← All works

Elegiae

Perseus Latin · Perseus Latin · 4,004 sections

1. 1.6.26

   huic animam extremam reddere nequitiae.

2. 1.6.27

   multi longinquo periere in amore libenter,

3. 1.6.28

   in quorum numero me quoque terra tegat.

4. 1.6.29

   non ego sum laudi, non natus idoneus armis:

5. 1.6.30

   hanc me militiam fata subire volunt.

6. 1.6.31

   at tu, seu mollis qua tendit Ionia, seu qua

7. 1.6.32

   Lydia Pactoli tingit arata liquor,

8. 1.6.33

   seu pedibus terras seu pontum remige carpes,

9. 1.6.34

   ibis et accepti pars eris imperii:

10. 1.6.35

    tum tibi si qua mei veniet non immemor hora,

11. 1.6.36

    vivere me duro sidere certus eris.

12. 1.7.1

    Dum tibi Cadmeae dicuntur, Pontice, Thebae

13. 1.7.2

    armaque fraternae tristia militiae,

14. 1.7.3

    atque, ita sim felix, primo contendis Homero

15. 1.7.4

    (sint modo fata tuis mollia carminibus),

16. 1.7.5

    nos, ut consuemus, nostros agitamus amores,

17. 1.7.6

    atque aliquid duram quaerimus in dominam;

18. 1.7.7

    nec tantum ingenio quantum servire dolori

19. 1.7.8

    cogor et aetatis tempora dura queri.

20. 1.7.9

    hic mihi conteritur vitae modus, haec mea famast,

21. 1.7.10

    hinc cupio nomen carminis ire mei.

22. 1.7.11

    me laudent doctae m placuisse puellae,

23. 1.7.12

    Pontice, et iniustas saepe tulisse minas;

24. 1.7.13

    me legat assidue post haec neglectus amator,

25. 1.7.14

    et prosint illi cognita nostra mala.

26. 1.7.15

    te quoque si certo puer hic concusserit arcu—

27. 1.7.16

    quo nollem nostros me violasse deos!—

28. 1.7.17

    longe castra tibi, longe miser agmina septem

29. 1.7.18

    flebis in aeterno surda iacere situ;

30. 1.7.19

    et frustra cupies mollem componere versum,

31. 1.7.20

    nec tibi subiciet carmina serus Amor.

32. 1.7.21

    tum me non humilem mirabere saepe poetam,

33. 1.7.22

    tunc ego Romanis praeferar ingeniis.

34. 1.7.23

    nec poterunt iuvenes nostro reticere sepulcro

35. 1.7.24

    'ardoris nostri magne poeta iaces.'

36. 1.7.25

    tu cave nostra tuo contemnas carmina fastu:

37. 1.7.26

    saepe venit magno faenore tardus Amor.

38. 1.8a.1

    Tune igitur demens, nec te mea cura moratur?

39. 1.8a.2

    an tibi sum gelida vilior Illyria?

40. 1.8a.3

    et tibi iam tanti, quicumquest, iste videtur,

41. 1.8a.4

    ut sine me vento quolibet ire velis?

42. 1.8a.5

    tune audire potes vesani murmura ponti

43. 1.8a.6

    fortis, et in dura nave iacere potes?

44. 1.8a.7

    tu pedibus teneris positas fulcire pruinas,

45. 1.8a.8

    tu potes insolitas, Cynthia, ferre nives?

46. 1.8a.9

    o utinam hibernae duplicentur tempora brumae,

47. 1.8a.10

    et sit iners tardis navita Vergiliis,

48. 1.8a.11

    nec tibi Tyrrhena solvatur funis harena,

49. 1.8a.12

    neve inimica meas elevet aura preces

50. 1.8a.15

    et me defixum vacua patiatur in ora

51. 1.8a.14

    crudelem infesta saepe vocare manu!

