Ab Urbe Condita, books 8-10 - 15s
- 1
Libri XV Periocha VICTIS Tarentinis pax et libertas data est. legio Campana quae Regium occupaverat obsessa deditione facta securi percussa est. cum legatos Apolloniatium ad senatum missos quidam iuvenes pulsassent, dediti sunt Apolloniatibus. Picentibus victis pax data est. coloniae deductae Ariminum in Piceno, Beneventum in Samnio. tune primum populus R. argento uti coepit. Umbri et Sallentini victi in deditionem accepti sunt. quaestorum numerus ampliatus est, ut essent octo.
Perseus Latin. CTS URN phi0914.phi00115s.perseus-lat2. Via the Perseus Digital Library / Open Greek and Latin TEI corpora. Licence: CC BY-SA 4.0. Source.