocta vino trementibus labellis” XXII Servius in artem Donati p. 432,22 Keilii: Item Quirites dicit numero tantum plurali. Sed legimus apud Horatium hunc Quiritem, ut sit nominativus hic Quiris. Item idem Horatius quis te Quiritem? cuius nominativus erit hic Quirites, ut dicit Petronius Pompeius in commento artis Donatip. 167,9 K: Nemo dicit hic Quirites sed hi Quirites, licet legerimus hoc. Legite in Petronio, et invenietis de nominativo singulari hoc factum. Et ait Petronius hic Quirites XXIII grammaticus de dubiis nominibus p. 578,23 K: Fretum generis neutri et pluraliter freta, ut Petronius freta Nereidum XXIV* Hieronymus in epistula ad Demetriadem CXXX p. 995 Vallarsii: Cincinnatulos pueros et calamistratos et peregrini muris olentes pelliculas, de quibus illud Arbitri est Non bene olet qui bene semper olet, quasi quasdam pestes et venena pudicitiae virgo devitet XXV* Fulgentius mythologiarum II 6 p. 80 de Prometheo: Quamvis Nicagoras quod vulturi iecur praebeat, livoris quasi pingat imaginem. Unde et Petronius Arbiter ait “qui voltur iecur intimum pererrat et pectus trahit intimasque fibras, non est quem lepidi vocant poetae, sed cordis mala, livor atque luxus”
Perseus Latin. CTS URN phi0972.phi001f.perseus-lat1. Via the Perseus Digital Library / Open Greek and Latin TEI corpora. Licence: CC BY-SA 4.0. Source.