52. 1.8a.16

    sed quocumque modo de me, periura, mereris,

53. 1.8a.17

    sit Galatea tuae non aliena viae;

54. 1.8a.13

    atque ego non videam talis subsidere ventos,

55. 1.8a.18

    cum tibi provectas auferet unda rates,

56. 1.8a.19

    ut te felici post victa Ceraunia remo

57. 1.8a.20

    accipiat placidis Oricos aequoribus.

58. 1.8a.21

    nam me non ullae poterunt corrumpere, de te

59. 1.8a.22

    quin ego, vita, tuo limine verba querar;

60. 1.8a.23

    nec me deficiet nautas rogitare citatos

61. 1.8a.24

    'dicite, quo portu clausa puella meast?',

62. 1.8a.25

    et dicam 'licet Artaciis considat in oris,

63. 1.8a.26

    et licet Hylaeis, illa futura meast.'

64. 1.8b.27

    Hic erit! hic iurata manet! rumpantur iniqui!

65. 1.8b.28

    vicimus: assiduas non tulit illa preces.

66. 1.8b.29

    falsa licet cupidus deponat gaudia livor:

67. 1.8b.30

    destitit ire novas Cynthia nostra vias.

68. 1.8b.31

    illi carus ego et per me carissima Roma

69. 1.8b.32

    dicitur, et sine me dulcia regna negat.

70. 1.8b.33

    illa vel angusto mecum requiescere lecto

71. 1.8b.34

    et quocumque modo maluit esse mea,

72. 1.8b.35

    quam sibi dotatae regnum vetus Hippodamiae,

73. 1.8b.36

    et quas Elis opes apta pararat equis.

74. 1.8b.37

    quamvis magna daret, quamvis maiora daturus,

75. 1.8b.38

    non tamen illa meos fugit avara sinus.

76. 1.8b.39

    hanc ego non auro, non Indis flectere conchis,

77. 1.8b.40

    sed potui blandi carminis obsequio.

78. 1.8b.41

    sunt igitur Musae, neque amanti tardus Apollo,

79. 1.8b.42

    quis ego fretus amo: Cynthia rara meast!

80. 1.8b.43

    nunc mihi summa licet contingere sidera plantis:

81. 1.8b.44

    sive dies seu nox venerit, illa meast!

82. 1.8b.45

    nec mihi rivalis certos subducet amores:

83. 1.8b.46

    ista meam norit gloria canitiem.

84. 1.9.1

    Dicebam tibi venturos, irrisor, amores,

85. 1.9.2

    nec tibi perpetuo libera verba fore:

86. 1.9.3

    ecce iaces supplexque venis ad iura puellae,

87. 1.9.4

    et tibi nunc quaevis imperat empta modo.

88. 1.9.5

    non me Chaoniae vincant in amore columbae

89. 1.9.6

    dicere, quos iuvenes quaeque puella domet.

90. 1.9.7

    me dolor et lacrimae merito fecere peritum:

91. 1.9.8

    atque utinam posito dicar amore rudis!

92. 1.9.9

    quid tibi nunc misero prodest grave dicere carmen

93. 1.9.10

    aut Amphioniae moenia flere lyrae?

94. 1.9.11

    plus in amore valet Mimnermi versus Homero:

95. 1.9.12

    carmina mansuetus lenia quaerit Amor.

96. 1.9.13

    i quaeso et tristis istos sepone libellos,

97. 1.9.14

    et cane quod quaevis nosse puella velit!

98. 1.9.15

    quid si non esset facilis tibi copia! nunc tu

99. 1.9.16

    insanus medio flumine quaeris aquam.

100. 1.9.17

     necdum etiam palles, vero nec tangeris igni:

← Previous · Next → — showing 201–300 of 4,004

Perseus Latin. CTS URN phi0620.phi001.perseus-lat3. Via the Perseus Digital Library / Open Greek and Latin TEI corpora. Licence: CC BY-SA 4.0. Source.